#ﻋﻜﺲ_ﺍﻟﺘﻴﺎﺭ
ﺣﻠﻘﻪ 27
ﻧﺰﻝ ﺍﻳﻬﻢ ﻳﺠﺮﻱ ﻭﻛﺎﻥ ﻣﻨﻴﺮ ﻣﺎﺳﻚ ﺭﺗﺎﺝ ﻣﻦ ﺗﻴﺸﺮﺗﻬﺎ ﻭﺩﻓﻬﺎ ﺑﻘﻮﻩ ﻟﻴﻦ ﻃﺎﺣﺖ
ﻣﻨﻴﺮ ﺑﻌﻴﺎﻁ .. ﺍﻟﻔﺮﺭﺭﺧﻪ ﻫﺬﻱ ﻣﻌﺶ ﺗﻄﻠﻊ ﺑﺮﺭﺭﺭﺍ ﻓﺎﻫﻤﻴﻦ ﻣﻌﺶ ﺗﻄﻠﻊ ﺗﻲ ﻭﺣﻘﺮﺑﻲ ﻧﻼﻗﻬﻰ ﺑﺮﺍ ﻧﻘﺺ ﻛﺮﻋﻴﻬﺎ
ﺍﻧﺎ ﺷﻔﺖ ﻣﻨﻴﺮ ﻣﻌﺼﺐ ﻫﻚ ﺧﻔﺖ ﻣﻦ ﺷﻜﻠﻪ
ﺍﻳﻬﻢ ﻳﻔﻨﺺ ﻓﻴﻪ .. ﻛﻤﻠﺖ ﻛﻼﻡ ﻋﻠﻴﺶ ﺗﻤﺪ ﻑ ﺍﻳﺪﻙ
ﻣﻨﻴﺮ .. ﻧﻤﺪﻫﺎ ﻭﻧﺺ ﻭﻧﻜﺴﺮﻫﺎ ﺗﻜﺴﻴﺮ
ﺍﻳﻬﻢ ﺩﻓﻪ ﺑﻘﻮﻩ ﻣﻦ ﺻﺪﺭﻩ .. ﻭﻗﺖ ﺍﻧﺎ ﻧﻘﻌﺪ ﻣﺶ ﻗﺎﻋﺪ ﺍﻳﺪﻙ ﻣﻌﺶ ﺗﻤﺪﻫﺎ ﻓﺎﺍﺍﺍﻫﻢ ﻣﻌﺶ ﺗﻤﺪﻫﺎ ﻣﻊ ﺭﺗﺎﺝ ﺑﺬﺍﺍﺍﺕ
ﻣﻨﻴﺮ .. ﺍﻧﺖ ﻣﺶ ﻓﺎﻫﻢ ﺍﻟﻤﻮﺿﻮﻉ ﺍﻳﻬﻢ ﺍﻃﻠﻊ ﻣﻨﻪ
ﺳﻠﻴﻤﻪ .. ﻳﻨﻌﻠﻴﺎ ﺷﻦ ﻓﻲ ﻛﻨﻚ ﻳﺎﻣﻨﻴﺮ ﻛﻨﻚ ﻣﻌﺎﻫﺎ ﻭﺟﻬﺎ ﺍﺣﻤﺮ ﻣﻦ ﺍﻟﻀﺮﺏ
ﺍﻳﻬﻢ ﺑﺮﻡ ﻋﻠﻴﻬﺎ ﻭﻫﻴﺎ ﻛﺎﻧﺖ ﻣﺎﺳﻜﻪ ﻑ ﻛﺮﺍﻉ ﺍﻋﻤﻴﻤﻪ ﻭﺗﺒﻜﻲ
ﺍﻳﻬﻢ ﻋﺼﺐ ﻭﻣﺴﻜﻪ ﻣﻦ ﺭﻗﺒﺘﻪ .. ﻋﻠﻠﻠﻴﺸﺸﺶﺵ ﺗﻤﺪ ﻑ ﺍﻳﺪﻙ ﻋﻠﻴﺸﺶ
ﺍﻧﺎ ﻣﻨﻔﺠﻌﻪ ﻭﺣﺎﻃﻪ ﺍﻳﺪﻱ ﻉ ﻗﻠﺒﻲ
ﺗﺴﻨﻴﻢ ﻗﻌﺪﺕ ﺗﻔﻚ ﻑ ﺍﻳﺪﻳﻦ ﺍﻳﻬﻢ ﻭﺗﺒﻜﻲ .. ﺍﻳﻬﻢ ﻭﺧﺮ ﺍﻳﺪﻳﻚ ﺍﻓﻄﻦ ﻭﺭﺃﺱ ﺍﻳﻬﻢ ﻭﺧﺮﻫﻦ ﻳﺎﺍﺍﺍﻣﻤﻤﺠﺪﺩﺩﺩ ﻣﻴﺲ ﻛﻠﻤﻲ ﻣﺤﻤﺪ
ﺍﻧﺎ ﻃﻠﻌﺖ ﻧﺠﺮﻱ ﻓﺘﺤﺖ ﻟﺒﺎﺏ ﻟﻘﻴﺖ ﻣﺤﻤﺪ ﻛﻴﻒ ﺑﻴﻄﻠﻊ
ﺍﻧﺎ .. ﻣﺤﻤﺪ ﻣﺤﻤﺪ ﺗﻌﺎﻝ ﺣﺰ ﺑﻴﻦ ﺍﻳﻬﻢ ﻭﻣﻨﻴﺮ
ﻣﺤﻤﺪ ﺟﺎﺀ ﻳﺠﺮﻱ .. ﻻ ﻻ ﺷﻦ ﻓﻲ
ﺧﺶ ﻳﺠﺮﻱ ﻭﺩﻑ ﺍﻳﻬﻢ ﻣﻨﻪ
ﻣﺤﻤﺪ .. ﻛﻨﻜﻢ ﺍﻟﺰﻑ ﺷﻦ ﻓﻲ ﻣﻌﻘﻮﻟﻪ ﻳﺎﺍﻳﻬﻢ ﻫﻜﻲ
ﻣﻨﻴﺮ .. ﺍﻧﺎﺍﺍ ﻗﺘﻠﻜﻢ ﻧﻼﻗﻬﻰ ﻃﺎﻟﻌﻪ ﻧﻜﺴﺮ ﻛﺮﻋﻴﻬﺎ ﻭﻃﻠﻊ ﻣﻦ ﺍﻟﺤﻮﺵ ﻭﺧﺒﻄﻪ ﺑﻘﻮﻩ
ﺍﻳﻬﻢ ﺑﺮﻡ ﻉ ﺭﺗﺎﺝ ﻭﻗﺮﺏ ﻣﻨﻬﺎ ﺷﻤﺮﻫﺎ .. ﻭﻳﻦ ﺿﺮﺑﻚ ﺍﻟﺤﻴﻮﺍﻥ ﻫﺬﺍ
ﺭﺗﺎﺝ ﺣﺎﻃﻪ ﺍﻳﺪﻳﻬﺎ ﻉ ﻭﺟﻬﺎ ﻭﺗﺒﻜﻲ ﻭﻛﺘﻮﻓﻬﺎ ﻳﻬﺰﻥ
ﺳﻠﻴﻤﻪ .. ﺳﻜﺘﻬﺎ ﻳﺎﺍﻳﻬﻢ
ﺍﻳﻬﻢ .. ﻋﺪﻱ ﺍﻏﺴﻠﻲ ﻭﺟﻚ ﻭﺍﻟﺒﺴﻲ ﻭﺗﻌﺎﻟﻲ ﻋﺪﻱ ﻣﻌﺎﻧﺎ
ﺗﺴﻨﻴﻢ .. ﺗﻌﺎﻟﻲ ﻧﻐﻴﺮﻟﻚ ﻫﻴﺎ
ﺧﺸﺖ ﺗﺴﻨﻴﻢ ﺑﺮﺗﺎﺝ
ﺳﻠﻴﻤﻪ .. ﺍﻓﻬﻢ ﻣﻨﻪ ﻳﺎﺣﻤﺎﺩﻱ ﺑﺎﻟﻠﻪ ﻋﻠﻴﻚ
ﻣﺤﻤﺪ ﻣﺎﺷﻲ ﺷﻮﺭ ﺍﻟﺒﺎﺏ .. ﺣﺎﺿﺮ ﻳﺎ ﻋﻤﺘﻲ
ﺍﻳﻬﻢ ﺑﺮﻡ ﻋﻠﻴﺎ ﻭﺟﺎﺀ ﺷﻮﺭﻱ .. ﻭﺟﻚ ﺍﺻﻔﺮ ﺍﻧﻔﺠﻌﺘﻲ
ﺳﻠﻴﻤﻪ .. ﺗﻌﺎﻟﻲ ﺧﺸﻲ ﺗﺮﻳﺤﻲ ﻭﺟﻚ ﻣﻨﺼﻔﺮ ﻣﻦ ﻓﺠﻌﻪ
ﺍﻧﺎ .. ﻻﻻ ﺗﻮﺍ ﻧﺮﺍﺟﻮ ﺭﺗﺎﺝ ﻫﻨﺎ
ﺷﻮﻳﺎ ﻭﻃﻠﻌﺖ ﻭﻃﻠﻌﻨﺎ ﺭﻛﺒﻨﺎ ﻑ ﺳﻴﺎﺭﻩ
ﺍﻳﻬﻢ .. ﻧﺤﻄﻚ ﻋﻨﺪ ﻫﻠﻚ ﺳﺎﻋﻪ ﻭﻻ ﺳﺎﻋﻪ ﻭﻧﺺ ﻭﻧﺠﻴﻚ ﻛﻮﻳﺲ ﻫﻜﻲ
ﺍﻧﺎ .. ﺗﻤﺎﻡ ﻋﺎﺩﻱ
ﺍﻳﻬﻢ ﺑﺮﻡ ﻉ ﺭﺗﺎﺝ .. ﺗﻮﺟﺎ ﻛﻮﻳﺴﻪ ﺍﻧﺘﻲ ﺗﺤﺴﻲ ﻑ ﺣﺎﺟﻪ
ﺭﺗﺎﺝ ﻫﺰﺕ ﺭﺍﺳﻬﺎ ﺏ ﻻﻻ ﻭﺳﻜﺘﺖ
ﺍﻳﻬﻢ .. ﺍﻭﻭﻭﻑ ﻳﺎﺭﺏ ﺍﻟﺼﺒﺮ ﻧﺤﻄﻚ ﻭﺍﻧﺎ ﺑﻨﺎﺧﺬ ﺭﺗﺎﺝ ﻧﻌﺪﻭ ﻧﻠﻌﺒﻮ ﺍﻧﺎ ﻭﻳﺎﻫﺎ ﺷﻦ ﺭﺍﻳﻚ ﻳﺎﺗﻮﺟﺎ
ﻫﺰﺕ ﺭﺍﺳﻬﺎ ﺑﺲ
ﻧﺰﻝ ﻉ ﻣﺤﻞ ﻭﺍﻧﺎ ﺑﺮﻣﺖ ﻋﻠﻴﻬﺎ
ﺍﻧﺎ ﺍﺑﺘﺴﻤﺖ .. ﺍﻳﻬﻢ ﻗﺎﻟﻲ ﻧﺠﺤﺘﻲ ﺍﻟﺜﺎﻧﻴﻪ ﻉ ﻣﺪﺭﺳﻪ ﺻﺎﺡ
ﺭﺗﺎﺝ .. ﺍﻫﺎ ﺻﺎﺡ
ﺍﻧﺎ .. ﺷﻄﻮﺭﻩ ﺑﺎﻳﻦ ﻋﻠﻴﻚ ﻣﺸﺎﺀ ﺍﻟﻠﻪ ﺳﻨﻪ ﻛﻢ ﺗﺨﺸﻲ ﺗﻮﺍ
ﺭﺗﺎﺝ ﺩﺭﺍﺗﻠﻲ ﺑﻴﺪﻫﺎ ﺍﺭﺑﻌﻪ
ﺍﻧﺎ .. ﺳﻨﻪ ﺭﺍﺑﻌﻪ ﻣﺸﺎﺀ ﺍﻟﻠﻪ ﺗﻮﺍ ﺗﻘﻌﺪﻱ ﺗﻨﻮﺿﻲ ﺻﺒﺢ ﺳﻨﻪ ﺟﺎﻳﺎ ﻭﻻ ﻣﺪﺭﺳﺘﻚ ﺻﺒﺢ
ﺭﺗﺎﺝ .. ﻻ ﺻﺒﺢ ﻛﺎﻧﺖ
ﺍﻧﺎ .. ﺑﺎﻩ ﺍﺣﺴﻦ ﺗﻌﻮﺩﺗﻲ ﻋﻠﻴﻬﺎ
ﺭﻛﺐ ﺍﻳﻬﻢ ﻭﻣﺪﻟﻲ ﺍﻟﻜﻴﺲ
ﺍﻳﻬﻢ .. ﺗﻬﺪﺭﺯﻭ
ﺍﻧﺎ .. ﺍﻣﻢ ﻧﻬﺪﺭﺯﻭ ﺷﻮﻳﺎ
ﻭﺻﻠﻨﻲ ﻟﺤﻮﺵ ﻫﻠﻲ
ﺍﻳﻬﻢ .. ﺭﺩ ﺑﺎﻟﻚ ﻣﻦ ﺭﻭﺣﻚ ﻋﻠﻲ ﻣﺎﺟﻴﺖ
ﺍﻧﺎ .. ﺣﺎﺿﺮ ﺣﺒﻴﺒﻲ
ﺍﻳﻬﻢ ﻓﻨﺺ ﻓﻴﺎ .. ﺍﻧﺰﻟﻲ
ﺍﻧﺎ ﺿﺤﻜﺖ .. ﺗﻤﺎﻡ ﻧﺎﺯﻟﻪ ﻳﻼ ﺑﺎﻱ ﺭﺗﻮﺟﻪ
ﻧﺰﻟﺖ ﺩﻗﻴﺖ ﻉ ﺑﺎﺏ ﻭﺍﻳﻬﻢ ﻳﺮﺍﺟﻲ ﻟﻴﻦ ﻓﺘﺤﻠﻲ ﻋﻼﺀ
ﻋﻼﺀ ﺿﺤﻚ .. ﺍﻭﻭﻭﻭ ﻣﻴﺲ ﻗﻌﺪﺕ ﺑﻄﻪ ﻫﻼ ﻫﻼ ﻭﻳﻦ ﺍﻟﻐﻴﺒﻪ
ﺍﻧﺎ ﺧﺎﺷﻪ ﻭﺣﺎﻃﻪ ﺍﻳﺪﻱ ﻉ ﺑﻄﻨﻲ .. ﻛﻨﻚ ﻫﺎﺯﻱ ﻉ ﻣﺎﻣﺎ ﻳﺎﺧﺎﻟﻮ
ﻋﻼﺀ ﺻﻜﺮ ﺍﻟﺒﺎﺏ ﻭﺍﺑﺘﺴﻢ .. ﻻ ﻣﺎﻫﺎﺯﻱ ﻣﻨﻀﺮﻙ ﻳﻀﺤﻚ ﺑﺲ ﺯﻱ ﺍﻟﺒﻄﻪ ﺗﻔﻀﻠﻲ ﺧﺸﻲ ﻫﻴﺎ
ﺧﺸﻴﺖ ﻟﺴﻘﻴﻔﻪ
ﻣﺎﻣﺎ .. ﻋﻼﺀ ﻣﻦ ﺍﻟﻲ ﺟﺎﺀ
ﺍﻧﺎ .. ﺍﻧﺎ ﻳﺎ ﻣﺎﻣﺎ
ﻣﺎﻣﺎ ﺻﺒﺖ .. ﻣﺮﺣﺒﺎ ﺷﻨﻮ ﺯﻳﺎﺭﻩ ﺍﻟﺴﻤﺤﻪ ﻫﺬﻱ
ﺍﻧﺎ .. ﺭﺍﻳﻔﺖ ﻋﻠﻴﻜﻢ ﻣﺎﻩ
ﻣﺎﻣﺎ .. ﺣﺘﻰ ﻧﺤﻦ ﺭﺍﻳﻔﻨﺎ ﻋﻠﻴﻚ ﻛﻴﻒ ﺣﺎﻟﻚ ﻭﻛﻴﻒ ﺣﺎﻝ ﺍﻳﻬﻢ ﺷﻦ ﺩﺭﺗﻲ ﻑ ﺍﻣﺘﺤﺎﻧﺎﺗﻚ
ﺍﻧﺎ .. ﻛﻮﻳﺴﻴﻦ ﺍﻟﺤﻤﺪﺍﻟﻠﻪ ﺗﻤﺎﻡ ﺍﻣﺘﺤﺎﻧﺎﺗﻲ ﻣﺸﻦ
ﻋﻼﺀ .. ﺣﻠﻴﺘﻲ ﻛﻮﻳﺲ
ﺍﻧﺎ .. ﺍﻟﺤﻤﺪﺍﻟﻠﻪ
ﺍﻧﺎ ﺻﺒﻴﺖ ﻣﺴﻠﺢ ﻑ ﻋﺒﺎﻳﺘﻲ .. ﻭﻳﻦ ﺍﻟﺒﻨﺎﺕ
ﻣﺎﻣﺎ .. ﺭﺣﺎﺏ ﺭﺍﻗﺪﻩ ﻧﻮﺿﻴﻬﺎ ﻭﺭﺷﺎ ﻭﺭﻳﻬﺎﻡ ﻑ ﺳﻮﻕ
ﺍﻧﺎ .. ﺑﺎﻫﻲ ﺗﻮﺍ ﻧﺨﺸﻠﻬﺎ ﻳﺎ ﺧﺴﺎﺭﻩ ﺍﻟﺒﻨﺎﺕ ﺑﻨﻬﺪﺭﺯ ﻣﻌﺎﻫﻦ
ﻣﺎﻣﺎ .. ﻣﺮﻩ ﺃﺧﺮﻯ ﺃﻥ ﺷﺎﺀ ﺍﻟﻠﻪ
ﻣﺸﻴﺖ ﺷﻮﺭ ﺩﺍﺭ ﻭﻧﺴﻘﻢ ﻑ ﻗﻔﻄﺎﻧﻲ ﻛﻨﺖ ﻻﺑﺴﻪ ﻗﻔﻄﺎﻥ ﺍﺑﻴﺾ ﻣﺎﻳﻞ ﻟﺴﻜﺮﻱ ﻭﻓﻴﻪ ﻧﻘﻂ ﺳﻮﺩ ﻣﻦ ﻓﻮﻕ ﺍﻟﺒﻄﻦ ﻣﺨﺼﺮ ﻟﻴﻦ ﻧﺎﺯﻝ ﻋﻠﻴﻪ ﺑﺎﻗﻲ ﺍﻟﻘﻔﻄﺎﻥ ﺭﺑﻊ ﻛﻢ ﻟﻌﻨﺪ ﺭﻛﺒﻪ
ﺧﺸﻴﺖ ﻟﺪﺍﺭ ﻟﻘﻴﺖ ﺭﺣﺎﺏ ﻣﻄﻔﻴﻪ ﺿﻲ ﻭﺭﺍﻗﺪﻩ ﻭﻟﻌﺖ ﺍﻟﻀﻲ ﻭﺟﻴﺖ ﻋﻨﺪ ﺳﺮﻳﺮ ﻛﺮﻳﺖ ﺍﻟﻮﺭﻏﺎﻥ
ﺍﻧﺎ .. ﻧﻮﺿﻲ ﻣﻨﻮﺽ ﺍﺧﺘﻚ ﺟﺎﻳﺎ ﻭﺍﻧﺘﻲ ﺭﺍﻗﺪﻩ
ﺭﺣﺎﺏ .. ﻳﻴﻴﻲ ﻳﺎﻣﻴﺲ ﻣﺎ ﻛﻨﺖ ﻣﻌﺎﻙ ﻑ ﻣﺪﺭﺳﻪ ﺷﻦ ﺗﺒﻲ
ﺍﻧﺎ .. ﻧﻮﺿﻲ ﺟﺎﻳﺎ ﺑﻨﻜﺴﺪ ﻋﻨﺪﻛﻢ
ﺭﺣﺎﺏ ﻧﺎﺿﺖ .. ﺍﻭﻭﻭﻑ ﻫﻴﺎ ﻻﺣﻘﺘﻚ ﻫﻴﻴﻴﻲ ﺑﻄﻨﻚ ﺑﺎﻳﻨﻪ ﻭﺍﺟﺪ ﻣﺶ ﻛﻴﻒ ﻑ ﺍﻟﺰﻱ
ﺍﻧﺎ ﺍﺑﺘﺴﻤﺖ .. ﺍﻫﺎ ﻃﺎﻟﻌﻪ ﺣﺘﻰ ﺍﻋﻠﻴﻮﻩ ﻗﺎﻟﻬﺎ
ﺭﺣﺎﺏ .. ﺗﻬﺒﻞ ﻳﺎﻣﻴﺲ ﻣﻨﻀﺮﻫﺎ ﺣﻠﻮ ﺑﻜﻞ
ﺍﻧﺎ ﺍﺑﺘﺴﻤﺖ .. ﺍﻥ ﺷﺎﺀ ﺍﻟﻠﻪ ﺗﻌﻴﺸﻴﻪ ﻳﺎﺣﻨﻪ ﺻﺒﻲ ﻫﻴﺎ
ﺭﺣﺎﺏ .. ﻫﻴﺎ ﻧﺨﺶ ﻟﺤﻤﺎﻡ ﻭﻧﺠﻴﻚ
ﻃﻠﻌﺖ ﻟﻘﻴﺖ ﻣﺎﻣﺎ ﻭﻋﻼﺀ ﻑ ﻛﻮﺟﻴﻨﻪ ﻳﻬﺪﺭﺯﻭ
ﻣﺎﻣﺎ .. ﺗﻌﺎﻟﻲ ﺩﺭﺗﻠﻚ ﻛﺎﻛﻮ ﺍﻟﻲ ﺗﺤﺒﻴﻪ ﻭﺭﺷﺎ ﺩﺍﻳﺮﻩ ﺑﺴﺒﻮﺳﻪ ﻗﺒﻞ ﻻ ﺗﻌﺪﻱ
ﺍﻧﺎ .. ﺍﻟﻠﻪ ﺳﻬﻔﺖ
ﻣﺎﻣﺎ .. ﻉ ﺣﻠﻮ ﻭﻻ ﻉ ﺣﺎﻣﺾ ﺗﺴﻬﻔﻲ ﺩﻳﻤﺎ
ﺍﻧﺎ .. ﻋﺎﺩﻱ ﺍﻻﺛﻨﻴﻦ ﺑﺎﻟﺠﻮ
ﻋﻼﺀ .. ﻧﺒﻮ ﻋﻴﻞ ﻳﺎﻣﻴﺲ ﻓﻜﻴﻨﺎ ﻣﻦ ﺍﻟﺒﻨﺎﺕ
ﺍﻧﺎ ﺿﺤﻜﺖ .. ﻣﺰﺍﻝ ﺟﻨﺲ ﺍﻟﻌﻴﻞ ﻣﺶ ﺗﻮﺍ
ﻣﺎﻣﺎ .. ﺑﻨﺖ ﺍﻥ ﺷﺎﺀ ﺍﻟﻠﻪ
ﺍﻧﺎ .. ﻛﻴﻒ ﻋﺮﻓﺘﻴﻬﺎ
ﻣﺎﻣﺎ .. ﻭﺍﺿﺤﻪ ﺑﻄﻨﻚ
ﺍﻧﺎ .. ﺍﻟﻲ ﺗﺠﻲ ﻣﻦ ﺭﺑﻲ ﻳﺎﻣﺤﻼﻫﺎ
ﺣﻄﺘﻠﻲ ﻣﺎﻣﺎ ﻛﺎﻛﻮ ﻭﺑﺴﺒﻮﺳﻪ ﻉ ﺧﺸﺖ ﺭﺣﺎﺏ
ﺭﺣﺎﺏ .. ﺣﺴﺒﺘﻴﻨﻲ
ﺍﻧﺎ .. ﻏﻴﺮ ﺳﻠﻤﻲ ﺑﻌﺪﻫﺎ ﺍﺩﻭﻱ
ﺭﺣﺎﺏ .. ﺧﺎﻃﻴﻨﻲ ﺑﺎﻟﻠﻪ ﺧﻠﻴﻨﻲ ﻧﺼﺤﺼﺢ
ﻗﻤﻌﺰﺕ ﺗﻼ ﻋﻼﺀ
ﻋﻼﺀ .. ﺩﻳﻤﺎ ﺩﺍﻳﺨﻪ ﺍﻧﺘﻲ
ﺷﺘﺸﺘﻠﻬﺎ ﺷﻌﺮﻫﺎ
ﺭﺣﺎﺏ .. ﻳﻴﻴﻲ ﻋﻼﺀ ﺑﻄﻞ ﻓﻜﻨﻲ ﺗﺮﺍ
ﻣﺎﻣﺎ .. ﻓﻜﻨﺎ ﻣﻦ ﺣﺴﻬﺎ ﻫﺬﻱ ﻣﺎﺗﻨﻘﺮﺏ ﺑﻜﻞ
ﻋﻼﺀ ﺷﻴﺮﻟﻲ ﻋﻠﻴﻬﺎ ﻭﺿﺤﻚ
ﺍﻧﺎ .. ﺧﻠﻴﻬﺎ ﺧﻼﺹ ﻏﺮﻳﺒﻪ ﻗﺎﻋﺪ ﻳﺎﺍﻋﻠﻴﻮﻩ ﺍﻟﻴﻮﻡ
ﻋﻼﺀ .. ﻉ ﺳﺎﺱ ﺑﻨﻄﻠﻊ ﺍﻣﻲ ﻟﺴﻮﻕ ﺑﺲ ﻣﺎﺻﺎﺭﺵ ﻗﻌﺪﺕ ﺧﻼﺹ
ﺍﻧﺎ .. ﻟﻴﺶ ﻣﺎﻃﻠﻌﺘﻲ
ﻣﺎﻣﺎ .. ﻃﻠﻌﻦ ﺍﻟﺒﻨﺎﺕ ﺧﻼﺹ ﻣﺎﻓﻴﺶ ﺩﺍﻋﻲ ﺍﻧﺎ
ﺍﻧﺎ .. ﺑﺎﻫﻲ ﺗﺮﻳﺤﻲ
ﻣﺎﻣﺎ .. ﺑﻜﺮﺍ ﺗﻔﻄﺮﻱ ﻟﻮﻃﻪ ﻋﻨﺪ ﻋﻴﺖ ﻋﻤﻚ
ﺍﻧﺎ .. ﺍﻫﺎ ﻧﻔﻄﺮﻭ ﻟﻮﻃﻪ ﺍﻥ ﺷﺎﺀ ﺍﻟﻠﻪ
ﻣﺎﻣﺎ .. ﺫﻛﺮﻧﻲ ﻳﺎ ﻋﻼﺀ ﻧﻜﻠﻢ ﻳﻮﺳﻒ ﻉ ﻓﻄﻮﺭ ﻣﺰﺍﻝ ﻣﺘﻌﺎﺭﻙ ﻣﻊ ﻫﻠﻪ
ﺍﻧﺎ .. ﺣﺮﺍﻡ ﻋﻠﻴﻬﺎ ﺍﻟﺒﻨﺖ ﺣﺎﻣﻞ ﺗﺮﻋﺶ ﻓﻴﻬﺎ
ﻣﺎﻣﺎ .. ﻳﺎﻧﻮﺭﻳﺘﻲ ﻋﻠﻴﻬﺎ ﻛﺎﻥ ﺗﺸﻮﻓﻲ ﻳﻮﺳﻒ ﻭﺟﻪ ﺍﺻﻔﺮ ﻭﻧﺎﻗﺺ ﻣﺴﻜﻴﻦ
ﺭﺣﺎﺏ .. ﻣﺮﺍﺕ ﺧﺎﻟﻲ ﻫﺬﻱ ﻣﺶ ﻋﺎﺭﻓﻪ ﻛﻴﻒ ﺷﺮ ﻑ ﻋﻴﻮﻧﻬﺎ
ﻣﺎﻣﺎ .. ﻏﻴﺮ ﺗﺨﻄﻰ ﻭﻟﺪﻫﺎ ﺑﺲ ﻭﺗﻬﻨﻴﻪ
ﺍﻧﺎ .. ﻭﺍﻟﻠﻪ ﻣﺎﻧﻀﻨﻲ ﻫﺬﻱ ﺣﻄﺘﻬﺎ ﻑ ﺭﺍﺳﻬﺎ ﺧﻼﺹ ﻳﺒﻘﻰ
ﻣﺎﻣﺎ .. ﻛﻠﻪ ﻳﻮﺳﻒ ﻣﺼﻜﺮ ﺭﺍﺳﻪ ﻗﺎﻝ ﻟﻮ ﻛﺎﻥ ﻓﻴﻬﺎ ﺇﻳﺶ ﻣﺎﻧﻲ ﻭﺍﺧﺬﻫﺎ ﻣﻨﺎﺭ
ﻋﻼﺀ .. ﻭﻫﻴﺎ ﺍﻟﺼﻘﻪ ﻟﻴﺶ ﻣﺎﺗﻨﺴﺤﺐ ﺩﺍﺑﻴﻦ ﻋﺎﺭﻓﺘﻪ ﻣﺎﻳﺒﻬﺶ
ﺭﺣﺎﺏ .. ﺍﻟﺼﻘﻪ ﺍﻧﻚ ﻗﻠﺘﻬﺎ ﺍﻟﺒﻨﺖ ﻫﺬﻱ ﺍﺳﺘﻐﻔﺮﺍﻟﻠﻪ
ﻣﺎﻣﺎ .. ﻣﺎﺗﺤﻜﻴﺶ ﻉ ﺑﻨﺎﺕ ﺍﻟﻨﺎﺱ ﺭﺑﻲ ﻳﻬﺪﻳﻬﺎ ﺣﺘﻰ ﻛﺎﻥ ﺷﺎﻳﻔﻪ ﻋﻠﻴﻬﺎ ﺣﺎﺟﻪ
ﻋﻼﺀ .. ﻓﻜﻴﻨﺎ ﻣﻦ ﺷﺮﻫﺎ
ﺍﻧﺎ .. ﺻﺎﺡ ﻓﻜﻮﻧﺎ ﻣﻨﻬﺎ ﻏﻴﺮﻭ ﺍﻟﺴﻴﺮﻩ
ﺭﺣﺎﺏ .. ﻳﺎﺭﻳﺘﻬﻦ ﻭﻋﻨﻲ ﻃﻠﻌﺖ ﻣﻌﺎﻫﻦ ﻣﺤﺒﻮﺳﻪ ﻟﻴﺎ ﺍﺳﺒﻮﻋﻴﻦ
ﺍﻧﺎ .. ﻋﻠﻴﻚ ﺍﺳﺒﻮﻋﻴﻦ ﺣﺒﺲ ﻭﻧﻜﺪ ﻭﺍﻟﻠﻪ ﻭﺍﻳﻬﻢ ﻳﺰﻳﺪ ﻓﻴﺎ ﺯﻳﺎﺩﻩ ﺗﻘﻮﻝ ﻫﻮ ﺍﻟﻲ ﻳﻤﺘﺤﻦ ﻳﻨﻮﺽ ﻗﺒﻠﻲ ﻭﻳﻮﺗﻲ ﻑ ﺍﻣﺘﺤﺎﻥ ﻭﻳﺮﺟﻌﻠﻲ ﺿﻐﻂ ﻭ ﺍﻟﻠﻪ
ﻣﺎﻣﺎ .. ﻭﺷﻦ ﺗﺒﻲ ﺃﻛﺜﺮ ﻣﻦ ﻫﻜﻲ ﻣﺼﺒﻲ ﻣﻌﺎﻙ ﻭﻣﺴﻴﺐ ﻣﺤﻠﻪ ﻭﻳﻘﺮﻱ ﻓﻴﻚ
ﺍﻧﺎ .. ﺿﻐﻂ ﻋﻠﻴﺎ ﻣﺎﻩ ﻭﻧﺘﻌﺐ
ﻋﻼﺀ .. ﺍﻫﻦ ﻣﺸﻦ ﻳﺎﻛﺒﺎﺭﻩ ﺍﻟﺸﻮﺭﺥ
ﺍﻧﺎ ﺿﺤﻜﺖ .. ﺳﺎﻣﻂ ﺧﺰﻱ ﻋﻠﻴﻚ
ﻋﻼﺀ .. ﻭﺍﻟﻠﻪِ ﺍﻟﻠﻪ ﺷﻮﺭﻙ ﺍﻧﺘﻲ ﻣﻦ ﺯﻣﺎﻥ ﺍﻟﺤﺮﻛﺎﺕ ﻫﺬﻳﻨﺎ
ﺍﻧﺎ ﺑﻨﺮﺩ ﻋﻠﻴﻪ ﺭﻥ ﻣﻮﺑﺎﻳﻠﻲ .. ﺍﻳﻮﺍﻩ ﺍﻳﻬﻢ
ﺍﻳﻬﻢ .. ﺣﺒﻴﺒﻲ ﺍﻧﺎ ﻗﺪﺍﻡ ﺍﻟﺤﻮﺵ ﺍﻃﻠﻌﻲ ﻫﻴﺎ
ﺍﻧﺎ .. ﺑﺎﻩ ﺗﻤﺎﻡ ﺷﻮﻳﺎ ﻣﺶ ﺣﻨﻄﻮﻝ
ﻣﺎﻣﺎ .. ﺑﺘﻌﺪﻱ ﻗﺼﺪﻙ ﻛﻴﻒ ﺟﻴﺘﻲ
ﺍﻧﺎ .. ﻣﺎﻩ ﺑﻨﻌﺪﻱ ﻟﺴﻮﻕ ﻧﺎﺧﺬ ﺣﺎﺟﺎﺕ ﺭﻣﻀﺎﻥ ﻣﺎﻃﻠﻌﺘﺶ ﻏﻴﺮ ﻗﻠﺖ ﻧﺸﻮﻓﻜﻢ ﺳﺮﻳﻊ ﺳﺮﻳﻊ
ﺭﺣﺎﺏ .. ﻣﺶ ﺟﻴﻪ ﺭﺍﻩ
ﺍﻧﺎ .. ﺍﻥ ﺷﺎﺀ ﺍﻟﻠﻪ ﺗﻮﺍ ﻧﺠﻲ ﻑ ﺭﻣﻀﺎﻥ ﻧﻔﻄﺮ ﻋﻨﺪﻛﻢ
ﻣﺎﻣﺎ .. ﻣﺮﺣﺒﺘﻴﻦ ﺑﻴﻚ
ﻋﻼﺀ ﻃﻠﻊ ﻟﻲ ﺍﻳﻬﻢ ﻭﺍﻧﺎ ﻧﻠﺒﺲ ﻑ ﻋﺒﺎﻳﺘﻲ
ﻭﺧﺬﻳﺖ ﺷﻨﻄﻲ ﻭﺳﻠﻤﺖ ﻋﻠﻴﻬﻦ
ﺍﻧﺎ .. ﻛﻞ ﺳﻨﺔ ﻭﺍﻧﺘﻢ ﻃﻴﺒﻴﻦ ﻳﻨﻌﺎﺩ ﻋﻠﻴﻜﻢ ﺑﺎﻟﺼﺤﺔ ﻭﺍﻟﻌﺎﻓﻴﺔ
ﻣﺎﻣﺎ .. ﻭﺍﻧﺘﻲ ﻃﻴﺒﻪ ﺣﺒﻴﺒﺘﻲ ﺍﻭﻝ ﺳﻨﻪ ﻑ ﺣﻮﺵ ﺭﺍﺟﻠﻚ
ﺍﻧﺎ ﺿﺤﻜﺖ .. ﺣﻨﻔﻘﺪ ﻟﻤﺘﻨﺎ ﺑﺲ
ﺭﺣﺎﺏ .. ﺗﻮﺍ ﺗﺠﻴﻨﺎ ﻳﺎﺣﻨﻪ ﺧﻠﻴﻚ ﻑ ﺣﻮﺵ ﺭﺍﺟﻠﻚ
ﻣﺎﻣﺎ .. ﻫﺎﺑﺎ ﻋﻠﻴﻚ ﺍﻧﺘﻲ
ﺍﻧﺎ ﻣﺎﺷﻴﺎ ﺷﻮﺭ ﺍﻟﺒﺎﺏ .. ﻫﻴﺎ ﻣﻊ ﺍﻟﺴﻼﻣﻪ ﻧﺸﻮﻓﻜﻢ ﻉ ﺧﻴﺮ
ﻣﺎﻣﺎ .. ﺍﻥ ﺷﺎﺀ ﺍﻟﻠﻪ ﻭﺍﻧﺘﻲ ﻃﻴﺒﻪ
ﻃﻠﻌﺖ ﻟﻘﻴﺖ ﻋﻼﺀ ﻣﺼﺒﻲ ﻉ ﺭﻭﺷﻦ ﻭﻳﻬﺪﺭﺯ ﻣﻊ ﺍﻳﻬﻢ
ﺍﻧﺎ .. ﻛﻞ ﺳﻨﻪ ﻭﺍﻧﺖ ﻃﻴﺐ ﻳﺎﺍﻋﻠﻴﻮﻩ ﻫﻴﺎ ﻣﻊ ﺳﻼﻣﻪ
ﻋﻼﺀ ﻣﺼﺒﻲ ﻋﻨﺪ ﺑﺎﺑﻲ ﻭﻣﺎﺳﻜﻪ .. ﻭﺍﻧﺘﻲ ﻃﻴﺒﻪ ﺑﻴﺶ ﺗﺠﻴﻨﺎ
ﺍﻧﺎ .. ﺣﺎﺿﺮ ﺍﻥ ﺷﺎﺀ ﺍﻟﻠﻪ
ﺻﻜﺮﻟﻲ ﺑﺎﺑﻲ
ﺍﻳﻬﻢ .. ﻫﻴﺎ ﻣﻊ ﺳﻼﻣﻪ ﺳﻠﻢ ﻉ ﻋﺰﻭ
ﻋﻼﺀ .. ﻳﻮﺻﻞ ﺍﻥ ﺷﺎﺀ ﺍﻟﻠﻪ
ﻃﻠﻌﻨﺎ ﺑﺴﻴﺎﺭﻩ
ﺍﻧﺎ .. ﺷﻦ ﺻﺎﺭ ﻑ ﺭﺗﺎﺝ ﻭﻣﻨﻴﺮ ﻭﻳﻨﻬﺎ ﻫﻴﺎ
ﺍﻳﻬﻢ .. ﺷﻠﺘﻬﺎ ﻟﺠﻨﻴﻨﻪ ﻟﻌﺒﺖ ﻭﻫﺪﺭﺯﺕ ﻣﻌﺎﻫﺎ ﻗﺎﻟﺖ ﻟﻲ ﻭﻟﺪ ﺟﻴﺮﺍﻧﺎ ﻛﺎﻥ ﻳﻠﻌﺐ ﻣﻌﺎﻳﺎ ﻭﻣﺴﻜﻪ ﻣﻨﻴﺮ ﺿﺮﺑﻪ ﻭﺿﺮﺑﻬﺎ ﻛﻠﻤﺖ ﻣﺤﻤﺪ ﻗﺎﻟﻲ ﺳﺄﻟﺘﻪ ﻗﺎﻝ ﻛﺎﻥ ﻳﻠﻤﺲ ﻓﻴﻬﺎ ﻭﺍﻳﺪﻳﺮ ﻑ ﺣﺮﻛﺎﺕ ﻣﺶ ﺗﻤﺎﻡ ﻫﻴﺎ ﻣﺶ ﻓﺎﻃﻨﻪ ﺍﺧﺘﻲ ﻋﺮﻓﻬﺎ ﻃﻔﻮﻟﻴﻪ ﻟﻠﻤﻠﻴﻮﻥ
ﺍﻧﺎ .. ﻳﻴﻲ ﻳﺎ ﻋﻤﺮﻱ ﺑﺲ ﻻﺯﻡ ﺗﻮﺭﻭﻫﺎ ﻣﺎﺗﺠﻴﺶ ﻫﻜﻲ
ﺍﻳﻬﻢ .. ﻗﻠﺖ ﻟﻲ ﺍﻣﻲ ﻧﺮﻭﺡ ﺑﺲ ﻧﺤﻜﻲ ﻣﻌﺎﻫﺎ ﻭﻣﻨﻴﺮ ﺣﺴﺎﺑﻲ ﻣﻌﺎﻩ ﺑﻌﺪﻳﻦ
ﺍﻧﺎ .. ﻓﻮﺗﻪ ﻳﺎﻋﻤﺮﻱ ﻣﻌﻠﻴﺶ ﺧﺎﻳﻒ ﻉ ﺍﺧﺘﻪ ﺍﻛﻴﺪﻩ
ﺍﻳﻬﻢ .. ﻣﺎﻩ ﻧﻘﻮﻟﻪ ﻣﺎﺗﻤﺪﺵ ﺍﻳﺪﻙ ﺑﺲ ﻓﻴﻚ ﻳﺎﻭﺍﺩﻱ
ﺍﻧﺎ .. ﻣﺎﺗﺤﻜﻴﺶ ﻣﻌﺎﻩ ﻋﺎﺭﻓﺘﻚ ﻋﺼﺒﻲ ﺗﻮﺍ ﺗﻨﻔﺼﻞ ﻧﺒﺪﺭﻱ ﺧﻮﻓﺘﻨﻲ ﻭﺍﻟﻠﻪ
ﺍﻳﻬﻢ ﻣﺴﻚ ﺍﻳﺪﻱ ﻭﺑﺎﺳﻬﺎ .. ﺍﺳﻒ ﻣﺶ ﻣﺮﻛﺰ ﺑﺲ ﺗﻨﺮﻓﺰﺕ
ﺍﻧﺎ ﺍﺑﺘﺴﻤﺖ .. ﻉ ﻣﻬﻢ ﻣﺎﺗﺤﻜﻴﺶ ﻣﻌﺎﻩ ﻭﺍﻧﺖ ﻣﻌﺼﺐ
ﺍﻳﻬﻢ ﻫﺰ ﺭﺍﺳﻪ .. ﺍﻥ ﺷﺎﺀ ﺍﻟﻠﻪ ﺧﻴﺮ ﻫﻴﺎ ﻧﺰﻟﻲ
ﻧﺰﻟﻨﺎ ﻟﺴﻮﺑﺮ ﻣﺎﺭﻛﺖ ﻭﺧﺸﻴﻨﺎ ﺧﺬﻳﻨﺎ ﻛﺮﻭﺳﻪ ﻭﻗﻌﺪﻧﺎ ﻧﺒﺮﻣﻮ ﻧﺎﺧﺬﻭ ﻑ ﺍﻟﺤﺎﺟﺎﺕ
ﺍﻧﺎ .. ﺣﺒﻴﺒﻲ ﺷﻜﻼﻃﻪ ﻣﻌﺶ ﻓﻲ ﻑ ﺍﻟﺸﻘﻪ
ﺍﻳﻬﻢ .. ﺗﺒﻴﻠﻚ ﺻﻨﺪﻭﻕ ﺍﻧﺘﻲ ﻣﻌﺶ ﺗﺎﻛﻠﻲ ﻭﺍﺟﺪ ﺗﻀﺮﻱ ﻑ ﺭﻭﺣﻚ
ﺍﻧﺎ .. ﻳﺎﺣﺒﻴﺒﻲ ﺷﻦ ﻧﺪﻳﺮ ﻧﺘﻮﺣﻢ ﺑﺲ ﻋﻠﻴﻬﺎ
ﺍﻳﻬﻢ .. ﺣﺎﺿﺮ ﻳﺎﻫﻤﻲ ﺍﻧﺘﻲ
ﺍﻧﺎ ﺍﺑﺘﺴﻤﺖ .. ﻧﺠﻚ ﻟﻴﺎ ﻧﺤﺒﻚ ﻭﻟﻠﻪ
ﺍﻳﻬﻢ ﺑﺤﺖ ﻓﻴﺎ ﺑﻨﺺ ﻋﻴﻦ .. ﻣﻴﺴﺲ ﺧﻴﺮﻟﻚ
ﺍﻧﺎ ﺣﻄﻴﺖ ﺍﻳﺪﻱ ﻉ ﻓﻤﻲ .. ﺍﺳﻔﻪ
ﺍﻳﻬﻢ ﺿﺤﻚ ﻭﻳﻬﺰ ﻑ ﺭﺍﺳﻪ .. ﺗﻌﺎﻟﻲ ﻫﻴﺎ
ﻗﻌﺪﻧﺎ ﻧﺴﻮﻗﻮ ﻭﻏﻴﺮﻧﺎ ﺟﻮ ﻭﺭﻭﺣﻨﺎ ﻟﺸﻘﻪ "
" ﻳﻮﺳﻒ ﻣﻘﻤﻌﺰ ﺳﺎﺭﺡ ﻭﻣﻮﺩﻩ ﺗﻔﺮﺝ ﻉ ﺍﻝ Tv
ﻣﻮﺩﻩ ﻗﺮﺑﺖ ﻣﻨﻪ .. ﺣﺒﻴﺒﻲ
ﻳﻮﺳﻒ ﺑﺤﺖ ﻓﻴﻬﺎ .. ﻧﻌﻢ ﻳﺎﻋﻤﺮﻱ
ﻣﻮﺩﻩ .. ﻋﺪﻱ ﺑﻜﺮﺍ ﺍﻓﻄﺮ ﻋﻨﺪ ﻫﻠﻚ ﻭﺣﻄﻨﻲ ﺍﻧﺎ ﻋﻨﺪﻱ ﻫﻠﻲ
ﻳﻮﺳﻒ .. ﻧﻘﻌﺪ ﻣﺶ ﺭﺍﺟﻞ ﻛﺎﻥ ﺩﺭﺗﻬﺎ ﻛﻴﻒ ﻫﺬﻱ ﺑﺲ ﻛﻴﻒ
ﻣﻮﺩﻩ .. ﻧﺸﻮﻑ ﻓﻴﻚ ﺳﺎﺭﺡ ﻭﺧﺎﻃﺮﻙ ﻑ ﻟﻤﻪ ﺗﻼ ﺍﻣﻚ ﻭﺧﻮﺗﻚ ﻭﺍﻧﺎ ﺣﺎﺳﻪ ﺏ ..
ﻳﻮﺳﻒ ﺣﻂ ﺍﻳﺪﻩ ﻉ ﻓﻤﻬﺎ .. ﺍﺳﻜﺘﺘﻲ ﻣﻌﺶ ﺗﺤﻜﻲ ﻫﻜﻲ ﺍﻧﺎ ﻭﻳﺎﻙ ﻭﺍﺣﺪ ﻓﺎﻫﻤﻪ ﺍﻣﻲ ﺗﻮﺍ ﻧﺘﺮﺿﻰ ﻣﻌﺎﻫﺎ ﺑﺲ ﺍﻧﺘﻲ ﻣﺴﺘﺤﻴﻞ ﻧﺴﻴﺒﻚ ﻟﻮ ﻛﺎﻥ ﺷﻨﻮ
ﻣﻮﺩﻩ .. ﺍﻧﺎ ﻉ ﺧﺎﻃﺮﻙ ﻧﺪﻳﺮ ﻫﻜﻲ ﻭﻟﻮ ﺗﺒﻲ ﺗﻮﺍ ﻧﻤﺸﻮ ﻧﺤﻜﻮﺍ ﻣﻌﺎﻫﺎ ﺑﺲ ﻣﺎﻧﺒﻴﺶ ﻧﺸﻮﻓﻚ ﺯﻋﻼﻥ ﻭﻣﻀﺎﻳﻖ ﺷﻮﻑ ﻭﺟﻚ ﻛﻴﻒ ﻭﺟﺴﻤﻚ ﻧﺎﻗﺺ ﻣﻌﺶ ﻧﺸﻮﻑ ﻑ ﺍﻟﻔﺮﺣﻪ ﻑ ﻋﻴﻮﻧﻚ ﻛﻴﻒ ﻗﺒﻞ ﻳﺎﻳﻮﺳﻒ
ﻳﻮﺳﻒ ﺗﻨﻬﺪ ﻭﺭﻓﻊ ﺭﺍﺳﻪ ﻓﻮﻕ ﻭﻣﺴﺢ ﻋﻴﻮﻧﻪ ﺑﺴﺮﻋﻪ .. ﺍﻛﻴﺪﻩ ﺑﻌﺪ ﺗﺠﻴﺒﻲ ﺗﻮﺍ ﺗﻬﺪﺃ ﻭﺧﺼﻮﺻﺎً ﺍﻧﻪ ﻋﻴﻞ
ﻣﻮﺩﻩ ﺍﺑﺘﺴﻤﺖ .. ﻧﺴﻤﻮﻩ ﻋﺒﺪﺍﻟﻠﻪ ﻉ ﻋﻤﻮ
ﻳﻮﺳﻒ .. ﺍﻥ ﺷﺎﺀ ﺍﻟﻠﻪ
ﻣﻮﺩﻩ ﻣﺴﻜﺖ ﺍﻳﺪﻩ .. ﻣﺎﺗﺰﻋﻠﺶ ﺭﻭﺣﻚ ﺍﺩﻋﻲ ﻑ ﺻﻼﺗﻚ ﺭﺑﻲ ﻳﻬﺪﻳﻬﺎ ﻭﺗﺮﺩﻭ ﻛﻴﻒ ﻗﺒﻞ
ﻳﻮﺳﻒ .. ﺍﻥ .. ﺑﻴﺪﻭﻱ ﺭﻥ ﻣﻮﺑﺎﻳﻠﻪ .. ﻫﺬﻱ ﻋﻤﺘﻲ
ﻣﻮﺩﻩ .. ﺭﺩ
ﻳﻮﺳﻒ .. ﺍﻳﻮﺍﻩ ﺧﻴﺮﺍﺕ
ﻣﺎﻣﺎ .. ﺧﻴﺮ ﻳﺎﺍﻭﺳﻴﻔﻪ ﻛﻴﻒ ﺣﺎﻟﻚ
ﻳﻮﺳﻒ .. ﺍﻟﺤﻤﺪ ﺍﻟﻠﻪ ﻳﺎﻋﻤﺘﻲ ﻛﻴﻒ ﺣﺎﻟﻚ ﺍﻧﺘﻲ ﺷﻦ ﺩﺍﻳﺮﻩ ﺻﺤﺘﻚ ﻭﻛﻴﻒ ﺣﺎﻝ ﺍﻟﺒﻨﺎﺕ
ﻣﺎﻣﺎ .. ﺍﻟﺤﻤﺪ ﺍﻟﻠﻪ ﻛﻠﻨﺎ ﺑﺨﻴﺮ ﻭﻳﻦ ﻗﺎﻋﺪ
ﻳﻮﺳﻒ .. ﻑ ﺍﻟﺸﻘﻪ ﻛﻨﻚ ﺗﺒﻲ ﺣﺎﺟﻪ ﻧﺠﻴﻚ
ﻣﺎﻣﺎ .. ﻻﻻ ﻏﻴﺮ ﻧﺮﻳﺪ ﻧﻘﻮﻟﻚ ﺑﻜﺮﺍ ﻓﻄﻮﺭﻛﻢ ﻋﻨﺪﻱ
ﻳﻮﺳﻒ ﺣﺎﻁ ﺍﻳﺪﻳﻪ ﻉ ﺷﻌﺮﻩ ﻭﻳﻤﺸﻲ ﻓﻴﻬﺎ .. ﺑﺲ ..
ﻣﺎﻣﺎ .. ﺑﺲ ﺷﻨﻮ ﺍﻧﺎ ﻋﻤﺘﻚ ﺍﺧﺖ ﺑﺎﺗﻚ ﻭﻛﻴﻒ ﺍﻣﻚ ﻭﻻ ﺷﻨﻮ ﻳﺎﻳﻮﺳﻒ ﺑﻜﺮﺍ ﻓﻄﻮﺭﻙ ﻋﻨﺪﻱ ﻭﺟﻤﻊ ﻋﻨﺪﻱ ﻛﻴﻔﻚ ﻛﻴﻒ ﻋﻼﺀ ﻭﻋﺰﻭ ﺍﻧﺖ
ﻳﻮﺳﻒ ﺍﺑﺘﺴﻢ .. ﻛﺒﺮ ﻣﻘﺪﺍﺭﻙ ﻳﺎﻋﻤﺘﻲ ﺍﻥ ﺷﺎﺀ ﺍﻟﻠﻪ ﺗﻮﺍ ﻧﺠﻮ
ﻣﺎﻣﺎ ﺍﺑﺘﺴﻤﺖ .. ﺑﺎﻩ ﻣﺮﺣﺒﺘﻴﻦ ﺑﻴﻜﻢ
ﻳﻮﺳﻒ .. ﺳﻠﻤﻲ ﻉ ﺑﻨﺎﺕ ﻭﺷﺒﺎﺏ
ﻣﺎﻣﺎ .. ﻳﻮﺻﻞ ﻫﻲ ﻣﻊ ﺳﻼﻣﻪ
ﻳﻮﺳﻒ .. ﺍﻭﻛﻲ
ﺻﺪﺭ ﻭﺑﺤﺖ ﻑ ﻣﻮﺩﻩ
ﻣﻮﺩﻩ .. ﻛﻨﻬﺎ
ﻳﻮﺳﻒ ﻣﺒﺘﺴﻢ .. ﻗﺎﻟﺖ ﺗﻌﺎﻟﻮ ﺑﻜﺮﺍ ﺍﻓﻄﺮﻭ ﻋﻨﺪﻱ
ﻣﻮﺩﻩ ﻣﺒﺘﺴﻤﻪ .. ﺟﺪ ﺣﺒﻴﺒﻲ ﻳﺎﺧﻴﻪ ﻣﺤﻼﻫﺎ ﺍﻋﻤﻴﻤﻪ ﺍﺳﻤﺎﺀ
ﻳﻮﺳﻒ ﺗﻨﻬﺪ .. ﺍﻣﻲ ﻣﺎﺫﻛﺮﺗﻨﻲ ﻭﺧﺎﻓﺖ ﻉ ﺷﻌﻮﺭﻱ ﻭﻫﻴﺎ ﺧﺎﻳﻔﻪ ﻋﻠﻴﺎ
ﻣﻮﺩﻩ .. ﻣﻌﻠﻴﺶ ﻳﺎﺣﺒﻴﺒﻲ ﺍﻣﻚ ﺷﻦ ﺑﺪﻳﺮ ﻭﻋﻤﺘﻚ ﻛﻴﻒ ﺍﻣﻚ
ﻳﻮﺳﻒ .. ﻳﻴﻴﻲ ﻣﻌﺰﺗﻬﺎ ﺧﺎﺻﻪ ﻭﺍﻟﻠﻪ ﻣﺎﻓﻲ ﺣﺪ ﻳﻌﻠﻢ ﺑﻴﻬﺎ ﻏﻴﺮ ﺍﻟﻠﻪ
ﻣﻮﺩﻩ .. ﺍﺯﻋﻤﻚ ﺷﻦ ﻧﺸﻴﻠﻮ ﻣﻌﺎﻧﺎ ﺑﻜﺮﺍ
ﻳﻮﺳﻒ .. ﺩﻳﺮﻱ ﺍﻟﻲ ﺗﺒﻴﻬﺎ ﻭﺗﻮﺍ ﻧﺎﺧﺬﻭ ﺣﺎﺟﺎﺕ ﻣﻦ ﺑﺮﺍ
ﻣﻮﺩﻩ .. ﺍﻟﻠﻪ ﻋﻠﻴﻚ ﺟﻮ ﺍﻟﺒﻨﺎﺕ ﺟﻮﻫﻦ ﺳﻤﺢ
ﻳﻮﺳﻒ .. ﻣﺸﺎﺀ ﺍﻟﻠﻪ ﻋﻠﻴﻬﻦ ﻉ ﻧﻴﺘﻬﻦ
ﻣﻮﺩﻩ .. ﺭﺑﻲ ﻋﻄﺎﻫﻦ ﻉ ﻗﺼﺎﺩ ﺍﻟﻨﻴﻪ ﻣﻴﺲ ﻃﺎﺣﺖ ﻑ ﺍﻳﻬﻢ ﺍﻟﻲ ﻛﺎﻥ ﺗﻄﻠﺐ ﺇﻳﺶ ﻳﺠﻴﻴﻪ ﻟﻬﺎ ﺣﻨﻴﻴﻴﻦ ﻟﻴﻦ ﺑﻜﻞ ﻭﻣﺤﻤﺪ ﻛﻴﻔﻪ ﻭﺍﺷﺮ ﺍﻋﻴﺎﻟﻲ ﺧﻮﺍﻟﻲ ﻛﻠﻬﻢ ﻫﻚ
ﻳﻮﺳﻒ .. ﺭﺑﻲ ﻳﻬﻨﻴﻬﻢ ﺍﻥ ﺷﺎﺀ ﺍﻟﻠﻪ
ﻣﻮﺩﻩ .. ﺍﻥ ﺷﺎﺀ ﺍﻟﻠﻪ ﻭﻳﻬﻨﻴﻨﺎ ﻭﻳﺒﻌﺪ ﻋﻠﻴﻨﺎ ﺑﻨﺎﺕ ﺍﻟﺤﺮﺍﻡ ﻭﺍﻋﻴﺎﻝ ﺍﻟﺤﺮﺍﻡ
ﻳﻮﺳﻒ .. ﺍﻣﻴﻦ ﻳﺎﺭﺏ "
" ﺩﻧﻴﺎ ﻛﻴﻒ ﻃﺎﻟﻌﻪ ﻣﻦ ﺩﻭﺵ .. ﺍﺍﺍﻩ ﺣﺴﻴﺖ ﺭﻭﺣﻲ ﻫﺬﺍ ﻭﻳﻦ ﺩﻭﺷﺖ
ﺍﻣﺠﺪ ﻳﻤﺴﺢ ﻑ ﺷﻌﺮﻩ .. ﻋﻠﻴﺶ ﻣﻴﻪ ﺍﻟﻤﺼﻴﻒ ﻓﻴﻬﺎ ﺭﻣﻠﻪ
ﺩﻧﻴﺎ ﺗﻀﺤﻚ .. ﺍﻫﺎﺍ ﻭ ﺍﻟﻠﻪِ ﺍﻟﻠﻪ ﻫﻜﻲ ﻧﺤﺲ ﻓﻴﻬﺎ
ﺍﻣﺠﺪ ﻣﺼﺒﻲ ﻉ ﺍﻟﻤﺮﺍﻳﺎ ﺟﺖ ﺣﻀﻨﺎﺗﻪ ﻣﻦ ﻻﻭﺭﻩ
ﺩﻧﻴﺎ .. ﺑﺲ ﻛﺎﻧﺖ ﻣﺸﻴﻪ ﺣﻠﻮﻩ ﺭﺩﺗﻨﻲ ﺗﻼﺕ ﺳﻨﻴﻦ ﻻﻭﺭﻩ
ﺍﻣﺠﺪ ﻣﺒﺘﺴﻢ ﻭﻣﺎﺳﻚ ﺍﻳﺪﻳﻬﺎ .. ﻭﻧﺤﻦ ﻛﻴﻒ ﺍﺟﻮﺯﻧﺎ
ﺩﻧﻴﺎ .. ﺍﻫﺎ ﻛﻨﺎ ﺩﻳﻤﺎ ﻧﻄﻠﻌﻮ ﻭﻧﻐﻴﺮﻭ ﻑ ﺟﻮﻧﺎ
ﺍﻣﺠﺪ .. ﺍﻳﺎﻡ ﻭﻋﺪﻥ ﻭﺗﻮﺍ ﻳﺠﻦ ﺍﻟﻲ ﺍﺣﻠﻰ ﺣﺘﻰ ﺍﻋﻠﻴﻮﻩ ﻓﺮﺣﺎﻥ ﺑﺎﻟﺒﺤﺮ
ﺩﻧﻴﺎ .. ﻳﻴﻴﻲ ﺣﺒﻴﺒﻲ ﺑﻄﻼﻥ ﺭﻗﺪ ﻣﻦ ﺍﻭﻝ ﻣﺎﺟﺎﺀ
ﺍﻣﺠﺪ .. ﻛﻤﻠﻬﺎ ﺟﺮﻱ ﻏﺎﺩﻱ ﻉ ﺭﻣﻠﻪ
ﺩﻧﻴﺎ .. ﺍﻥ ﺷﺎﺀ ﺍﻟﻠﻪ ﺩﻳﻤﺎ ﻧﻌﺪﻭ ﻏﺎﺩﻱ
ﺍﻣﺠﺪ .. ﺗﻮﺍ ﻧﻌﺪﻭ ﻣﻊ ﺍﻟﻌﻴﻠﻪ ﺑﻌﺪ ﺭﻣﻀﺎﻥ
ﺩﻧﻴﺎ .. ﺍﻥ ﺷﺎﺀ ﺍﻟﻠﻪ ﺟﻮﻫﻢ ﺣﻠﻮ ﻫﻠﻚ ﻑ ﺯﺭﺍﺩﻱ
ﺍﻣﺠﺪ .. ﻣﻦ ﻳﻮﻣﻨﺎ ﻧﺤﺒﻮ ﺟﻮ ﺍﻟﺰﺭﺩﻩ ﻭﺟﻮ ﺍﻟﺴﻤﺢ ﺍﻳﺎﻡ ﻭﻧﺤﻦ ﺻﻐﺎﺭ ﺍﻟﻌﻄﻠﻪ ﺗﻜﻤﻞ ﺯﺭﺍﺩﻱ ﻭﻃﺎﻟﻌﺎﺕ ﻟﺒﺤﺮ ﻭﺳﻔﺎﺭﺍﺕ
ﺩﻧﻴﺎ .. ﺍﻟﻌﻄﻠﻪ ﺗﺒﻲ ﻫﻜﻲ ﺍﺻﻼً
ﺍﻣﺠﺪ ﺑﺮﻡ ﻋﻠﻴﻬﺎ .. ﻋﺎﺟﺒﻚ ﺍﻟﺠﻮ ﺍﻧﺘﻲ ﻫﻜﻲ ﻏﻴﺮﻱ ﻫﻴﺎ ﺧﻠﻴﻨﺎ ﻧﻨﺰﻟﻮ
ﺩﻧﻴﺎ ﻣﺒﺘﺴﻤﻪ .. ﺍﻣﻤﻢ ﺭﻳﺤﺘﻚ ﺣﻠﻮﻩ ﻣﺎﻧﺸﺒﻌﺶ ﻣﻨﻬﺎ ﺣﺒﻴﺒﻲ
ﺍﻣﺠﺪ ﻣﺴﻚ ﻭﺟﻬﺎ ﻭﺑﺄﺱ ﺭﺍﺳﻬﺎ .. ﻫﻴﺎ ﺍﻟﺒﺴﻲ ﺧﻠﻲ ﻧﻨﺰﻟﻮ
ﺩﻧﻴﺎ ﻣﺎﺷﻴﺎ ﺷﻮﺭ ﺩﻭﻻﺏ .. ﺗﻤﺎﻡ ﻳﺎﻋﻤﺮﻱ ﺍﺑﺮﻡ ﻉ ﺍﻋﻠﻴﻮﻩ ﻣﺮﺍﺕ ﻧﺎﺽ
ﺍﻣﺠﺪ .. ﺍﻥ ﺷﺎﺀ ﺍﻟﻠﻪ ﺗﻮﺍ ﻧﺸﻮﻓﻪ ﺑﺎﻩ ﻏﻴﺮ ﺻﻘﺪﻱ ﺷﻮﻓﻲ ﺍﻟﻮﻗﺖ
ﺩﻧﻴﺎ .. ﺣﺎﺿﺮ ﺍﻫﻲ ﺑﻨﻠﺒﺲ ﻏﻴﺮ ﻋﺪﻱ
ﺍﻣﺠﺪ .. ﺍﻭﻛﻲ ﺗﻤﺎﻡ
ﻃﻠﻊ ﺍﻣﺠﺪ ﻭﺩﻧﻴﺎ ﺗﻨﻬﺪﺕ ﺑﻔﺮﺣﻪ ﻭﺍﺑﺘﺴﻤﺖ "
" ﻑ ﺍﻟﻴﻞ
ﺍﻧﺎ .. ﻧﺪﻳﺮﻟﻚ ﺳﺤﻮﺭ ﻳﺎﺍﻳﻬﻢ
ﺍﻳﻬﻢ ﻳﺘﻔﺮﺝ ﻭﺳﻨﺒﻞ ﺭﺍﻗﺪﻩ ﻉ ﺻﺪﺭﻩ ﻭﻫﻮ ﻳﻠﻌﺐ ﻋﻠﻴﻬﺎ .. ﻻﻻ ﻳﺎﻋﻤﺮﻱ ﺗﺮﻳﺤﻲ
ﺍﻧﺎ .. ﻻﻻ ﺧﻠﻴﻨﻲ ﻧﺒﺮﻡ ﺍﻟﺸﻘﻪ ﻣﻐﺒﺮﻩ ﻭﺣﺎﻳﺴﻪ ﺑﻜﻞ
ﺍﻳﻬﻢ .. ﺑﺎﻫﻲ ﻣﺎﺗﻌﺒﻴﺶ ﺭﻭﺣﻚ ﻭﺍﺟﺪ
ﺍﻧﺎ .. ﺣﺎﺿﺮ
ﺣﻤﻴﺖ ﻭﺳﻠﺤﺖ ﺍﻟﺘﻴﺸﺮﺕ ﺍﻣﺘﺎﻋﻲ ﻭﻗﻌﺪﺕ ﻧﺒﺮﻡ ﻑ ﺍﻟﺸﻘﻪ ﺧﻄﻤﺖ ﻣﻦ ﺗﻼ ﺍﻳﻬﻢ
ﺍﻳﻬﻢ ﻛﺮ ﺍﻳﺪﻱ .. ﺗﻌﺎﻟﻲ ﺗﻌﺎﻟﻲ ﺷﻦ ﺩﺍﻳﺮﻩ ﻑ ﺭﻭﺣﻚ
ﺍﻧﺎ ﻧﻀﺤﻚ .. ﺣﻤﻮ
ﺍﻳﻬﻢ ﺑﺎﺱ ﺭﻗﺒﺘﻲ .. ﺍﺟﻨﺎﺑﻚ ﻳﺎ ﻏﺒﻴﻪ ﺗﻮﺍ ﻳﺮﺩﻥ ﻋﻠﻴﻚ ﺗﺎﺧﺬﻱ ﺑﺮﺩ
ﺍﻧﺎ .. ﻣﺶ ﻣﻘﺎﺑﻼ ﺍﻟﺘﻜﻴﻒ ﺧﻼﺹ ﺍﻳﻬﻢ ﺣﻮﻝ
ﺍﻳﻬﻢ ﺑﺼﻮﺕ ﻫﺎﺩﻱ .. ﻟﻴﺎ ﻭﺍﺟﺪ ﻋﻠﻴﻚ ﺍﺳﺒﻮﻋﻴﻦ ﻳﺎﺿﺎﻟﻤﻪ ﺍﺳﺒﻮﻋﻴﻦ
ﺍﻧﺎ ﻧﻀﺤﻚ ﺑﺼﻮﺕ ﻋﺎﻟﻲ .. ﺍﻳﻴﻴﻴﻬﻢ
ﺍﻳﻬﻢ ﻳﻔﻨﺺ ﻭﻳﻌﺾ ﻉ ﻓﻤﻪ .. ﺃﺳﺲ ﺻﻮﺗﻚ
ﺍﻧﺎ .. ﺣﺒﻴﺒﻲ ﻭﺧﺮ ﻭﺍﻟﻠﻪ ﺗﻌﺒﺎﻧﻪ
ﺍﻳﻬﻢ .. ﻣﺎﻩ ﻳﺠﻲ ﺭﻣﻀﺎﻥ ﻭﺍﻧﺎ ﻧﻨﺤﺮﻡ ﻣﻨﻚ
ﺍﻧﺎ ﻟﻔﻴﺖ ﺍﻳﺪﻳﺎ ﻉ ﺭﻗﺒﺘﻪ .. ﺷﻨﻮ ﻧﻨﺤﺮﻡ ﻣﻨﻚ ﻫﺬﻱ ﺭﺑﻲ ﻣﺎﻳﺤﺮﻣﻨﺎ ﻣﻦ ﺑﻌﻀﻨﺎ ﺣﺒﻴﺒﻲ
ﺍﻳﻬﻢ ﺑﺎﺱ ﺧﺪﻱ .. ﺑﺎﻩ ﻧﺤﺒﻚ
ﺍﻧﺎ ﺍﺑﺘﺴﻤﺖ .. ﻭﺍﻧﺎ ﻧﺤﺒﻚ
ﺍﻳﻬﻢ .. ﻓﻮﺗﻲ ﺍﻟﺤﻮﺳﻪ
ﺍﻧﺎ .. ﺍﻳﻬﻢ ﺭﺍﻩ ﻳﻔﻮﺕ ﻋﻠﻴﻨﺎ ﺍﻟﻮﻗﺖ ﻭﺍﻭﻝ ﻳﻮﻡ ﺣﺮﺍﻡ
ﺍﻳﻬﻢ .. ﺳﻜﻨﺘﻲ ﺍﻟﻴﻮﻡ ﺍﻳﻬﻢ ﺍﻳﻬﻢ ﻓﻬﻤﻨﺎ ﻛﺮﻧﻲ ﻉ ﺻﺎﻟﻮﻥ ﻭﻭﻭﻭﻭﻭﻭ
ﺩﻭﺷﻨﺎ ﻭﺳﺤﺮﻧﺎ ﻭﺍﻧﺎ ﺭﻗﺪﺕ ﻃﻮﻝ ﺗﻌﺒﺎﻧﻪ ﻭﻫﻮ ﺧﻠﻴﺘﻪ ﻳﺘﻔﺮﺝ "
" ﻧﻀﺖ ﻉ ﻗﺼﺎﺩ ﺍﻟﻀﻬﺮ ﺗﻮﺿﻴﺖ ﻭﺻﻠﻴﺖ ﻭﻗﻤﻌﺰﺕ ﻧﻘﺮﺍ ﻑ ﻗﺮﺍﻥ ﻟﻴﻦ ﺷﻔﺖ ﺳﺎﻋﻪ ﻛﺎﻧﺖ 3 ﺧﺸﻴﺖ ﻟﻜﻮﺟﻴﻨﻪ ﺩﺭﺕ ﻛﻴﻤﻴﺎﺀ ﻭﺧﻠﻴﺘﻬﺎ ﻉ ﺍﻟﻨﺎﺭ ﻭﺩﺭﺕ ﻛﻴﻜﻪ ﻣﺜﻠﺠﻪ ﻭﺣﻄﻴﺘﻬﺎ ﻑ ﺗﻼﺟﻪ ﺑﺤﺘﺖ ﻑ ﺳﺎﻋﻪ ﻛﺎﻧﺖ ﺍﺭﺑﻌﻪ ﻭﻣﻌﺎﻫﺎ ﺧﺸﻴﺖ ﻟﻲ ﺍﻳﻬﻢ
ﺍﻧﺎ .. ﺍﻳﻬﻢ ﻧﻮﺽ ﻫﻴﺎ ﻗﺮﻳﺐ ﻳﺎﺫﻥ ﺣﺘﻰ ﺍﻟﻌﺼﺮ
ﺍﻳﻬﻢ ﻗﻌﺪ ﻳﺘﻜﺴﻞ ﻭﺷﻮﻳﺎ ﻭﻧﺎﺽ .. ﺑﺎﻫﻲ ﺍﻟﻲ ﻭﻋﻴﺘﻴﻨﻲ
ﺍﻧﺎ .. ﺑﺎﻩ ﻧﻮﺽ ﺧﻠﻲ ﻧﻠﻢ ﺍﻟﺪﺍﺭ ﻭﻧﺒﺮﻡ ﻉ ﺍﻟﺸﻘﻪ ﻭﻧﻨﺰﻝ
ﺍﻳﻬﻢ .. ﺑﺎﻩ ﺗﻤﺎﻡ
ﺻﺒﻰ ﺧﺶ ﺍﻟﺤﻤﺎﻡ ﻭﺍﻧﺎ ﻟﻤﻴﺖ ﺩﺍﺭﻧﺎ ﻭﻓﺘﺤﺖ ﺭﻭﺷﻦ ﺑﻴﺶ ﺗﻬﻮﻯ ﻭﺑﺮﻣﺖ ﻉ ﺑﺎﻗﻲ ﺍﻟﺸﻘﻪ ﻭﻃﻠﻌﺖ ﺳﺮﻭﺍﻝ ﺟﻴﻨﺰ ﻭﺑﻠﻮﺯﻩ ﺷﻴﻔﻮﻥ ﻟﻮﻧﻬﺎ ﺍﺧﻀﺮ ﻓﻴﻬﺎ ﻭﺭﺩﺍﺕ ﻟﻮﻧﻬﻦ ﺣﻤﺮ ﺣﻠﻮﻩ ﻭﻫﺎﺩﻳﻪ ﻗﺼﻴﺮﻩ ﻗﺒﻞ ﺍﻟﺮﻛﺒﻪ ﺑﺸﻮﻳﺎ ﺍﻥ ﺳﺒﻪ ﺑﻄﻨﻲ ﻣﺮﺗﻔﻌﻪ ﺷﻮﻳﺎ ﻭﻭﺷﺎﺡ ﺣﻤﺮ ﻭﻛﻨﺪﺭﻩ ﺣﻤﺮﻩ ﻃﻠﻊ ﺍﻳﻬﻢ ﻭﺑﺤﺖ ﻓﻴﺎ
ﺍﻳﻬﻢ .. ﻣﺶ ﺿﺎﺑﻄﻪ
ﺍﻧﺎ .. ﺑﻠﻮﺯﺍﺗﻲ ﻛﻠﻬﻦ ﻗﺼﺎﺭ ﺑﻌﺪﻳﻦ ﻣﺶ ﺿﺎﺑﻄﻪ ﻭﺍﺟﺪ ﺣﺮﺍﻡ ﻋﻠﻴﻚ
ﺍﻳﻬﻢ .. ﺍﺑﺮﻣﻲ ﺗﺮﺍ
ﺑﺮﻣﺖ
ﺍﻳﻬﻢ .. ﻻ ﺗﻤﺎﻡ ﺗﻮﺍ ﻧﻄﻠﻌﻮ ﺗﺸﺮﻱ ﺑﻠﻮﺯﺍﺕ ﺣﻮﺍﻣﻞ
ﺍﻧﺎ .. ﺗﻤﺎﻡ ﺍﻧﺎ ﻣﺎﺷﻴﻪ ﺑﻨﻐﻠﻒ ﺍﻟﺤﺎﺟﺎﺕ
ﺍﻳﻬﻢ .. ﻋﺪﻱ
ﻣﺸﻴﺖ ﻟﻜﻮﺟﻴﻨﻪ ﻭﻏﻠﻔﺖ ﺍﻟﺤﺎﺟﺎﺕ
ﺍﻧﺎ .. ﺍﻳﻬﻢ ﺑﺘﻨﺰﻝ ﻭﻻ ﻻ
ﺍﻳﻬﻢ .. ﺍﻧﺰﻟﻲ ﺗﻮﺍ ﻧﻠﺤﻘﻚ
ﺍﻧﺎ .. ﺗﻤﺎﻡ
ﺣﻄﻴﺘﻬﻦ ﻑ ﺳﻔﺮﻩ ﻧﺰﻟﺖ ﻗﺎﺑﻠﻨﻲ ﻣﻨﻴﺮ ﻣﻘﻤﻌﺰ ﻑ ﺻﺎﻟﻪ ﺍﻭﻝ ﻣﺎﺷﺎﻓﻨﻲ ﺟﺎﻧﻲ ﻭﺧﺬﺍ ﻣﻨﻲ ﺻﻔﺮﻩ
ﻣﻨﻴﺮ ﺍﺑﺘﺴﻢ .. ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ
ﺍﻧﺎ ﺍﺑﺘﺴﻤﺖ ﺑﺸﻮﻳﺎ .. ﻭﺍﻧﺖ ﻃﻴﺐ ﺗﻌﺒﺘﻚ ﻣﻌﺎﻳﺎ
ﻣﻨﻴﺮ ﻣﺎﺷﻲ ﺷﻮﺭ ﻛﻮﺟﻴﻨﻪ .. ﻻ ﻋﺎﺩﻱ ﺛﻘﻴﻠﻪ ﻋﻠﻴﻚ
ﺧﺶ ﻟﻜﻮﺟﺒﻨﻪ
ﺳﻠﻴﻤﻪ .. ﻣﻦ ﺍﻟﻲ ﺟﺎﺀ
ﺍﻧﺎ ﺧﺸﻴﺖ .. ﺍﻟﺴﻼﻡ ﻋﻠﻴﻜﻢ
ﺗﺴﻨﻴﻢ ﺑﺮﻣﺖ ﻋﻠﻴﺎ .. ﻭﻋﻠﻴﻜﻢ ﺍﻟﺴﻼﻡ
ﺳﻠﻴﻤﻪ .. ﺍﻫﻠﻴﻦ
ﺳﻠﻤﺖ ﻋﻠﻴﻬﺎ ﻭﺳﻠﻤﺖ ﻉ ﺗﺴﻨﻴﻢ
ﺗﺴﻨﻴﻢ .. ﺷﻦ ﺟﺎﻳﺒﺎ
ﺍﻧﺎ .. ﻛﻴﻤﻴﺎﺀ ﻗﻠﺖ ﻣﺮﺍﺕ ﻓﻲ ﺣﺪ ﻣﺎﻳﺎﻛﻠﺶ ﻑ ﺷﺮﺑﻪ ﻭﻫﺬﻱ ﻛﻴﻜﻪ ﻣﺜﻠﺠﻪ
ﺗﺴﻨﻴﻢ .. ﺍﻟﻠﻪ ﺍﻧﺎ ﻣﺎﻧﺎﻛﻠﺶ ﻑ ﺍﻟﺸﺮﺑﻪ ﻣﻨﻀﺮﻫﺎ ﻳﺴﻬﻒ ﺑﻜﻞ
ﺳﻠﻴﻤﻪ .. ﺳﻠﻤﻚ ﺳﻮﺍﻳﺎ ﻟﻴﺶ ﻣﺘﻌﺒﻪ ﺭﻭﺣﻚ ﺍﻛﻴﺪﻩ ﺗﻌﺒﺎﻧﻪ
ﺍﻧﺎ .. ﻻ ﻣﺎﻓﻴﻬﺎ ﺗﻌﺐ ﻋﺎﺩﻱ
ﺳﻠﻴﻤﻪ .. ﺗﺴﻨﻴﻢ ﻛﺎﻧﺖ ﺑﺪﻳﺮ ﻛﻴﻜﻪ ﻣﺜﻠﺠﻪ ﺗﻮﺍ
ﺍﻧﺎ .. ﺗﺮﻳﺤﺘﻲ ﻣﻨﻬﺎ
ﺗﺴﻨﻴﻢ .. ﻣﻌﻨﺎﻫﺎ ﻧﻤﺸﻲ ﻧﻀﻢ ﺍﻟﺤﻮﺵ ﺩﺍﺑﻴﻦ ﻣﺎﻧﻴﺶ ﺩﺍﻳﺮﻩ ﻛﻴﻜﻪ
ﺳﻠﻴﻤﻪ .. ﺗﻌﺎﻟﻲ ﺍﻗﻠﻲ ﺍﻟﺒﻄﺎﻃﺎ
ﺍﻧﺎ .. ﺧﻼﺹ ﺧﻠﻴﻬﺎ ﺗﻮﺍ ﻧﻘﻠﻴﻬﺎ ﺍﻧﺎ
ﺳﻠﻴﻤﻪ .. ﻻ ﻭﺍﻟﻠﻪ ﻣﺎﺻﺎﺭﺕ ﺍﻧﺘﻲ ﺗﻌﺒﺎﻧﻪ ﻃﺎﻟﻌﻪ ﻣﻦ ﺍﻣﺘﺤﺎﻧﺎﺕ ﻭﻧﺎﺯﻟﻪ ﺑﺤﺎﺟﺎﺕ ﻫﺬﺍ ﻛﻠﻪ
ﺍﻧﺎ .. ﻭﺍﻟﻠﻪ ﻣﺎﺗﺤﻠﻔﻲ ﻋﺪﻱ ﻳﺎﺗﺴﻨﻴﻢ ﺗﻮﺍ ﻧﻘﻠﻴﻬﺎ ﺳﺎﻫﻼ ﻛﻨﻚ ﻣﺮﻛﺒﻪ ﻋﻠﻴﺎ ﺍﻧﺎ ﻛﻮﻳﺴﻪ
ﺳﻠﻴﻤﻪ .. ﺧﺎﻳﻔﻪ ﻋﻠﻴﻚ ﺗﺘﻌﺒﻲ
ﺍﻧﺎ ﺍﺑﺘﺴﻤﺖ .. ﻻ ﺍﻧﺎ ﻛﻮﻳﺴﻪ
ﺳﻠﻴﻤﻪ ﻣﺪﺗﻠﻲ ﺍﻟﻤﺮﻳﻘﻪ .. ﺍﻣﺴﻜﻲ ﻣﺮﺍﺕ ﺗﻨﻄﺮ ﻉ ﺩﺑﺸﻚ
ﺧﺬﻳﺘﻬﺎ ﻣﻨﻬﺎ ﻭﻟﺒﺴﺘﻬﺎ
ﺳﻠﻴﻤﻪ .. ﺍﻳﻬﻢ ﻣﺰﺍﻝ ﺭﺍﻗﺪ ﺍﻛﻴﺪﻩ
ﺍﻧﺎ .. ﻻ ﻧﺎﺽ ﻗﺎﻟﻲ ﺗﻮﺍ ﻧﻠﺤﻘﻚ
ﺩﻧﻴﺎ .. ﺧﻴﺮﺍﺕ
ﺍﻧﺎ ﺑﺮﻣﺖ .. ﺧﻴﺮ
ﺳﻠﻴﻤﻪ .. ﻫﻼ
ﺩﻧﻴﺎ ﺳﻠﻤﺖ ﻉ ﺍﻋﻤﻴﻤﻪ ﻭﺟﺖ ﺳﻠﻤﺖ ﻋﻠﻴﺎ ﻭﺧﺸﺖ ﺗﺴﻨﻴﻢ ﻭﺭﺍﻫﺎ
ﺗﺴﻨﻴﻢ .. ﺷﻦ ﺩﺍﻳﺮﻩ ﺗﺮﺍ
ﺩﻧﻴﺎ ﺿﺤﻜﺖ .. ﺳﻨﺪﻭﺗﺸﺎﺕ ﺷﺎﻭﺭﻣﺎ ﻭﻣﻔﺮﻭﻡ ﺍﻟﻲ ﻣﺎﻳﺎﻛﻠﺶ ﻑ ﺷﺎﻭﺭﻣﺎ ﻭﺑﻴﺘﺰﺍ ﻣﻠﻔﻮﻓﻪ ﺷﻨﻮ ﺍﻟﻔﻄﻮﺭ ﺭﺯ ﻭﻋﺼﺒﺎﻥ ﻭﺷﺮﺑﻪ ﻧﻔﺲ ﻗﺒﻞ
ﺳﻠﻴﻤﻪ .. ﻣﺸﺎﺀﺍﻟﻠﻪ ﺳﻠﻤﻚ ﺳﻮﺍﻳﻪ ﺍﻫﺎ ﺭﺯ ﻭﻋﺼﺒﺎﻥ ﻭﺷﺮﺑﻪ ﻭﺑﻄﺎﻃﺎ ﻣﺒﻄﻨﻪ
ﺍﻧﺎ .. ﻣﻨﻀﺮﻫﻦ ﺳﻬﻔﻨﻲ
ﺩﻧﻴﺎ ﺍﺑﺘﺴﻤﺖ .. ﺗﻮﺍ ﻗﺮﻳﺐ ﺍﻟﻤﻐﺮﺏ ﺗﺎﻛﻠﻲ ﻣﻨﻬﺎ
ﻗﺮﺑﺖ ﻣﻨﻬﻦ ﻭﻗﻌﺪﺕ ﻧﺒﺤﺖ
ﺍﻧﺎ .. ﻧﺒﻲ ﺍﻫﻴﺎ ﺟﺖ ﻑ ﺧﺎﻃﺮﻱ ﺣﻮﻟﻴﻬﺎ ﻟﻴﺎ ﻳﺎﺩﻧﻴﺎ ﺑﺎﻟﻠﻪ
ﺩﻧﻴﺎ ﺿﺤﻜﺖ .. ﺣﺎﺿﺮ ﻣﻦ ﻋﻴﻮﻧﻲ
ﺳﻠﻴﻤﻪ ﺗﺒﺤﺖ ﻓﻴﺎ ﻭﻣﺒﺘﺴﻤﻪ .. ﺣﻮﻟﻴﻠﻪﺍ ﺍﻟﻲ ﺗﺒﻴﻪ ﻳﺎ ﺩﻧﻴﺎ ﻭﻛﺎﻥ ﺧﺎﻃﺮﻙ ﻑ ﺣﺎﺟﻪ ﻗﻮﻟﻴﻠﻲ
ﺟﺖ ﻉ ﺧﺸﺖ ﺍﻳﻬﻢ .. ﻣﻦ ﺍﻟﻲ ﺧﺎﻃﺮﻫﺎ ﻫﺬﻱ
ﺗﺴﻨﻴﻢ .. ﻣﻴﺲ
ﺍﻳﻬﻢ .. ﺷﻦ ﺗﺒﻲ ﻧﻌﺪﻱ ﻧﺠﻴﺒﻠﻚ
ﺳﻠﻴﻤﻪ .. ﺳﻠﻢ ﻋﻠﻴﻨﺎ ﺑﺲ
ﺍﻳﻬﻢ ﺑﺮﻡ ﻋﻠﻴﻬﺎ .. ﻭﺍﻟﻠﻪ ﻣﺎﺷﻔﺘﻚ
ﺳﻠﻴﻤﻪ .. ﻻ ﺗﺸﻮﻑ ﻣﺎﺗﺤﻘﺶ ﻓﻴﺎ ﻃﻮﻝ ﺑﻌﺮﺽ
ﺍﻳﻬﻢ ﻗﻌﺪ ﻳﻤﺴﺢ ﻑ ﺟﺒﺘﻪ .. ﻣﻌﻠﻴﺶ ﺳﺎﻣﺤﻴﻨﻲ ﻳﺎﺍﻣﻲ ﻭﺍﻟﻠﻪ ﻣﺎﺷﻔﺘﻚ ﻭﺭﺍﺳﻚ ﻋﻨﺪﻱ
ﺳﻠﻴﻤﻪ .. ﺑﺎﻫﻲ ﺑﺎﻩ
ﺍﻳﻬﻢ .. ﻫﺎﺗﻲ ﺭﺍﺳﻚ ﻧﺒﻮﺳﻪ
ﺑﺎﺱ ﺭﺍﺳﻬﺎ ﻭﺍﻳﺪﻫﺎ
ﺍﻳﻬﻢ .. ﻛﻞ ﺳﻨﺔ ﻭﺍﻧﺘﻲ ﻣﻌﺎﻧﺎ
ﺳﻠﻴﻤﻪ ﻣﺒﺘﺴﻤﻪ .. ﺗﺴﻠﻢ ﻳﺎﺑﺎﺗﻲ ﻭﺍﻧﺖ ﻃﻴﺐ
ﺍﻳﻬﻢ ﺳﻠﻢ ﻉ ﺩﻧﻴﺎ ﺑﻴﺪ .. ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ ﻭﻳﻦ ﺍﻣﺠﺪ ﻭ ﻻ ﻉ ﻧﻮﻡ ﻣﻦ ﺍﻭﻝ ﻳﻮﻡ
ﺩﻧﻴﺎ .. ﻻ ﻃﺎﻟﻊ ﺧﺬﺍ ﺍﻋﻠﻴﻮﻩ ﻭﻋﺪﺍ
ﺍﻳﻬﻢ .. ﻭﺗﻮﺟﺎ ﺭﺍﻗﺪﻩ
ﺩﻧﻴﺎ .. ﻻ ﻣﻊ ﺍﻣﺠﺪ ﺣﺘﻰ ﻫﻴﺎ
ﺍﻳﻬﻢ .. ﺑﺎﻩ ﻛﻮﻳﺲ
ﺍﻧﺎ ﻧﻘﻠﻲ ﻭﺑﺎﺭﻣﻪ ﻋﺎﻃﻴﺘﻪ ﺑﺎﻟﻀﻬﺮ
ﺍﻳﻬﻢ .. ﻣﻴﺲ ﺩﻭﺍﻙ ﻧﺴﻴﺘﻴﻪ
ﺍﻧﺎ ﺑﺮﻣﺖ ﺑﺤﺘﺖ ﻓﻴﻪ .. ﺑﺎﻩ ﺗﻤﺎﻡ ﻧﺴﻴﺘﻪ ﺭﺍﺡ ﻣﻦ ﺑﺎﻟﻲ
ﺍﻳﻬﻢ ﻏﻤﺰﻟﻲ ﻭﺿﺤﻚ .. ﺩﻳﻤﺎ ﻧﺎﺳﻴﻪ
ﺍﻧﺎ ﻋﻀﻴﺖ ﻉ ﻓﻤﻲ ﻭﻫﻮ ﻃﻠﻊ ﺑﺮﺍ
ﺗﺴﻨﻴﻢ ﺗﻀﺤﻚ ﻭﺗﻬﺰ ﻑ ﺭﺍﺳﻬﺎ ﻛﻤﻠﺖ ﻗﻠﻲ ﺍﻟﺒﻄﺎﻃﺎ ﻭﺩﻧﻴﺎ ﺣﻠﻔﺖ ﻋﻠﻴﺎ ﻧﻄﻠﻊ ﻧﺘﺮﻳﺢ ﻭﺗﻮﺗﻲ ﻫﻴﺎ ﻭﺗﺴﻨﻴﻢ ﻃﻠﻌﺖ ﺍﻧﺎ ﻭﺍﻋﻤﻴﻤﻪ ﻧﻬﺪﺭﺯﻭ ﺑﺮﺍ "
" ﻗﺒﻞ ﺍﻟﻤﻐﺮﺏ ﺑﺸﻮﻳﺎ ..
ﻳﻮﺳﻒ .. ﺍﻟﻤﻴﻴﻴﻴﻪ ﻳﺎﺭﺭﺭﺷﺎﺍﺍ ﺟﻴﺒﻴﻬﺎ ﻋﻄﺸﺎﻥ
ﺭﺷﺎ .. ﺑﺤﺖ ﻳﻮﺳﻒ
ﻗﻌﺪﺕ ﺗﺼﺐ ﻑ ﺍﻟﻤﻴﻪ ﻗﺪﺍﻣﻪ ﻭﻫﻮ ﻳﺒﺤﺖ ﻓﻴﻬﺎ
ﺭﺷﺎ ﺗﻀﺤﻚ ﺑﻤﻜﺮ .. ﻧﺤﻂ ﻓﻴﻬﺎ ﺗﻠﺞ ﺗﻮﺍ
ﻳﻮﺳﻒ ﻳﺰﻣﻂ ﻑ ﺭﻳﻘﻪ .. ﺧﻼﺹ ﺑﻌﺪ ﻳﺎﺫﻥ ﺟﻴﺒﻬﺎ
ﺭﺣﺎﺏ .. ﻳﻮﺳﻒ ﻳﻮﺳﻒ ﺑﺤﺖ
ﻳﻮﺳﻒ ﺑﺮﻡ ﻻﻗﻰ ﺭﺣﺎﺏ ﺗﺴﺘﻒ ﻑ ﺑﺮﻳﻚ ﻑ ﺗﺒﺴﻲ
ﺭﺣﺎﺏ ﺗﺮﻗﺺ ﻑ ﺣﻮﺍﺟﺒﻬﺎ .. ﺗﻘﺮﻣﺶ
ﻋﺰﻭ ﻳﻀﺤﻚ .. ﺧﻼﺹ ﺳﻴﺒﻨﺎ
ﻣﺎﻣﺎ .. ﻃﺢ ﺳﻌﺪﻛﻦ ﺳﻴﺒﻦ ﺍﻟﺮﺍﺟﻞ
ﻣﻮﺩﻩ .. ﺧﻠﻴﻬﻦ ﻳﺎﺍﻋﻤﻴﻤﻪ ﻳﺤﺮﻗﻦ ﺩﻣﻪ
ﻋﻼﺀ ﺧﺶ ﻣﻦ ﺑﺮﺍ ﻭﻣﺎﺷﻲ ﺷﻮﺭ ﺍﻟﻜﺎﺱ ﻣﺴﻜﻪ .. ﻛﻨﻚ ﻣﺸﻤﺘﻪ ﻓﻴﻪ ﻳﺎﻣﻮﺩﻩ
ﺭﺣﺎﺏ ﻓﺎﺗﺤﻪ ﻓﻤﻬﺎ ﻑ ﻋﻼﺀ .. ﺑﺘﺸﺮﺏ
ﻣﺴﻚ ﺍﻟﻜﺎﺱ ﻭﺷﺮﺏ
ﻋﺰﻭ .. ﺣﻲ ﻉ ﺍﻣﻚ ﻣﺰﺍﻝ ﻣﺎﺍﺫﻥ
ﻋﻼﺀ ﻧﺰﻟﻪ .. ﻛﻨﺖ ﺑﺮﺍ ﻭﺍﺫﻥ
ﺭﺷﺎ .. ﺣﻲ ﺗﺨﺎﻳﻞ ﻣﺎﺍﺫﻧﺶ ﻳﺎﻋﻼﺀ
ﻋﻼﺀ .. ﺣﻮﻟﻲ ﻣﻦ ﺗﻼ ﻭﺟﻲ ﺭﺍﻩ ﻧﺘﻠﻚ ﺑﻜﻒ ﺍﻳﻮﺍﻩ
ﻣﺸﺖ ﺭﺣﺎﺏ ﺗﻔﺘﺢ ﻑ ﺍﻝ Tv ﻻﻗﺘﻪ ﻳﺎﺫﻥ
ﻋﻼﺀ .. ﻗﺘﻠﻜﻢ ﺍﻧﺎ
ﻣﺎﻣﺎ .. ﻫﻴﺎ ﻗﻤﻌﺰﻭ ﺍﻥ ﺷﺎﺀ ﺍﻟﻠﻪ ﺩﻳﻤﺎ ﻣﻠﺘﻤﻴﻦ ﻉ ﺧﻴﺮ ﻳﺎﺭﺏ
ﻛﻠﻬﻢ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺭﺷﺎ .. ﺍﺷﺮﺏ ﻣﻴﺎﺀ ﻳﺎﻳﻮﺳﻒ
ﻳﻮﺳﻒ ﻧﺰﻝ ﻛﺒﺎﻳﻪ ﺍﻟﺤﻠﻴﺐ .. ﺍﻟﺤﻠﻴﺐ ﻗﺒﻞ ﺳﻨﻪ ﻉ ﺭﺳﻮﻝ ﻳﺎﻫﺒﻠﻪ
ﺭﺷﺎ .. ﻳﻨﻌﻠﻴﺎ ﻭﺧﻼﺹ ﻣﺎﻋﺮﻓﺘﻜﺶ
ﺭﻳﻬﺎﻡ .. ﻛﻨﻚ ﻻﺑﺴﺘﻴﻪ ﺍﻟﻴﻮﻡ ﺧﺎﻃﻴﻪ
ﻳﻮﺳﻒ ﺭﺍﻓﻊ ﺣﺎﺟﺒﻪ .. ﺧﻠﻴﻬﺎ ﺧﻠﻴﻬﺎ ﺗﻮﺍ ﻧﺘﻼﻗﻰ ﻣﻊ ﻣﺤﻤﺪ ﻭﻧﺒﺰ ﻛﻢ ﺍﺑﺮﻩ ﻫﻜﻲ
ﺭﺷﺎ ﻛﺸﺨﺖ .. ﺣﺎﻧﻂ
ﻋﺰﻭ .. ﺍﺑﺰﻫﻦ ﺑﺎﻟﻠﻪ ﻋﻠﻴﻚ ﺧﻠﻴﻬﺎ
ﻋﻼﺀ ﺻﺒﻰ .. ﺍﻳﻮﺍﻩ ﻭﺍﻧﺎ ﻣﻌﺎﻙ ﻛﻠﻤﻨﻲ
ﺭﺣﺎﺏ ﺗﻀﺤﻚ .. ﺗﺴﺘﺎﻫﻠﻲ
ﺭﺷﺎ .. ﺑﺪﺍﻝ ﻣﺎﺗﺼﺒﻮ ﻣﻌﺎﻳﺎ ﺧﻮﺕ ﺍﻟﻬﺪﺍﺍﺍ .. ﺍﺍﺍﻩ ﺿﻬﺮﻱ
ﻣﻮﺩﻩ ﺗﻀﺤﻚ .. ﺣﺮﺍﻡ ﻋﻠﻴﻚ ﻳﺎﺍﻋﻤﻴﻤﻪ ﺧﻠﻴﻬﺎ
ﻣﺎﻣﺎ .. ﺧﻮﺕ ﺍﻟﻬﺪﺍ ﺻﺎﺭ ﺻﺒﻲ ﻭﺍﻧﺘﻲ ﺷﺎﻃﺮﻩ ﻏﻴﺮ ﺗﻔﺘﺤﻲ ﻑ ﻓﻤﻚ ﺑﺲ
ﻳﻮﺳﻒ ﻳﻀﺤﻚ ﻉ ﺻﺎﻣﺖ
ﺭﺷﺎ ﺻﺒﺖ .. ﺍﺿﺤﻚ ﻟﻴﺶ ﺩﺍﺳﻬﺎ
ﻋﺰﻭ .. ﻣﺤﺸﺸﻪ ﺧﻠﻮﻫﺎ ﺧﻠﻮﻫﺎ
ﻣﻮﺩﻩ .. ﻛﻨﻜﻢ ﻣﻌﺎﻫﺎ ﻭﺍﻟﻠﻪ ﺩﺍﻳﺮﻩ ﺟﻮ
ﻋﺰﻭ .. ﻭﺍﻟﻠﻪ ﺍﻻ ﻣﻄﺮﺷﻘﻪ
ﻣﺎﻣﺎ .. ﺻﺤﻪ ﻳﺎ ﺷﺒﺎﺏ ﺍﻥ ﺷﺎﺀ ﺍﻟﻠﻪ ﻛﻞ ﻋﺎﻡ ﻭﺍﻧﺘﻢ ﺑﺨﻴﺮ
ﻛﻠﻬﻢ .. ﺍﻥ ﺷﺎﺀ ﺍﻟﻠﻪ ﻳﺎﺭﺏ "
" ﻋﻨﺪﻧﺎ ﺳﺘﻔﺖ ﺗﺴﻨﻴﻢ ﺍﻟﻄﺎﻭﻟﻪ ﻭﺩﻧﻴﺎ ﺗﻐﻴﺮ ﻟﻲ ﺍﻋﻠﻴﻮﻩ ﺧﺶ ﻣﻨﻴﺮ
ﻣﻨﻴﺮ .. ﺍﻳﻬﻢ ﻭﻳﻦ
ﺍﻳﻬﻢ ﺧﺶ .. ﻛﻨﻚ ﺷﻦ ﺗﺒﻲ
ﻣﻨﻴﺮ .. ﺑﻨﺴﻠﻢ ﻋﻠﻴﻚ ﺑﺲ
ﺍﻳﻬﻢ ﻣﺪ ﺍﻳﺪﻩ ﻭﺳﻠﻢ ﺑﺎﻟﺨﺪ .. ﻛﻞ ﺳﻨﺔ ﻭﺍﻧﺖ ﻃﻴﺐ
ﻣﻨﻴﺮ .. ﻭﺍﻧﺖ ﻃﻴﺐ ﺟﺖ ﻣﺘﺎﺧﺮ ﺑﺲ ﻳﻼ
ﺍﻳﻬﻢ ﺿﺮﺑﻪ ﻉ ﻛﺘﻔﻪ ﻭﻛﺸﺦ ﻋﻠﻴﻪ .. ﻣﻌﺶ ﺗﻌﺎﻭﺩﻫﺎ
ﻣﻨﻴﺮ ﺿﺤﻚ .. ﻏﻴﺮ ﺍﻧﺖ ﻓﻜﻨﺎ ﻣﻦ ﺑﻄﻮﻻﺕ ﺑﺲ
ﺍﻣﺠﺪ ﻧﺎﺯﻝ ﻣﻦ ﻓﻮﻕ ﻳﺠﺮﻱ .. ﺍﺫﺫﻥ ﻳﺎﺍﺍﺟﻤﺎﺍﻋﻪ
ﺍﻳﻬﻢ .. ﺭﻳﺖ ﺍﻟﺘﺎﻓﻪ ﻣﺴﺘﻌﺠﻞ ﺩﻧﻴﺎ ﻣﺶ ﻃﺎﻳﺮﺍ
ﺗﺴﻨﻴﻢ ﺗﻀﺤﻚ .. ﺭﺍﻙ ﺗﻤﻮﺕ ﻣﻦ ﺟﻮﻉ
ﺍﻣﺠﺪ ﻣﺎﺷﻲ ﺷﻮﺭ ﻃﺎﻭﻟﻪ .. ﻫﻴﺎ ﻳﺎﺍﻣﻲ ﻭﺳﻌﻮ ﺑﻨﻔﻄﺮ
ﺍﻳﻬﻢ .. ﻫﻴﺎ ﻣﻴﺲ ﻧﺠﻲ ﻧﺼﺒﻴﻚ
ﻣﻨﻴﺮ .. ﻳﻨﻌﻠﻴﺎ ﻭﺧﻼﺹ ﺭﺍﻧﺎ ﻣﻌﺎﻛﻢ
ﺍﻳﻬﻢ ﺑﺮﻡ ﻋﻠﻴﻪ ﻉ ﺳﺎﺱ ﺑﻴﻀﺮﺑﻪ ﺑﻴﺪﻩ .. ﺻﻜﺮ
ﻣﻨﻴﺮ ﻳﻀﺤﻚ ﻭﻣﺎﺷﻲ ﻟﻄﺎﻭﻟﻪ ﻣﺴﻚ ﺍﻳﺪﻱ ﻭﺻﺒﺎﻧﻲ
ﺻﺒﻴﺖ ﻣﻌﺎﻩ ﻭﻣﺸﻴﺖ ﻟﻄﺎﻭﻟﻪ
ﺳﻠﻴﻤﻪ .. ﺍﺳﻤﻮ ﺑﺎﻟﻠﻪ ﺍﻥ ﺷﺎﺀ ﺍﻟﻠﻪ ﻛﻞ ﺳﻨﻪ ﻭﺍﻧﺘﻢ ﻃﻴﺒﻴﻦ
ﻣﻨﻴﺮ .. ﻭ ﺍﻧﺘﻲ ﻃﻴﺒﻪ ﻳﺎﻟﻌﺰﻳﺰ ﻣﺎﻓﻴﺶ ﺩﻋﻮﻩ ﻫﻜﻲ ﻭﻻ ﻫﻜﻲ ﺷﻮﺭﻱ
ﺳﻠﻴﻤﻪ ﺗﻀﺤﻚ .. ﺍﻋﻘﻞ ﺍﻧﺖ ﺑﺲ
ﺍﻳﻬﻢ .. ﺍﺩﻋﻴﻠﻪ ﻣﻦ ﺍﻟﻲ ﻳﺤﺒﻬﻦ ﻗﻠﺒﻪ
ﺳﻠﻴﻤﻪ .. ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻄﻴﺤﻪ ﻑ ﺑﻨﺖ ﺍﻟﺤﻼﻝ
ﺍﻧﺎ ﺑﺤﺘﺖ ﻓﻲ ﻣﻨﻴﺮ ﻭﻧﻀﺤﻚ .. ﺧﻼﺹ ﻻﻗﻬﻰ
ﺳﻠﻴﻤﻪ .. ﺷﻨﻮ
ﺍﻧﺎ ﻧﺒﺤﺖ ﻭﻫﻮ ﻳﻔﻨﺺ ﻭﻳﻀﺤﻚ .. ﻗﺘﻠﻚ ﺍﻥ ﺷﺎﺀ ﺍﻟﻠﻪ ﻳﺎﺍﻋﻤﻴﻤﻪ ﺭﺑﻲ ﻳﻔﺮﺣﻪ
ﻣﻨﻴﺮ .. ﺗﺴﻠﻤﻲ ﻭﺍﻟﻠﻪ ﺍﺣﺴﻦ ﻣﺮﺍﺕ ﺧﻮﻩ
ﺩﻧﻴﺎ .. ﺣﻲ ﻋﻠﻴﻚ ﻭﺍﻧﺎ ﻣﻨﻴﺮ
ﻣﻨﻴﺮ .. ﺍﻧﺘﻲ ﻋﺎﺭﻓﻪ ﻣﻌﺰﺗﻚ ﻋﻨﺪﻱ ﺧﻼﺹ ﻣﺶ ﺩﻳﻤﺎ ﻫﻮ ﺍﻟﺘﻌﺒﻴﺮ ﻏﻴﺮ ﻣﻴﺲ ﺟﺪﻳﺪﻩ ﺧﻼﺹ ﺍﺣﻔﻈﻲ ﻫﺎﻟﻜﻠﻤﺘﻴﻦ ﻣﻌﺶ ﺯﺍﻳﺪ ﺷﺎﻛﺮﻙ ﺍﻳﻮﺍﻩ
ﺗﺴﻨﻴﻢ .. ﻗﺎﻝ ﺑﻴﺠﻮﺯ ﻣﺎﻣﺎ ﻣﺎﺗﺠﻮﺯﻳﺶ ﻟﻴﻦ ﻳﻌﻘﻞ ﻫﺬﻱ ﺑﻴﺮﺑﻲ ﻃﻔﻞ ﻛﻴﻒ
ﻣﻨﻴﺮ ﺿﺮﺑﻬﺎ ﻉ ﺭﺍﺳﻬﺎ .. ﺻﻜﺮﻱ ﻓﻤﻚ ﺍﻧﺘﻲ ﻫﺬﺍ ﻣﺎﻧﺎﻗﺺ ﻋﻠﻴﺎ ﺍﻻ ﺍﻧﺘﻲ
ﺳﻠﻴﻤﻪ .. ﻣﻨﻴﺮ ﺧﻼﺹ ﺭﻣﻀﺎﻥ ﻭﺍﻧﺖ ﻗﺮﻳﺐ ﺗﺪﻭﻱ ﻣﻊ ﺍﺟﻨﺎﺑﻚ
ﻣﻨﻴﺮ ﺻﺒﻰ .. ﻛﺎﻥ ﺳﺎﻛﺖ ﺭﺍﻛﻢ ﻣﻜﺴﺪﻳﻦ ﺍﻧﺎ ﻏﺒﻲ ﺩﺍﻳﺮﻟﻜﻢ ﺟﻮ
ﺍﻳﻬﻢ ﻳﺒﺤﺖ ﻓﻴﻪ .. ﻭﺍﻟﻠﻪ ﻧﺼﺒﻲ ﻧﻂ ﻋﻠﻴﻚ ﺗﻮﺍ
ﻣﻨﻴﺮ ﻳﺮﻗﺼﻠﻪ ﻑ ﺣﻮﺍﺟﺒﻪ .. ﺳﺎﺩﻙ ﻧﻄﻮﻁ ﺑﺎﻟﻚ ﺗﺘﻌﺐ
ﺍﻳﻬﻢ ﺷﺮﻕ ﻭﻗﻌﺪ ﻳﻜﺢ
ﺍﻧﺎ ﻣﺪﻳﺘﻠﻪ ﻣﻴﻪ .. ﺑﺴﻢ ﺍﻟﻠﻪ ﺍﺷﺮﺏ
ﻣﻨﻴﺮ ﻣﺸﺎﺀ ﻳﺠﺮﻱ .. ﻭﻭﻭﻭﻭﻭ ﺗﺴﺘﺎﻫﻞ
ﺳﻠﻴﻤﻪ .. ﻳﻨﻌﻠﻴﺎ ﺭﺑﻲ ﻳﺼﺒﺮﻧﻲ ﻭﺧﻼﺹ
ﺗﺴﻨﻴﻢ ﺗﻀﺤﻚ ﻭﺳﺎﻛﺘﻪ
ﺩﻧﻴﺎ .. ﺭﺑﻲ ﻳﻬﺪﻳﻪ ﻣﺎﻓﻴﺶ ﻋﻘﻞ
ﺍﻣﺠﺪ .. ﻣﺎﻃﻮﻟﻮﺵ ﺟﻴﻌﺎﻥ
ﺗﺴﻨﻴﻢ .. ﺭﺍﻙ ﺗﺎﻛﻠﻨﺎ ﺑﺲ
ﺍﻳﻬﻢ ﺻﺒﻰ .. ﻭ ﺍﻟﻠﻪ ﻧﻮﺭﻳﻚ ﻓﺮﺥ ﺍﻟﺤﺮﺍﻡ ﻫﺬﺍ
ﻭﻣﺸﺎﺀ ﻳﺠﺮﻱ ﻭﺭﺍﺀ ﻣﻨﻴﺮ
ﺍﻳﻬﻢ .. ﻣﻨﻴﺮﺭﺭﺭ
ﺳﻠﻴﻤﻪ .. ﺣﺘﻰ ﺍﻧﺖ ﻳﺎﺍﻳﻬﻢ ﺍﻧﺎ ﻣﺎﻋﻨﺪﻱ ﺣﺪ ﻋﺎﻗﻞ ﻓﻴﺖ ﺍﻧﺖ ﻳﺎﺍﻣﺠﺪ ﻳﻨﻌﻠﻴﺎ ﻫﺬﺍ ﺷﻨﻮ ﻣﻜﻠﺒﻪ ﻫﺬﻳﻤﺎ
ﺍﻧﺎ ﻗﻌﺪﺕ ﻧﻀﺤﻚ ﻉ ﻛﻼﻣﻬﺎ ﻭﺻﺒﻴﻨﺎ ﻟﻤﻴﻨﺎ ﺣﻮﺳﻪ ﺗﻤﺮ ﻭﺍﻟﺤﻠﻴﺐ ﻭﻣﺸﻴﻨﺎ ﻧﺼﻠﻮ ﻛﻠﻨﺎ ﻭﺧﺸﻴﻨﺎ ﻟﻜﻮﺟﻴﻨﻪ ﻭﺗﻴﻨﺎ ﺍﻟﻄﺎﻭﻟﻪ
ﺍﻳﻬﻢ .. ﻳﻨﻌﻠﻴﺎ ﻃﺎﻭﻟﻪ ﺗﺴﻬﻒ ﻫﻴﺎ ﺫﻭﻗﻮ ﻭﻛﺎﻝ ﻣﺮﺍﺗﻲ
ﺍﻧﺎ ﺿﺮﺑﺖ ﻉ ﺟﻨﺒﻪ ﺑﻤﺮﻓﻘﻲ .. ﺳﺎﺩﻙ ﺳﻤﺎﻃﻪ
ﺍﻳﻬﻢ .. ﺗﻲ ﻛﻨﻚ ﻧﺪﻳﺮﻟﻚ ﻑ ﺟﻮ
ﻣﻨﻴﺮ .. ﺗﺮﺍ ﻧﺬﻭﻕ ﺑﺎﻳﻨﻪ ﻛﻴﻒ ﻭﺟﻪ ﺍﻳﻬﻢ ﻣﺎﻧﺒﻴﺶ ﻧﻘﻮﻝ ﻛﻴﻒ ﻭﺟﻚ ﺍﺣﺘﺮﺍﻣﺎ ﻟﻜﻲ ﻣﺮﺕ ﺍﺧﻲ
ﺍﻧﺎ ﻧﻀﺤﻚ
ﺩﻧﻴﺎ .. ﻳﺎﺭﺑﻲ ﺍﻧﺘﻢ ﺍﻻﺛﻨﻴﻦ ﻣﺶ ﻣﻔﺮﻭﺽ ﻧﻘﻌﺪﻭ ﻣﺤﺸﺸﻴﻦ
ﻣﻨﻴﺮ .. ﺍﻣﻤﻢ ﻻﻻ ﻛﻴﻒ ﻭﺟﻚ ﺷﻔﺘﻲ ﺍﻧﺎ ﻛﻴﻒ ﺫﻭﻕ
ﺍﻧﺎ ﻧﻀﺤﻚ .. ﻛﻠﻚ ﺫﻭﻕ ﻭﺍﻟﻠﻪ
ﺗﺴﻨﻴﻢ .. ﺳﻠﻤﻚ ﻃﻴﺎﺑﻪ ﺗﻬﺒﻞ ﻣﺸﺎﺀﺍﻟﻠﻪ
ﺍﻧﺎ .. ﺻﺤﻪ
ﺍﻣﺠﺪ .. ﻣﺸﺎﺀ ﺍﻟﻠﻪ ﻋﻠﻴﻬﺎ
ﺍﻧﺎ .. ﺻﺤﺘﻴﻦ
ﺍﻳﻬﻢ .. ﺗﺮﺍ ﻧﺬﻭﻕ ﺍﻧﺎ
ﺍﻧﺎ .. ﻣﺎﻋﻤﺮﻳﺶ ﺩﺭﺗﻬﺎ ﺗﻮﺍ
ﻣﻨﻴﺮ .. ﺍﻭﻭﻭﻭ ﻣﺨﻮﻓﺘﻚ
ﺍﻳﻬﻢ ﺿﺮﺏ ﻣﻨﻴﺮ ﻣﻦ ﺗﺤﺖ ﻃﺎﻭﻟﻪ .. ﻭﺍﻟﻠﻪ ﻧﻮﺭﻳﻚ ﺑﻌﺪﻳﻦ
ﺳﻠﻴﻤﻪ .. ﻳﺎﻋﻮﻳﻠﺘﻲ ﻛﻨﻜﻢ ﺍﻭﻝ ﻳﻮﻡ ﻫﺬﺍ ﺑﺲ
ﺩﻧﻴﺎ .. ﺧﻠﻴﻬﻢ ﻳﺎﻋﻤﺘﻲ ﺩﺍﻳﺮﻥ ﺟﻮ
ﺳﻠﻴﻤﻪ ﺗﻬﺰ ﻓﻲ ﺭﺍﺳﻬﺎ .. ﺍﻻﻛﻞ ﻳﺒﻲ ﺍﺣﺘﺮﺍﻡ
ﻣﻨﻴﺮ .. ﺍﺳﻔﻴﻦ ﺧﻼﺹ
ﺗﺴﻨﻴﻢ .. ﻳﻨﻌﻠﻴﺎ ﻭﺧﻼﺹ "
" ﻣﺎﻣﺎ .. ﻫﻴﺎ ﻳﺎﺑﻨﺎﺕ ﺍﻟﺸﺎﻫﻲ
ﺭﻳﻬﺎﻡ .. ﻫﻴﺎ ﺟﻴﻨﺎ ﻳﺎ ﻣﺎﻣﺎ
ﻣﺎﻣﺎ .. ﻛﻨﻜﻦ ﺗﻤﺮﺧﻦ ﻫﻜﻲ
ﻃﻠﻌﺖ ﺭﺷﺎ ﺑﺎﻟﺴﻔﺮﻩ
ﺭﺷﺎ .. ﻣﺰﺍﻝ ﺑﺪﺭﻱ ﻛﻨﻚ ﺷﺎﻳﻄﻪ
ﻋﺰﻭ .. ﺭﺣﺎﺏ ﻭﻳﻦ
ﺭﺷﺎ .. ﻃﻠﻌﺖ ﺗﻨﺸﺮ ﻑ ﺩﻭﺍﺳﺎﺕ ﻑ ﺟﻨﺎﻥ
ﻗﻌﺪ ﻳﺪﻕ ﺍﻟﺒﺎﺏ
ﻋﺰﻭ .. ﻣﻦ ﺟﺎﻳﻨﺎ ﺗﻮﺍ
ﻋﻼﺀ .. ﺗﻮﺍ ﻧﺼﺒﻲ ﻧﻔﺘﺢ
ﻋﺰﻭ .. ﻻ ﻣﺎﺷﻲ ﺍﻧﺎ
ﺭﺣﺎﺏ ﺗﻨﺸﺮ ﻭﺗﺴﻤﻊ ﻑ ﺍﻟﺒﺎﺏ .. ﻣﻦ ﺍﺯﻋﻤﻚ
ﺣﻄﺖ ﺍﻟﻮﺷﺎﺡ ﻉ ﺭﺍﺳﻬﺎ ﻛﺎﻥ ﻉ ﻛﺘﻮﻓﻬﺎ ﻭﻣﺸﺖ ﻓﺘﺤﺖ ﺍﻟﺒﺎﺏ
ﺭﺣﺎﺏ .. ﻫﻴﻴﻴﻲ ﺍﻧﺖ
ﻋﺰﻭ ..
" ﻳﺘﺒﻊ "..
ﺭﺍﻳﻜﻦ ﻑ ﺍﻟﺤﻠﻘﻪ ﺗﻮﻗﻌﺎﺗﻜﻦ ﻟﺤﻠﻘﺎﺕ ﻗﻮﻟﻜﻦ ﻣﻦ ﺟﺎﺀ ﺑﻴﺶ ﺭﺣﺎﺏ ﻧﻔﺠﻌﺖ ﻫﻴﺎ ﺗﻔﺎﻋﻠﻦ
