ဝိုးတဝါးအိမ်မက်

အပိိုင်း🌺၄၄🌺

""ကိုလွန်း..ဆန်ပြုတ်လေး..သောက်လိုက်ဦးနော်..လာ..ကျွန်တော် ခွံ့ကျွေးမယ်...""

""ရပါတယ်..ငါ့ဘာသာ သောက်ပါ့မယ်.""

""ဟာ..မရဘူး..ကျွန်တော် ခွံ့ကျွေးချင်လို့ပါ..အာ..ပါးစပ်ဟ..""

""ခါးသက် မင်းကတော့လေ..""

လွန်း..ခါးသက်ကို ပြုံးရင်း စိုက်ကြည့်လိုက်သည်။

""ဟာ..ပြုံးပြီ..ကိုလွန်း ပြုံးပြီ...ချစ်လိုက်တာဗျာ..""

ခါးသက် ၀မ်းသာအားရစွာ ပြောပြီး လွန်းရဲ့ပါးလေးကိုနမ်းရှိုက်လိုက်သည်။

""ဟာ.ခါးသက် မင်းဘယ်လိုဖြစ်နေတာလဲ..""

""ပျော်လွန်းလို့လေ..ကိုလွန်းအပြုံးလေးတွေကို ပြန်မြင်ရတာ  ကျွန်တော်
အရမ်းပျော်တာဘဲ..""

ခါးသက်၀မ်းသာအားရစွာပြောပြီး..
သဘောကျနှစ်ခြိုက်စွာ ပြုံးရယ်နေလေသည်။ ခါးသက်ပြုံးနေတာကို ကြည့်ရင်း လွန်းပါ ပြုံးမိသွားလေသည်။ တစ်ယောက်ကိုတစ်ယောက် အချိန်အတော်ကြာသည့်အထိ ပြုံးပြီး ကြည့်နေမိကြ၏။

""အဟမ်း..ဆန်ပြုတ်တွေ အေးကုန်တော့မှာဘဲ..""

လွန်း.ရှက်ကိုးရှက်ကန်းလေးနဲ့ဆိုလိုက်တော့..

""ဟီး..ဟုတ်သား..ကိုလွန်းမျက်နှာလှလှလေးကို ငေးကြည့်မိသွားရင် တစ်ကမ္ဘာကြာအောင် ထမင်းမေ့ ဟင်းမေ့တောင်ဖြစ်လောက်တယ်..""

""အဟား..ပိုတာကွာ..""

""မပိုပါဘူး..လိုတောင်လိုသေးတယ်..ဒီကောင်ကြီးက..ကိုလွန်းကို အဲ့လောက်ထိတောင် အရမ်းချစ်တာ..သိပြီလား..""

ခါးသက်ပြောပြောဆိုဆိုနဲ့ လွန်းကို ဆန်ပြုတ်ခွံ့ကျွေးလိုက်လေသည်။
လွန်းကို ကြည့်တဲ့ ခါးသက်မျက်၀န်းတွေထဲမှာ ကြင်နာမှုတွေ..နွေးထွေးမှုတွေ မြတ်နိုးမှုတွေကို အထင်းသား လွန်းမြင်နေရသည်။

       ငါမြင်ပါပြီ ခါးသက်။။မင်းငါ့ကိုချစ်တဲ့အချစ်တွေ ဘယ်လောက်ထိနက်ရှိုင်းလဲ ခိုင်မြဲလဲဆိုတာကို..။
✨✨✨
      ""ကိုလွန်း .ရေချိုးတော့မလို့လား""

""အင်း.ဟုတ်တယ်..""

""ကျွန်တော် ချိုးပေးမယ်လေ..""