غزالتي النازحة

البارت الخامس والعشرون

الكاتبة🦋زمرد🦋
.
.
.
.
.
.
.
.
كم كان كبيراً حظي حين عثرت عليك؟🤎
.
.

امير: يلا طبي وسدي الباب وصلت للدوام مر اسبوع بالدوام واليوم عرس قسور الحنة اخذت اجازة علمود ارجع

غزالة:مر الاسبوع ماكو مشاكل قسور اتفق ويانة اني ونما انو شتحجي هديل معلينة بيهة احنة هم سكتنة لبسناهة تحجي حجي مصاير هي وامهة بس نما تردهن واني كتلهة لتحجين عوفيهن خيولن سكتت اليوم كعدتنة عمتي الساعة ب٦ كالت

ام قسور:ولجن اليوم مو عدنة عرس شوكت ناويات تكعدن

نما:يمة اخذي غزالة اليوم عرسهة مو عرسي

ام قسور:ولجن كومن

غزالة:اجينة عمة

ام قسور:قسور يمة وينك يلا كوم والله موتوني شوكت تكومون وحدكم مليتت كرار يمة كوم

قسور:كمنة يمة كمنة

كرار:اووو الوالدة ب انذار اليوم

قسور:انجب وانزل

كرار:خوية عيني عليك

قسور:ليش بالله

كرار:جديتي وصتني بيوم الحنة متشوف غزالة

قسور:ديلا ولي انة اعلمك من تتزوج شوف شسوي بيك

كرار:يلا خوية انروح للحلاق نغير الخلقة همزين شعري طلع زادني وسامة

قسور:ديلا امشي ولي وطلعت غزالة ابتسمت

كرار:هاا يمعودين

قسور :شعليك انت يلا امشي ولي انزل

كرار:جديتي موصيتني انزل وياية

قسور:يلا عمري باجر احجي وياج كدامهم وشحدة اليحجي واعاين الكرار نزلة وبدت الهلاهل نزلوا كرار وحيدر

كرار:واخونة خوش اخو يستاهل الهوسة كلللوووششششش

حيدر:وعمامة هواي والشارع يسدونة كللوووووششششش

ام قسور:يبعد امك اليوم اسعد يوم بحياتي امنيتي جنت اشوفك معرس يروح امك وطشيت جكليتت

غزالة:هم نزلت ونفس الشي هلاهل وجكليت لكيت مينا جاية حضنتهة وحضنتني كالت

مينا:انتي اهلي واني اهلج ديربالج بيوم تحسين ماعندج خوات وماكو احد من اهلج وياج اني وياج على الحلوة والمرة

غزالة:حضنتهة كتلة يول انتي احلى اخت بالدنيا هنيالي بيج ونزلت دموعي

مينا:عمري ومسحت دموعهة

نما:قسوري رايد رايتة وعايف بنات ولايتة كللوووشششششششش

قسور:ابتسمت

فضة:يمة يوم اشوف جهالكم وافرح بيكم يبعد هلي

قسور:بستهة من راسهة ان شاء الله حجية اسوياج روضة مال جهال