قصه هند ﴿ في غرام فصليه اخي ﴾ حقيقيه ✔️ هاي اسم قصتنه الجديده

..

ا احبه خلي الج بالعافية

جنت بالمطبخ سمعت صوت جاسم يصيح بصوت عالي طلعت امه وراحت لغرفتهم طلعو متكاونين هو وكوثر طلع جاسم من البيت رجع بالليل تعشة وگعد يحشش جگاير

خلصت شغلي ورحت لغرفة مروة حتة اسبح بالحمام مالتهة طبيت سبحت وطلعت رحت للمخزن او الغرفة مالتي اريد اسد الباب اندفع علية
طب جاسم باوعلي من فوك ليجوة اتقرب علية واني ارجع ليورة وارجف حسيته مثل الوحش جاي على فريسته لزم خصري ووخر المنشفة من شعري

ادفع بي ميقبل يوخر لزم شعري يشم بي وجان يگول افيش شلون ريحة متت خوف منه گمت ابجي واصيح
بس حط ايدة على حلگي جان يگولي انتي حلالي ويلي عاجبني اسوي بكيفي هزيتلة براسي لا وابجي
جان يطب قيصر للغرفة

#قيصر
جنت نازل اريد اشرب مي رحت للمطبخ شربت سمعت صوت بجي وحس حجي طنشت صعدت على الدرج سمعت صيحة وبعدين صار هدوء بس الصوت صوت هند اعرفه !!

گام گلبي يلعب رحت للمخزن فتحت الباب لگيت جاسم يمهة وهية تبجي وهذا لازمهة
بدون وعي صحت جاسم وضربته بوكس وگع بالگاع
طلعت امي من غرفتهة جفلانه تگول شكو شصاير حسكم بهاليل

باوعت لهند وجهة كله دموع گتلهة ابنج العينتين جاي بهاليل يعتدي على هند
گام جاسم وگال اول شي هية مرتي واني حر يلي عاجبني اسوي

گامت الشياطين تگمز براسي يريد شنو !!
تصير من صدگ مرت اخوية لا ومحمد ماخليك ماصدگت الگة وحدة تنسيني شهد وعشيرتهة تالي ياخذهة اخوي
گتلهم اسمعوني زين انتو متفقين البنية ترجع لأهلهة
بعد سنة وانت ميصير تكسرهة هيج وترجعهة لاهلهة كافي دمرتو البنية وحملتوهة ذنب اخونة وجان هو غلطان من يتحارش ببنات العالم
من باجر ترجع هند لأهلهة نط جاسم وگال اني الجبير ومحد الة كلمة علية
گتله الجبير مو يستگوي على النسوان والجبير مو يذكر انو عنده مرة ثانية ورة ماشوفهة الذل لان تعارك وية الاولى باجر اني اوديهة لبيتهة واشوف الزلمة يلي يوگف بوجهي

باوعت عليهة وعلى شعرهة يلي نازل على طول ظهرهة گتلهة نامي اليوم وية مروة وباجر حضري نفسج اوديج لأهلج هزتلي براسه گالتلي بصوت مبحوح تسلم

#هند
من طب قيصر حسيت انقاذ اجة ضرب جاسم وصاح علية اجوي كلهم اني مابطلت بجي احس روحي تريد تطلع لو متأخر قيصر لو مجاي جان اني متت شلون انجة من جاسم بس ربي رحم بية

بعدين عرفو سبب صياح قيصر وبعدين گال ترجع لبيتهة اعترض جاسم وماقبل بس وگفله قيصر وگال باجر اوديهة واشوف الزلمة يلي يوگف بوجهي

لو عندي جناح جان طرت من الفرحة لو بيدي اروح اشبكه لقيصر طبيت لغرفة مروة گعدت يمي حظنتني وگالت شوفي كل شي بي خير لو ماسوايت جاسم جان ماراح ترجعين لأهلج باجر گتلهة الحمدلله الله يوفقه لقيصر
گالتلي ماصدگت من شفته رجع قيصر الأولي وانتي اريدج تسامحينة من تروحين گتلهة مسامحتكم بس خل ارجع لأهلي

گعدت ثاني يوم لميت غراضي وقيصر خلة جاسم يطلگني ماجنت اعرف كلمته مسموعة بالبيت فرحت من جاسم يگول طالگ بعدين طلعت مروة سلمت علية وامهم صبيحة سلمت بس وجهة ثگيل

ركبت سيارة وية قيصر حتة يوصلني لبيتنة گتلة ما اعرف شلون اشكرك وگفت وياي
ابتسم وگال سويت الصحيح اريدج متنسينة وتذكريني بالزين
گتلة والله ماشفت منك الا كل خير وان شاء الله ربي يوفقك واسمع بيك صاير اكبر محامي
گام يضحك گلي الله كريم

وصلنة للبيت احس روحي رجعتلي گتلة تفضل گلي مترهم انزل انتي توكلي
نزلت جان يصحني گتله هاا گلي اريدج تعرفين شي قبل لتروحين گتلة شنو گلي احبج
صفنت علية مجاوبت گلي ادري بيج مستغربة بس صدگ احبج وجنت ابعد تفكيري بيج لأنج على ذمة اخوية
بس صدگيني متصيرين لغيري وداعت عيونج
فرحت وضجت ما اعرف شنو شعوري بالضبط راح قيصر دگيت باب البيت مالتنة طلع زياد فتح الباب شهگ متفاجئ وراها حضني
وطبينة جوة سد الباب ابجي وهو يبجي طلعت امي

ركضت علية ظلت تبجي وتبوس بية بعدين اجة عمو ايمن وحجيتلهم السالفة ليش رجعت بس ماگتلهم على جاسم  گتلهم اخوهم قيصر تكاون وياهم وقنعهم برجعتي
نمت ذيج الليلة بحظن امي ماكو ادفة منه وخرت عن تفكيري كلام قيصر هسة بس اريد اشبع من اهلي .
يتبع...