『قٌصص ﺑٱرۅد』

⍅همسه و هشام⍆

زين بهيچ حالة اني شسوي و همسة يمة المسكينة .. اذا اتصل و اتعارك وياه راح يخبث وي المسكينة و هي بغربة .. و اذا اگلها لهمسة على الي صار احتمال تحچي گباله وهم بالحالتين راح يسوي مشاكل وياها ..

گلت خلي اعوفه لهل الخبل و ابلعها و كله لخاطر همسة والله .. بس والله العظيم لو مو همسة يمة و وااحد ثاني مسويها چان اني گعدت كتبت رسائل وياه بحجة زوجتي .. واخلي يجي للعراق و الا اخلص عليه ..

بس شسوي .. اختي و صديقة عمري وسنينة يمه و مستفرد بيها ..

سكتت و محچيت و مشيت الوضع مثل ما هو ..
گلت لزوجتي انطي بلوك وخلي يولي هذا مخبل .. و سوتله بلوك و گام ميدز شي ..
و راحت السالفة و انتهت .. ومرة بالشغل خابرتني همسة تبجي .. شكو!!

گالت لگفته مسوي علاقة وي بنية سويدية و البنية جتي سكرانة للشقة تعيط بالسويدي و گامت تغلط عليه و اتصلت بالشرطة وجوي اخذوها ..

و هو كمل شغلة و اتصلت عليه .. لان ممنوع بالشغل يشيل تلفون بجيبة .. اتصلت عليه وگلتله هيچ وهيچ گام يكفر ويگلي ليش اتصلتي بالشرطة واجه للبيت گام يصيح عليه و يغلط عليه و يگلي منو گالچ تخابرين الشرطة ..

گلتله گامت تغلط عليه و تصيح عليه والشقق الي بصفنا التمو شتريدني اسوي ابقى ساكته ..
گام يغلط و يسبني .. و من شافني حيت عليه و گمت احچي على علاقاته راد يغير الموضوع وگالي بالحرف ..
احمدي ربچ واشكري طلعتچ من العراق وعيشتچ هنا .. غيرچ يتمنون هـ العيشة ..

گلتله طلگني ما اريد هـ العيشة اشو اربع وعشرين ساعة بالشقة اني و انت بالشغل و مرات تروح تسهر وعايفني وحدي هنا مثل الچلبة (مكرم القارئ) لا تقبل اسوي علاقة وي صديقة عربية ولاتقبل اروح ادرس .. بالگوة وبالتواسيل خليتني ادرس لغة وبطلتني .. وهو مقصر و گبل طلگني ..

و هسة يگلي الچ يومين تلمين غراضچ وترجعين للعراق لان اقامتچ على اقامتي ملحقة واني راح الغيها ..

زين شسوي هسه الله يخليك اذا ارجع للعراق اهلي ياكلون راسي وانت تعرفهم شلونهم و ياريت لو بس اهلي .. الناس و الجوارين الله يخليك انقذني ..

من گالت هيچ گبل خابرت بيت خالي بس مو بالسويد .. ساكنين ببلجيكا ..

گالو اذا رايحة زواج يعني بصمة ما عدها .. لان الي يبصم بس طالب اللجوء .. خلي تجي لبروكسل و يصير خير .. و راحت لبروكسل و رتبولها لجوء و انقبلت رئساً.. و اخذت سكن لوحدها و وكلتني اني اروح لأهلها احچيلهم كلشي واحاول اصلح بينهم .. لان من طلگها هـ النذل لليوم اهلها زعلانين عليها وضاجين منها كلش ..

بس اني مو غشيم .. گلت اخاف اهلها ينطون بيها و يگولون ماكو هيچ حچي والولد زين ..
اخذت مرتي وياي وحلفت على كتاب الله شلون رجل همسة حاول يسوي علاقة ويا زوجتي .. ولان اني ما اريد اسوي مشاكل و اكبر السالفة مسويت شي .. و گلتلهم بالحرف ..
مدام صارت هيچ و طلگها .. العراق كله يحرم عليه و اني بلغت عشيرتي كلها على هـ الساقط (مكرم القارئ) و راح تكبر السالفة .. شلون يحاول يسوي علاقة ويا زوجتي ..

و سكتو اهلها بس گالو خلي ترجع لو ندز اخوها يروح يسكن وياها ميصير تبقى هناك وحدها .. من گالو هيچ تعاركت وياهم اني بس ع الخفيف .. گلتلهم همسة كلشي مرادت بهل الدنيا غير ستر وعافية .. وقبلت بالرجال الي جبتو و راحت عاشت وياه و سلمت روحها بيده وهي متعرفه الا عن طريقكم .. وهاي تاليها .. تره البنية متريد ترجع للعراق مو علمود اوروبا لا والله ..
بس علمود حچيكم وحچي الناس قبلت بهل الوضع .. لان تعرف اذا رجعت راح انتو والناس تاكلون راسها اكل و شلون تطلگتي ورجعتي .. و شلون الناس .. و شيگولون الناس راحت للخارج ورجعت بدون رجلها ..

گالو رغم ما حچيك صحيح بس هم ما تبقى وحدها .. و دزو اخوها يمها و عاش وياها .. و جتي مرة مرتين للعراق و رجعت سافرت .. والحمدلله و الشكر اكو ولد عراقي هناك تعرف عليها وعلى اخوها .. بس اكو فرق بـ العمر بينه وبينها چبير .. الحاصل الولد خطبها و دز اهله هنا على اهلها و اخذها ..

و الولد الحمدلله والشكر طلع دره مال الله و حچيت ويا و يحچي وياي .. الولد طيب و فقير وينحط ع الجرح يطيب ..

سبحان الله ... والله العظيم من اجه هنا للعراق زيارة ما قبل يبات ببيت اهل همسة لان اهله مو من بغداد .. اجه بات يمي هلگد مصار قريب عليه.. يگلي تصدگ من همسة تحچيلي عليك ابد ما اغار .. لان من تحچي عليك احس بيك اكثر من اخوها و خصوصاً من تحچيلي شلون چنتو تقسمون اللفات مالتكم سوية بالصف حتى انت تضوك طعم لفتها و هي تضوك طعم لفتك .. مرات چانت عيوني تدمع و چنت اتمنى اشوفك ..

وهسة .. همسة وزوجها عايشين ومرتاحين و هي حامل و راح يجيني ابن اخت جديد ان شاء الله ...
والله يحفظكم و يبعد عنكم السوء و الاهم من هذا .. ينطيكم الصحة العافية ومتمرون بمواقف صعبة مثل همسة ..
( همسة و هشام )
انتهى