عشك محرم

البارت التاسع

‏• أؤمن بالأدوية اللطَيفة
• مثلا .
• عيـونها ..♥️

......................................................................

يماا ردت انهبط مادري شديصير جوه.داسمع
صوت جوه عزاا بس لاجني منو كااعد هيجي
وقت قابل نزلت حاطه رجلي بالكاع صافنه و
اريد انتبه اذا اكو صوت جوه بعد

اخاف جاي اتخايل وكفت بسرعه لازمه كلبي
لٱ والله مداتخايل

باوعت للساعه ب5 الفجر معقوله اني الادري
بيه يتاخرون بالنومه شكو هسه رحت للبابب
مديت اذني بحذر بلعت ريكي

فاتحه لباب شويا شويا مديت راسي مشوف
غير ريتاج تريد تنزل للدرج والنعاس كاتلهة :
وكته هسه وكته

تمشي وتدردم طول عمرهة هيج الفضول ماا
خلاني ارجع غرفتي غير اشوف شديصير اني
سديت بااب الغرفه ومشيت بحذر عبالك راح
يكشفوني باوعت ماده راسي خفيف

عكدت حاجبي افرك بعيوني اشوف الكل مـن
صغيرهم جبيرهم كاعد ميثيم الجاي يفرك ب
عيونه وواكف وكفه مايعه يسحل بنفسه كوه
ريتاج التدردم معاجبهة ميلا واكفه والنعاس
بعيونهة بس متكدر تحجي

وحتى ابن اوس الصغير كلهم مسطفين واحد
بصف الخ بس الصغير يم عمه واكف

زين هاذه شعنده كاعد مــِْن هسه مو صباحيه
عرسه هاي مولازم يضل نايم جفلت من صاح
:نفس واحد ماسمع خاف عبالكم غافل عليكم
بس لاين انشغلت هلفتره

كام يحك شعره ميثيم: خالي ومحمد ميصير
هيج يعني انته عريس يعني اول مراا اشوف
هيج دروح نام شعندك مكابلنه

جان واكف مجتف ايده لابس فانيله سوده و
بجامه سوده فاانيلته لازكه على جسمه وبكل
هيبه وضخامه واكف مثل الجبل :انته اكثررر
واحد تنجب وتسكت لاعبالك ناسي سوايتكك
مال البارحه اطلعهن بيك اليوم

تركت كولشي وفهيت على جسمه شكله وهو
واكف بهلاملابس يجنن شعره مخربط شوياا
وعضلاته بارزه بجسمه وصدره العريض بس
ماحسيت غير يصيحلي

:احسن مامتختله مثل البزونه تتسمعين تعاي
انضمي الهم بيهة وبلياهة انتي ويااهم طابكه

بلعت ريكي هااذه شلون يكدر يعرف بيه شنو
عنده عيونه ثالثه ومادري اوفف وهاي حاالي
صار وياهم طابكه بسره

بلعت ريكي خايفه فاتحه عيوني اباع لحديقه
واسمع بميثيم يتذمر مراضي:خال والقران ماا
يصير يعني كل هاذه تريدنه نركضه

: بلا لغوه يله 20 لفه بسرعهههه

هو مـن صاح هي لكل بدت تتراكض اباوعلهم
مصفنه شسوي هسه اني التفتت عليه شويااا
شوياا جان واكف وراي يباوعلي ابتسمت اني
بغباء حركك حواجبه يعني امشي بلعت ريكي
اوفف ركضت وياهم طابكه