The Playboy's Toy (Dangerous Man Series)

TPT - 25

Wala na akong sinayang na oras at kinuha na ito.

“Thanks.” Aalis na sana ako pabalik sa kwarto ko upang maghanda na nang tawagin ni Jackal ang pangalan ko.

“Bakit?” Nagtataka kong tanong sa kanya.

Naglakad siya papalapit sa akin tsaka pumameywang.

“Be my date tonight.” Diretso niyang sabi dahilan para matulala ako at hindi makasagot sa sinabi niya.

Hindi niya na hinintay ang sasabihin ko nang agad na itong bumalik sa kwarto niya. Napakamot na lamang ako sa ulo ko dahil sa pagtataka at bumalik na lamang rin sa sarili kong kwarto.

Nasa kalagitnaan ako ng pag-aayos nang makarinig ako ng mahihinang katok mula sa labas ng pinto ng kwarto. Tinapos ko muna ang pag-aayos ko ng suot kong necktie bago ito pagbuksan.

“Are you ready?” Nakangiting bungad sa akin ni Jackal. Sobrang bumagay sa kanya ang kulay maroon na suit na suot niya ngayon na pinaresan ng itim na black shoes. Kamukhang-kamukha niya si tito Romeo sa pagkaka-brush up ng mukha niya.

“Kanina ka pa ata natutulala sa’kin, Mark. Nagagwapuhan ka na ba sa’kin?” Ang kaninang ngiti ay napalitan ng nakalolokong ngisi. Agad kong pinutol ang pagmasid sa kabuuan niya dahil sa pagiging maloko niya na naman.

“Tsk. Asa ka?” Inikutan ko siya ng mata. Imbes na humupa na ang pang-aasar niya ay mas lalo pa siya naging mapusok nang tila prinsepa niyang inilahad ang kamay niya at ang kabilang kamay naman ay pinatong sa ibabaw ng abdomen niya. Bahagya rin siyang yumuko suot ang isang malapad na ngiti.

“Shall we go, my princess?” Mapang-asar niyang sambit sa akin.

Pinamulahan ako ng pisngi hindi dahil sa kinikilig ako sa ginawa niya kundi naiinis ako sa pagiging maloko niya. Wala siyang pinagkaiba sa pinsan niya. Magpinsan nga talaga silang dalawa.

“Ewan ko sayo.” Pabalang akong naglakad papalapit sa kanya dahilan para mapaatras siya ng bahagya. Sandaling naglaho ang ngisi niya at napalitan ito ng pagtataka sa biglaan kong paglapit sa kanya.

Pinungayan ko ang mata ko at nginisian siya bago talikuran upang isara ang pinto nitong kwarto.

“Seriously?” Natatawa niyang sabi.

Mabilis akong naglakad pababa nitong second floor at tumungo sa garage kung nasaan ang kotse niya. Ramdam ko ang presensya niyang nakasunod lamang sa akin. Hinayaan ko na lamang siya hanggang sa pareho kaming makasakay sa sasakyan niya.

“Nasaan nga pala sina tita Emma?” Pagtatanong ko dito nang simulan niya nang buhayin ang makina ng kotse.

“Nauna na silang pumunta sa venue. May mga aasikasuhin pa ata sila do’n.” Sagot nito habang abala sa pagmamaneobra ng manibela ng kotse. Kasulukuyan naming tinatahak ang daan palabas ng subdivision.

Tumango-tango na lamang ako at itinuon ang atensyon sa labas.

Makalipas ng ilang minutong byahe ang narating na namin ang hotel kung saan gaganapin ang engagement party. Binaba ako ni Jackal sa main entrance ng hotel na ipinagtaka ko.

“Go ahead first. I will just park my car.” Bahagya siyang nakadungaw sa bintana ng sasakyan. Hindi niya na ako hinintay na makasagot at mabilis nang pinaandar ang sasakyan. Pailing-iling akong naglakad papasok sa entrance ng hotel. May valet naman na pwedeng mag-assist sa kanya.

Masyado ata kaming napaaga dahil iilan pa lang ang bisitang naabutan ko nang makarating ako sa venue. Buong akala ko ay isang simpleng engagement party lamang ang magaganap dahil ‘yon ang sabi ni tito Romeo sa akin. Hindi ko naman inaasahan na ganito kaengrande ang simple sa kanya. Masyadong nakaka-overwhelm ang pagkakayos ng lahat. Halatang masyadong pinaghandaan.