لا احد يستحققك مرتين
الكاتبه :(((زمرد وليد )))
ليث ؛ وصلت لدهوك والطريق تعب شويه النفسيه تحسنت من دخلت لدهوك
كبل للفندق تغديت ونمت مكعدت الى بالليل
لكيت الشباب كاعدين منتظريني نطلع للمول ونتعشه
ليث : اطلبو عشه من بره لو ناكل بالفندق مابيه اطلع تعبان من الطريق
يله ليث بلا هل سوالف وهل مغثه تعال نطلع نغير جو ونتعشه ونطلع
ليث : يله دقايق ابدل واجيكم
بدلت وطلعت وياهم للمول ضلو يشترون عطورات واكسسورات وهدايه
اني هم اخذت كم قطعه الاهلي
ليث : يله ياولد تره جعت اني امشو نتعشه كافي مشتره
كعدنه بمكان نطلب اكل ونسولف بالشغل والدوام
صديقي حسين كبي ليث شوف مو هاي البنيه هيه وطفلها الي بالمصيف تعاركت وياها نداريت لكيتها كاعده هيه واثنين شباب وبنت وابنها
اي حسين هيه
حسين : ولك ليث شوف الصدفه شجابها هنا
ليث : اي صدفه اباوع عليها مندمجه وتضحك وتشاقي ابنها
حسين : ليث هاي فرصه تعتذر من البنيه على الي صار
ليث : لا ما اعتذر هيه غلطانه ع شنو اعتذر
حسين : لا تعاند مابيها شي تره تعتذر
ليث : موقف ابنها قهرني حيل كمت منهم ونزلت جوه اكو محل العاب اخذتله سياره ورحت عليهم
تقربت للطفل وكتله اعتذر عمو ونطيته السياره
هيه شافتني محجت شي
واحد من الولد الي كاعدين كلي تفضل منو انته
ليث : اني اعتذر من هل طفل الصغير صار سوء فهم بالمصيف وحبيت اعتذر اله
رند : مقبول اعتذارك مصار شي
وسام : مصار شي اخويه اعتذارك واصل
ليث : شكرآ الك اخويه
ليث : دنكت ت الطفل وبسته وكتله عمو بعدك ضايج مني
ضل صافن بعيوني ميحجي
رند : عيني مصار شي وسيوفي صغير حتى نسى الي صار
ليث : سيوفي نسه وامه نست لو بعدها ضايجه
رند : لا عيني نسيت سالفه وانتهت بوقتها
ليث : تقبلون عزيمتي على عصائر
وسام : اشكرك خويه واصل
ليث : لا تردوني
وسام : احنه هواي وانت واحد المفروض احنه نعزمك
ليث : لا خل اعزمكم هسه وبعدين اعزموني هههههه
وسام : مايرد الكريم الى البخيل موافقين احنه
رند : ضليت اخزر بوسام شلون يقبل ولد منعرفه
ترخص من جماعته واخذنه المكان هادئه وحلو
تعرف على اخواني واختي وحجوله دوامهم وشغلهم
اختي هم عرفت بنفسها واختصاصها وضلو يحجون باوضاع البلد والناس الي كاعده بلا تعين
وسام : رند شو ساكته شبيج
مابيه ملتهيه ويه سيوفي
وسام : ماخذ عقلج هل سيوفي
رند : شعندي غيره وسام صدك تحجي
وسام : الله يخلي الج حبيبتي وتشوفينه مهندس مثلج
رند : تسلملي الله يسمع منك
ليث : اخذتهم ورحت وضلينه نسولف على الي يصير بالبلد وعلى شغلنه
كتلهم دكتور وعندي عياده
ودوام بالمستشفى ومشايف دربي
عرفت اخوانها اختصاصتهم واختها هم
الى ان اخوها كال ابنج يصير مهندس مثلج
عرفت هيه مهندسه
وتحب ابنها حيل
ضلينه نسولف عرفت وسام ومحمد
اخوانها
وعرفت وسام قريب منها حيل
طول ما احنه نسولف هيه مو ويانه ابد وملتهيه بابنها
كتله وسام بس طفل واحد عدها
كلي اي بس سيوفي وهوه حياتها ودنيتها
بس سيوفي جبير شعجب بدون اخ اخت
وسام : رند منفصله وعدها ابنها بالدنيا كلها
ليث: اها منفصله
وسام : اي انفصلت ومرت بايام صعبه كلنه راح نخسرها لان تخب زوجها حيل
ليث : شنو السبب انفصلت اذا تحبه
وسام : تعرفت عليه بالجامعه وعيشها احلى ايام السعاده الي جنه نشوفها بعيونها متنوصف تكعد وتكوم تحجي بزوجها جانت تحبه بخبال
ليث : لعد ليش انفصلت
وسام : خانها ويه اقرب صديقه الها
ليث : خانهاا ؟؟؟هذا الحب وخانها
وسام : اي خانها وتاذت بسببه بس الحمدلله رجعت على حيلها واحنه متركناها صرنالها سند ومخليناها تحتاج شي والحمدلله هسه هيه موظفه وعايشه حياتها متحتاج احد
ليث : الله يخليكم الها واعتذر ع الفضول وع الاسئله
وسام : لا ياخوي عادي هوه احنه نسولف بمشاكل الدنيا
ليث : نقهرت من سمعت قصتها هيه هادئه ومبينه خوش بنيه وحبابه
حرامات الي ديصير الها
شفتها تلعب ابنها بالعاب بره المكان
ترخصت من وسام وكتله عاجبني العب ويه هل صغير
وسام اخذ راحتك اني هم جاي وراك
بس منتظر محمد واختي يجون
ليث : رحت يمها ها شدسون يصير العب وياك عمو
رند : شتلعب وياه الالعاب مال صغار تره
ليث : اي ميخالف اني صغير هههههه
رند : شحجي وياه بله يريد يلعب ويه سيف وشجابه يمي واخويه كاعد شكد عيب بله
ليث : رحت السيف وضليت العب وياه حسيت نفسي طفل هل مره
بس متونس احسن من طلعه اصدقائي
حاطه وافرفر بي وهوه يضحك شعور حلو صح ضوجته اول مره بس هسه لا اكيد راح يحبني وينسى الي صار
رند : شفت ليث حاط ابني ويضحك وياه ويلعب
تمنيت مو هل غريب ويه ابني اتمنيت ياسر حبيبي ابو ابني وياه
اتمنيته بهل لحظه هوه الي لازم ايد ابني ويكوله بابا واشوف ضحكتهم
هل موقف رجعني سنين ليوره والخيانه ياسر
ما احس الى دموعي نزلت من وحدها ما اكدر احبس دموعي وابني بهل موقف ويه رجال غريب مو ويه ابوه 💔
شي صعب
ليث : دالعب ويه الطفل شفتها صافنه ودموعها على خدها
تعال عمو حبيبي نروح
اخذت الطفل ورحت يمها
رند شبيج
مابيه شي يله ماما نروح يم خالو
ليث : انتظري لحظه رند كوليلي ليش هل دموع
رند : كوتلك مابيه شي
ليث : تمام براحتج
رند : اخذت ابني ورجعت يم خاله وهوه اجه ورانه
وسام : شبيهن عيونج مدمعه
رند : مابيه بس تراب بره وصار عندي تحسس
وسام : صدكتج
رند : يله نرجع للفندق تعبنه اليوم
ليث : رجعت يم وسام وهيه كاعده
تريد ترجع للفندق
اني هم صار لازم اروح
اصدقائي ينتظروني
راح اروح وبعد ما اشوفهم
وسام : ها خويه ليث اليوم انت عزمتنه باجر العزيمه علينه ولا دكول لا
ليث. :فرحت من كلي هيج بدون تردد وافقت وكتله تمام
ليث : اني اترخص منكم وهذا رقمي خلي يمك وسام
عفتهم ورحت الجماعتي وسولفتلهم الي صار ويايه
وراها رجعت للفندق وهيه بالي هيه وابنها ويومي الي عشته وياهم كان حلو
عبالي بعد مراح اشوفهم بس همزين اخوها عزمني باجر
يله خل انام وباجر الله كريم تنحل
رند : كتله وسام باجر اني ما اكدر اجي وياكم طلعو وحدكم تعشو
وسام : لا عيب لازم تجين عيب من الولد
رند : لا خويه انتو روحو اني اريد اطلع مشوار وحدي اني وسيوفي
وسام : تمام الي تشوفينه بس وين رايحه
رند : اكو حديقه حيوانات باجر اروحلها بالليل
وسام : تمام اختي
ليث : متحمس اليوم راح التقي بعل عائله اللطيفه مره ثانيه
عجبني اطلع الصبح اخذ هدايه السيف
طلعت جبت كم شغله مال اطفال اكيد راح يحبهم
خلص يومي وصار المغرب اتصل عليه وسام وكلي اني منتظرك بفلان مكان
لبست وطلعت وصلت للمكان المطلوب
شفت وسام ومحمد واختها سلمت عليهم وكعدت كلت اكيد ماخذه ابنها تتمشى
انتظرت تجي ما اجت لحد ما طلبنه عشه
عرفت انو هيه ما اجت وياهم ضلينه نسولف ونتعشه
اخر شي سالت كتله سيوفي ماكو اليوم
وسام : اخذته امه الحديقه الحيوانات مكدرت تجي ويانه
ليث: اها اي خل يتونس
ضلينه نسولف مرت ساعه ترخصت منهم وطلعت
.......
رند : راحو اخواني واني رحت الحديقه الحيوانات
اني وابني بس محد يزعجنه لازم نكون وحدنه
نتمشى وهوه فرحان ويضحك
ويباوع ع الحيوانات فرحتي ودنيتي سيوفي من اشوفه فرحان تحلى الدنيا بعيني
نتمشى واسمع صوت سيوفي حبيبي ؟؟؟
يتبع
