သူ လျှောက်မတွေးချင်တော့တာနဲ့ Instagram ကို ဖွင့်လိုက်သည် ။ ဖွင့်ဖွင့်ချင်းမှာတင် အကျင့်ပါနေတဲ့ သူ့လက်က Acc တစ်ခုကို အလိုလိုရှာပြီးသား ။
သူ ထင်ထားတဲ့အတိုင်း ညက ဝတ်စုံနဲ့ ဆောင်ဟွန်းကို ပါတီမှာ ပျော်နေတာတွေ့ရသည် ။ Myday တော့ ဝင်မကြည့်ဖြစ်တော့ ။ ကောင်မလေးတစ်ယောက်ယောက်နဲ့ နမ်းနေတဲ့ပုံ ဒါမှမဟုတ် ဖက်ထားတဲ့ပုံပဲဖြစ်မယ်ဆိုတာ သေချာသလောက် ။
ကျောင်းနားလည်းရောက်ပြီမို့ ဖုန်းကိုပိတ်ကာ လွယ်အိတ်ထဲပဲ ပြန်ထည့်လိုက်သည် ။
ဒီလိုနဲ့ပဲ နေ့စွဲမရှိတဲ့ ပျင်းစရာနေ့ရက်တစ်ရက်က စတင်ရပြန်တယ် ။
🎗️
ပထမဆုံးအတန်းချိန် နောက်ကျနေပြီဆိုတဲ့ အသိနဲ့ ဂျိတ်ခ်ဟာ ဇောချွေးတောင်ပြန်နေတယ် ။ ဆက်တိုက်ပြေးလာတဲ့ ခြေထောက်တွေက တစ်နေရာအရောက်မှာ အလိုလိုရပ်တန့်သွားမိတယ် ။
ရင်းနှီးမလိုလိုနဲ့ စိမ်းနေတဲ့မြင်ကွင်း ။
ပတ်ဆောင်ဟွန်း နဲ့ ဂင်ချွန်းဟယ် ။
နှစ်ယောက်တစ်ကမ္ဘာဖြစ်နေတဲ့ သူတို့နှစ်ယောက်က ဘေးနားကဖြတ်သွားဖြတ်လာတွေကို ဂရုမစိုက် ။
ဂင်ချွန်းဟယ် ခါးတွေပေါ်ရောက်နေတဲ့ ဆောင်ဟွန်းလက်တွေဆီ အကြည့်မရောက်ခင် သူအမြန်လှည့်ထွက်ခဲ့သည် ။
ဘယ်လိုပဲ ပတ်ဆောင်ဟွန်းနဲ့ ကင်းအောင်နေနေ ဒီလိုမြင်ကွင်းတွေကို မမြင်ချင်မှအဆုံး ။
သုံးနှစ်လုံးလုံး လုံးဝရိုးမသွားခဲ့တဲ့ မြင်ကွင်းတွေပေါ့။
ဒါပေမယ့် ဂင်ချွန်းဟယ် ။
ချွန်းဟယ် ဆိုတဲ့တစ်ယောက်က ဆောင်ဟွန်းအတွက် ထူးခြားတယ်ဆိုတာ တစ်ကျောင်းလုံးသိသည် ။
တစ်ပတ်ပြီးတစ်ပတ် ကောင်မလေးတွေကို ထည်လဲတွဲနေကြ ဆောင်ဟွန်းက ချွန်းဟယ်ကိုတော့ ဘယ်တော့မှ မငြီးငွေ့။မငြီးငွေ့သော်လည်း ချွန်းဟယ် ကိုပဲ စွဲလမ်းနေတာတော့ မဟုတ်။ ချွန်းဟယ် က ချွန်းဟယ်။ ဆောင်ဟွန်းက ဆောင်ဟွန်း ။ ချွန်းဟယ် ကို ဆောင်ဟွန်းက သူ့ဘဝထဲက မပယ်ထုတ်သော်လည်း တစ်ပတ်တစ်ခါတော့ ကောင်မလေးအသစ်တစ်ယောက်နဲ့ တွဲမြဲ ။ ချွန်းဟယ်လည်း ထိုနည်းတူပင် ။
