هلو حبايبي
.
.
احذر لست كأي حواء أتظن أني بذاك الغباء،
أو أني مثل أي حواء أصدق أي كلام وادعاء،
وأذوب من سماع الغزل بسخاء،
لست كذلك يا ابن حواء،
فبداخلي عظيم الكبرياء أعشق الصدق والوفاء
وأكره الكذب والرياء ولدي كفاية من الذكاء.
.
.
شيخ علي ،،، ضليت لليل مع الاولاد ولما ورجعت
للمزرعه مااكدر احس بشعور غريب اتجاه هل مذكرة
لازم اخلصها اول مدخلت سويت كوب قهوة وكعدت
اقرأ
ملك ، اليوم عرفت انو راح يصير عندي ولدين وبنت
يعني الله سبحانه وتعالئ عوضني عن الورود
مااعرف اوصف احساسي كنت اسعد امراة بالعالم
من فرحتي محسيت ع نفسي كنت ماسكه ايد علي
وهوة متعجب شكد خجلت منو بس ليش اكذب
اتمنئ مااترك هل ايد ابدا مااعرف ليش من اكون
قريبه منو احس بالامان احس هوة الوحيد.الي اكدر
اترك روحي وياه وااني مطمنه عليها حس انو
اني مسؤليته مو مثل احمد احس اني مسؤله عنو
لو بعد الف عام راح ضل حس هل احاس
بس علي لا شيئ ثاني من كنت احجي وياه
احس انو اني انسانه ثانيه مو ملك من اسمع صوته
وهوة يحجي بلهجته الغريبه عليه وصوته الجوهري
وحتئ كنت حس في من يحجي وياي صوته
يتغير احسه يضعف مو علي الي اعرفه احسه دائما
يكون ذايب بالكلام وشكد حبيت ضعفه كدامي لانو
علي مميز جدا جدا مميز وصعب جدا يضعف لهل
درجه الئ اذا كان عاشق حد الجنون وهاذا الي
حسيته من نبرة صوته كنت من احجي وياه
اغمض عيوني واتخيل علي يكون لابس البرمودة
العسكريه وتشيرت الاسود ابد ميغيرهم كل خزانته
من هل نوع مااعرف ليش شكد تمنيت اساله
ليش ملابسه تتشابه مااعرف يعني عنده كذا تشيرت
اسود وكذا برمودة عسكريه وحتئ باقي الملابس
شنو سر لسه مااعرف المهم اتخيله متمدد علئ
سريره ومرتجي علئ المسند وايد فيها جكاره
والايد الثانيه يفرك بكصته اي علي لمن يتوتر
يفرك كصته بااصابعه الابهام والسبابه اموت علئ
هل حركه من يسويها كدامي لا اراديا يخطف انضاري
