ظليت يم بيت عمي اتلاث تشهر وحياتي حلوة ومرتاحة خالتي لي اقرب وحدة على امي معافتني ابد حتى مرات تجي لبيت عمي تشوفني وتنطيني فلوس وتجيبلي ملابس وتظل يمي اشوية وتروح ولاو عمي ممقصر ابد بدون ماحجي مرت عمي تجيبلي كمت اساعدهم بالشغل بس عمي ميقبل يكول انتي تكعدين وتسكتين بس اني اخجل الا اساعدهم مرة من الايام اتاخرت بالنومة كعدت لكيت حيدر كاعد يم عمي ويلعب وياة كتلة صباح الخير اسفة اتاخرت بالنومة مرت عمي كالت لاعادي كلبي عمج كال لدكعدوهة باوعت على عمي وابتسمت دروح كال وين كتلة اغسل كال ها اوك غسلي وتعالي رايدج بموضوع كتلة اوك غسلت واجيت كعدت يمة كتلة ها عمو اتفضل كال شوفي فرح كل ابنية من تكبر تزوج وتسويلهة عائلة حلوة كتلة اي والمعنى من هل كلام كال اخت مرتي رايدتج لبنهة دحجي كال اسمعيني اني مااجبرج والله كولي اي او لا كتلة لا اني اريد اكمل دراسة كال هاهية لعد دكوم كال فرح كتلة ها عمو كال شنو رائيج بمحمد كتلة شبي كال شرائيج بي كتلة حباب خوش ولد كال محمد يحبج ترة حسي بي ولج كتلة عمووو كال اي والله هو يحجيلي كولشي وكالي اكلج شوفي اني اكول اختاري ابن عمج مو لان ابني لاواللة بس هو يحبج وانتي هم تظلين يمي وكدام عيني كال مراح اجبرج فكر ورديلي الجواب كتلة اوك رحت اساعدهم بالغدة صبينة الغدة وكعدت كبال محمد صدفة والله صارت هيج كعدت اوكل بحيدر واني اكل هم رفعت راسي لكيت محمد يباوع علية صارت عيني بعيونة رسن نزلت عيني ظل يباوع عمي كال احم احممم محمد اكل عدل عينك بالماعون فشلة كملت غسلت المواعين واخذت حيدر سبحتة وبدلتلة رحت دنوم حيدر اذكرت كلام عمي هم صدك كلامة واني لازم استر على نفسي سيف لو يلكاني اهنا يموتني والله من غير شي هو منعني اروح لبيت عمي لان عندة ولد اووف هو شعللي هو عدوووي حرمني من اهللي شعلي هو حمااار نفس جعفر طلعت دكول لعمي لكيتهم كلهم مجتمعين عزا اشلون اكلة بهل هوسة تخبل لمتهم ماكو احلى من لمت الاهل
