" ပြန်မေးကြည့်လိုက်ပါ ... တကယ်လို့ သူမဘက်က ကျွန်တော် သူမကို ကာမရယူထားပါတယ်ဆိုရင်လည်း သက်သေနဲ့တကွ တရားစွဲပါ ..... ကျွန်တော်သာ တကယ် ကျူးလွန်တယ်ဆိုရင် တရားရင်ဆိုင်ဖို့ တွန့်ဆုတ်မနေပါဘူးခင်ဗျ "
" ကောင်းပါပြီ .... ကျွန်တော် ထပ်စုံစမ်းလိုက်ပါ့မယ် "
" အခု ကျွန်တော့်အိမ်ကို ဆင့်ခေါ်စာ ရောက်နေလောက်ပါပြီ ... ပထမရက် တရားခွင်မတိုင်ခင် သေချာစုံစမ်းပေးဖို့ တောင်းဆိုပါတယ် ဆရာ , လိုအပ်တာ ညှိနှိုင်းချင်ရင် ဆက်သွယ်ရအောင်လို့ ဒါ ကျွန်တော့် card ပါ "
" ဟုတ်ကဲ့ပါ ဆရာ .... "
အောက်ကျို့ပြီး ပြောစရာမလိုတာကြောင့် ေချချေတင်းတင်းပဲ ညှိနှိုင်းခဲ့ကာ ကိုယ့်ရုံးကိုယ် ပြန်ရတော့၏။ အဖေ့ဘက်က ဘယ်လိုရှိလဲတော့ မသိပါ။ မကြာခင်ပဲ မှုခင်းသတင်းကနေ ပါလာလောက်မလား။ အခုတော့ အဖေက ဂျပန်မှာရှိတဲ့ ကုမ္ပဏီခွဲကို အုပ်ချုပ်ရင်း အဲ့ဒီက ဂျပန်အမျိုးသမီးနဲ့ပဲ အတူနေထိုင်နေတယ်လို့ သတင်းကြားသည်။
တရားရုံးက ဆင့်ခေါ်စာ ပေးတယ်ဆိုတာကလည်း ပြည်တွင်းပဲ ရတာကြောင့် အဖေ့လို ပြည်ပမှာရှိတဲ့ တရားခံအတွက် တစ်နိုင်ငံနဲ့ တစ်နိုင်ငံ တရားခံ လွှဲပြောင်းစာနဲ့မှ ရမည်ဖြစ်သည်။
ထိုအမှုသာ တရားခွင် တက်ရင် မျက်မြင်သက်သေက ကိုယ် ကိုယ်တိုင်ဖြစ်၏။ သက်သေအနေနဲ့ ထွက်ဆိုရင် အဖေ့ကို ထောင်ချသူဟာ သေချာပေါက် ကိုယ် ဖြစ်လိမ့်မည်၊
ဘယ်လောက်ပဲ ရွံရှာမုန်းတီးနေပါစေ ... ဒီလိုတော့ မဖြစ်စေချင်ပါ ။ မပတ်သက်ပဲသာ နေလိုက်ချင်၏...ကိုယ့် ကြောင့်တော့ ဒုက္ခမရောက်စေလို....
နေ့လည်စာစားချိန်တောင် ကျော်လွန်နေပေမယ့် စားချင်စိတ်လည်း မရှိတာကြောင့် အစ်မကို အစာမကြေကြောင်းသာ ပြောထားရ၏။ ခဏနေ အမှုသည်လာစရာရှိတာမို့ လုပ်စရာရှိတာလုပ်ခါမှ silent လုပ်ထားတဲ့ ဖုန်းကို သတိရတော့သည်။
ကြည့်မိတော့ ကောင်လေးရဲ့ missed call ၃ ခု ။ လွန်ခဲ့တဲ့ မိနစ်ပိုင်းလောက်က ဆက်ထားတာဖြစ်သည်။
ပြန်ခေါ်ဖို့ လုပ်ပေမယ့် အမှုသည် ဝင်လာတာကြောင့် လက်ထဲက ဖုန်းကိုချကာ အလုပ်ဆက်လုပ်ရတော့၏။
Healing Love (25)
Start from the beginning
