ရှောင်းကျန့်ကိုတော့ရှာမနေတော့ဘူး သူတောင်ကိုယ်နဲ့မစားချင်လို့မစောင့်တာကိုကိုယ်ကရှာစရာလား ။ သူလည်းကျောင်းတတ်တာကြာပြီပဲ သူငယ်ချင်းတွေရနေလောက်ပါပြီ ။ လိုက်ပြီးစိတ်ပူနေစရာမလိုတော့ပါဘူး ။
" ရိပေါ် "
" ဘာလဲ "
" ဟိုနေ့ကနင့်အိမ်မှာတွေ့ခဲ့တဲ့ကောင်လေးကဒီကျောင်းမှာတတ်တာလား "
" အင်း "
" အစောကတွေ့လိုက်လို့မေးကြည့်တာ ငါများမျက်စိမှားတာလားလို့လေ "
" အော် "
" သူကနင်တို့အိမ်မှာနေတာလား "
" စကားများလိုက်တာ ထမင်းစားမှာမလားသွားစား နားလာမငြီးနဲ့ "
" ဟွန့် ! ထမင်းစားဖို့လာခေါ်တာလေ မလိုက်ဘူးလား "
" ငါ့ကိုလား "
" အေးလေ .. ငါဒီနေ့ထမင်းဘူးပါလာတယ် အမေကနင့်အတွက်ပါထည့်ပေးလိုက်တာ "
" အော် .. အဲ့ဒါဆိုစားမယ်လေ "
" အင်း လာ "
ဝမ်ရိပေါ်လည်းချင်းယွဲ့ခေါ်တဲ့ဝိုင်းကိုလိုက်လာတော့ တော်သေးသည်သူတို့နှစ်ယောက်ထဲမလို့ လူများရင်သူမှမကြိုက်တာ ။ ချင်းယွဲ့ကမ်းပေးတဲ့ထမင်းဘူးတစ်ဆင့်ကိုစားနေတုန်း မျက်စောင်းထိုးဝိုင်းကပန်းကန်ကျကွဲတဲ့အသံကိုရုတ်တရက်ကြားလိုက်ရသည်မို့မော့ကြည့်လိုက်တော့ ရှောင်းကျန့် ။
ထိုင်ခုံမှမတ်တပ်ထရပ်နေတဲ့ကောင်လေးကစိတ်တိုနေဟန်ရှိသည် ။ စားပွဲဝိုင်းထဲကမဟုတ်ဘဲအပြင်ဘက်မှာရပ်နေတဲ့ကောင်လေးကလည်းစိတ်တိုနေဟန်ရှိသည် ။ ဘာမှမဖြစ်တာကထိုင်ခုံမှမတ်တပ်ထရပ်နေတဲ့ကောင်လေးနဲ့မျက်နှာချင်းဆိုင်ကရှောင်းကျန့်ပဲ ။ ရှေ့ကကိစ္စကသူနဲ့မဆိုင်သည့်ဟန်နဲ့ရှောင်းကျန့်ကအေးအေးလူလူပဲထမင်းစားနေလေသည် ။
တစ်ဝိုင်းထဲမှာထိုင်နေတဲ့ရှောင်းကျန့်ကတောင်ဘာမှမဆိုင်သလိုထမင်းစားနိုင်သေးတာ ဒီဘက်ဝိုင်းမှာထမင်းထိုင်စားနေတဲ့ကိုယ်ကရောဆိုင်သလား လှည့်ကြည့်မိတာတောင်အချိန်ကုန်သေးတယ် ။ ချင်းယွဲ့ကတော့မိန်းကလေးပီပီစပ်စုချင်တော့အဲ့ဝိုင်းကကိုအကြည့်မခွာဘူး ။
![](https://img.wattpad.com/cover/279470927-288-k622796.jpg)
JE LEEST
Apologize , my baby's father ( Complete )
Overigဒီဇာတ်လမ်းသည်စာရေးသူ၏စိတ်ကူးယဉ်သက်သက်သာဖြစ်သည် ။
Part : 4 [ U & Z ]
Start bij het begin