نهوت ابن عمي

البارت الحادي عشر

صباح الخير حبايبي شلونكم
اسفه عل انقطاعي بس والله ظروف ما تخليني
بس ان شاء اليوم راح أختم القصه

يله نبدي ....

احمد. عمي شنو هل الحجي لا تخليني ازعل عليك انته ليش ما تنقل شغلك اهنا

ابو زهراء.. عمي مو الكليه مال زهراء هناك شلون

احمد.. اي عادي اني اسويلهه نقل

ابو احمد.. هااا خويه بعد شتريد

ابو زهراء.. أفكر وان شاء الله خير

في مكان آخر ..

سهاد .. هاا يمه شدكولين أنفذ الخطه
ام سهاد.. اي يمه خلي نشوف شلون تريد تاخذ احمد

عماد.. فتت من غرفت رغد وسمعت سهاد وعمتي يحجن تقربت من الباب وسمعت يريدني يسون شي حتى احمد يكوم يكره زهراء كلت لازم الكه حل نزلت لأحمد المجدد

احمد.. طلعت من الديوان واني ضايج من سمعت عمي يريد يرجع لبغداد اجى عماد يركض كتله هاا عماد خويه شكوووو

عماد.. وسولفت لأحمد كلشي

احمد.. ماشي خلي نشوف شسوي ست سهاد

سهاد... يمه رجعت التلفون وهسه دورج

ام سهاد.. امشينه خلي نكعد يمهم

احمد.. جنت كاعد اجتني رساله من رقم غريب فتحته شفت صور لأزهراء وملابسهه كلش سخيفه ومكتوب جوه الصور هاي بت عمك الشريفه شوف جم شخص لاعب بيهه أني هنا عرفت هاي الخطه مال عمتي وسهاد دخلت لبيت معصب وصحت بصوت رج البيت رج زهراءءءء

زهراء.. جنت كاعده ودخل احمد وصاحني بس اني جمدت بمكاني كتله هاا احمد خوماكو شي كاله تعالي وراي بسرعه لغرفه كتله ما خلاني اكمل جرني سحل لغرفته

احمد.. اخذت زهراء وصعدت

سهاد .. هيه وتباوع لأمهه وتبتسم تم المهمة

زهراء.. احمد شبيك اهدك شكو
احمد.. اسمعي زهراء شراح اكلج واطبقين كلشي حجيت لزهراء كلشي وهيه فاتحه حلكه

زهراء.. بس أني ما جاي افتهم ليش هيج سوت

احمد.. هسه مثل ما كلت نزلت اني وزهراء لزمت ايديهه وكفت يمه الدرج وكلت الهم باجر عقد مالتي عل زهراء. الكل ضل متفاجئ

ابو زهراء.. شنو عمي شدكول وانتي بنتي موافقه

زهراء.. هيه وتباوع لأحمد اي بابا أني موافقه

سهاد وامهه... شنو احمد بهل السرعه غير نفتهم شكو

احمد.. اي عمتي هيه بت عمي واني اريدهه وهاويهه قابل مسوي شي غلط

ابو احمد.. خوش بويه بس راجع قرارك انت وبت عمك والتريده يجرالك

احمد.. عفتهم وطلعت أخذ السياره ورحت لصاحبي يعرف شلون يطلع صاحب الرقم

الولد .. هلا ابو شهاب نورت

احمد.. هلا بيك ابو الشباب أريد منك خدمه

الولد .. أمر حمودي

احمد.. أريد تعرف منو صاحب هذا الرقم

الولد .. انطيني الرقم

احمد... هذا

الولد.. هذا الرقم بسم سهاد عايد

احمد.. مشكور تعبتك

الولد .. تدلل شيخ

احمد .. رجعت لبيت  اجتني رساله من سهاد كاتبه بيهه ليش ما تعوف حبيبتي بحالهه هيه ما تريدك ليش تجبرهه وهيه تحبني  اني هنا فار دمي وتحلفت بيهه

زهراء.. ومن كال احمد عل السوته سهاد وامهه كلش أنقهرت وضجت بليل كلهه راحت لبيوتهه صعدت لغرفه رغد بعدني ما صاعده وما احسه اله واني مسحوبه
يتبع......