سعيد:ايه الاخبار؟.. عملتوا ايه فى الفرح؟ امير مردش عليه ودخل اوضته قفل على نفسه الباب. سماح راحت قعدت قدامه على الكرسى:بنت المحظوظه جابلها خاتم من الماظ تخيل.. سعيد بصلها بصدمه: انتى بتخرفى بتقولى ايه! سماح: واللهى زى مبقولك كده.. سعيد بص لئوضه امير وبصلها. سماح: طول الفرح يبصلها وعيونه هتطلع من عليها كل شويه احاول اخرجه من سكوته ومش عايزه حد يلاحظ ان مضايق علشانها شويه ابصله الاقيه بردو بيبصلها طول الفرح وطول الطريق منطقش بكلمه واحده. سعيد باصصلها وبيسمعها بتفكير: امم.. وهى؟؟ سماح: هى فى عالم تانى مع جوزها السعاده مكنتش سيعاهه..بقولك جابلها خاتم الماظ يعنى لو مكنتش بتحبه كانت حبته. سعيد باصصلها بشرود وبيشرب كبايه الشاى اللى فى ايده:مفيش حل غير انه يبعد عنها ويحط ايده على خده لحد مينساها. سماح:وتفتكر بالطريقه دى هينساها؟..ابنك مش كده. سعيد:امال عيزانى اقولك ايه يعنى؟ سماح:انا والله نفسى يبطل تفكير فيها ويحزفها من دماغه ومن حياته خالص بس مش قبل ماتندم انها سابته ورفضت ابنى..انا ابنى ميترفضش ابنى دكتور وكل الناس بتحلف بيه هو مش قليل علشان بت مفعوصه زى دى ترفضه. سعيد بيسمعها وساكت تماما هو اطرد من البيت وكان بسببها وطبعآ السبب الرئيسى هو اللى وراها ومقويها.. كاظم. فى بيت عيله ليندا.. شيماء: والله كان يوم فى منتهى الجمال قلبى كان بيرقص من الفرحه علشانها.. بنت غلبانه وتستاهل كل خير. عبدالله ابتسم وبيغير هدومه: تعرفى ربنا عمره مابيعمل حاجه وحشه لحد. شيماء: الله طبعآ يا حج. عبدالله: مش قصدى بس انا فى البدايه كنت مستغرب هى بنت كويسه وعارفه ربنا ليه تقع مع واحد زى ده!!.. لا عنده دين ولا اخلاق ولا تعليم ولا فى ميزه واحده... بس بعد كده انا اكتشفت حاجات كتير حلوه فيه.. وعلشانها ربنا هداهولها طبع بيصلى وبيبحث فى دينه فعلا الطيبون للطيبات.. وعلشان هو رزقها ربنا هداهولها وهى كمان كانت هدايه ليه لانه شاب كويس من جواه.. شيماء: والله انا من اول مشوفته وانا حسيته كده زى ابطال السيمه فى فى وشه جازبيه وكلامه زى السكر. عبدالله بصلها: جرا ايه يا وليه! شيماء: مش قصدى ياحج انا قصدى اقول انى مكنتش رفضاه من الاول مش كفايه انه شاريها وبيعاملها ولا معامله الملوك فى قصورهم.. مع انها بهدلته معاها وبدل مكان بينام هناك على ريش نعام بقى بينام على سرير من اسمنت.. فى اكتر من كده بهدله. عبدالله: بس جابت بفايده واتهدى. هنا بتتفرج على الصور اللى اتصورتها مع ليندا: كانت زى الاميرات كل حاجه فيها كانت حلوه. فرحه: ربنا يسعدهم لايقين اوى على بعض.. ايه ده مش دن اخوه.. انتى صورتيه؟ هنا ضحكت: امااال مش بقى من العيله فرحه: الله لايسيئك وصورته تعملى بيه ايه؟ هنا:متقلقيش ياختى مش لواحده هو ومراته. سنيه: انتوا بتعملوا ايه؟ هنا بصتلها وابتسمت: بنتفرج على الصور تعالى اتفرجى معانا. سنيه راحت قعدت معاهم. فرحه: دى رحمه. سنيه بصت لصورتها كانت عيونها على كاظم. هنا: اه مقامتش من مكانها من اول الفرح تحسيها واخده تصريح للكرسى اللى قاعده عليه. ويضحكوا. فرحه: الخاتم اللى جابهولها خياال.. سنيه:انتوا مش ناويين تروحوا علشان اجوازكوا؟؟..انتوا قاعدين هنا وسايبينهم من قبل الحنه. هنا: الله يعنى هما هيطيروا ولا انتى بقى زهقتى مننا! سنيه: لازهقت ولا حاجه انا بتكلم علشانهم مين يطيق مراته تفضل بعيده عن البيت بالاسابيع!؟؟ هنا: مصطفى عديم الدم عادى مابيهمهوش. سنيه: هو يقول كده بس بردو مش هيطيق القعده لواحده ينام ويقوم وياكل لواحده مع الوقت هيمل. فرحه: انا مروحه بكرا انا فهمت راجى كان وجودى هنا علشان ليندا بس هى حاليآ اتجوزت فاهرجع البيت. سنيه: يلا تصبحوا على خير انا هدخل انام صح انا هروح لليندا بكرا حد منكوا هيجى معايا؟ فرحه: انا كمان هروحلها وابقى اطلع من عندها لبيتى.. بت يا هنا صح انتى مشوفتيش الشقه بتاعتهم. هنا:لا ولا ماما شافتها. فرحه: شقه جنااان بسم الله ماشاء الله فعلا حته شقه اللهم لا حسد يعنى. هنا: لا ماهو اتحسد واللى كان كان. فى اليوم التالى. فى المطار.. قمر وقفت بألم ومسكت فى چونى:اااه.. چونى بصلها ومسكها:فى ايه مالك؟ قمر بصتله بألم وتعب:مغص جامد مش عارفه ايه اللى حصل. چونى:طيب تعالى نروح المستشفى. قمر هزت راسها بنفى:الطياره. چونى:مش مهم مش احسن مكنتى تتعبى فى الطياره..تعالى نروح المستشفى هى لسه فاضلها نص ساعه وتطلع لو لحقناها يبقى كويس بس اطمن عليكى الاول. بعد مراحوا المتسشفى. الدكتور خرج من عندها وهو بصله بقلق:ايه يا دوكتور طمنى هى كويسه؟ الدكتور ابتسم:متقلقش مفيش حاجه تخوف ده طبيعى مع الحمل. چونى بصله بصدمه وسعاده:حمل؟؟؟..احلف. الدكتور ضحك:واللهى حمل. چونى ابتسم بسعاده:طيب انا ممكن ادخولها؟ الدكتور مبتسم على فرحته:اتفضل. چونى دخلها بسرعه. قمر بصتله بأبتسامه وهو قرب باس جبينها وحضنها:هيجيلنا طفل هبقى اب يا قمر. قمر ابتسمت وحضنته:انا مكنتش متخيلاك هتفرح اوى كده. چونى بعد وبصلها بابتسامه:لازم افرح طبعآ مش هبقى اب وهتتخلق منى ومنك حته. قمر ابتمست وحضنته:انا بموت فيك. چونى ابتسم وحضنها بسعاده. فى بيت امير. امير خرج من اوضته وهو لابس هدومه ومتشيك. سماح بصتله بأستغراب: على فين؟ امير: هروح للعرسان الجداد. سماح بصت لسعيد ورجعوا بصوله: احنا محدش فينا رايح وبعيدن تروحلها انت بتاع ايه؟؟ امير: ايه مش ابن عمها؟ سماح: ايوه بس يعنى.. امير: انا مبخدش تصريح انا هروحلها يعنى هروحلها. ويمشى. سماح بصت لسعيد بغضب: شوف تصرفات ابنك وعمايله يروحلها ليه الصباحيه انا مش فاهمه. سعيد ضحك بسخريه: هو مش رايحلها يبارك هو فى فى دماغه حاجه بيعملها. سماح: والله انا عقلى مبقاش يستحمل اللى بيحصل. فى بيت كاظم وليندا. ليندا ابتدت تفوق من نومها حست بكاظم لسه جنبها ولانه بيملس على شعرها بهدوء. ليندا ابتمست وفتحت عيونها بصتله شافته باصصلها: صباح الخير. ليندا ابتسمت: صباح النور.. انت لسه صاحى؟ كاظم هز راسه بنفى: بقالى شويه.. ليندا: امال نايم ليه؟ كاظم: هو عيب افضل جانب مراتى؟ ليندا ابتسمت وهو قرب باس خدها بقى يشوكها بذقنه وهى تضحك وتحاول تزقه: كاظم بقى بجد قلبى هيوجعنى من كتر الضحك. كاظم بيضحك وبعد عنها شويه بص لعيونها بمكر. ليندا بصتله وحطت الغطا على نص وشها لحد عيونها:ايه.. كاظم ضحك على طريقتها الطفوليه وكأنها بتستخبا منه. فى الوقت ده سمعوا صوت خبط على الباب. ليندا بصت لباب الاوضه وقامت: مين هيجى بادرى كده!؟ كاظم ضحك:بادرى ايه الساعه ٣. ليندا بصتله بصدمه: انا ازاى نمت كل ده!! كاظم بيلبس الروب: قومى البسى اسدال علشان لو خرجتى. ليندا ابتسمت وشدت الغطا عليها وبصتله بمكر: اكيد هخرج. كاظم ضحك: تعرفى انتى بتفكرينى بأيه؟ ليندا ابتسمت: حاجه حلوه؟ كاظم: بتفكرينى بالقطه السيامى. ليندا كشرت: اشمعنا؟؟! كاظم:مش عارف بس حسيتك لايقه عليها. ليندا كشرت بزعل: مخصماك يا كاظم. كاظم ابتسم وغمزلها: هشوف مين اللى بيخبط وارجع نحل الموضوع مع بعض. ليندا ابتسمت وهو خرج من الاوضه راح يفتح الباب. ليندا قامت دخلت الحمام. كاظم فتح الباب وبصله ملامحه اتغيرت اول مشافه. امير بصله بأبتسامه غل: صبحيه مباركه. كاظم باصصله.. تابعووووووووووووووووووووووووووووووووا.. يلا نكمل بكره💛 الاسئه👇 تتوقعوا ايه اللى ممكن يحصل مع كاظم وليندا؟.. وهل تدخل امير فى حياتهم هيبقى ليه اثر جانبى عليهم؟ ٢_عدنان هيسافر معاهم ولا خلاص خاد القرار يبعد عن كل حاجه؟.. وايه الافضل ليه من وجهه نظركوا؟ بتمنى لكم قراه ممتعه❤
Oops! This image does not follow our content guidelines. To continue publishing, please remove it or upload a different image.
