جميلة بصدمة ... بابا؟!!!!
دخل صلاح من الباب وطلع إيده من وري ضهره بالسكينة ومسك جميلة من شعرها ولسه هيحط السكينة ع رقبتها وهيسحبها (حركة الدبح) لكن هي صرخت جامد وشدت نفسها من بين إيديه وفلتت منه ... سمع زين صريخ جميلة قام اتنفض جامد ووقع التلفون بتاعه وهو طالع اتكعبل ف التربيزة الموجوده ف الصالون ف ركبته بس هو معطاش أهتمام للخبطة وطلع يجري والكل كذلك، خرج زين يجري وصل لعند الباب لقي جميلة بتجري واستخبت وراه ورقبتها عليها أثار دم ...
صلاح بعصبية وصوت جهوري ... أقسم بالله لقتلك ياجميلة ع اللي انتي عملتيه فيا والفضيحه اللي عملتيهالي ...
حازم بزعيق هو كمان .. انت مين ياعم أنت وازاي تتهجم علي بتنا كدا ...
زين لسه هيقرب منه بعصبية جامدة عشان يضربه وهو بيقول .. أنت مين يا ابن الكلب وازاي تتهجم ع بيتي بالطريقة دا انت جيت لقضاك ... ولسه هيتحرك بس منعته إيد جميلة اللي مكلبشه فيه وهي بترتعش جامد ودموعها مغرقة وشها والدم بينزل من رقبتها بس مش باين أوي لأن الخمار لونه أسود ف زين مأخدش باله ..... هيقتلني متسبنيش والنبي بالله عليك م تسبنيش متتحركش من هنا ....
جميلة من وري زين وهي جسمها بينتفض وماسكه ف قميص زين وبترتعش جامد ... والله يابابا انا م عملت حاجة أنا مظلومة أسمعني ....
لسه هيقرب صلاح من جميلة وزين بس شاف حسين اللي كان ماشي ساند ع عكازة وقف قدامة متجمد مقدرش حتي يخطو خطوه كمان وكأن كل حاجة بتمر من قدامة تاني شاف يوسف وهو واقف جمب خديجة وبعدين بص للبيت تاني وافتكر وهو متلقح ع الأرض والغفر ومحمد أخو يوسف بيضربوا فيه وهو كان لسه شاب ...
حسين بصوت جهوري. .... إيه اللي جايبك بيتي تاني ياصلاح بعد السنين دي كلهااا ...
صلاح وهو بيبص ف عنيه ... أنا عاوز بنتي جميلة تبقا بنتي هخدها وأمشي من غير كلام ...
حسين.... بنتك اللي چاي تجتلها ع ذنب هي ملهاش يد فيه ع لعبه قذرة اتلعبت عليها، ملكش بنات عندي اتفضل من غير مطرود ياصلاح
صلاح بعصبية ... ملكش الحق أنك تمنعني من بنتي أنت متقدرش تتحكم ف كل حاجة دي بنتي انا واعمل فيها اللي أنا عاوزه وأنا اللي أحكم عليها مش أنت ....
ياسين بزعيق... متتكلم بأسلوب حلو ياجدع أنت هو محدش مالي عنيك ...
حسين ... ياسين اسكت متتكلمش خالص مسمعش صوت حد ... وبعدين بص لصلاح اللي كان بيبص لياسين بستغراب شديد ...
حسين ..... أمشي ياصلاح جميلة مش هترجع معاك جميلة ملهاش ذنب ف اللي حصل وهي بريئة وأنا تأكدت من كدا ...
صلاح بزعيق ... أنا مش همشي من هنا من غير بنتي وأما حكاية برئيه ولا متهمه دي ملكش فيه انا اللي أقرر جميلة بنتي أنا وبس وياريت تخرج من حياتي كفاية خربتها زمان ....
أنت تقرأ
جحيم عاشق
Romanceهتعمل إيه لو كنت ظابط وبتحب واحده واكتشفت انها هربانه من أهلها في قضية شرف ومطلوب قتلها ومطارده من أهلها أكيد أنت مش هتسكت هيحصل إية .... دا اللي هنشوفه في رواية "جحيم عاشق"
