هلو حبايبي
.
.
أخسر العالم كله بعفويتك وصراحتك
ولا تكسب الناس بنفاقك وتصنعك
.
.
ملك ،،، مكدرت انام احس قلبي ينغز بيه كمت
لبست هودي طويل وخليت الكبوس براسي
اخذت جنطتي وطلعت البيت هادئ وبارد
حسيت نفسي ختنكت رحت للمطبخ سويت
كوب قهوة دبل اموت علئ القهوة بذات من اسويها
بجكليت اعرف وين شيخه فاطمه تخلي القهوة
وجكليت لانو علي مرة سويتها الو علئ طريقتي
ومن ذاك اليوم صار يسوي قهوته علئ طريقتي
خلصت وطلعت اباوع ماكو شيئ البس برجلي بس
شحاطات رجال لانو ممنوع المراة تخلي
نعلها برئ البيت ويشوفو الرجال تعتبر عيبه
بحق رجال البيت المراة نعلها يدخل للبيت
لذالك لبست شحاطة احمد اعرفها لبستها ورحت
للحديقه استغربو الحرس من
شافوني محجيت شيئ رحت كعدة علئ الجلسه
كان علي مسوي جلسه بالحديقه واسعه وخال
بيها كرويتات ومن فوك مضله كبيرة خشبيه دائريه
تجنن وبالنص اكو نافورة مضيئه وبيها سمك
كعدت طلعت دفتر مذكراتي هوة دائما بجنطتي
ابد مااتركه اخاف اتعب ولا سامح الله
اتمنئ اكدر اكتب شيئ قبل لا اسلمه امانته
كانت مذكراتي جدا مميزة دفتر جلد اسود قديم
وبيها قفل علئ،رمز اول وجابها ابي كلها تعجبت
بشكلها اول مجابها الي الله يرحمه من نجحة
من صف سادس الابتدائي هديه بمناسبة نجاحي
شكد قديمه بس محافضه عليها. مثل عيوني.
اكتب بيها اصغر تفاصيل يومي مااعرف ليش
يمكن اعرف مراح اعيش كثير. او لانو ماعندي
شخص مناسب اشاركه همومي
كتبت حالتي وكلام الدكتور كله بالحرف وكلام
علي اليوم ويايه وغزل احمد من كنه نرقص
شكد كنت فرحانه وااني اشوف محمد وماري
مثل عصافير الحب. صح مااعرف شراح احجي
لي دكتورة ابتسام بس اكيد راح تتفهم انو محمد
كان يحب ماري ومن رجعت مكدر يتركها كونه يحبها
لذالك تزوج فجأة الحمد الله علئ كل حال.
