رحلةُ عِشق

خيط أمل

قلت له مستغرباً : اذا مو انت ، شمدريك اذن ؟!قال : مو شغلك ، ثم انصرف يرتب اغراض محله منشغلا عني بتصنع ...قلت : عرفني عليه اذن ! لا شك انك تعرف الموضوع ـ وعدته عليه ـ قال : حثني بما حصل كي افهم الموضوع .قلت : كنت ماراً في الزقاق الذي يقع خلف محلك بثلاثة شوارع ومر جنبي رجل فسلمت عليه فقال ـ (وعليكم السلام ، واردف سريعاً ( ومتى يصل العبد للسلام وهو في حرب مع الله ! ) [ غير كون العبد يفهم السلام ] فمن لم يسالم الحقيقة لا يفهم السلام !! ) ثم قال متأسفاً : انا لله وانا اليه راجعون [ مسكين ابن ادم يحارب حبيبه ، لو يعرف السالفة جا خجل ]وانا الأن ابحث عنه ، كي اعرف مقصوده وقد اهتدي علي يديه ...حين سمع مني الحاج هذا الكلام ، ترك القطن الذي بيديه وجلس على كرسيه واطرق برأسه وقال : ـ ( شوف عمي ، هذا كلام حكيم والامام زين العابدين (صلوات الله عليه) يقول : [ هلك من لم يكن له حكيم يرشده ] ولا بد لكل طالب حقيقة من استاذ يوصله للحقيقة ، والا فأنه يتيه ولذلك هناك رواية عظيمة للامام جعفر الصادق (عليه السلام) مضمونها : ( انكم لتطلبون الدليل في الفرسخ والفرسخين ، أفلا تطلبون الدليل في ملكوت السموات)ولذلك قال اساتذتنا : [ لو لا المربي ما عرفت ربي ] وهذا ربَّاك بهاي كلماته ...والله يرحم استاذ اساتذتنه المرحوم القاضي جان يكول : ( لو يكضي الانسان نص عمره يدور على استاذ ما مسوي شي ) مو نص نهار وجاي تتعزز .. وبابتسامة ملكوتية قال : تعال نشرب جاي !ــ اخذت كلمات هذا الرجل مني مأخذاً عظيماً ودخلت بدوامة جديدة من الافكار ، فأني لم اسمع من قبل كل هذا الكلام فما قصة الحكيم في قضيتي ؟ ومن هذا النداف ؟ومن هم اساتذته؟  ومن القاضي؟  وووو .... وفي رحلة صمت ودهشة ، قاطع صمتي وقال : لا تدوخ السالفة سهلة ، [ هي طيرة تايهة من اهلها وراح ترجع !!! ] ـ  منووو ؟!ـ الروح !!المهم اشرب جايك لا يبرد [ والبارد ما يعرف الحب ! ] ضحكت وقلت : شجاب هاي على هاي ؟!كلي : هاي اخت هاي ما سامعهم يكولون : ( الحماس يولد العشق )ـ كلشي ما فتهمت ـ المهم : انطيني مواصفات الرجل اللي كلمك وما عرفته ـ طويل عريض الكتفين وما ميزت وجهه من الظلام ، هنا قاطعني وكال : [ ليش ما رفعت الظلام ؟!!! ]ـ بضحكة ساخرة : حجي انت تقلد علي ههههههـ المهم عمي : هذي مواصفات شيخ يقظان وهذي حجاياته ويمكن يكون هو المقصود او غيره لكن اعتقد هو لأن تالي ليل يطلع للمسجد القريب من بيتهم يحيي السحر هناك وتكدر تروح اليوم بصلاة المغرب للمسجد وتعرفه يصلي بالزاوية الاخيرة من المسجد .ـ شنو اسم المسجد ؟ـ مسجد فاطمة ـ مسجد فاطمة ؟!ـ أي جا هي السالفة كلها يم فاطمة !!