لا احد يستحقق مرتين
الكاتبه (((زمرد وليد )))
رند : نزلت من السياره ورحت عليه كتله منو الي ماعدهام اخلاق ؟؟؟
باوع وكال بنظره غضب وانتي منو يمج حتى تحجين
كتله اني المقصوده بكلامك اني الي كنت بالسياره وتوجهلي هل كلام
ها انتي اي زين مره ثانيه انتبهي من تسوقين شوفي اكو عالم واكفه
لو بس اسمج صاعده سياره حضرتج
رند : ماكو داعي الهل كلام تكدر تغير مكانك ومتوكف بنص الشارع حتى متتعرض الهيج موقف
شنو انتي شنو تعلميني وين اوكف لو شسوي يله توكلي اخذي سيارتج وروحي منا مالي خلك نقاش ويه مره
رند : مره وشبيها المره شو متعرف تحجي
خلص روحي مابيها شي بس روحي منا
رند نزل ابني شاف الولد يحجي بصوت عالي
ونزل عليه ابني صغير بس منتبه شديصير
ويفتهم حيل راح للولد ودفعه كله عوف ماما
من شفت ابني اخذته ورحت للسياره ومحجيت شي ومردت ادخل بنقاش ويه هذا المتخلف
صعدت بالسياره اجه صديقه اعتذر مني وكال احسبيها علينه صديقنه ميتفاهم اعتذر مني وراح
بوكتها نغثيت حيل من كلامه ومن يكول مره لو ما ابني اعلمه المره شسوي
عفته ورحت وره اخويه
...........
اعرفكم بنفسي
اسمي : ليش
من بغداد عمري ٣٣ سنه
دكتور اسنان
طويل وجسمي تارس
فد يوم رحت سفره الاربيل متعودين اني واصدقائي ناخذ استراحه بعد عمل شاق نلتم ونروح طبعآ الحياه الي عايشها عباره عن عمل وجم واهلي وسفرات ويه اصدقائي
بعيد كل البعد عن مواقع التواصل الاجتماعي
وبعيد عن الحب والغزل مرتاح بحياتي الاخر درجه
سفره من سفراتي الاربيل بيوم طالعين اني واصدقائي وصار موقف نرفزني حيل ضليت طول اليوم ضايج ومالي خلك شي وكوه طلعت وياهم للمصايف
يسولفون ويضحكون واغاني واني مزاجي متعكر
خلصنه واكفين يم السياره نريد نصعد وما اشوف الى مي على تلفوني وملابسي صحت بصوت عالي الله انطلكم سياره بس ما انطلكم اخلاق
ورحت انضف ملابسي سمعت صوت بنيه دكول منو الي بلا اخلاق
هاي شبيها ومنو يمها مالي خلك ادخل وياها نقاش
وانتي منو يمج
كالت اني صاحبه السياره وضلت تجادل بالكلام
تمنيتها رجال حتى اعلمها شلون هيج تحجي ويايه
بس حرامات مره
احجي وياها وما اشوف الى طفل دفعني وكلي عوف ماما باوعت عليه انقهرت حيل
اخذته وراحت صعدت بالسياره الطفل قهرني من كال عوف ماما حسيت نفسي مجرم كدامه
حجو عليه اصدقائي وكالو البنيه محجت شي ليش هيج تصرفت وياها
تره عيب اذا انت ضايج محد اله ذنب طلع ضوجتك بي
انت مثقف واعي ميصير تصرف بهل طريقه شخليت للناس البقيه
اخذوني بالسياره ورجعت للفندق بس الموقف ميروح من بالي ابد
........
رند رجعت للفندق وميتين تعب وهذا نرفزني وعكر يومي
وابني خطيه موقف صعب حسيت ابني انقهر عليه من هل شخص
خل انام تعبانه انسي الي صار
........
اسمع التلفون يدك الساعه ١٠ بالليل
اخويه انزلي نطلع نتعشه يله
تمام نص ساعه وجايتك
بدلت وبدلت ابني وطلعت
اخذنه تعشينه وفترينه
اخذنه هدايه الماما وبابا
:وسام : رند شبيج مو على بعضج
رند : مابيه بس صداع شويه
وسام : متاكده رنود
رند : اي حبيبي قابل شبيه
وسام : عبالي بيج شي
رند : لا مابيه واالله
ماما انتي صايره جذابه دكولين مابيه شي
خالو ماما اكو واحد تعارك وياها
رند : سيف شبيك ماما
اي خالو والله ماما تجذب عليك
وسام: احجي رند منو تعارك وياج
خويه سوء فهم صار من جنه بالمصيف مو عركه
وسام : رند احجيلي بالتفاصيل
رند : خويه من طلعت بالسياره طفر مي على ولد وضل يحجي وخلص
وسام : متاكده رند
رند : اي خويه متاكده
رند : ابني كبر وضل يفتهم وميضم شي على خواله💔
موقف صعب ما اكدر اشرح الاخويه لان يخاف عليه ويحبني
خلصنه ورجعنه للفندق حتى السفره كرهتا اريد ارجع البيتي وشغلي
تعكر المزاج حيل
.........
ليث : رجعت للفندق سبحت وبدلت ونمت
من كعدت اجت المره وابنها بالي وليش اني اتصرفت بهل اسلوب وياهم
لو ينعاد الموقف مراح احجي شي اكتفي بالصمت فقط
.....
كعدت بدلت وطلعت ويه اصدقائي وباجر اخر يوم الي باربيل راح اروح لدهوك كم يوم
طلعنه تعشينه وفترينه ورجعنه نمنه
ثاني يوم هم خلصناها بره ونسه وضحك باجر رايحين الدهوك
.......
رند رجعنه للفندق ورتبنه اغراضنه كتلهم خل نرجع كالو وين تره مصار اسبوع من اجينه ورانه دهوك منرجع هسه احنه جاين نغير جو رنود
رند : شو خرب واهسي اريد ارجع
وسام شحدج ترجعين يله باجر لدهوك
نمنه وتوجهنه لدهوك الصبح
وصلنه للفندق ارتاحينه وضلينه نفتر بالشوارع والاجواء تخبل
وناس طيبين احس مزاحي تغير بدهوك
تعشينه ورجعنه من التعب نمنه
ثاني يوم اخذنه المكان كولش حلو بي حديقه حيوانات والعاب خلي سيوفي يتونس يحب هل سوالف لعبنه وضحكنه وسولفنه ورجعنه كالعاده للفندق ناخذ استراحه وبالليل طالعين للمول
نتعشه وناخذ كم قطعه ملابس الجو بي بروده هنا
نمت وكعدت العصر بدلت وبدلت سيوفي صار المغرب طلعنه للمول
اني واختي واخواني اشترينه اغراض الدنيا كولها
احب الشوبنك هههههههه
وسام يله مشبعتو
رند لاادشبيك بعدنه ششترينه
وسام هذا كوله وممشتريه شي الله ياخذج اي والله
شبيك وسام خليني اتسوق
وسام اتسوقي حياتي اتسوقي 👌👌
اخذنه اغراض ورحنه نتعشه
وسام ومحمد يحششون على اغراضنه وبضاعتنه
همه واكعين بيها خطيه هههههههه
نشتري وهمه يشيلون
طلبنه اكل جاي ناكل وسمعت صوت مو غريب عليه
اني اعتذر وبيده سياره مال اطفال
يتبع
