ريا، 🔞☮️(مكتمله)

بارت ٣٤،💘🚸

ﻣﺴﺤﺖ ﺍﻟﻤﻜﻴﺎﺝ ﻭﻭﻛﻔﺖ ﻭﺍﺑﺎﻭﻉ ﺍﻟﻨﺴﻮﺍﻥ ﺟﺎﻱ ﻳﺪﺧﻠﻦ ﻭﺑﻌﺪ ﻣﺎﻳﺮﺟﻌﻦ ﻟﻌﺪ ﻭﻳﻦ ﻳﺮﻭﺣﻦ ﺭﻓﻌﺖ ﺭﺟﻠﻴﺔ ﺷﻔﺘﻬﻦ ﻳﻔﺘﺸﻦ ﻭﻳﻄﻠﻌﻦ ﻣﻨﺎﻙ ﻳﻌﻨﻲ ﺷﻨﻮ ﺷﻠﻮﻥ ﺍﺳﻮﻳﻠﻲ ﻣﺠﺎﻝ ﺣﺘﻰ ﺍﻋﺒﺮ ﻭﺍﻛﻔﺔ ﻭﺍﺑﺎﻭﻉ ﻋﺒﺮﺓ ﻣﺮﺓ ﻣﻦ ﻳﻤﻲ ﻛﻮﻟﺘﻠﻬﺎ ﺧﺎﻟﺔ ﺷﻠﻮﻥ ﺍﻃﻠﻊ ﻣﻨﺎ
ﺍﻟﻤﺮﺓ ....... ﻭﻳﻦ ﺗﻄﻠﻌﻴﻦ ﺧﺎﻟﺔ
ﺭﻳﺎ ........ ﻟﺰﻭﺟﻲ ﺍﺟﻴﻨﺎ ﻧﺰﻭﺭ ﻭﻛﺎﻝ ﻓﻮﺗﻲ ﻣﻨﺎ ﺑﺲ ﺍﺯﺩﺣﺎﻡ ﻣﺎﺍﻛﺪﺭ ﺍﻋﺒﺮ
ﺍﻟﻤﺮﺓ ........ ﻣﺎﻓﻬﻤﺘﺞ ﺧﺎﻟﺔ ﺍﻧﺘﻲ ﺍﻭﻝ ﻣﺮﺓ ﺗﺠﻴﻦ ﻫﻨﺎ
ﺭﻳﺎ ...... ﺍﻳﻴﻲ ﺍﻭﻝ ﻣﺮﺓ ﺩﺧﻠﺖ ﻫﻨﺎ ﻭﺯﻭﺟﻲ ﻛﺎﻝ ﻓﺘﺸﻲ ﻭﺍﻃﻠﻌﻴﻠﻲ ﺑﺲ ﺍﺯﺣﺎﻡ ﺷﻠﻮﻥ ﺍﻋﺒﺮ
ﺍﻟﻤﺮﺓ ...... ﺗﻌﺎﻱ ﺧﺎﻟﺔ ﺗﻌﺎﻱ ﻭﻳﺎﻱ
ﺭﻳﺎ ...... ﺍﻟﻤﺮﺓ ﺟﺎﻥ ﻭﻳﺎﻫﺎ ﺛﻨﻴﻦ ﺑﻨﺎﺕ ﻣﻦ ﻋﻤﺮﻱ ﻭﻭﺣﺪﺓ ﻣﺘﻮﺳﻄﺔ ﺍﻟﻌﻤﺮ ﺷﺎﻳﻠﺔ ﻃﻔﻞ ﺧﻠﺘﻨﻲ ﺑﺎﻟﺴﺮﺓ ﻭﻭﻛﻔﺔ ﻭﺭﺍﻱ ﺳﺄﻟﺘﻨﻲ ﻛﺎﻟﺖ
ﺍﻟﻤﺮﺓ ...... ﺍﻧﺘﻲ ﻣﺘﺰﻭﺟﺔ ﺟﺪﻳﺪ
ﺭﻳﺎ ....... ﺍﻳﻴﻲ ﺍﻟﻴﻮﻡ ﺻﺒﺎﺣﻴﺔ ﻋﺮﺳﻲ
ﺍﻟﻤﺮﺓ ........ ﺍﻧﺘﻲ ﻣﻨﺎ ﻣﻦ ﺑﻐﺪﺍﺩ
ﺭﻳﺎ ........ ﻻ ﻣﻦ ﺍﺭﺑﻴﻞ ﻭﺍﻭﻝ ﻣﺮﺓ ﺍﺟﻲ ﺍﺯﻭﺭ
ﺍﻟﻤﺮﺓ ...... ﻫﺎﺍﺍ ﺍﻟﻠﻪ ﻳﺴﻌﺪﻛﻢ ﺧﺎﻟﺔ ﻭﻳﺮﺯﻗﻜﻢ ﺍﻟﺬﺭﻳﺔ ﺍﻟﺼﺎﻟﺤﺔ
ﺭﻳﺎ ...... ﻣﺎﻋﺮﻓﺖ ﺷﺄﺭﺩ ﻋﻠﻴﻬﺎ ﻛﻮﻟﺘﻠﻬﺎ ﺷﻜﺮﺍ ﺧﺎﻟﺔ
ﻇﻠﺖ ﺍﻟﻤﺮﺓ ﺍﻟﻜﺪﺍﻣﻲ ﻛﻞ ﺷﻮﻱ ﺗﺘﻘﺪﻡ ﻭﺍﺗﻘﺪﻡ ﺍﻟﻰ ﺍﻥ ﺍﺟﺔ ﺍﻟﺴﺮﺓ ﺍﻟﻲ ﺍﻓﺘﺶ ﻓﺘﺸﺘﻨﻲ ﺍﻟﻤﺮﺓ ﺍﻟﻮﺍﻛﻔﺔ ﺑﺲ ﺷﻨﻮ ﻋﺒﺎﻟﻚ ﻣﺠﺮﻣﺔ ﻟﺰﻣﺖ ﺻﺪﺭﻱ ﺩﻓﻌﺖ ﺍﻳﺪﻫﺎ ﻫﻲ ﻛﺎﻟﺖ
ﺍﻟﻤﻔﺘﺸﺔ ........ ﺷﺒﻴﺞ ﻟﻴﺶ ﺩﻓﻌﺘﻴﻨﻲ ﻋﻨﺪﺝ ﺷﻲ
ﺭﻳﺎ ........ ﻻ ﻭﺍﻟﻠﻪ ﺑﺲ ﻟﻴﺶ ﺗﻠﺰﻣﻴﻦ ﺻﺪﺭﻱ ﺍﻟﻤﺮﺓ ﺍﻟﺪﺧﻠﺘﻨﻲ ﻛﺎﻟﺖ
ﺍﻟﻤﺮﺓ ...... ﺧﺎﻟﺔ ﺧﻞ ﺗﻔﺘﺸﺞ ﻫﻮ ﻫﻴﺞ ﺍﻟﺘﻔﺘﻴﺶ
ﺭﻳﺎ ...... ﺧﻠﻴﺘﻬﺎ ﺗﻔﺘﺸﻨﻲ ﻛﻮﺓ ﻋﻠﻴﺔ ﻭﻧﺰﻟﺖ ﺭﺩﺕ ﺍﻃﻠﻊ ﺑﺲ ﻭﺍﻟﻠﻪ ﻛﻠﺸﻲ ﻣﺎﺍﻧﺪﻝ ﺍﻟﻤﺮﺓ ﺻﺎﺣﺖ ﻋﻠﻴﺔ ﺍﻧﺘﻈﺮﻫﺎ ﺍﻧﺘﻈﺮﺗﻬﺎ ﺍﺟﺖ ﻭﺍﻧﺘﻈﺮﺕ ﺑﻨﺎﺗﻬﺎ ﻫﻢ ﻓﺘﺸﻦ ﻭﺍﺟﻦ ﻭﻃﻠﻌﺘﻨﻲ ﺑﺲ ﻃﻠﻌﺖ ﺻﺎﺭ ﻛﺪﺍﻣﻲ ﺣﻤﺰﺓ ﺍﻟﻤﺮﺓ ﺟﺎﻧﺖ ﻻﺯﻣﺔ ﺍﻳﺪﻱ ﻣﻦ ﺷﻔﺘﻪ ﻛﻮﻟﺘﻠﻬﺎ ﺧﺎﻟﺔ ﻫﺬﺍﻙ ﺯﻭﺟﻲ
ﺍﻟﻤﺮﺓ ....... ﺭﻭﺣﻲ ﺧﺎﻟﺔ ﺍﻟﻠﻪ ﻭﻳﺎﺝ ﺍﻟﻠﻪ ﻳﺴﺘﺮ ﻋﻠﻴﺞ ﻭﻳﺮﺯﻗﺞ ﻭﻳﺴﻌﺪﺝ
ﺭﻳﺎ ....... ﻛﻮﻟﺘﻠﻬﺎ ﺷﻜﺮﺍ ﺧﺎﻟﺔ ﻭﺭﺣﺖ ﻟﺤﻤﺰﺓ ﻭﺍﻧﻲ ﻣﺒﺘﺴﻤﻪ ﻭﺻﻠﺖ ﻳﻤﻪ ﻛﻮﺗﻠﻪ ﺗﻌﺒﺖ ﻫﻮﺍﻱ ﻧﺴﻮﺍﻥ ﻳﻔﺘﺸﻦ ﻭﺍﻟﺘﻔﺘﻴﺶ ﻟﻌﺒﺎﻥ ﻧﻔﺲ
ﺣﻤﺰﺓ ....... ﺍﻳﻴﻲ ﺣﺮﻛﺘﻨﻲ ﺍﻟﺸﻤﺲ ﻭﺍﻧﻲ ﻣﻨﺘﻈﺮﺝ ﻫﺴﺔ ﺷﻨﻮ
ﺭﻳﺎ ...... ﻻﺗﻜﻮﻝ ﺑﻌﺪ ﺗﻔﺘﻴﺶ
ﺣﻤﺰﺓ ....... ﻫﻬﻬﻬﻬﻪ ﻭﻟﺞ ﺷﺴﻮﻧﻠﺞ ﻭﻫﻴﺞ ﺧﺎﻳﻔﺔ
ﺭﻳﺎ ........ ﻋﻮﻓﻬﺎ ﺳﻜﺘﺔ ﻋﻴﺐ
ﺣﻤﺰﺓ ........ ﻫﻬﻬﻬﻬﻬﻬﻬﻪ ﺧﻮﺵ ﻫﺎﻱ ﻋﻴﺐ ﺍﻛﻮﻟﻠﺞ ﺑﻌﺪ ﺗﺪﺧﻠﻴﻦ ﻣﻦ ﻫﺬﺍ ﺍﻟﺒﺎﺏ ﺍﻣﻤﻤﻢ ﻻ ﻣﺎﺗﺮﻫﻢ ﺗﺮﻭﺣﻴﻦ ﻭﺣﺪﺝ ﺷﻠﻮﻥ ﻫﺴﺔ
ﺭﻳﺎ ..... ﻳﻌﻨﻲ ﻫﻢ ﺗﺮﻭﺡ ﻭﺗﻌﻮﻓﻨﻲ
ﺣﻤﺰﺓ ........ ﺩﺻﺒﺮﻱ ﺧﻞ ﺍﺷﻮﻓﻠﻲ ﺻﺮﻓﺔ ﺍﻛﻮﻟﺞ ﻫﺬﻧﻴﺞ ﺍﻟﻨﺴﻮﺍﻥ ﺍﻟﺠﻨﺘﻲ ﻭﻳﺎﻫﻦ ﻭﺍﻛﻔﺎﺕ ﻳﺸﺮﺑﻦ ﻣﺎﻱ ﺍﻣﺸﻲ ﺍﻭﺩﻳﺞ ﻳﻤﻬﻦ ﺣﺘﻰ ﺗﺪﺧﻠﻴﻦ ﻭﻳﺎﻫﻦ ﻣﺎﻝ ﺗﺮﻭﺣﻴﻦ ﻭﺣﺪﺝ ﻣﺎﺗﺪﺑﺮﻳﻨﻬﺎ ﺍﻣﺸﻲ
ﺭﻳﺎ ....... ﻣﺸﻴﻨﺎ ﻭﺍﻛﻴﺪ ﻻﺯﻡ ﺍﻳﺪﻱ ﺟﺎﻥ ﺍﻛﻮ ﻣﺜﻞ ﺍﻟﺴﺎﻛﻴﺔ ﺟﺒﻴﺮﺓ ﺑﺎﻟﻨﺺ ﻭﺷﻜﻠﻬﺎ ﺩﺍﺋﺮﻱ ﻳﺸﺮﺑﻮﻥ ﻣﻨﻬﺎ ﻣﺎﻱ ﺍﻟﻤﺮﺓ ﻭﺍﻟﺒﻨﺎﺕ ﻭﺍﻛﻔﺎﺕ ﻳﺸﺮﺑﻦ ﺍﻟﻄﻔﻞ ﻣﺎﻱ ﺍﺟﻴﻨﺎ ﻳﻤﻬﻦ ﺣﻤﺰﺓ ﻛﺎﻝ
ﺣﻤﺰﺓ ........ ﺍﻟﺴﻼﻡ ﻋﻠﻴﻜﻢ
ﺍﻟﻤﺮﺓ ........ ﻫﻼ ﻳﻤﺔ ﻋﻠﻴﻜﻢ ﺍﻟﺴﻼﻡ
ﺣﻤﺰﺓ ....... ﺧﺎﻟﺔ ﺑﻼ ﺯﺣﻤﺔ ﻋﻠﻴﺞ ﺩﺧﻠﻲ ﻫﺎﻱ ﺍﻟﺒﻨﻴﺔ ﻭﻳﺎﺝ ﻣﺎﺗﻨﺪﻝ ﻭﺧﺎﻑ ﺗﺘﻴﻪ
ﺍﻟﻤﺮﺓ ....... ﺍﻳﻴﻲ ﻛﺎﻟﺘﻠﻲ ﻣﺎﺗﻨﺪﻝ ﺍﻳﻲ ﻣﺎﺑﻴﻬﺎ ﺷﻲ ﺗﻌﺎﻱ ﻳﻤﺔ ﺗﻌﺎﻱ
ﺭﻳﺎ ....... ﺣﻤﺰﺓ ﻓﻠﺖ ﺍﻳﺪﻱ ﺭﺍﺩ ﻳﺮﻭﺡ ﻟﺰﻣﺖ ﺍﻳﺪﻩ ﻛﻮﺗﻠﻪ ﺣﻤﺰﺓ ﻟﻌﺪ ﺍﻧﺖ ﻭﻳﻦ ﺭﺍﻳﺢ
ﺣﻤﺰﺓ ........ ﺍﻧﻲ ﺭﺍﻳﺢ ﺍﺯﻭﺭ ﻭﺍﻧﺘﻲ ﺭﻭﺣﻲ ﻭﻱ ﺍﻟﺤﺠﻴﺔ ﺯﻭﺭﻱ ﻭﺍﻃﻠﻌﻲ ﺑﺴﺮﻋﺔ ﻣﻨﻴﻦ ﻣﺎﺗﻔﻮﺗﻴﻦ ﺍﻃﻠﻌﻲ ﻭﺗﻠﻜﻴﻨﻲ ﺍﻧﺘﻈﺮﺝ ﻫﻨﺎ
ﺭﻳﺎ ....... ﻫﻮ ﺭﺍﺡ ﻇﻠﻴﺖ ﺑﺲ ﺍﺑﺎﻭﻉ ﻭﺭﺍﺀﻩ ﻳﺎﻟﻠﻪ ﻳﺨﺒﻞ ﻭﺍﻟﻠﻪ ﺍﻭﻝ ﻣﺮﺓ ﺍﺩﻋﻲ ﻭﺍﻭﻝ ﻣﺎﺩﻋﻴﺖ ﺭﻓﻌﺖ ﺭﺍﺳﻲ ﻭﺻﺎﺭﺕ ﻣﻨﺎﺭﺓ ﺍﻻﻣﺎﻡ ﻛﺪﺍﻣﻲ ﺩﻋﻴﺖ ﺍﻟﻠﻪ ﺑﺒﺨﺖ ﺍﻻﻣﺎﻡ ﻳﺤﻔﻈﻠﻲ ﺣﻤﺰﺓ ﻭﻳﺤﻤﻲ ﻣﻦ ﺍﻟﻌﻴﻦ ﻭﻳﻄﻮﻟﻠﻲ ﺑﻌﻤﺮﻩ
ﺍﻟﻤﺮﺓ ﺷﺎﻓﺘﻨﻲ ﺷﻠﻮﻥ ﺍﺑﺎﻭﻋﻠﻪ ﻭﻣﺒﺘﺴﻤﺔ ﻟﺰﻣﺖ ﺍﻳﺪﻱ ﻣﺜﻞ ﺍﻟﻔﺰﻳﺖ ﻋﻠﻰ ﻛﻴﻒ ﺩﺭﺕ ﻭﺟﻬﻲ ﺍﻟﻬﺎ ﻛﺎﻟﺖ
ﺍﻟﻤﺮﺓ ....... ﺍﻟﻠﻪ ﻳﺤﻔﻈﻪ ﺍﻟﺞ ﻭﻳﺤﻤﻲ ﻻﺗﺒﺎﻭﻋﻴﻠﻪ ﻫﻴﺞ ﺗﺮﺓ ﺑﻔﺮﺣﺘﺞ ﺑﻲ ﺗﻨﻈﺮﻳﻨﻪ
ﺭﻳﺎ ........ ﺍﺑﺘﺴﻤﺘﻠﻬﺎ ﺍﺧﺬﺗﻨﺎ ﻟﻠﺤﻤﺎﻣﺎﺕ ﺗﻮﺿﻴﻨﺎ ﻭﺭﺣﻨﺎ ﺯﺭﻧﺎ ﺍﻭﻝ ﻣﺮﺓ ﺑﺤﻴﺎﺗﻲ ﺍﺯﻭﺭ ﻣﺎﺍﻛﺪﺭ ﺍﻭﺻﻔﻠﻜﻢ ﺷﻌﻮﺭﻱ ﺑﺲ ﺍﻛﻮﻟﻠﻜﻢ ﺣﺴﻴﺖ ﻧﻔﺴﻲ ﺩﺍﺧﻠﺔ ﻟﻠﺠﻨﺔ
ﺷﻜﺪ ﺟﻨﺖ ﻇﺎﻣﺔ ﺑﻜﻠﺒﻲ ﺣﺠﻲ ﻣﺎﺍﻛﺪﺭ ﺍﺣﺠﻲ ﺷﻲ ﻇﻠﻴﺖ ﻭﺍﻛﻔﺔ ﻛﺪﺍﻡ ﺍﻟﺸﺒﺎﻙ ﺑﺎﻟﺒﺎﺏ ﻭﺩﻣﻮﻋﻲ ﻫﻲ ﺗﺴﻮﻟﻒ ﻟﻼﻣﺎﻡ ﺍﺑﺪ ﻣﺎﺩﻋﻴﺖ ﻋﻠﻰ ﺍﺧﻮﺍﻧﻲ ﻭﻧﺴﻮﺍﻧﻬﻢ ﺧﻔﺖ ﻋﻠﻴﻬﻢ ﻣﻦ ﺩﻋﺎﺋﻲ ﺑﺲ ﺩﻋﻴﺖ ﺍﻟﻠﻪ ﻳﻬﺪﻳﻬﻢ
ﺯﺭﺕ ﻭﺻﻠﻴﺖ ﻭﺩﻋﻴﺖ ﺍﻟﻠﻪ ﻳﺤﻔﻈﻠﻲ ﺣﻤﺰﺓ ﻭﻳﺨﻠﻴﻠﻴﺎ ﻻﻥ ﻣﺎﻋﻨﺪﻱ ﻏﻴﺮﻩ ﺑﻌﺪ ﺍﻟﻠﻪ ﺻﺎﺭﺕ ﺏ 11 ﻭﻧﺺ ﻛﻮﻟﺘﻠﻬﺎ ﺧﺎﻟﺔ ﺍﻧﻲ ﺭﺍﺡ ﺍﻃﻠﻊ ﻻﻥ ﺯﻭﺟﻲ ﻣﻨﺘﻈﺮﻧﻲ
ﺍﻟﻤﺮﺓ ....... ﺷﻠﻮﻥ ﺗﻄﻠﻌﻴﻦ
ﺭﻳﺎ ........ ﺍﻧﺪﻟﻴﺖ ﻧﻔﺲ ﺍﻟﻄﺮﻳﻖ ﺍﻻﺟﻴﺖ ﻣﻨﻪ ﺍﺭﺟﻊ ﻣﻨﻪ
ﺍﻟﻤﺮﺓ ........ ﺧﺎﻑ ﺗﺘﻴﻬﻴﻦ
ﺭﻳﺎ .......... ﺟﻨﺖ ﺍﻧﺪﻝ ﻣﻦ ﻛﺎﻟﺖ ﺗﺘﻴﻬﻴﻦ ﻧﺴﻴﺖ ﺍﻟﻄﺮﻳﻖ ﻫﻲ ﺩﺍﺭﺕ ﻭﺟﻬﻬﺎ ﻟﺒﻨﺘﻬﺎ ﻭﻛﺎﻟﺘﻠﻬﺎ ﺗﻄﻠﻊ ﻭﻳﺎﻱ ﺑﺲ ﺗﻄﻠﻌﻨﻲ ﻭﺗﺮﺟﻊ
ﻃﻠﻌﻨﺎ ﻭﺍﻧﻲ ﺍﺑﺎﻭﻉ ﻫﻮﺍﻱ ﺯﻟﻢ ﻭﺍﻛﻔﻴﻦ ﺑﺲ ﺣﻤﺰﺓ ﻣﺎﻛﻮ ﻭﻫﺎﻱ ﺍﻟﺒﻨﻴﺔ ﺭﺟﻌﺖ ﻇﻠﻴﺖ ﺍﺷﺠﻊ ﺑﺮﻭﺣﻲ ﻫﺴﺔ ﺍﺷﻮﻓﻪ ﻫﺴﺔ ﺍﻟﻜﺎ ﻛﻤﺖ ﺍﺩﻋﻲ ﻟﻼﻣﺎﻡ ﺍﺷﻮﻓﻪ ﻳﺮﺑﻲ ﺑﺲ ﻻ ﺑﻌﺪﻩ ﻣﺎﻃﺎﻟﻊ ﻣﺘﺖ ﻣﻦ ﺍﻟﺨﻮﻑ ﻭﺍﻟﻌﺒﺎﻳﺔ ﻟﻌﺒﺔ ﺑﻴﺔ ﻃﻮﺑﺔ ﻭﺍﻟﻠﻪ ﺷﻮﻳﺔ ﻭﺷﻔﺘﻪ ﻛﺎﻋﺪ ﻋﻠﻰ ﻫﺎﻱ ﺍﻟﻴﺸﺮﺑﻮﻥ ﻣﻨﻬﺎ ﻣﺎﻱ ﺍﻟﻜﺎﻟﻠﻲ ﺍﻧﺘﻈﺮﻳﻨﻲ ﻳﻤﻬﺎ
ﺭﺣﺘﻠﻪ ﺑﺴﺮﻋﻪ ﻭﺍﻧﻲ ﺍﺿﺤﻚ ﻫﻮ ﺷﺎﻓﻨﻲ ﻛﺎﻡ ﻭﺍﺑﺘﺴﻤﻠﻲ ﻭﺻﻠﺖ ﻳﻤﻪ ﻟﺰﻡ ﺍﻳﺪﻱ ﻭﻛﺎﻝ
ﺣﻤﺰﺓ ......... ﻣﻘﺒﻮﻟﺔ ﺍﻟﺰﻳﺎﺭﺓ ﺣﺒﻴﺒﺘﻲ
ﺭﻳﺎ ....... ﺍﻟﻠﻪ ﻳﺘﻘﺒﻞ ﻣﻨﺎ ﻭﻣﻨﻜﻢ
ﺣﻤﺰﺓ ........ ﻫﺎﺍﺍﺍ ﺣﻠﻮﺓ ﺍﻟﺰﻳﺎﺭﺓ ﻣﻮ

ها شلونه البارت 🤕

🚸💜

لحد ينسى التصويت والتعليق😘💘

، 💙💛

ملاحظة / بس يوصلن التعليقات لل ٥٠٠ هسه انزل ما انتضر لثاني يوم وبكيفكم بعد 😁💘💛