تأليف وكتابة : Rayhanee Regraguii
لي گال نحبك كيكذب عليك.. قهرتونا ببغيني نبغيك.. فاللخر تگولو.. حتى حد مايستاهل.. فاللخر تگولو ماكاينش معامن.. سيليپاطير أنا.. سيليــــباطير.. عايشي وحدي هاني والله كبير..
كيرددو معاها أخر كلمات معاندين مع المغارية لي معاهم حتى نطقات وحدة من البنات كانت حداها بإعجاب
البنت: You have a beautiful voice (صوتك زوين)
سارة جودي (شافت فيها): Really ؟ (بصح؟)
البنت (متأكدة): Really. (بصح)
بتاسمات بغرور قبل ما تهز راسها فلخرين، كان شي بدا يصفر وشي كيغوت مصدومين فصوتها يالاه كتاشفوه، شكراتهم وتلفتات عند الشيفور لي كان كيعيط ليها
الشيفوور: وصلنا..
حيدات يديها على الكوسان دالكار وحنات راسها كتتأكد
سارة جودي: وايـلي! دغيا...
الشيفور (كيسطاسيوني): صافي.. غنوقفو غير هنا
سارة جودي (حركات ليه راسها ودارت): واخا.. Okay guys we have to go down now, we have arrived. (شباب خاصنا نهبطو دابا راه وصلنا)
تسمعات أوك ببزاف ديال النبرات، بتاسمات ليهم مرة خرى ونزلات سابقاهم، سدات عينيها شوية من الشعا دالشمس الحارة لي ضربات فيها، قادات الشال لي دايرة فوق راسها على شكل رزة جارة طرف من التوب لي بقى نازل منها وحلاتو فالجيهة الخرى مغطية بيه وجهها ليتحرق فديك الطنطينة
وقفو قدام ستوديو سينيما؛ واحد من المتاحف لي بناو الگور فـالتمانينات باش يصورو أفلام قديمة وقصص من عهد الفراعنة والرومان وخلاوهم فاش سالاو تحت طلب الساكنة لي تكلفو بترميمها وردوها أثار، كتشرح ليهم سارة على تاريخ البلاصة وشنو كتمثل لمندينتها قبل مايدخلو وكترد على أسئلتهم عاطياهم خاطرها حتى سمعات صوت كيعط بسميتها، حاولات تتجاهل الصوت ولكن فاش شافت تركيز التوريست تشتت بينها وبين التعياط حبسات، تنهدات مبتاسمة بفقصة وتلفتات عندها بلا ماتهضر
كوثر (مصرة): وا جودي..
الوقت لي كتتسناها سارة تگول شبغات جاوباتها كوثر بابتسامة صفرة عارفة راسها شنو دايرة وشيرات ليها بيديها فحالا كتعيط لشي دري صغير
كوثر (بهمس): أجي..
بابتسامة مصطنعة هاد المرة رجعات سارة أنظارها للجماعة لي معاها معتاذرة منهم
سارة جودي : Excuse me please! I will back right now. (سمحو ليا عفاكم! غنرجع دابا)
الشخص الأول: Yes of course
الشخص الثاني: It's fine
الشخص الثالث: No problem
حركات ليهم راسها بامتنان لضرافتهم الزايدة ودارت غادة لعندها، وبهداوة وملامح باردة شافت فيها مامسوقاش لداكشي لي حداها
سارة جودي : اش كاين تاني؟
كوثر (بتعابير ممسوحة): أخخ شنو لي ماكاين (غير بحجبانها) تكلمي للبقلاوة ماعرفتش ننعت ليه
سارة جودي: وفين عمرك عرفتي ديري شي حاجة
شافت فيه ودورات وجهها عندها دغيا زايدة بلا ماتبين
سارة جودي : فين البقلاوة فالموضوع؟ تموتي على صفرين الجلدة (ليه هو) Hi! How can I help you? (سلام! كيفاش نقدر نعاونك)
VOUS LISEZ
عابر سبيل [ⵄⴰⴱⵉⵔ ⵙⴰⴱⵉⵍ]
Roman d'amourلم يكن عابر سبيل، كان عابر عُمـر؛ والذين يعبرون الأعمار يقتطعون مسافاتهم منّا وليس من الطريق. قد تحاول الفرار من روحٍ تملّكت روحك فتجد أنك لا تفّر منها إلا إليها و تدرك أنّ وصل الروح لا ينقطع بل يزداد تجمّعاً كلما شئت أن تفرّقه.. فكيف تكفّ الروحُ عن...
![عابر سبيل [ⵄⴰⴱⵉⵔ ⵙⴰⴱⵉⵍ]](https://img.wattpad.com/cover/273136971-64-k858850.jpg)