မျက်နှာကဇီးရွက်လောက်ငယ်နေပြီမို့ သည်းညှာ စိတ်လျော့လိုက်ကာ စာအုပ်နဲ့ဘောလ်ပင်ကို လက်ဆန့်တောင်းလိုက်ပြီး
"ပြီးရော လက်မှတ်ပါထိုးပေးရအုံးမှာလား"
"ကောင်းတာပေါ့"
"ကြက်သတုန်းကောင်"
"ကိုယ့်လင်ကို တအားရိုသေတာပဲ"
အဆင့်သင့်ဖောက်ထည့်ပေးထားသောကိုလာဖန်ခွက်ကိုယူကာတစ်ငုံမျှသောက်လိုက်ပြီး စားပွဲပေါ်ပြန်တင်လိုက်ကာ....
"မောင် တွေးနေပုံကြည့်ရတာ ငါ မောင့်အပေါ်လွန်ခဲ့ပုံပဲ စိတ်ချပါ လုံးဝထွက်မပြေးဘူးလို့ အာမခံတယ်"
"အင်း အာ့ဆိုပြောပြမယ် .....လာ မောင့်ရင်ခွင်ထဲလာ "
သည်းညှာ ဆိုဖာအောက်မှာခြေဆင်းထိုင်နေသူအပေါ်ကိုကျောပေးဝင်ထိုင်ကာ ရင်ခွင်နွေးနွေးဆီခိုဝင်လိုက်သည်။
..........
လွန်ခဲ့သော ၄နှစ်ခန့်က
သည်းညှာတစ်ယောက် ငယ်သူငယ်ချင်း တစ်ယောက်ရဲ့ကော်ဖီဆိုင်ဖွင့်ပွဲအတွက် မန္တလေးကိုထွက်လာခဲ့သည်။သိပ်မရင်းနှီးပေမယ့် တကူးတက လာဖိတ်တာမို့ လာဖို့ဆုံးဖြတ်ခဲ့တာ....။တကယ်တမ်းသူမအားပေ။
သူငယ်ချင်းအိမ်လမ်းကြားထဲကားအဝင်......
"ဒုံး"
"အာ့"
လမ်းအချိုးအကွေ့မို့ ကားနောက်မှန်ကိုပဲအာရုံစိုက် ကြည့်နေမိရာက ရှေ့ကိုသတိလွတ်သွားပြီး လူတစ်ယောက်ကိုတိုက်မိသွားပုံပေါ်သည်။
သည်းညှာ အမြန်ကားပေါ်ကဆင်းလိုက်ပြီး....
"ဘယ်ထိသွားသေးလဲ"
သူကစိတ်ပူစွာမေးလိုက်ပေမယ့် ဖုန်ခါပြီး ထလာသူက သည်းညှာဘက်လှည့်အကြည့်...လောကကြီးကိုမေ့သွားရသည်။ချောလိုက်တာ...။
ဇင်ယော်တောင်ပုံမျက်လုံးနဲ့မျက်ခုံးက စိတ်ထဲဝင်ကြည့်လိုက်သလို ခပ်စူးစူး။
"ရတယ် ကျွန်တော်လည်းမှားတာမို့ကိစ္စမရှိဘူး သွားလိုရာ သွားနိုင်ပြီ"
ခပ်မဲ့မဲ့ကြည့်ကာ တစ်ခွန်းသာပြောပြီး လှည့်ထွက်သွားသူ။ကျန်ခဲ့သူက တော့ ရင်ဘက်က အကောင်ပေါက်ကို ထိန်းမရတော့။သည်းညှာ ကိုယ့်ကိုကိုယ်တွေးမိပြီး ရှက်သွေးကဖျန်းကနဲ။ဘုရားရေ....သည်းညှာလိုလူမျိူးကရှက်သွေးထတယ်လား။
YOU ARE READING
မောင့်သည်းညှာရှင် (Completed)
Romanceတတိယ fic.. Cover song ဆိုရတာဝါသနာပါတဲ့Model လေးတစ်ယောက်နဲ့ Hotel ပိုင်ရှင် CEO လေးရဲ့ ချစ်ဇာတ်လမ်း... ဆံပင်ခွေခွေလေးတွေရော..အဲ့ဒီကြွတ်မြှီးလေးရော...ကလေးမျက်နှာ လေးနဲ့ စူးရှတဲ့ မျက်ဝန်းတောက်တောက်ကလေးတွေရော...။ဘယ်ဘက်လက်မက လက်ပွားလေးကိုရော...။တအားလွမ်း...
မောင့်သည်းညှာရှင် အပိုင်း ၇
Start from the beginning
