ဝိုးတဝါးအိမ်မက်

အပိိုင်း🌺၄၄🌺

""ဘာလို့မရှိရမှာလဲ ..ကိုလွန်းဆီမှာ .တွယ်တာစရာမရှိတော့ရင် ..ကျွန်တော်ကိုတွယ်တာလို့ရတယ်လေ..ကိုလွန်းအလေးထားစရာမရှိတော့ရင် .ကျွန်တော်ကိုအလေးလို့ရနေတာဘဲ..နောက်ဆုံး ကုန်ကုန်ပြောမယ်။ ကိုလွန်း ..ကျွန်တော်အတွက်ဘဲဖြစ်ဖြစ်..ကိုလွန်း အသက်ရှင်ပေးလို့မရဘူးလား.ဒီကမ္ဘာပေါ်မှာ ကိုလွန်းကို အလေးထားပြီးတန်ဖိုးထားနေတဲ့ ကျွန်တော်အတွက် ကိုလွန်းအသက်ရှင်ပေးပါနော်..""

ခါးသက်မျှော်လင့်တကြီးနဲ့ဆိုလိုက်သည်။

""ခါးသက်..မင်း..""

လွန်း ခါးသက်ကို ဒီအတိုင်း ကြောင်ငေးငေးလေး စိုက်ကြည့်နေမိသည်။
လွန်းရဲ့မျက်နှာပေါ်မှာ မဝေခွဲတတ်မှုတွေ..တွေဝေတုန့်ဆိုင်းနေသည့် လက္ခဏာများက အထင်းသားပေါ်လွင်လို့နေ၏။

""ကျွန်တော်ကို ယုံကြည်ပေးပါ....ကျွန်တော့်အသက်ထက်ပိုပြီးတော့ကို..ကိုလွန်းကိုကျွန်တော်
တန်ဖိုးထားတယ်..အရမ်းလဲချစ်တယ်..ဒါကိုယုံပေးပါ...အရင်တုန်းက အတိတ်မှာ ဖြစ်ခဲ့တဲ့ ကိစ္စတွေအားလုံးကို..အတိတ်မှာဘဲ ချန်ထားရစ်ခဲ့ပြီး..ရှေ့ဆက်လျှောက်လှမ်းရမဲ့ ကျွန်တော်တို့နှစ်ယောက်ရဲ့..အကြောင်းကိုဘဲ တွေးကြရအောင်နော်..ဒီကမ္ဘာပေါ်က အဖြစ်ပျက်တွေအကုန်လုံးကိုမေ့ထားပြီး..ကိုလွန်းနဲ့ကျွန်တော်တို့နှစ်ယောက်အကြောင်းဘဲ.တွေးပြီး..နေကြရအောင်နော်..ကိုလွန်း.ကို ကျွန်တော် ဘယ်လောက်ထိချစ်တယ်ဆိုအကြောင်းရယ်..ဘယ်လောက်ထိ တန်ဖိုးထားလဲ ဆိုတဲ့အကြောင်းတွေကို ဘဲ ပြောနေမှာမို့..အဲ့လိုဘဲသိထားပေးပါ..အရမ်းချစ်တယ်..ကိုလွန်း..""

ခါးသက် ရှည်လျားစွာပြောလိုက်ပြီး လွန်းရဲ့နုတ်ခမ်းလေးကို ညင်သာနူးညံ့စွာနဲ့ နမ်းရှိုက်လိုက်သည်။ ဒီတစ်ခါမှာတော့ လွန်းမရုန်းတော့ပါ။ ကျေနပ်စွာ ခါးသက်ရဲ့အနမ်းတွေကို လက်ခံပြီး .အလိုက်သင့်လေး ပြန်လည်၍ တုန့်ပြန်လိုက်လေသည်။

    ချိုမြိန်သည်။သာယာသည်။ ကြည်နူးဆွတ်ပျံ့ဖွယ်ရာကောင်းသည်။ လှိုက်ဖိုရင်မောပြီး..လွန်းရဲ့ရင်ခုန်သံတွေ ဆူညံ့နေခဲ့သည်။
ဒါဟာ အချစ်တစ်ခု လွန်းရင်ထဲမှာ ပေါက်ဖွားလာတာများလား။