في ضريح العشق حمامـــــه......💙🕊

البارت الواحد والعشرون

خالتي لحت عليه اتغدا واني احس بمعدتي نار ـ

سالت ؏ محمد وليلى ـ ڪالت خاله خابره وراح علمود الحسابات ..

وليلى اجه انور اخذها يڪول امة مو زينه مريضه ڪلش ...

رديت الله يشفيها ...

صليت ونيمت اطفالي. ...

توجهت لغرفتي .. اول شي غيرت خطه البحث ... وڪبست الخطه الاولى. والثانيه بدفتر مسوده البحث اخاف تڪول ماغيرتي الخطه ڪلشي اتوقع منها ...

رتبت المباحث ؏ الخطه وبديت اڪتب البحث بصورته النهائيه بخط. واضح احاول هالايام اخلصه. والافڪار متزاحمه ابالي ...

واطفالي ڪعدو وڪل شوي يجيني واحد واقنعهم بشي مااريد يدخلون يمي. ـ ڪلشي ولا البحث....

خالتي اخذتهم ڪالت راح اخذهم نڪعد بالباب انتي ڪملي ڪتابه ..

المغرب اجه محمد واني بعدني اڪتب سالني اساعدج بشي ...

مها ..لا دخيل الله ڪلشي مااريد ...

محمد ..مااتشاقه والله اڪتب الج مو تدرين خطي. حلو ....

مها...اي صح بس اني بالڪوه مرتبه افڪاري خليني اني اڪتب ....

سحبت باب الغرفه وقفلته اخاف ؏ اوراقي ...

توجهت للمطبخ اسوي العشا سمعت التليفون رن ـ
اجت انوسه ڪالت تعالي ؏ التليفون ...

رحت جانت ڪرستين ريتا مسولفه الها ؏ البحث حجينا شوي ڪالت ڪملي ڪتابه هاهيه انتي ماشيه صح الصح ....

ثاني يوم محمد التحق واني دوامت رحت لاستاذه بعلم النفس اخذ رايها لان نويت اسوي شي بسيطـ عملي مڪمل للبحث ....

سالتها عن تناسق الالوان وهي نصحتني ...
وبديت احجي الها ؏ افڪاري وهي تڪولي عال وتشجعني حسيت نفسي احجي وي ڪرستين نفس الاسلوب بالتشجيع ...

مرت ڪم يوم ونجله خابرتني ڪالت ارشد اجه....

اتفاجات شو ماادري ـ

ڪالت هو منو يدري ...

ڪلنا اتفاجانا ....

يڪول ياخذ وثيقه درجات الاربع سنوات ...

مها ...يامعوده ياوثيقه هاي ...

وهو اصلا دا يڪتب بالاطروحه ..

قبل شهر محمد ڪال موضوع الاطروحه صعب ومتفرع ...

نجله ..والله ماادري بس هو ڪال باجر اڪو امانه يوصلها وبعدها يسافر ....

اصلا لاخالي موجود ولا اي واحد من الولد ..

مها ...اذا اجه احد من الولد خلي يمر ياخذني تدرين بحالي ....

نجله ....ادري والله اول. مادخل البيت صرتي ابين عيني ...

وهو بس سلم علينا سال عليج ...ان شالله عمري اي واحد منهم يجي يمر لج اڪيد ....