ريا، 🔞☮️(مكتمله)

بارت ١٦،🚸💜

ﺭﻳﺎ ....... ﻛﻤﻠﺖ ﺻﻼﺓ ﺍﻟﻈﻬﺮ ﺳﻤﻌﺖ ﺻﻮﺕ ﻫﺬﺍ ﺍﻟﻮﻟﺪ ﺣﻤﺰﺓ ﺍﺟﺔ ﻃﻠﻌﺖ ﻛﻮﺓ ﺍﻣﺸﻲ ﻋﻴﻮﻧﻲ ﺗﺠﻤﻊ ﺑﻴﻬﻦ ﺍﻟﺪﻣﻊ ﻭﺍﻟﺨﻮﻑ ﻳﻘﺮﺃ ﺍﻟﻒ ﻋﻨﺪﻱ ﻣﻌﺪﺗﻲ ﺧﺒﻄﺖ ﻭﻛﻠﺒﻲ ﻳﺪﻙ ﺑﺴﺮﻋﺔ ﺣﺘﻰ ﺩﺧﺖ ﻣﻦ ﺍﻟﺨﻮﻑ ﻃﻠﻌﺖ ﻛﻮﺓ ﺍﻣﺸﻲ ﻭﺻﻠﺖ ﻟﻼﺳﺘﻘﺒﺎﻝ ﻫﻢ ﻛﺎﻋﺪﻳﻦ ﺑﺲ ﺩﺧﻠﺖ ﻛﻮﺗﻠﻪ ﻫﺎﺍﺍﺍﺍ ﻋﺮﻓﻮ ﺍﻧﻲ ﻫﻨﺎ ﻫﻮ ﻛﺎﻝ
ﺣﻤﺰﺓ ......... ﻻ ﻻ ﺗﺨﺎﻓﻴﻦ ﺭﺣﺖ ﻟﻠﻌﻨﻮﺍﻥ ﻧﻔﺴﻪ ﺳﺄﻟﺖ ﻛﺎﻟﻮ ﺻﺪﻙ ﻗﺒﻞ ﺳﻨﺔ ﺍﻟﺮﺟﺎﻝ ﺍﺑﻮﻫﻢ ﺗﻮﻓﻰ ﻭﻗﺒﻞ ﻛﻢ ﺷﻬﺮ ﺍﻣﻬﻢ ﺗﻮﻓﺖ ﻭﻛﺎﻟﻮ ﻇﻠﻮ ﺍﻟﻮﻟﺪ ﻭﺍﺧﺘﻬﻢ ﺷﻔﺖ ﺑﻴﺘﻜﻢ ﻣﺎﻛﻮ ﺷﻲ ﺑﺲ ﻃﻠﻌﻦ ﻣﻨﻪ ﺛﻨﻴﻦ ﻧﺴﻮﺍﻥ ﻳﺴﻮﻟﻔﻦ ﻭﻳﻀﺤﻜﻦ
ﺭﻳﺎ ........ ﺷﻠﻮﻥ ﺷﻜﻠﻬﻦ ﻭﺻﻔﻠﻲ ﺷﻜﻠﻬﻦ ﻋﺮﻓﺘﻬﻦ ﺍﻟﺤﻴﺔ ﺟﻤﺎﻧﺔ ﻭﺍﻣﻬﺎ ﻳﻌﺎﺩ ﻋﺸﺘﻮ ﺧﺎﻟﺘﻲ ﻛﻮﺗﻠﻪ ﺍﻳﻲ ﻫﺎﻱ ﺯﻭﺟﺔ ﺍﺧﻮﻱ ﺳﻴﻒ ﻫﻲ ﺍﻻﻓﺘﺮﺕ ﻋﻠﻴﺔ ﻭﺍﻟﺜﺎﻧﻴﺔ ﺍﻣﻬﺎ ﻋﺸﺘﻮ ﺧﺎﻟﺘﻲ
ﺣﻤﺰﺓ ........ ﺍﻳﻲ ﻳﻌﻨﻲ ﻣﺎﺷﻔﺖ ﺷﻲ ﻣﺮﻳﺐ ﻳﻌﻨﻲ ﻛﻠﺸﻲ ﻃﺒﻴﻌﻲ ﻣﺒﻴﻦ
ﻣﺮﺍﺩ ...... ﻫﺴﺔ ﺷﺘﺴﻮﻳﻦ ﻋﻨﺪﺝ ﺍﺣﺪ ﺗﺮﻭﺣﻴﻠﻪ ﻟﻮ ﻧﺨﺎﺑﺮ ﻻﺣﺪ ﻳﺠﻲ ﻫﻨﺎ ﻣﺜﻞ ﺷﻨﻮ ﺭﺍﺡ ﺗﺴﻮﻳﻦ
ﺭﻳﺎ ....... ﺩﻧﻜﺖ ﻛﻮﻟﺘﻠﻬﻢ ﻣﺎﻋﻨﺪﻱ ﺍﺣﺪ ﺑﺲ ﻋﻨﺪﻱ ﻓﻠﻮﺱ ﺍﺟﺮﻭﻟﻲ ﻭﺍﻛﻌﺪ ﺑﺒﻴﺖ ﻟﻮﺣﺪﻱ
ﺣﻤﺰﺓ ........ ﺍﻫﺎﺍﺍﺍ ﺗﺤﺠﻴﻦ ﺻﺪﻙ ﺍﻧﺘﻲ ﺧﻮﻳﺔ ﺍﻟﻜﻴﻠﺞ ﺣﻞ ﻫﺬﺍ ﻣﻮ ﺣﻞ ﻳﻌﻨﻲ ﻣﺎﻛﻮ ﺧﺎﻝ ﺧﺎﻟﺔ ﻋﻢ ﺍﺑﻦ ﻋﻢ ﻧﺎﺱ
ﺭﻳﺎ ....... ﺑﭽﻴﺖ ﻭﻛﻮﻟﺘﻠﻬﻢ ﻭﺍﻟﻠﻪ ﺍﺧﻮﺍﻟﻲ ﺍﺗﻌﺲ ﻣﻦ ﻫﺎﻱ ﺧﺎﻟﺘﻲ ﺍﺫﺍ ﺍﺭﻭﺣﻠﻬﻢ ﻳﺴﻮﻭﻥ ﺑﻴﺔ ﺍﻛﺜﺮ ﻣﻦ ﺍﺧﻮﺍﻧﻲ ﻭﺑﺎﺑﺎ ﻭﺣﻴﺪ ﻣﺎﻋﻨﺪﻩ ﺍﺧﻮﺍﻥ ﻭﻻ ﺍﺧﻮﺍﺕ ﻋﻨﺪﻱ ﻭﻟﺪ ﻋﻢ ﺑﺎﺑﺎ ﺑﺲ ﻣﺎﺍﻋﺮﻓﻬﻢ ﻭﻳﻦ ﺑﺲ ﺍﻋﺮﻑ ﻫﻢ ﺑﺒﻐﺪﺍﺩ ﺑﺲ ﻭﻳﻦ ﻟﻮ ﺷﻨﻮ ﺍﺳﻤﺎﺋﻬﻢ ﻣﺎﺍﻋﺮﻓﻬﻢ ﺍﺣﺠﻲ ﻭﺍﻟﻘﻬﺮ ﻳﺎﻛﻞ ﺑﮕﻠﺒﻲ ﻭﺩﻣﻮﻋﻲ ﺗﺼﺐ ﺻﺮﺕ ﻫﺎﻟﻜﺪﻭﺗﻨﻲ ﻛﺪﺍﻣﻬﻢ
ﻣﺮﺍﺩ ﻃﻠﻊ ﻫﻮ ﻭﺯﻭﺟﺘﻪ ﻣﻬﺎ ﻭﻃﻠﻊ ﻭﻳﺎﻫﻢ ﺣﻤﺰﺓ ﺗﺮﺱ ﺍﺫﻧﻲ ﺳﻤﻌﺖ ﻣﺮﺍﺩ ﻳﻜﻮﻝ ﻟﺤﻤﺰﺓ
ﻣﺮﺍﺩ ....... ﺣﻤﺰﺓ ﺣﺒﻴﺒﻲ ﺩﻳﺮ ﺑﺎﻟﻚ ﺍﻟﺒﻨﻴﺔ ﻟﻮ ﻋﻨﺪﻫﺎ ﺷﻲ ﻟﻮ ﺑﺮﺍﺳﻬﺎ ﻏﺎﻳﺔ ﺳﺎﻟﻔﺘﻬﺎ ﻛﻠﻬﺎ ﻣﺎﺩﺧﻠﺖ ﺑﺮﺍﺳﻲ ﻣﺎﻛﻮ ﻫﻴﺞ ﺷﻲ ﺍﺧﻮﺍﻟﻬﺎ ﻛﻠﻬﻢ ﻣﻮ ﺯﻳﻨﻴﻦ ﺍﺧﻮﺍﻧﻬﺎ ﻣﻮ ﺯﻳﻨﻴﻦ ﻧﺴﻮﺍﻥ ﺍﺧﻮﺍﻧﻬﺎ ﻣﻮ ﺯﻳﻨﻴﻦ ﻣﺎﻋﻨﺪﻫﺎ ﻋﻤﺎﻡ ﻣﺎﺗﻌﺮﻑ ﻭﻟﺪ ﻋﻢ ﺍﺑﻮﻫﺎ ﻭﻳﻦ ﺍﻛﻮ ﻫﻴﺞ ﺷﻲ
ﺣﻤﺰﺓ ...... ﺧﻮﻳﺔ ﺍﺣﻨﺔ ﺑﺎﻟﻌﺮﺍﻕ ﻭﺍﻟﻌﺮﺍﻕ ﺑﻠﺪ ﺍﻟﻌﺠﺎﺋﺐ ﺗﺮﺓ ﺟﺎﻱ ﺗﺼﻴﺮ ﺍﻛﺜﺮ ﻣﻦ ﻫﻴﺞ ﻛﻮﻝ ﻳﺎﻟﻠﻪ ﺍﻟﺒﻨﻴﺔ ﺧﻄﻴﺔ ﻻﺗﺼﻴﺮ ﺍﻧﺖ ﻫﻢ ﻋﻠﻴﻬﺎ
ﻣﻬﺎ ....... ﻣﺮﺍﺩ ﻫﺴﺔ ﻭﻫﻲ ﻛﺎﻋﺪﺓ ﻣﺎﻧﺼﺪﻛﻬﺎ ﺍﻟﺒﺎﺭﺣﺔ ﻭﻫﻲ ﻧﺎﻳﻤﺔ ﺗﺴﻮﻟﻒ ﻭﺗﺸﻜﻲ ﻻﻫﻠﻬﺎ ﻭﺗﺒﭽﻲ ﺑﻨﻮﻣﻬﺎ ﻫﻢ ﺣﻴﻠﺔ ﻣﻨﻬﺎ ﻻ ﺧﻄﻴﺔ ﺍﻟﺒﻨﻴﺔ ﺻﺪﻙ ﻣﻜﺴﻮﺭﺓ
ﻣﺮﺍﺩ ...... ﻭﺍﻟﻠﻪ ﻣﺎﺍﺩﺭﻱ ﻭﻟﻜﻢ ﻣﺎﺟﺎﻱ ﺗﺘﺼﺪﻙ ﻟﻌﺪ ﺍﻟﻨﺎﺱ ﺯﺍﺣﺖ ﺍﻟﻤﺴﺘﺤﺔ ﻭﻧﺴﺖ ﺍﻟﻠﻪ ﻭﻫﻴﺞ ﺗﺴﻮﻱ ﻃﻔﻠﺔ ﺷﻨﻮ ﻋﻤﺮﻫﺎ 17 ﺳﻨﺔ ﻣﻜﺴﺮﺓ ﺗﻜﺴﺮ ﻟﻌﺪ ﻭﻳﻦ ﺍﻻﻧﺴﺎﻧﻴﺔ
ﺣﻤﺰﺓ ........ ﻛﻮﻝ ﻟﺮﻭﺣﻚ ﺟﺎ ﺗﻜﻮﻟﻠﻲ ﻃﺎﺭﺕ ﺍﻻﻧﺴﺎﻧﻴﺔ ﻭﺍﻧﺖ ﺗﻜﻮﻝ ﺍﻃﺮﺩ ﺍﻟﺒﻨﻴﺔ
ﻣﺮﺍﺩ ...... ﻫﺴﺔ ﺍﻧﻲ ﻛﻮﻟﺖ ﺍﻃﺮﺩﻫﺎ ﺑﺲ ﻛﻮﻟﺖ ﺳﺎﻟﻔﺘﻬﺎ ﺗﺪﻭﺥ ﻭﻣﺎﺗﺘﺼﺪﻙ
ﺣﻤﺰﺓ ........ ﺍﺣﻨﺔ ﻣﺎﻧﺼﺪﻙ ﻻﻥ ﺍﻟﺒﻴﺖ ﺍﻟﺘﺼﻴﺮ ﺑﻲ ﺍﻟﺴﺎﻟﻔﺔ ﻳﺒﻘﻰ ﻣﺴﺪﻭﺩ ﻣﺜﻞ ﺑﻴﺖ ﺍﻫﻞ ﺭﻳﺎ ﻫﺴﺔ ﺑﻨﺘﻬﻢ ﻃﺎﻟﻌﺔ ﻣﻦ ﺍﻟﺒﻴﺖ ﺍﻟﻤﺨﺎﻧﺜﺔ ﻛﺎﻋﺪﻳﻦ ﻭﻋﺎﺩﻱ ﻏﻴﺮ ﺷﻔﺖ ﻭﺍﺣﺪ ﻣﻦ ﺍﺧﻮﺍﻧﻬﺎ ﻃﻠﻊ ﻳﺪﺧﻦ ﻭﻳﺨﺎﺑﺮ ﻃﺒﻴﻌﻲ
ﻣﺮﺍﺩ ...... ﺷﻤﺪﺭﻳﻚ ﻫﺬﺍ ﺍﺧﻮﻫﺎ
ﺣﻤﺰﺓ ....... ﺟﺎﺍﻧﺔ ﻟﻮﺗﻲ ﺳﻮﻳﺘﻠﻲ ﻟﻮﻓﺔ ﻭﻛﻮﺗﻠﻪ ﺍﺭﻳﺪ ﺍﺷﺘﺮﻱ ﺑﻬﺬﺍ ﺍﻟﺸﺎﺭﻉ ﻭﺍﺟﻴﺖ ﺍﺳﺄﻝ ﻋﻠﻰ ﺍﻟﺠﻮﺭﺓ ﻭﻫﻮ ﻛﺎﻝ ﻫﺬﺍ ﺑﻴﺘﻲ ﻭﺷﺘﺤﺘﺎﺝ ﺑﺎﻟﺨﺪﻣﺔ
ﻣﺮﺍﺩ ....... ﻭﺍﺑﻮ ﺍﻳﻤﻦ ﺍﺫﺍ ﻋﺮﻑ ﺑﻨﻴﺔ ﺑﺎﻟﺒﻴﺖ ﻭﺍﻟﻠﻪ ﻳﺎﺧﺬ ﺍﻟﺒﻴﺖ ﻭﻳﻄﻠﻌﻚ
ﺣﻤﺰﺓ ......... ﺍﻭﻭﻭﻭﻑ ﺍﻟﻌﻠﺔ ﻣﺎﻟﺘﻲ ﺍﺑﻮ ﺍﻳﻤﻦ ﻫﻮ ﻣﺎﻳﻌﺮﻑ ﻭﺍﺫﺍ ﻋﺮﻑ ﺍﻛﻮﻟﻪ ﺍﺧﺘﻲ ﺍﺟﺖ ﻣﻦ ﺍﻟﺒﺼﺮﺓ
ﻣﺮﺍﺩ .... ﻭﺍﻟﻠﻪ ﻣﺎﺍﺩﺭﻱ ﻳﺎﺣﻤﺰﺓ ﺍﻧﻲ ﺭﺍﺡ ﺍﻃﻠﻊ ﻟﺒﻐﺪﺍﺩ ﻫﻢ ﺍﺷﻮﻑ ﺍﻻﻫﻞ ﻭﻫﻢ ﺍﻡ ﺍﻳﭭﺎﻥ ﺗﺮﻭﺡ ﻋﻠﻰ ﺍﻫﻠﻬﺎ ﺍﻧﺖ ﺷﺮﺍﺡ ﺗﺴﻮﻱ ﺷﻠﻮﻥ ﺗﺮﻭﺡ ﻟﻠﺒﺼﺮﺓ
ﺣﻤﺰﺓ ........ ﻣﺎﺍﺭﻭﺡ ﺭﺍﺡ ﺍﺧﺎﺑﺮ ﻻﺑﻮﻱ ﻫﻮ ﻳﺠﻴﻨﻲ ﺗﻌﺮﻑ ﺍﻟﻮﺍﻟﺪ ﻋﻨﺪﻩ ﺣﻞ ﻻﻛﺒﺮ ﻣﺸﻜﻠﺔ ﺍﺧﻠﻲ ﻳﺠﻲ ﻫﻨﺎ ﻭﻧﺸﻮﻑ ﺷﻨﺴﻮﻱ
ﺭﻳﺎ ........ ﺻﺎﺭ ﺑﻴﺔ ﻃﺒﻊ ﻭﺳﺦ ﺍﺗﺴﻤﻊ ﻋﻠﻰ ﻛﻼﻡ ﺍﻟﻌﺎﻟﻢ ﻻﻥ ﺟﻨﺖ ﺍﺗﺴﻤﻊ ﻋﻠﻰ ﺟﻤﺎﻧﺔ ﻭﺍﻣﻬﺎ ﻣﻦ ﻳﻜﻌﺪﻥ ﺳﻤﻌﺖ ﻛﻼﻡ ﻣﺮﺍﺩ ﻭﺣﻤﺰﺓ ﻛﻮﻟﺖ ﺍﻃﻠﻊ ﺑﻜﺮﺍﻣﺘﻲ ﻭﻟﻮ ﻫﻲ ﺍﻧﻤﺴﺤﺖ ﺑﺲ ﻗﺒﻞ ﻻ ﺍﻧﻄﺮﺩ ﺍﻃﻠﻊ ﺭﺣﺖ ﺟﺒﺖ ﻣﻼﺑﺴﻲ ﻣﻦ ﺍﻟﺤﻤﺎﻡ ﺧﻠﻴﺘﻬﻦ ﺑﺎﻟﺠﻨﻄﺔ
ﺧﻄﻴﺔ ﻣﻬﺎ ﻧﻄﺘﻨﻲ ﺍﻟﻌﺼﺎﺭﺍﺕ ﺣﺘﻰ ﺍﺧﻠﻲ ﻣﻨﻬﻦ ﻭﺣﺪﺓ ﻟﺮﻛﺒﺘﻲ ﻭﺍﻟﺜﺎﻧﻴﺔ ﻟﻮﺟﻬﻲ ﺍﺧﺬﺗﻬﻦ ﻟﻔﻴﺖ ﺷﺎﻟﻲ ﻋﺪﻝ ﻟﺒﺴﺖ ﻗﺒﻮﻃﻲ ﺑﻘﻴﺖ ﺑﺘﺮﺍﻛﻲ ﻟﺒﺴﺖ ﺟﻨﻄﺘﻲ ﻣﺎﻝ ﺍﻟﻈﻬﺮ ﻭﺳﺤﺒﺖ ﺍﻟﺜﺎﻧﻴﺔ ﻭﻃﻠﻌﺖ ﺷﻔﺖ ﺣﻤﺰﺓ ﻳﺪﺧﻦ ﺑﺮﺓ ﻟﺒﺴﺖ ﺣﺬﺍﺋﻲ ‏( ﺗﻜﺮﻣﻮﻥ ‏) ﻫﻮ ﻣﺎﺷﺎﻓﻨﻲ ﺩﺍﻳﺮ ﻭﺟﻬﻪ ﺑﺲ ﻧﺰﻟﻮ ﻋﺎﺋﻠﺔ ﻣﺮﺍﺩ ﻣﻦ ﺑﻴﺘﻬﻢ ﺷﺎﻓﻮﻧﻲ ﻛﺎﻟﺖ ﻣﻬﺎ
ﻣﻬﺎ ...... ﻫﺎﻱ ﻭﻳﻦ ﺭﻳﺎ ﻭﻳﻦ ﺭﺍﻳﺤﺔ
ﺭﻳﺎ ....... ﺍﻧﺘﺒﻬﻠﻲ ﺣﻤﺰﺓ ﻭﺷﺎﻓﻨﻲ ﻣﺮﺍﺩ ﻛﻮﻟﺘﻠﻬﻢ ﺍﺳﻔﺔ ﻭﺍﻋﺘﺬﺭ ﻣﻨﻜﻢ ﻋﻠﻰ ﺍﻻﺯﻋﺎﺝ ﺍﻟﺴﺒﺒﺘﻪ ﺍﻟﻜﻢ ﻭﺍﺷﻜﺮﻛﻢ ﻭﻣﻤﻨﻮﻧﺔ ﻣﻨﻜﻢ ﺑﺲ ﺍﻧﻲ ﺍﺭﻳﺪ ﺍﺭﻭﺡ ﺍﺧﺎﻑ ﺗﻮﻛﻌﻮﻥ ﺑﻤﺸﺎﻛﻞ ﺍﺳﻔﺔ ﻭﻣﺎﺍﻋﺮﻑ ﺷﻠﻮﻥ ﺍﺷﻜﺮﻛﻢ ﻋﻠﻰ ﻟﻄﻔﻜﻢ ﻭﻳﺎﻱ ﻭﻣﺴﺎﻋﺪﺗﻜﻢ ﺍﻟﻲ
ﺣﻤﺰﺓ ...... ﺧﻮﻳﺔ ﻃﺒﻲ ﺟﻮﺓ ﺻﺪﻙ ﺗﺤﺠﻴﻦ ﻭﻳﻦ ﺭﺍﻳﺤﺔ ﻃﺒﻲ ﺟﻮﺓ ﻋﻴﺐ ﻫﺬﺍ ﺍﻟﺤﺠﻲ ﺍﺣﻨﺔ ﺍﻟﻠﻪ ﺍﻟﻤﻦ ﻳﺴﻤﻴﻨﺎ ﺍﻧﺴﺎﻥ ﻏﻴﺮ ﻋﻨﺪﻧﺎ ﺍﻧﺴﺎﻧﻴﺔ ﻣﺎﻟﺞ ﺷﻐﻞ ﻣﺎﻛﻮ ﺍﻱ ﻣﺸﺎﻛﻞ
ﻣﺮﺍﺩ ........ ﺍﺧﺘﻲ ﺍﻋﺬﺭﻳﻨﻲ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﺟﺎﻥ ﻋﻨﺪﻱ ﺷﻚ
ﺭﻳﺎ ......... ﻻ ﻻ ﺗﻌﺘﺬﺭﻥ ﻭﺍﻟﻠﻪ ﺣﻘﻜﻢ ﺷﺘﻜﻮﻟﻮﻥ ﺣﻘﻜﻢ ﺑﺲ ﺍﻧﻲ ﻣﺎﺍﺭﻳﺪ ﺍﺳﺒﺒﻠﻜﻢ ﻣﺸﺎﻛﻞ
ﺣﻤﺰﺓ ....... ﻣﺎﻛﻮ ﻣﺸﺎﻛﻞ ﺧﻮﻳﺔ ﻃﺒﻲ ﺟﻮﺓ ﻭﺍﻥ ﺷﺎﺀ ﺍﻟﻠﻪ ﻣﺤﻠﻮﻟﺔ
ﺭﻳﺎ ....... ﺷﻜﻮﻝ ﻭﺷﺄﺣﺠﻲ ﻣﺎﺍﻭﺻﻒ ﻃﻴﺒﺔ ﻗﻠﺒﻬﻢ ﻭﻣﺴﺎﻋﺪﺗﻬﻢ ﺍﻟﻲ ﺗﺸﻜﺮﺕ ﻣﻨﻬﻢ ﻭﺭﺟﻌﺖ ﻭﻛﻔﺖ ﺑﺒﺎﺏ ﺍﻻﺳﺘﻘﺒﺎﻝ ﺣﻤﺰﺓ ﻭﺩﻋﻬﻢ ﻭﺭﺍﺣﻮ ﻭﻫﻮ ﻛﺎﻝ
ﺣﻤﺰﺓ ....... ﺍﻧﻲ ﺭﺍﻳﺢ ﺍﺟﻴﺐ ﺍﻛﻞ ﺍﻱ ﻭﺍﺣﺪ ﻳﺪﻙ ﺍﻟﺒﺎﺏ ﻻﺗﻄﻠﻌﻴﻦ ﺍﺑﺪ ﻫﻢ ﻳﺪﻛﻮﻥ ﻭﺍﺫﺍ ﻣﺤﺪ ﻳﺮﺩ ﻳﻌﺮﻓﻮﻧﻲ ﻣﻮ ﻫﻨﺎ ﻭﻳﺮﺟﻌﻮﻥ

.
.
يتبع،

وصلو التعليقات لل ٢٠٠ حتى
اكمل🥵

علقو بنقطه بس كل واحد حب القصه ويريد اكمل يرگعني ب ١٠ تعليقات عسريع ماتنحضرون لتخافون⛔😐

الي ما يعلقون جاوبو ع السؤال، 👇

سؤال❔❓ :

♑

مو تنسون التصويت رجاءا🔵🔴
.
اكو نجمة هنا👇 دوسوها نهاية كل  بارت يعني سوو تصويت رجاءا ما تاخذ ثواني من وقتكم احمبائي 🥺♥️