" ငါ့မောင်ရေ... အစ်မတို့ရောက်ပြီ "
တံခါးဖွင့်ပြီဆိုတာနဲ့ အသံအရင်ပြုတဲ့ အစ်မက ထုံးစံအတိုင်း နှုတ်ဆက်၏။ ထူးဆန်းနေသည်က ကိုယ်။ အစ်မ အနောက်က ပါလာမယ့် ကိုယ့်ကောင်လေး ဝင်လာမှာကို စောင့်ရင်း ရင်ကတလှပ်လှပ်၊ နောက်ဆုံးတော့ နုနုငယ်ငယ်လေးကို တွေ့လိုက်ရပါပြီ။
" အစ်ကို့~~~"
ဝင်ဝင်လာချင်းပဲ ကိုယ့်ဆီ ခပ်သွက်သွက်လေး လာကာ ဖက်တော့၏။ သူ လွမ်းနေတာပါပေါ့။
" အမလေး.... ငယ်ငယ်တို့များနော် ! သူ့လူကို တွေ့တော့မှ ချွဲတာတော့် "
ယောက္ခမ ပြောပြကတည်းက Baekhyun မရီးမှာ Chanyeol တစ်ယောက်ကိုသာ လှည့်ပတ်စနောက်နေ၏။ အိမ်မှာလည်း စစ်ပြေငြိမ်းဖို့ သူက ကြိုးပမ်းရသေးသည်။ Baekhyun အမေနဲ့ Baekhyun က တစ်ဖက်၊ အဖေနဲ့ အစ်ကိုက တစ်ဖက်ဖြစ်ပြီး Chanyeol အကြောင်းပြောရင်တောင် အဖေနဲ့အစ်ကိုက မကြိုက်ချင်။ ထိုအခါ ယောက်ျားနဲ့ ယောက္ခထီးကို ကိုယ်က Chanyeol အကြောင်းတွေ ဖောက်သည်ချရ၏။
အခုလည်း သူ့အရှေ့မှာ အကဲပိုနေတဲ့ အတွဲကို စနောက်နေပြန်၏။ သူ့အနေနဲ့တော့ Chanyeol က အပြစ်ပြောစရာတစ်ကွက်မရှိပါ၊ လူငယ်ပေမယ့် တည်ကြည်ဖြောင့်မတ်တယ်။ ပြတ်သားတယ်။ အရည်အချင်းရှိတယ်။ စိတ်ထားလည်း ပြည့်ဝတယ်။ ဒီလိုလူငယ်မျိုးက ဥာဏ်ထက်မြတ်ပြီး အနေအေးတဲ့ ကိုယ့် မတ်ကလေးနဲ့ဆို နေနဲ့လ ရွှေနဲ့မြပဲ။
" ခဏထိုင်ဦးနော် ကောင်လေး.... အလုပ်နည်းနည်း လုပ်ပြီးရင် တရားရုံးသွားကြမယ် "
" ဟုတ်ကဲ့ "
ခေါင်းလေးညိတ်ပြတော့ အသည်းယားမိကာ ပါးနုနုကို သူ တစ်ချက် ညှစ်လိုက်မိ၏။ နာသွားမှာ အသေအချာပါပဲ...သို့သော် ကောင်လေးကတော့ ဘာမှမပြော။
အမှုသည်တွေလာရင် ဆွေးနွေးနေကျ ဆိုဖာခုံမှာ ခဏထိုင်ခိုင်းလိုက်ကာ Chanyeol က လျှောက်လဲချက်ရေးဖို့ လုပ်၏။ Baekhyun ကတော့ သူ ထိုင်ခိုင်းတဲ့အတိုင်း ငြိမ်ငြိမ်လေးထိုင်ကာ game ဆော့နေသည်။ခဏကြာတော့ နှစ်ယောက်သား တရားရုံးဆီ ထွက်လာခဲ့၏။ နှစ်ယောက်အတူ ယှဥ်လျှောက်တော့ ကောင်လေး ကပဲ သူ့လက်ကို လာဆုပ်ကိုင်သည်။ အမြဲတမ်း ခပ်တန်းတန်း ဆက်ဆံလာခဲ့တဲ့ Chanyeol ကတော့ ဒီလို skinship နဲ့ စကားနုနုယွယွလေးတွေပြောဖို့ ခက်ခဲနေသေးပုံ။
![](https://img.wattpad.com/cover/272260256-288-k761088.jpg)
Healing Love (20)
Start from the beginning