Midnight Lover (Completed)

23

KABANATA 23

Pumasok ako sa The Cafe Station, alam kong nandito si Alessa pero pinili kong huwag na lamang s'yang pansinin. Nakiramdam ako, alam kong nakasunod ang mga mata n'ya sa bawat hakbang ko. Dumeretso ako sa counter desk at hindi na nag-sayang pa ng oras para tingnan manlang s'ya. I felt so empty... bakit nga ba?

Pagkatapos ng nalaman ko, gusto kong mag-wala sa galit dahil pakiramdam ko ay nagmukha akong tanga sa harap ng mga taong nakapalibot sa mundo namin ni Deinna. I don't like her since day one at wala akong magagawa pa roon. Pero ng makita ko ang social media account n'ya at mabasa ang mga comments doon, at malaman kong ex-boyfriend n'ya si David! Magkasama pa sila sa kwarto... at masayang masaya. Ano nalang ang sasabihin ni Papa kung malalaman n'ya 'to?

Si Alessa ang unang pumasok sa isip ko, ang maamo n'yang mukha.

Inabangan ko s'ya hanggang makalabas s'ya ng cafe. Gusto ko s'yang yakapin... pero bakit hindi ko magawa... nauuna ang galit ko. Bakit si Alessa? Bakit ka kay Alessa nagagalit?

Nauwi ang lahat sa hindi pagkakaintindihan. Napahawak ako sa pisngi ko kung saan tumama ang malakas na sampal. Alam ko na mali ako, na nasaktan ko s'ya sa nasabi ko... bakit nga ba?

Ilang araw na akong hindi nagagawi sa cafe... natatakot kasi akong makita s'yang galit sa akin. Kasalanan ko naman. Nagpadalus-dalos ako sa bugso ng damdamin ko. Nakausap ko si Deina at naging maayos naman ang pag-uusap namin kahit palagi s'yang nagmamadaling matapos ang pag-uusap naming dalawa... hahayaan ko na lamang s'ya tutal ito naman ang gusto ko di ba? Ang mapalayo sa kanya.

"What's up, Bro!!!" Hinampas ni Theo ang balikat ko. Nakilala ko si Theo because of Jetro.

"Lumabas sa lungga ang daga..." Bulong ni Gio.

"What..." Binalingan ni Theo ang nananahimik na si Gio, "So paano mamaya? Sasama ka ba?" Paalala ni Theo. Himala, after a month lumalabas na s'ya pagkatapos ng mapait n'yang nakaraan... nangingiti nalang ako sa mga kadramahan n'ya. "Jet will be there early with my sister so..."

"Pass!" Pangunguna ni Gio, "May date kami ni Veronica..."

Tumawa si Theo, "Who?"

"Veronica Alonte." Matabang sagot ni Gio.

"Yung hot momma na dating secretary ng Daddy mo?" Seryosong tanong ni Theo na muntik ko ng ikatawa ng malakas dahil sa pag-asim ng mukha ni Gio.