بيت عليو
دشت البيت حصلت مرت ابوها قاعده
عليو : السلام عليكم شواخ ( هي تقول لها خالو او مرات شواخ )
شيخه : عليكم السلام هههه كم مره اقولج قولي خالو شيخه او خالو شواخ
عليو : شسوي احب اناديج شواخ المهم ماعلينا ابوي و اخوي وينهم ؟
شيخه: كاهم يايين فالدرب ، تبين غدا ؟
عليو : اممم شالغدا ؟
شيخه : عيش و سمج
عليو : استغفرالله الله يزيد النعمه مابي غدا بس بس بقعد وياكم بسولف
شيخه : حياج زين تسوين بعد
عليو : امم شواخي
شيخه : خلصي شو تبين
عليو : اممم اليوم بنظهر ويا ربيعاتي المول عادي ؟
شيخه : دام ويا ربيعاتج تمامم و فوق ها انا بوصلج بعد بس متى ؟
عليو : الساعه 5 بنطلع من البيت
شيخه : حلو تمام يلا
عليو : يلا سي سو ليتر
ام عليا متوفيه من 7 سنوات و شيخه تحب عليا وايد تعتبرها شرات بنتها
بيت مريوم
دشت و حصلت امها و ابوها قاعدين سلمت عليهم و حبتهم على راسهم
بو مريم : حي الله الغاليه
مريم : الله يحيك ابويه
ام مريم : شو الغاليه قول مريوم لازم تقول الغاليه ؟
بو مريم : مسرع ما غرتي تراها بنتي حبيبتي دلوعتي وحيدتي اكيد بقول لها الغاليه
ام مريم : لا والله ؟ اوكيه ( وراحت عنهم )
مريم : ابويه حرام عليك ليش تزعلها
بو مريم : احب ازعلها ههههه خلاص احين بسير عندها
مريم : كفو زين تسوي ، بابا ممكن طلب ؟
بو مريم : امري ؟
مريم : عادي اليوم اطلع ويا ربيعاتي بنسير المول ؟
بو مريم : ربيعاتج الي وياج فالمدرسه والي بيتهم هني صح ؟
مريم : هيه ابويه
بو مريم : خلاص تم انا موافق و اذا احتجتي فلوس خبريني بعطيج
مريم حبته على راسه : مشكور ابويه عندي بس مع ذلك بجوف
بو مريم : هههه اوكي يلا عيل فامان الله
وصلت اسما بيتهم و ماحصلت حد تضايقت و سارت حجرتها
اسما : افف مادري لين متى بتم على هال حال استغفرالله
سارت اسما خذت لها شور و طلعت نزلت تتغدى و لما يت تتغدى امها يت استانست و سارت سلمت عليها و تمت تسولف وياها
ام اسما : اقولج اسوم
اسما : هلا ؟
ام اسما : مشغوله اليوم المسا ؟
اسما : لا بس العصر بسير ويا ربعي المول
ام اسما : حلو خلاص عيل المسا بنظهر ويا بعض شرايج ؟
اسما : اللهه اوكيه خلاص تم
راحت اسما و سارت حجرتها
الساعه 2
دقت مريم على مهره
مريوم : هلا والله بام المشاكل شحالج
مهره : يالجلبه انا ام المشاكل ماعليه سوف تندمين
مريم : هيهيهي اصلا اسولف وياج المهم اقولج
مهره : قولي
مريم : خلاص لا تخبرين امي ولا شي
مهره : ليششششش !
مريم : لانهم ادري ما بيوافقون لو منو ما رمسهم
مهره : اييههه ليشش مالي خص بتين و لو ما ييتي بنشردج
مريم : بلل ، اسولف وياج اصلا وافقو هيهيهي
مهره : حيوانه افف والله عبالي ما بتين ولا كنت بي بسحب يدام اهلج
مريم : ادري تسوينها
مهره : اقولج ويت
