ဒိုဒန်းနယ်မြေထဲသို့
စဝင်လာပြီဆိုသည်နှင့် သူ့ရင်ထဲမှ နှလုံးခုန်သံတွေကလည်း တဖြည်းဖြည်းနှင့် ပိုမြန်လာရသည်။
သူ့အပြာရောင်လေး
ဘေးကင်းနေပါ့မလား....
ရင်းနှီးကျွမ်းဝင်နေသော အိမ်ကြီး၏
တံခါးကို ခပ်ကြမ်းကြမ်းတွန်းဖွင့်ကာ ဂျောင်ကု ဝင်သွားခဲ့သည်။
တံခါးဖွင့်ဖွင့်ချင်း မြင်လိုက်ရသည်က ဒိုဒန်းနယ်မြေရဲ့ ခေါင်းဆောင်မင်။
စားပွဲဝိုင်းပေါ်တွင် သေရည်ကို ဖြည်းဖြည်းချင်းငှဲ့သောက်နေကာ
ဂျောင်ကုအား အေးစက်စက်မျက်လုံးများဖြင့် စိုက်ကြည့်နေလေသည်။
ခေါင်းဆောင်မင်က ဂျောင်ကုအား
မြင်သော်လည်း နည်းနည်းမျှ
အံ့သြဟန်မပြ။
''ဂျောင်ကု ဘယ်လိုဖြစ်တာလည်း ညတွင်းချင်းတောင် လာရတာလား။ ဟို မာရီဆိုတဲ့ တစ်ယောက်တုန်းကတော့ မင်း တစ်ပတ်နေမှ လာခေါ်တာမှတ်လား။ ဒီတစ်ယောက်ကျမှ ဘယ်လိုဖြစ်ပြီး ညတွင်းချင်းလည်း''
ခေါင်းဆောင်မင်၏ မေးခွန်းများကို တစ်ခွန်းမှပြန်မဖြေဘဲ အခန်းတစ်ဝိုက်သို့ ဝေ့ဝိုက်ကြည့်ကာ စကားတစ်ခွန်းတည်းကိုသာ ဂျောင်ကုမေးမိသည်။
''အပြာရောင်လေး ဘယ်မှာလည်း''
ဂျောင်ကုအမေးကို ခေါင်းဆောင်မင်က မျက်ခုံးတချက်သာပင့်ပြပြီး သူ့အနောက်ဘက်မှ ခန်းစီးစလေးအား လက်ဖြင့် ဖယ်ရှားပြသည်။
ထိုခန်းစီးစလေး၏ နောက်ကွယ်တွင် ပတ်ဂျီမင်ဆိုသည့် တစ်ယောက်နှင့် စကားတပြောပြော ၊ ရီမောနေသော သူ့အပြာရောင်လေး ။ လက်ထဲတွင်လည်း မုန့်တစ်ခုကို ကိုင်ထားပုံရသည်။
ထယ်ယောင်းအပြုံးလေးမြင်မှ
တစ်လမ်းလုံး တစ်ဆို့နေသော အစိုင်အခဲကြီး
ပြေပျောက်သွားသည့်နှယ် ။
ခန်းစီးစကို အသာအယာချပြီး
ငှဲ့ပြီးသား သေရည်ခွက်ကို သူ့အရှေ့သို့ တိုးပေးသည့် ခေါင်းဆောင်မင်။
ဂျောင်ကုမငြင်းဖြစ်။
တစ်ကျိုက်တည်းမော့ချပစ်လိုက်သည်။
''အကိုယွန်းဂီ ဘာလိုချင်ပြန်ပြီလည်း''
အရှင်ဂျွန်ဘဝတွင် သူတလေးတစား အကိုဟု ခေါ်ဝေါ်သော သူမှာ ခေါင်းဆောင်မင် တစ်ယောက်ထဲသာ ရှိသည်။ ခေါင်းဆောင်မင်သည်
ဂျောင်ကုအား အတိုက်အခိုက်ပညာ၊ စစ်ဗျူဟာလှည့်ကွက် စသည်တို့ကို စနစ်တကျသင်ပေးခဲ့သည့် ဆရာဆိုလည်း မမှားပေ။
ΔΙΑΒΑΖΕΙΣ
Blue Side ( Completed )
Fanfictionကျွန်တော်က ရုန်းတော့ အရှင်ကပြုံးတယ်... မသိလိုက်ခင်မှာပဲ ကျွန်တော် အရှင့်အပြုံးမှာ ကျဆုံးတယ်... ကြၽန္ေတာ္က ႐ုန္းေတာ့ အ႐ွင္ကျပံဳးတယ္... မသိလိုက္ခင္မွာပဲ ကြၽန္ေတာ္အ႐ွင့္အျပံဳးမွာ က်ဆံုးတယ္... KOOKV Mature
