(( لين ))
اليوم هو الخميس لذا ذهب جميع افراد العائلة الى المزرعة لقاء اجازة نهاية الاسبوع .. دعت والدتك خالاتي للذهاب معنا ووافقت خالاتي على ذلك .. كنت في الغرفة اكتب قليلا فسمعت صوت طرق الباب .. قلت : ادخل .
دخلت والدتك بابتسامة قالت : حبيبتي للحين ماجهزتي ؟.
- امبلى بس بيي انا مع خالتي بتمرني هني وبنيي ان شاء الله .
- خلاص عيل لا تتأخرون .
- ان شاء الله .
بعد ساعة تقريبا رن هاتفي فاجبت خالتي : وينج جوجو ؟.
- حبيبتي انا بقدر ايي .
- ليه ؟.
- فهودي حرارته مرتفعة .
- انزين وفطوم ؟.
- فطوم طلعت مع رفيجتها .
- هففففف وانا ناطرتكم من زمان ... الكل هدوني الحين بروحي فالبيت .
- كلمي عبد الله .
- مابي .
- شفيج تراه زوجج .
- بكسر باي .
انهيت المكالمة وانا احاول ان اطمئن نفسي .. ( اصلا عادي وناسة بروحي فالبيت يايي .. اكل ع كيفي واسوي الي ابيه.. ويت ويت .. اقدر اسوي الي ابيه ؟.. يعني ..................... )
بحماس سرت باتجاه خزانتي اخرجت منها ثياب السباحة نزلت للطابق السفلي .. خرجت من الباب وسرت لخلف المنزل فتحت الباب الصغيرة الخاصة بحوض السباحة .. ضغطت على الزر الخاص بالـ ( جاكوزي ) كي يبدأ بدفع الفقاعات والمياة الدافئة .. دخلت للحمام الداخلي وغيرت ثيابي .. ارتديت ( شورت ) لونه ( فوشي ) و ( تيشيرت كت ) قصير يصل لخصري وفضفاض لونه ابيض .. خرجت وشغلت اغنية من هاتفي اغنية ( my immortal ) جلست بداخل ( الجاكوزي ) وبدأت استرخي مع الماء الدافئ .. اغمضت عيني الى ان سمعت صوت الباب يفتح .. شعرت بالربع على الفور خرجت من الحوض وانا خائفة للغاية ولكن رأيتك تدخل !.. صدمت انت عندما رايتني بلعت ريقي انا .. قلت لك : شتسوي هني ؟.
سرت باتجاهي قائلا : انتي الي شتسوين هني ؟.
- قاعدة .
- شحقه مارحتي العزبة ؟.
- كنت ناطرة خالاتي بس سحبوا علي .
كانت نظراتك غريبة تنظر لثيابي ولي وكأنك تراني لأول مرة .. قلت لك : اأ.. انت شلون تطالعني جي .
- شلون يعني ؟.
- اطلع برا ماتشوفني مفصخة .
- ههههههههههه انتي هبلة انتي زوجتي يعني مب حرام .
- اهااااااااااا .. نسيت انك زوجي .
- هههههه حلفي .
تجاهلتك وسرت لأخذ هاتفي من على الطاولة .. قلت لي : روحي غيري ثيابج باخذج معاي .
التفت وسألتك : ايوة صح انت شحقه مارحت ؟.
- كان عندي شغل .
- اهاا خلاص عيل نطرني فالسيارة عشر دقاق وايي .
- اوكيه لا تتأخرين .
دخلت للحمام وبدأت استحم بسرعة .. خرجت وغيرت ثيابي دخلت للمنزل وارتديت عبائتي وخرجت كي اركب في سيارتك .. فتحت الباب الخلفية للسيارة كي اركب في الخلف التفت للخلف وقلت : خير ؟.
قلت : الخير بويهك ؟.
- تعالي قدام انا مب دريول عندج .
- هففففف .
فتحت الباب الامامية وركبت بجانبك ... جلست واغلقت الباب تحركنا .. كنت تشغل اغنية لـ Dean Martin... اغنية : Volare
قلت لك : ماكنت ادري انك تحب دين مارتن .
- انتي ماتعرفين شي عني اصلا .
- وانت بعد .
- ههههه اعرف كل شي عنج .
- انت لو تعرفني عدل ماكنت سويت فيني جذي .
- واثقة من نفسج !.
- ايوة .
كانت الاغنية رائعة وصوته العذب اغمضت عيني وبدأت اتخيل انني في روما .. سمعت صوتك تقول : نمتي ؟.
- لا بس حبيت الاغنية عيشتني فجو ثاني .
- غريبة .
- وشو الغريب ؟.
- انج تحبين هالاغاني الي اعرفه عنج كله دش دش .
- هههههههههههههههههههههههههه شنو دش دش .
- ROCK MUSIC.
- الاشياء الصاخبة .
- ههههههه ايوة .
- الحين تغيرت .. وايد .
لم تعلق انت بل بقيت صامتا .. كان الوقت قد تأخر .. راينا امامنا محطة للوقد دخلت بها لتعبئ السيارة بالوقود .. بعد ذلك ركنت بجانب ( سوبر ماركت ) قبل ان تترجل قلت لي : تنزلين ؟.
- لا .
- انزين اييب لج شي معاي ؟.
- مشكور .
ترجلت من السيارة اما انا بقيت افكر بك .. ارغب في التحكم بنفسي واتقان دور الباردة عديمة المبالاة ... بعد قليل فتحت انت باب السيارة وركبت وانت تحمل كيس قلت لي : امسكيه .
التقطته منك فجلست انت وناولتني كوب ورقي به مشروب ساخن .. اخذته منك وضعت كوبك على جنب .. وضعت كوبي بجانب كوبك .. قلت لي : عطيني ساندويش من الكيس .
فتحت الكيس واخرجت منه علبة ( كلب ) .. ناولتك .. نظرت لي وقلت : يبت لج كلب دجاج بعد كلي .
- ماقلت لك ابي .
نظرت لي بعناد وقلت : الطريق طويل اخلصي علي وكلي واشربي الكابتشينو .
- قلت انك تعرفني عدل ولو تعرفني ماكنت يبت لي كابتشينو .
- ادري انج تحبين الكرك بس مالقيت ويلا كلي .
فتحت علبة ( الكلب دجاج ) واخرجت الساندويش وبدأت اأكل .. بداخلي ابتسمت لأنك اهممت بي .. كنت امسك بكوبي الموضوع في مكانه المخصص بجانب كرسيي وكرسيك .. وبالمصادفة مددت يدك لتمسك بكوبك فامسكت يدي .. نظرت لك وانت نظرت لي بالمصادفة .. بسرعة حاولت ان تتهرب واكملت النظر الى الامام .. قلت : شحقه مب لابسة خاتم وانتي متزوجة .
- هههه محد ياب لي خاتم زواج .
- نسيت .
- مافي مشكلة وماله داعي .
- بشتريلج لازم .
- ماله داعي .
- لين لا تعاندين .
- هفففففففففففففف .
- كملي اكل .
سألتك : سحر تعرف ؟... بزواجنا ؟.
- انا ماخش عنها شي .
- حلو .. الله يخليك لبعض .
- هههه امين .
اكملنا الطريق ونحن صامتان ..
