البارت التاسع
غاليه
✿ منه محمد ✿

اليوم الثاني
اول ماهبطت الطياره في مطار القاهره الدولي حررت غاليه ايدها من ايد فارس بعد مااجبرها الخوف انها تتمسك فيها لان جدها عطاه الممرض ابره تريحه وتنيمه طول الرحله .. قام فارس وساعد الممرض انهم يحطوا جدها على الكرسي المتحرك وينزلوه من الطياره
غاليه توقعت ان الكل هيكونو في استقبال جدها بس اللي صدمها ان مااستقبلهمش غير شخص ماتعرفهوش شبه لــ فارس كتير وترحيب جدها بيه رغم تعبه الا انه كان سلام حار يدل على حب جدها للانسان ده وحبه له
وصلو لـ بيتهم اللي كانت فيه عمته سندس وندى وست كبيره اخدتها في حضنها بكل حنيه وهي تدعلها عرفت بعدين انها ام هيثم اللي قالها عنها فارس اللي استقبلهم في المطار
سندس بخجل وهي مصدومه ان مفيش حد من اخواتها جه: بابا اخواتي كانوا جاين بس انا رفضت قلت حضرتك تريح اليوم وبكره نزورك كلنا بس انا خنتهم وجيت
الجد: لسه بتدافعي عنهم يا سندس .
سندس افتكرت لما موته جوزها بحسرته لما فضلوا يعيروه انه مش من مستواهم وانه اتجوز من اختهم عشان يوصل!!
الجد كمل:وبعدين مالهوش داعي الكذب انا اللي طلبت من فارس مايقولهمش وقت الرحله لاني مش عاوز اشوفهم النهارده
ندى : الا جدي ماقلتليش الممرض الضخم اللي معاك مسلم ولا
الجد : لا مش مسلم ليه ؟
ندى : يعني بقول اهوه اتجوزه يمكن اكون سبب ان ربنا يفتح بصيرته ويسلم واكون كسبت اجره
الجد ابتسم : ياخوفي ينهبل مش يسلم ومن لهفتك علي الجواز رضيتي بالضخم ده
ندى : الشكوى لله ياجدي العوض ولاالعنس
الجد: ربنا يعوض علي ماميتك (وبص لفارس ) فارس دخلني اوضتي وخالي هيثم يجي ومش عاوز حد يزعجنا
فارس استغرب : حتى انا ؟
الجد : ايوه حتى انت
أأعد فارس على اعصابه عاوز يعرف ايه السر اللي مخبيه جده عليه ومش عاوز يقوله غير لهيثم
فارس بعد ماشاف هيثم طالع من عند جده : هاا قولي كان عاوزك ليه؟؟!!
هيثم : ابدا سالني عن اخباري بس
فارس : لا صدقتك كدا اقولك اخلص وقول ماله جدي
هيثم بجديه : فارس ما تطلبش مني شئ لو اتطلب منك مستحيل تعمله
استسلم فارس لانه عارف هيثم نفس مايعرف نفسه انه مستحيل يقول ومصير الايام تخاليه يعرف كفايه عليه هما حاليا ان اعمامه بيقتحموا بيته بحجه انهم يشوفه جده ده غيرغاليه اللي لسه مش عارف ازاي يكفر عن ذنبه اتجاها((وأنا، من غيرك الدنيا لما اتخيلها
بلاقيني صعب أكملها.........وأنا لو قدرت أعيش بعدك.........ده أنا أموت ولا إني أعملها
وأنا، من غيرك أحلامي مش عايز أحلمها.....تبقى الحياة زي عدمها........كلمة حبيبي أستحرمها
.................................
غاده بصريخ : رايحه يعني رايحه ومفيش قوه تقدر تمنعني عن زيارة جدي
جيهان بعصبيه : لو عاوز زيارتنا كان خالى جوز العله يكلمنا
غاده بقهر : عله ؟؟ عله دي قيمتها عندك ياريتك تسمعي دعائها ليك وكلامها عنك
جيهان زعقت: مش محتاجه دعائها تكفيني من شرها وبس واذا عاوزه تروحي اتفضلي الباب يفوت جمل
غاده : الكلام في البيت ده ضايع انا طالعه
طلعت وركبت العربيه
غاده : جميل اطلع على بيت فارس
جميل (السواق) : مين فارس ده وفين بيته انا معرفوش؟؟
غاده لوت شفايفها : يعني انا الي اعرف فين
طلعت موبيلها من الشنطه واتصلت بغاليه لانها ماتعرفش فين البيت ومحتاجه توصفه ليها لكن غاليه مبتردش رنت تاني ونفس الجواب افتكرت ان اخر مره كلمتها فيها غاليه كان من رقم البيت طلعت الرقم واتصلت
.......الووو
غاده : ايوه يا فارس لو سمحت اديني غاليه عاوزها توصف لي مكان البيت
....: اسف مقدرش
غاده بعصبيه : ليه ان شاء الله ماتقدرش جدي حرمتنا من استقباله كمان ناوي تحرمني من اختي
هيثم : الله علي الاخلاق الكريمه.. ثانيا لاني هيثم مش فارس عشان كدا مااقدرش انادي لك اختك
غاده اتنرفزت منه مين ده علشان ينتقد اخلاقها : والله من قلة الادب ان ترد على تلفون مش ليك
هيثم: والله من قلة الحياء انك تردي بالكلام مع راجل ماتعرفهوش (وبعصبيه تخوف) اكتبي العنوان
غاده كانت عارفه ان تصرفها غلط لكن الحقير زود قهرها قهر وقمة القهر انها محتاجه تخاليه يوصف لها البيت مش ناقصه انها ترجع بدون ماتشوف جدها وانواع الشماته من امها ومى .. رمت الفون بعصبيه على السواق يكلمه
قاله هيثم وصف البيت وهو متغاظ وقفل اول مره تستفزه بنت اتمنى انها تكون قدامه علشان يعلمها الادب من اول وجديد
اما غاده نزلت دموعها من القهر من تصرف اهلها ومن كلام امها عن غاليه الكل بيبص لغاده انها البنت القويه اللي محدش يقدر يأثر فيها وهي اللي زادت الاعتقاد عندهم لانها ماتحبش تبين ضعفها قدام حد واذا اختلت بنفسها تستسلم لدموعها من ابسط موقف يمر بيها
وصلت للبيت واول مانزلت من العرييه راحت للجنينه علشان تمسح دموعها وتعدل مكياجها قبل ماحد يشوفها لانها ماتقدرش تعمل كدا قدام السواق مسحت دموعها وعدلت مكياجها وهي غافله عن العيون اللي واقفه تراقبها ... لفت ومشت ناحيه البيت
هيثم بسخريه : مش هلومك علي كميه العياط لكن نصيحه لو انا منك وامتلك الاخلاق كنت اقلها قتلت نفسي
تنحت غاده مكانها من كلامه ومن صدمة ان الحقير اللي كرهته بدون ماتشوفه هو اللي شاف دموعها من بين كل الناس .. ومن بين اسنانها وبدون ماتلتفت له : حقيرررررررررر
هيثم بعصبيه : الظاهر انك ماتربيتيش يا انسه وانا ماعنديش مانع اربيك من اول وجديد
كملت غاده طريقها للبيت وهي تتمنى لو ترجع وتقطعه بأسنانها
اول مادخلت للصاله ماكانش موجود فيها غير عمتها وست كبيره
غاده : السلام عليكم (وراحت تسلم على عمتها)
سندس بترحاب : اهلا يا بنتي ها ابوكي جه معاك
غاده بأحراج : لا والله ياعمتو لان انا من عرفتش من غاليه جيت على طول بدون مااقول لحد
سندس عارفه ان غاده بتكذب واكيد ماجتش غير بعد حرب معاهم : انتي نوارتهم وتسدي عنهم
ابتسمت لعمتها وقربت من الست الكبيره تسلم عليها
غاده : اهلا يا طنط ازيك
فاطمه ام هيثم : اهلا يا بنتي الحمدلله بخير
سندس : دي طنط فاطمه ام هيثم زوجه خال فارس ولسه واصله من السفر
غاده حافظت على ابتسامتها برغم صدمتها لكن ايه ذنب الانسانه الطيبه اذا كان ابنها احقر شخص عرفته
غاده : حمدلله على السلامه نورت الدنيا بقدومك
فاطمه: منوره بأهلها يا بنتي
غاده : عمتو فين جدي وغاليه؟؟
سندس: جدك عطاه الممرض ادويته ونام وغاليه مع جوزها فوق .. ااعدي يا حبيبتي وانا هقوم ادور علي قطه المطابخ
غاده : هههههههههههههههههههههههههه هي لسه مهمتها غزو اي مطبخ ماتعرفهوش
ندى وهي جايه من ناحيه المطبخ وفي ايدها طبق فواكهه وعصير: والله كنت عارفه من اول ما قامت ودني عماله تصفر ان فيه حد بيقطع فروتي
غاده ضحكت: تعالي سلمي ومتفكريش انك شخصيه مهمه احنابندور عليك بس علشان نتطمن انك مش مرتكبه مصيبه جديده
سندس : انا اضم صوتي لصوت غاده
ندى : ونعمه الام .. انا عارفه محدش بيحبني غير كناري الحب اللي فوق اروحلهم احسن من مقابلتكم الغم دي
سندس بتهديد : اترزعي هنا وياويلك لو اشوفك طالعه لهم
ندى : بقالهم نص ساعه فوق زمانهم كرعو حب
غاده : اه ندو روحي ناديها والله وحشاني
سندس : لا يعني لا
فاطمه :سندس معاها حق خلوهم براحتهم منين ما يحبوا ينزلو
*****************غاليه********
في غرفة غاليه وفارس
غاليه برجاء : مااقدرش اللي بتطلبه صعب اعمله
فارس : عارف انه صعب عليك وبقالي ساعه بقولك اتحملي علشان جدي
غاليه : جدي مش هيعرف فين بنام انا
فارس : لا هيعرف واذا كل ده كره لي اوعدك ماالمس منك شعره برغم انك مراتي ومن حقي
غاليه بنفعال : مالكش عندي غير الطاعه والاحترام واني احافظ على بيتك وسمعتك غير كدا مالكش حقوق عندي
فارس بعصبيه : لا ليا حقوقي كزوج وانا اتنازلت عنها علشانك وانتي مش قادره تتنازلي عن شئ بسيط علشان جدي
غاليه بأحباط : خلاص انـ .. ننام في اوضتي
فارس : وليه انام في اوضتك وجناحنا موجود مفكره بتمشي على جدي
غاليه والدموع بعيونها :ازاي عاوزني ادخل مكان شاهدت عند عتبه بابه موتي
فارس بحنيه : يارب يومي قبل يومك (وبرجاء ) غاليه عارف والله العظيم اني جرحتك وعذبتك لكن كانت لي مبرراتي انسي واوعدك..
لسه هتعترض لان وعوده مبقتش تقدر تصدقها لكن كانت ايد فارس اسرع وهو بيحطها على
شفايفها علشان يمنعها تقول حاجه
فارس : اشششششش واسمعيني عارف انك مبقتيش تصدقي وعودي لكن اوعدك ياغاليه وربنا الي شاهد عليا لو اديتيني فرصه لنبدء من جديد و انسيك كل القسوه اللي شفتيها بحياتك وماتشوفي مني غير كل حب واحترام ولو ادفع عمري مقابل انك تكوني سعيده ما اتردد لحظه واحده
غاليه رفعت ايده عن شفايفها وبعدت عنه : انا هاخد هدومي على الجناح وهنام فيه وبس
.. وياريت تفهم وبس وتلتزم بيها
فارس : حاضر هنفذ الي يرضيك و تعالي ننزل تحت نئعد معاهم والشغاله هخليها تاخدلك حاجاتك وترتبها لك في الجناح
خلص كلامه ومد ايده ليها بس هي تجاهلتها وطلعت من الغرفه .. اول مانزلت من علي السلم كان فارس جنبها ومسك ايديها غصب حاولت تسحبها بس غيرت رايها لما شافت العيون تراقبهم
ندى : اه يا عذاب قلبك ياندوش مامتي جوزيني ولا اقتليني مااقدرش اتحمل اشوف المشاهد الرومانسيه
سندس: لا اقتلك احسن وارخص
ندى : هو انتي الخير مفيش خير وبالشر اسرع منك مافيش
سندس: يابت خالي عندك شويه دم انا مفيش خير
ندى باست دماغ امها : سامحيني ياست الحبايب بس قلبي مايتحملش يشوف المشاهد غلط علي صحتي
سندس وهي تغمز لفارس : فارس بنتي ماتتحملش المواقف خفو عليها شوي
فارس فهم من غمزة امه وعرف انها عاوزه تولع ندى : خلاص ياحياتي انا سبت ايدها ..(
وقبل ما يسيب ايدها سحبها وطبع بوسه على خدها بسرعه) غاليه انصدمت من الحركه واحمر وشها واتمنت تنشق الارض وتبلعها
ندى صرخت بجنون : لا انا احتج ماما الحقيني (وحطت ايدها على قلبها ) قلبي قلبي .. واغمى عليها
سندس: قديمه جربي غيرها .. غاده ارفسيها والا كبي عليها العصير يمكن تصحي
غاده ماردتش من الاحراج بعد الموقف اللي حصل قدامها
اما فارس حاول يخفي احراجها لانه ماانتبهش انها موجوده الا بعد كلام امه سابهم وطلع عند هيثم وهو بيفكر ازاي عرفت البيت ومين جابها
هيثم شاورله : نحن هنا اللي اخد عقلك يتهنابه
فارس بشرود : لا اخد عقلي ولا حاجه بس بفكر في بنت عمي ازاي عرفت طريق البيت وليه جات ومين جابها
هيثم: اللي وصفلها البيت انا وجات مع سواقها وليه جات معرفش بس الظاهر علشان تشوف جدها واختها
فارس بصدمه : وانت ايه عرفك وازاي وصفت لها البيت
هيثم: اتصلت على البيت وانا رديت وهي على بالها ان اللي رد هو انت فاوصفت لها البيت
فارس افتكر التهمه اللي نسبوها لغاليه ورقم الموبيل اللي ماتعرفهوش غير غاده معقوله هي اللي وراه ده كله . اكيد هي هيكون مين غيرها وهدومها اللي عطتها لغاليه علشان تغطي فعلتها ومحدش يشك فيها .. وهي الوحيده اللي بتكلم غاليه اكيد علشان تعرف منها كل شئ بيحصل بينهم بس ايه هدفها من وراه ده كله .. معقوله تكون فيه واحده بالحقاره دي وتتهم اختها واخوها بتهمه زي دي
هيثم حرك ايده قدام فارس : فارس فينك ليه سرحت
فارس : مش عارف يا هيثم بس الانسانه دي انا مش مرتاح لها ولولاغاليه كنت طردتها من بيتي
هيثم : وليه كل ده اكيد كل فيه سبب
فارس : جاتلي مكالمه كانت بتدمر جوازي بس اكتشفت ان كل الكلام اللي وصلني كذب وعندي احساس ان كل ده من وراى راس الحيه دي
هيثم : فارس ممكن تقولي كل الحكايه لو سمحت
فارس : مش مهم اقولك الحكايه المهم ان الانسانه دي مش مرتاح لها وحاسس انها ممكن تجيب لي مصيبه جديده لكن مش عارف ازاي ابعدها
هيثم بصله بحيره : وليه كل الخوف على الجوازه مش دي برضو مفروضه عليك وانت مش عاوزه
فارس: صح كان مفروض عليا وكنت كارهها بس بعد ماشفتها وشفت طيبتها اكذب عليك لو ماقلتلك اني حبيتها بس بعد المكالمه قلبت عليها وعاملتها بقسوه ووحشيه ولما اكتشفت ان كل شئ كذب حاولت اصلح غلطتي بس بعد فوات الاوان جاتلي بقابا انسانه انهكتها القسوه والظلم اللي شافته في بيت اهلها
كله لانها حبيبة جدها وانا كنت السياف اللي انهى جواها كل شئ
هيثم : صراحه ما تخيلت انك في يوم ممكن تحب
فارس بندم : ولا انا ولا حتي توقعت بس الي متأكد انه مستحيل احب غيرها واتمنى بس فرصه اعوضها عن اللي شافته مني ومن اهلها لو كان الثمن عمري وحتى لو ماحبتنيش
سكتو وكل واحد سرح بافكاره .. فارس بيفكر ازاي يعوض غاليه عن اللي شافته وهل هترض تسمحله بفرصه اخيره او لا
اما هيثم كان كل تفكيره ازاي يقدر يبعد الانسانه عن اخوه وتؤام روحه قبل ماتدمر علاقته بزوجته وتنتزع الفرحه من قلب فارس اللي اغلقه سنين عن كل الناس لدرجة انه عمره ما توقع ولا تخيل في يوم ان فارس ممكن يفتح قلبه من جديد
غاليه
✿ منه محمد ✿

منال بقهر : لازم اروح الليله يعني لازم اروح
مى بتريقه : ازاي تروحيلو ومحدش راح له وبعدين ازاي هتعرفي بيته
منال : مش بتقولي ان البلوه غاده راحت خلاص اتصلي بيها وخدي وصف الفيلا
مى : ليه تفتكري هترد انسي ....ماما حاولت قبل شوي فضلت تتصل بيها وماردتش وبعتتلها رساله تقولها انها عند جدي وراجعه بعد ساعه
منال : يعني ايه؟؟
مى : يعني اصبري لحد بكره ونروح كلنا اما الليله فمتحلميش وبعدين احنا داخلين علي الساعه عشره والناس لسه جايه من سفر يعني صعبه نروح دلوقت
منال : وليه ماقلتيلش الكلام لغاده لما راحت
مى : قولتلها بس ولا سمعتلي وبعدين انت ناسيه ان كل اللي هناك بيحبوها وهيرحبوا بزيارتها في اي وقت سوا جدي او عمتي وبنتها وغاليه اللي ماتحبش في الدنيا اكتر منها مش انتي مفيش حد فيهم بيحبك
منال بعصبيه : ربنا يكرهه فيهم خلقه وميهمونيش يحبوني ميحبونيش ولا مهتمه المهم عندي فارس يحبيني وبس
مى بسخريه لاذعه تفرسها: منال انتي هتكدبي الكذبه وتصدقيها امتى فارس حبك ولا عرف حتي عن حبك مستعده احلف انه ولا يعرف ان عنده بنت عم اسمها منال
انقهرت منال من كلام مى وقفلت التلفون بدون ماترد عليها
**************غاليه**************
ندى : شوفو بقي من الاخر انا خيرتكم بين امرين ياتجوزوني ياهعمل اعلان في كل وسائل الاعلام المسموعه والمرئيه والمقرواءه ندى بنت عمار المهدي... تبحث عن زوج
سندس بتريقه : والاسم الرباعي كمان
غاليه بمرح: كدا هتقدم على وظيفه مش طلب جواز
غاده : الحمد لله ان اسمها مش نفس اسم عايلتنا ولا كنا انفضحنا
ندى : لسه مكلملتش صيغة الاعلان فـ على الراغب في الزواج التقدم لوالدتها المدعوه سندس المحمدي
سندس: وبنفس الجريده خليهم يكتبو قد قامت المدعوه بقتل ابنتها قليلة الحياء الفاجره اللي مابتتكسفش
فاطمه ضحكت : قلتلك ارضي بهيثم وتخلصي من العنوسه بس انتي راسك ناشفه
ندى :آآآآآآآآه ياطنطي القهر انه بالنسبه لي زي فارس ولا ما كنت سبته يفر من تحت ايدي
فاطمه: خلاص يابنتي ماقدامكيش الا الصبر
غاده : الصبر ده محتجاله عمتي قبل ما تقتل البنت المسروعه علي الجواز
ندى : عندكم حق جربتوه معاناة العنوسه طبعا لا لو جربته مكانش بقي ده كلامكم
غاليه : منك لله اي عنوسه وانتي عمرك عشرين سنه
ندى : يابنتي انا حاسه ان مفيش غيري عانساء في البلد وبعدين انتي بالذات ماسمعش صوتك اصغر مني ومتجوزه آآآآآآآآآآآه ياقهري يانا يمه
سندس: لما اقوم اطمن علي بابا قبل ما ادبحها بدون رحمه
فاطمه : وانا قايمه اشوف هيثم فينه؟
سندس بغيظ : كويس غاليه انتي وغاده اقتلوها طالما مافيش شهود وانا هعمل نفسي معرفش حاجه
ندى بعد مامشت امها : ياربي اللي يشوفها يقول مرات جوزها مش بنتها
سندس بصوت عالي: سمعتك علي فكره
ندى بصوت واطي : مشاء الله عليها رادار
غاده : يله انا لازم اروح وجايه ان شاء الله بكره مع اهلي
غاليه : لا خليك معانا الليله
ندى : ماتسمعيش كلامها هتنام في حضن فارس ووتديك طناش
غاليه بحرج : بجد انت واحده وقحه
غاده : ليه الحقيقه بقت وقاحه عندك
غاليه بعصبيه : غاده حتى انتي؟؟
غاده ابتسمت : لاياحبي بس قومي وصليني لازم امشي
قامت معاها غاليه وقبل ما تطلع من الباب مسكت غاليه
غاده : غاليه ليه الحزن لسه فارس بيعاملك بقسوه
غاليه بصدق : لا بالعكس اتغير
غاده : امال ليه دبلانه وحزينه
غاليه : خايفه اسلمه قلبي ويرجع يقسى عليه من تاني
غاده : غاليه انا معرفش ايه الي حصل بينكم لكن مستغربه انك تتحولي لـ انسانه قاسيه ومتغفريش حتي لو مالوش عذر لقسوته
قطع عليهم كلامهم صوت مسج موبيل غاليه
فتحتها وقراته واترسم الحزن على وشها حبته من اول ليله شافته فيه بس هو قتل الحب وزرع مكانه خوف وجراح من الصعب تتلم وتتلئم!!!
غاده لما شافت وش اختها اتغير : من مين المسج؟؟
غاليه بحزن : من فارس
غاده : ممكن اشوفه؟؟
ماردتش غاليه ومدت لها الموبيل محتاجه حد ينصحها ويوجها للطريق الصح تتمنى اللي يقوم بالدور ده امها بس للاسف امها رافضه تسمع حتي صوتها وماتقدرش تقول لعمتها وندى حاجه تخاف يوصل الكلام لجدها وهي مؤمنه ان عقل غاده كبير ودايما بيكون تفكيرها وقراراتها صحيحه ومتأكده انها بتحبها من كل قلبها وتتمنى لها كل خير
اخدت غاده الفون وقرات رسالة فارس
شعوري الليلة غريب.......ازاي الحبيب يشكي الحبيب..........
أنا امتلكت لكن كمان افتقدك.........آه يارتني لما عرفتك ما كنت سبتك !
لما عيوني عانقوك في غمضة واحدة ضيعوك
أسأل زماني و المكان............. واجمع عبرات الحنان
عارف ان خطئي كبير بس متاكد ان قلبك كبير
سامحيني ياغاليه
غاده بعد مارجعت لها الموبيل : غاليه ان بنصحك وسامحيني لو كلامي هيجرحك بس كمان مش هزيف الحقايق عشان ارضيك فارس محتاج حبك وبس لكن انتي محتاجه حبه ووجوده شئ مهم في حياتك لانه هو كل اللي باقيلك .....لا بابا عاوزك مش عيب فيك بس لان طول عمره مايهمهوش غير الفلوس واكيد مجوزكيش بسرعه وسكيتي الا لانه قبض ثمن بيعك واعتبرك صفقه اخد ارباحها وانتهت من حياته وامي الله يسامحها ماشفتيش منها الحنان
من صغرك فاوعي تتأملي تشوفيه حاليا (اتنهدت)وانا وكريم مصير كل واحد فينا هيتجوز ويعيش حياته يعني ماباقيلكيش غير فارس ضحى بالدنيا كلها الا هو اتمسكي بيه بكل قوتك وسامحيه وحتى لو اخطأ دوريله علي العذر
طلعت غاده وسابت اختها وهي عارفه انها جرحتها لكن لو مش عاوزه مصلحتها ماكانت قست عليها
*******غاليه*******
فارس : انتي ليه دماغك ناشفه كدا
فاطمه ضحكت : لا ناشفه ولا حاجه بس قلت لك مقدرش انام هنا حجاتي كلها بالفندق يعني لازم ارجع وبكره كل عمامك جاين واهلهم فـ ان شاء الله ليك عليا اجيلك بعد بكره واقعد على قلبك لحد ما هيثم يجهز فليتنا
فارس كشر : يعني ده اخر قرار عندك مافيش امل تغيري رايك
هيثم : فارس امي معاها حق ان شاء بعد بكره نيجي نسكن معاكم كام يوم لحد ماتجهز الفيلا
فارس استسلم : على راحتكم بس ان ما جيتوش بعد بكره ذنبكم علي جنبكم اللهم هددت اللهم اشهد
هيثم بنص عين :ماما تقريبا كدا بيهدد
فاطمه : تقريبا مش اكيد ده واضح خالص (وضحكت) علي العموم انت قول حاضر وبس
******************غاليه*******
في الصاله
ندى : عنده ايه جدي اصله نام من غير شخير
سندس: حسبي الله فيك حتى جدك المريض ماسلمش منك
ندى : الله مش بقول الحق ااعد معانا ساعه وبعدها نام
سندس : الممرض الضخم الكافر اللي عاوزه تتجوزيه علشان يسلم عاطيه منوم قال لازم ينام لان السفر تعبه يارب تكوني فهمتي والا اجيب صبوره اشرحلك
ندى : هي بس لمحه عن الحكايه طالما فيها الضخم اكيد فهمت
سندس: غاليه مالك ؟؟
غاليه كانت سرحانه بعالم ثاني والحزن مرسوم على وشها كانت تتمنى تنفرد بنفسها وتبكي الحزن اللي جواها صحيح انها كانت عارفه انها ماتعني لـ ابوها وامها اي شئ بالنسبه بس دايما كانت بتكدب احساسها بينها وبين نفسها تكذب كل ده ودايما تنكر الحقيقه لكن كلام غاده كان زي الصفعه اللي صحتها واكدت لها الحقيقه اللي دايما تنكرها
سندس :غاااليه
غاليه بخضه : خير يا عمتي
سندس: مالك ليه زعلانه وسرحانه
فارس : سرحانه اكيد فيا بس ليه مكشره كدا ده اكيد من الفشله بنتك زعلتها
ندى : اه عشاني ماتجوزتش وبقيت قعدلكم زي الحيطه الكل يرمي بلاويه عليها
فارس : مفيش جواز لحد ما تقولنا ليه غاليه زعلانه !!
ندى : تحمد ربنا على النعمه اللي هي فيها مش انا اللي زي البيت الواقف
كانت كلمة ندى زي القشه اللي كسرت ظهر البعير كانت سبب في ان كل الدموع اللي غاليه عماله تقاوم بكل قوتها ماتنزلش انفجرت من عيونها زي سيل جارف ماتحملتش تكون قدامهم بالضعف ده قامت تجري لغرفتها
فارس بتهديد : ندى قوليلي مالها غاليه انتي قايله لها حاجه
سندس : والله يابني ماحد قالها اي حاجه تزعلها
ندى بدموع : والله ماقلتلها حاجه كنا بنضحك وقامت توصل اختها وطولت معاها ورجعت وهي على الحاله دي
سابهم فارس وطلع فوق بسرعه وهو يتمنى لو غاده قدامه علشان يقتلها ويشرب من دمها دخل الجناح مالقهاش راح لغرفتها قرب من الباب سمع صوت شهقاتها المكتومه.. اخد نفس عميق وفتح الباب ودخل
كانت راميه نفسها على السرير ودافنه وشها في المخده وتبكي بكاء يقطع القلب .. قرب منها
وأأعد على طرف السرير
فارس : غاليه ليه بتعيطي حصل ايه؟؟
غاليه : ...........
فارس : حبي من فضلك بلاش تقطعي قلبي بعياطك وقوليلي مالك؟
غاليه : ..............
فارس مسكها وقعدها علشان تواجهه : انتي هتقولي مالك ولا اقسم بالله لا اروح ارتكب فيها
جريمه ماعنديش استعداد اخسرك
غاليه فكرت انه يقصد ندى وخافت انه يروح يقولها كلمه ويزعلها (وبصوت كله بكاء): والله ما عملتلي حاجه ومش زعلانه منها
فارس بنفاذ صبر : امال ليه بتعيطي
غاليه : انا بخير (وقامت من السرير بتهرب منه ومن ضعفها ومن الحقيقه اللي اكدتها لها غاليه
بتهرب من كل العالم وتقف بين ايدين ارحم الراحمين )
وقف فارس ومسك ايدها قبل ما تمشي وبكل حنيه : غاليه من فضلك متسبنيش بعذابي وريحيني وقولي فيك ايه؟؟
بصتله بضعف ولئلئت عيونها بدموع : فارس
فارس : نعم ياعيون فارس ووقلبه
غاليه (وبصوت يكسر الخاطر ) :ارجوك متسبنيش حتى لو ماكنتش الانسانه اللي تتمناها عيش حياتك مع غيري زي ما انت عاوز بس ماتتخلاش عني
سحبها لصدره وضمها خمن ترفض بس الغريب انها استسلم لدموعها على صدره وهي تردد كلمة ما تتخلاش عني
فارس ضمها لصدره اكتر وباسها علي راسها : ربنا يقبض روحي لو اتخليت عنك .. غاليه والله ثم والله القلب ده ميقدرش يحب غيرك ومستحيل يحب غيرك اديني فرصه اكفر عن اخطائي في حقك.. غلاوتي انا عشت يتيم رغم كل اللي بيحبوني لكن كان شعوري باليتم موجود ومافارقني وانتي جربتي اليتم برغم وجود امك وابوك فـ كفايه نقسى على نفسنا وخلينا نعيش الباقي من عمرنا بسعاده
كان رد غاليه مجرد بكاء وفارس سكت وسابها تبكي وتفرغ كل الحزن والشحنه اللي جواها
************غاليه**********
تحت في بهو الفيلا
ندى : هطلعلها يعني هطلعلها
سندس: تطلعي فين يابت عيب؟
ندى : خلاص هروح لجدي
سندس : لا مضمنيش طالما الممرض موجود انا هروح اشوفه
ندى : اول مره احس انك ذكيه
سندس نفخت : يارب ميغضبش عليك ده كلام تقوليه لـامك
ندى : ده من كتر الحب ياسندسه
سندس قامت وقفت : لا ما تحبينيش طالما ده حبك
ندى : ماشي انتي الخسرانه
راحت سندس لـ ابوها وسابتها ندي فضلت تفرك ايديها بنصر انها طرقت امها وبكل سرعتها جريت لفوق وراحت لجناحهم بس مالقتش حد فضلت تتمشى على ابواب الغرف وتفتح فيهم لحد ما لقت غاليه بس وشها اتحول لـ اشاره مرور من اللي شافته ولما حست انه موقف برئ غاليه تبكي وفارس ضامها يهديها بدون اي نوايا اخرى هان عندها الامر شوي
ندى بأحراج : اسفه بس كنت بطمن على غاليه
خرج فارس غاليه من صدره بشوي احراج اما غاليه كانت صدمتها مضاعفه اولآ ازاي خانت وعدها لنفسها انها تسمح لفارس يلمسها فما بالك انها تترمي على صدره وتبكي بين ايديه والمصيبه الثانيه ان ام لسانين شافتها
فارس بقهر : اطمنتي واتفرجتي يله اختفي
ندى : لو اقول آه ياقلبي هتزعل
فارس ضيق عيونه : لا مش هزعل الا لما اقتلك
ندى : يعني امشي
فارس بعصبيه : غوري
طلعت ندى وعلشان تقهره سابت الباب مفتوح ونزلت تجري علي السلم وتصوت : مامتي الحقيني بسرعه
ماوصلتش لتحت الا امها جايه جري
و بخوف:فيه ايه غاليه حصلها حاجه؟
ندى : قلت الحقيني انا ما قلتش الحقي غاليه بس صح ليه تهتمي .. قلبي على امي انفطر وقلب امي عليا حجر
سندس : روحي يا شيخه اللي حتى الامثال ماسلمتش منك انا جيت ولحقتك في ايه ياغلطه عمري
ندى : جوزيني ياعالم ياناس ارحموني وجوزوووووني
سندس : انتي عصيتي كلامي وطلعتي
ندى : آآآآآآآآه ياماميتو ياريتني سمعت كلامك وماطلعتش
سندس : حالتك مستعصيه فوتي خلينا نمشي لاتفضحينا فوق فضايحك
سابت بنتها طالعه فوق علشان تقول لفارس انها ماشيه
ندى لما شافت امها طالعه :مامي انصحك ماتطلعيش بعدين قلبك يتعب وتهبلينا وتقولي عاوزه من ده ياحزومبل من دلوقت بقولك مفيش جواز غير بعد ما اموت
سندس : ياريت تموتي وارتاح منك
اول ماطلعت اول درجه من السلم شافت فارس خارج من الغرفه
فارس : تعالي ليه ماطلعتيش بالاسانسير اريحلك
سندس كشرت : ليه شايفني عجزت
فارس : هههههههه لا لسه شباب مش ناقصك غير العريس
سندس ببتسامه: ما تحطهاش في دماغي اتجوز من بكره
فارس : هههههههههههههههههههههههههههههههههههههه وانا اقول ندى طالعه لمين
سندس بجديه:بطل رخامه .. وطمني علي غاليه؟؟
فارس : الحمدلله بخير بتصلي وهتنزل
سندس : ربنا يتقبل منها المهم انا مروحه لبيتي و بكره العصر ان شاء الله هاجي
فارس : مفيش مرواح نامو الليله هنا
سندس : لو معانا لبس كنت بيت بس لازم نرجع للبيت
فارس :خلاص تروحو بعد ما نتعشا كلنا
سندس : معلش اعفيني ماليش نفس تعبانه نفسي اروح اريح وافرد جسمي علي سريري
فارس : اللي يريحك ياحبيبتي
******************غاليه************
الساعه حداشر في غرفة الجد
قربت غاليه وأأعدت تتأمل في جدها النايم بحب بعد ماخلصت من قراءة القرآن له قطع عليها تأملها صوت فارس:علي فكره بغير
غاليه : بتغير من ايه؟؟
فارس : من حبك لجدي
غاليه بجديه : مستحيل احب حد اكتر منه
فارس اتصنع الصدمه : حتى انا
غاليه : حتى امي وابويا كل اللي بحبهم مستحيل احبهم اكتر من جدي
فارس : وليه ماقلتيش بحبه اكتر من نفسي
غاليه قامت تخرج من الاوضه : لاني مش بحب نفسي
فارس مشي جنبها : بس انا بحبك ويله نطلع ننام ما تهدديش من التعب
غاليه لنفسها (مش ده اللي تعبني الي تعبني ازاي امشي برجلي للمكان اللي اتقتلت فيه روحي )
وصلت للجناح بخطوات متردده وبخوف .. اول مافتح فارس باب الغرفه غمضت عيونها جامد
وكلمات فارس اللي قالهالها في نفس المكان عماله تتردد بذهنها .. حست بايده بترفعها عن الارض واطلقت صرخة خوف
فارس : اشششششششش متصرخيش كل اللي في البيت هيصحا
غاليه بخوف : نزلني
فارس :طالما غلاوتي رافضه تدخل برجليها ماقداميش غير لما ادخلها انا وشايلها بين ايديا وبعدين عاوزاني انزلك فتحي عيونك الاول
غاليه : نزلني وافتحهم
فارس نزلها على الارض : يله فتحي
فتحت عيونها وبصت حواليها كان الجناح فخم بما تعنيه الكلمه عباره عن صالة وغرفة نوم ملكيه
غاليه : ممكن اروح اخد شور؟؟
فارس : خدي راحتك ياقلبي ده الحمام ودي اوضه بدلي فيها هدومك
سابته ودخلت تاخد شور اول ماخلصت دخلت غرفة اللبس من الباب الفاصل بينهم وقفت تتأمل الهدوم ومحتاره تلبس ايه بالاخير استقر رايها على قميص لغاده قطني ناعم لحد الركبه
لونه بنفسجي فاتح جدا (موف) وعليه رسمه قطه شقيه على الصدر
طلعت وهي تدعي ربها ان الليله تعدي على خير
كان فارس قاعد يتفرج على التلفزيون او ماحس انها طلعت التفت عليها وابتسم
غاليه بخوف : فيه حاجه
فارس : لا ياغلاوتي بس صدقت ان الشمس بتطلع بالليل
غاليه : تقصد ايه؟؟؟
فارس وقف وقرب منها : اللي اقصده ياقلبي انك عملتي استنفار بالدولاب لحد ما لقيتي لبس تلبسيه ورغم انه جميل الا انك زودتيه بجمالك
غاليه : مطول فرجه على التلفزيون
فارس بخبث : ليه حابه نروح على اوضه النوم على طول
غاليه بأحراج وقهر : اقصد اني تعبانه وهنام وبما اني هنام على الكنبه سألتك ان كنت مطول ولا لأ
فارس : تنامي علي الكنبه لا انت ما تناميش غير على السرير واذا كارهه وجودي للدرجه الله
يعيني انا اللي هنام على الكنبه ويكون في علمك مش انا اللي افرض نفسي في الامور دي على انسانه كارهه قربي
غاليه ماردتش عليه وراحت تنام على السرير كل مره تتجادل معاه كلامه هو اللي يمشي فا ليه تتعب نفسها
فارس : هاا انام فين؟؟
غاليه بقهر : فالمكان اللي يريحك
فارس ببتسامة انتصار لف نفسه في اللحاف: كنت عارف والله ان قلبك الطيب مش هيتحمل اني اتعذب من نومه الكنبه
طفت الانوار ونامت على حرف السرير من كتر ماهي على الحرف حست انها لو اتنفست بعمق هتقع من السرير
فارس اتمدد على السرير : علي فكره انتي واخده راحتك جدا ومحتله كل السرير
غاليه : فارس ممكن تسكت عاوزه انام
فارس بمزح : امرك يا ابله بس ياريت تنامي كويس واطمني والله ما هلمسك بستثناء ان ايدي ممدوه ليك لو حبيتي يعني تحطي راسك على صدري معنديش مانع
غاليه من بين سنانها : مشكور ياسيدي مش محتاجلو
فارس ربع ايده علي صدره : انتي الخسرانه ياستي
غاليه : عارفه
فارس قام نص قعده وبغلاسه: طب طالما عارفه انك خسرانه ليه ماتعوضيش خسارتك مدام الدعوه مازالت قائمه
غاليه بعصبيه : فااااارس
********************غاليه**********************
في بيت سندس
ندى :ماما رايحين امتي
سندس : على الساعه خمسه ليه
ندى : يعني بقول طالما فيه وقت واذا ممكن طبعآ واذا مايزعلكيش ولا يعصبك ولا ينرفزك ولا ..
سندس تقاطعها : لو موضوع الجواز مافيش
ندى : آآآه ياقلبي يعني لازم تفكريني لا دي عارفه الاجابه عليها مسبقآ انا اقصد اقدر افتح النت شوي صغنتتين
سندس كانت هترفض بس لما افتكرت انها كلمت كريم يجيلها وكانت عاوزه تاخد راحتها في الكلام معاه بدون عبط ندي غيرت رايها وقالت: تمام روحي والوقت غير محدد المهم تكوني جاهزه علي الساعه خمسه
ندى بصدمه : ايه الرضى ده كله يارتني استغليت الكرم الحاتمي اللي نزل عليك فجاءه وقلت جوزيني
سندس : هتقومي ولا اغير رائي
ندى قامت تجري : لا فريره
دخلت غرفتها وفتحت المسنجر كانت وتين تؤامها في الهبل اون لاين
ندي كتبت: لو عندك عريس ليا ردي واذا ماعندكيش غوري هروح جروب قصص منه اشوف روايتها الجديده
وتين:ماعنديش غير عريس صحبتنا ايه رايك نتأمر عليه ونخطفه منها
ندي:وماله مش بيقوله الحرب خدعه
وتين:ايه الي جاب القلعه جنب البحر والامثال في كلمنا.. ماعلينا هموت النهارده ومصممه اروحلها دبرني ياوزير ازاي اهرب منها
ندى: انتي ناويه تجلطيني قوليلي عاوزاك ليه اشجيني
وتين:ابدا بتقول خست خمسه كيلو
ندي: احلفي ليه عملت ايه عشان تخسهم بالسرعه دي
وتين:بتقول قال ايه غرزت نفسها في حفره من الطين وبقي جسمها نحيف ولايق عليها
ندى: طين ايه مش فاهمه
وتين :معرفش بس تقريبا طين مخصوص بيجبوها ويدفنوها في حفره ماعدا راسها
ندى: بس يعني الواحد يقدر ينفذها في البيت؟؟
وتين:اه انا لو عندي جنينه كنت عملتها طوالي
ندى عجبتها الفكره:ادعيلي بالتوفيق يله باي
وخرجت اوف لاين بدون ماتنتظر ردها وراحت جري للجنينه لقت مكان طين جاف مفهوش زرع وااعدت تحفر فيه وترشه بالميه لحد ما اتحول لطين لزج جهزت مكان تنام فيه وطين يكفي انه يغطيها
ندى بتكلم نفسها (بس ماقالتليش اغطي نفسي بالطين بالهدوم ولا من غير لا اكيد من غير بس لا مستحيل تخلع هدومها وممكن حد يشوفها استعنا بالله يانحفت اتين كيلو يأما مخسرتش بقي اهو اتسلي ) قعدت وغطت جسمها كله بالطين وبعدها اتمددت وغطت الباقي كله بالطين
سندس بعد ما وصل كريم وسلم عليها
سندس بترحاب كبير : اهلا يابني يعني متجيش غير لما اطلبك
كريم : لا والله ياعمتي انا من غير حاجه كنت جايلك علشان تشوفيلي طريقه اشوف بيها جدي
سندس : عارفه يا ضنايا وعلشان كدا اتصلت بيك روح اقعد في الجنينه علشان ناخد راحتنا فالكلام علي ما اروح اجهز حاجه نشربها
راح كريم للجنينه زي ماطلبت منه عمته
ندى سمعت صوت خطوات وتوقعتها امها خافت لاتشوفها فجاءه وينزل العقاب فقررت تعلن عن وجودها : ماما اوعي تضحكي انا متجننتش بس كنت بجرب طريقه حديثه تخسسني
انتبه كريم لمصدر الصوت وانصدم لماشاف غير راس على الارض والوش والشعر ملطخ بالطين بس الجسم مش شايفه بس اللي هو متأكد منه انها ندي المجنونه .. رجع وهو بيحاول يكتم ضحكته بس غصب عنه فلتت وكانت ملعلعه من المنظر
ندى اتجمدت من الخوف وهي بتدعي ان اللي سمعته يكون مجرد هلوسه من كتر مابتفكر بالعريس لكن صوت امها حطم كل احلامها الورديه
سندس : دايما ملعلعه ضحكتك يابني بس ايه مناسبتها
كريم حاول يتمالك نفسه : و..احم احم ولاحاجه انا هروح عند البسين
سندس: ليه ما تخلينا نقعد هنا
كريم بضحكه : مش مهم انا عاوز اقعد قدام البسين شوي وراجع .. وساب عمته ومشي
ندى ببكاء : مامتي انجديني
سندس بفجعه : بسم الله ندي فينك (حطت ايدها على قلبها لما شافت بنتها) بنتي مين الي عمل فيك كدا
ندى من بين دموعها : انا الي جبت ده كله لنفسي تجربه للخسسان
سندس : ومين اللي شار عليك بالتجربه المهببه دي؟؟
ندى : الحيوانه وتين
سندس بنفعال: انتي هبله ولا بتستهبلي ولا تكونيش عبيطه ليه عملتلك غسيل مخ انا مش مصدقه ان فيه بنات بالخبلان ده ((ورفعت ايديها للسماء ))يارب يالطيف تلطف بحالي انا وام الهبله التانيه وتعوضنا بدالهم بالجنه
ندى ونوبة البكاء عندها تزيد : ماما شافني كدا يعني مافيش امل يتجوزني
سندس: اتنيلي علي عينك واسكتي بقي انا بدعي بالعوض فيك بعقلك اللي طار وانتي مش همك غير العريس
ندى وبتحاول تبعد الطين عنها عاوزه تقوم: ياربي ليه كل مايشوفني يكون شكلي غلط
سندس : دي عقوبه من ربنا علشان حلفتله المره اللي فاتت انه هيشوفك عاقله ومتشيكه (وبنظرات من فوق لتحت ) شافك بالطين سلينا
ندى : ليه بتنادينها عاوزه كمان الشغاله تشمت فيا
سلينا : نعم يا هانم
سندس: جيبي خرطوم الميه ورشيها بيه لحد ما تنضف
ندى : ماماانا لو هتسجن في سجن ابو غريب مش هتبهدل كدا
سندس بعصبيه: اخرسي لسه ليك عين
مشت وسابت سلينا تسبحها بخرطوم الميه وهي راحت لــكريم
سندس : اسفه يابني
كريم : براحتك ياعمتي
سندس بحرج وكسوف:دي كانت بتزرع في الجنينه ووقعت (ولما شافت كريم اللي اتغيرت ملامحه من كتر ما هو حابس ضحكته) حسبي الله ونعم الوكيل فيها خلتني اكدب كل انواع الكدب الي في الكون ولا كدبه بتتصدق
**************غاليه****************
في الفندق
هيثم : ماما ايه رايك نروح لبيت فارس
فاطمه : لا النهارده مقدرش خليها بكره ان شاء الله
هيثم : حتى لو قلت لك ناويت اخطب
فاطمه بفرحه : احلف
هيثم ضحك : والله ويله قومي علشان تتعرفي على العروسه وامها
فاطمه : و ناوي تخطب مين؟؟؟
هيثم : انتي قومي وفي العربيه هقولك علي كل حاجه
فاطمه :ايوه بس احنا قولنا لفارس مش هنروح اليوم
هيثم : لا منا اتصلت وقلت له
فاطمه: مش هتحرك الا لما تقولي مين اللي نويت تخطبها
#####
ياتري هيثم قرر يخطب مين؟؟؟؟
فارس وغاليه حياتهم هتمشي كدا وغاليه هتسامحه ولا حتحصل مفجأت
مستنيه رايكم الجميل الي بيفرحني وبيخليني اكمل فخلوني اكمل
