هلو حبايبي
.
.
بينما تبحر خلال اليوم
قد لا تستطيع السيطرة على
أفكار وكلمات وأعمال غيرك
لكنك قادر على تعديل موقفك
وردودك وأفعالك لتجعل يومك رائعاً ...
.
.
أسماء ،،، اليوم عرس محمد وعلي كعدنا من صبح
اني وعلا ورند طلعنه سوئ لبيت شيخ
اول مدخلنا الكل نايم لسه الدنيا ضلمه بس باقر
كال لازم نخلص شغلنا من وقت اول موصلت البيت
كانت بس العامله كاعدة فتحت الباب
سويت طريق دخلو باقر وفهد اخذو ثلاث كياس
طحين ودوهم للمخبز كان واحد من شبابيك المطبخ
يطل علئ الحديقه الخلفيه اكو مخزن بالخلف
وكدامه صبه كبيرة اباوع كوم زلم وكلها محزمه
عبالك وحوش شكلهم يخوف قصاصيب
وزيد و علي وياهم واقفين شوي وطبكت يمهم
سيارة متروسه خرفان صارو ياسر ورعد ينزلون
خرفان واحد واحد وينطون للرجال اباوع عليهم
ثنين يذبحون وثنين صارو يصلخون والدم يطافر
متحملت المنظر اتخيل يذبحون كل هل خرفان
يبوووو خطيه اذا الله مكذبني بالعشرين خروف
فجع هاذا كله راح تاكلو شوي ودخل ميار
وباايدة معجانه كبيرة خلاها علئ سنك طبعا الولد
ماعدهم ميانه ويا علا ورند لذالك كال الي
ميار ،،، صباح الخير اسماء امي وين
أسماء ،،، البارحه تعبت لذالك لسه مكعدت
ميار ،،، اخاف مريضه فدوة شوفيها شبيها
أسماء ،،، لا مبيها شيئ لتخاف عليها شيخ هم نايم
ميار ،،، هاا زين لعد بلا زحمه هذول سوهم ريوك
للعمال بس استعجلو
أسماء ،،، تدلل نص ساعه يجهز ريوك
ميار ،،، اي عفيه محتاجين شيئ
أسماء ،،، لا سلامتك
أسماء ، طلع ميار ورحت شفت المعجانه بيها اربع
معاليك ( احشاء الخروف) بسرعه غسلتهم اني وعلا
وكعدنا نقطع بيهم العاملات ويانه يساعدونه ورند
جهزت بقية الريوك ساعه خلصنا اتصلت علئ ميار
اجه كال
ميار ،،، ها خلصتو
أسماء ،،، اي كل شيئ جاهز
ميار ،،، خمس دقائق ونخلص تكدرون جهزون
