كرار . ضليت اباوع عليهه منمت للصبح افكر بيهه وبذاك اليوم الي لكيتهه بشارع بس اخذت قراري راح احبهه واخليهه زوجتي صح هسه اني احبه بس حبي الهه راح اكولهه عليهه واصارحها لان محد اله ذنب بل صار حمزه صار زين وبعد فتره يرجع يمشي بل علاج و هيه هم اذا ارجعها راح يعدموهه العافيه صار الصبح وهيه بحضني مكدرت انام ابد كعدت ساعه 6 باوع عليه وخجلت كتلهه
كرار. صباح الخير مرتي
وديان . هاااااا
كرار. صباح الخير مرتي
وديان . صباح النور
كرار. يلا كومي جوعان
وديان . حاضر
وديان . كعدت صبح بحضن كرار وهوه صاف عليه كلش خجلت كالي صباح الخير مرتي من كال مرتي ثوليت كال جوعان نزلت احضر الريوك وضليت افكر بكلمه مرتي كملت ريوك نزلو تريكو وطلعو كملت الشغل وروتين العادي
رنين . رحت للكليه اخذت اول محاضره وكاعده بل حديقه ويه صديقاتي وجان اشوف علي اجه من بعيد عرفت اجه موتي لان هوه عصبي نار وميتفاهم والكليه كلهه تباوع عليه اجه هيبه بزي العربي زي الشيوخ واشرراره تطلع من عيونه اجه عليه وكال
علي. سلام عليكم
ردو. وعليكم السلام
علي. رنين ممكن كلمه علا انفراد
البنات . يلا نترخص احنه
رنين . بعد ماراحو البنات كتله ماكو كلام بينه من رخصتك كمت جان يلزم ايدي وكال
علي. تره مخبل تعرفين بيه هسه اشيلج واطلع
رنين . عدي محاضرات
علي. مانتأخر يلا
رنين . مااروح
علي. لعد لتلوميني على الي راح اسوي
رنين . علي شنو هيه غصب
علي. اي غصب
رنين . اروح وياك بسياره نحجي ونرجع
علي . امشي يلا
رنين. رحت ويا للسياره يم الباب صعدت وهوه هم صعد شغل السياره راد يتحرك كبل نزلت وهونزل عصبي كتله
رنين . اني مو كتلك بس نحجي ليش شغلت السياره
علي . رنين بله عناد صعدي دنروح
رنين . ماا اصعد
علي . ماشي انته جبتيهه لنفسج رحت عليهه وشلتهه على ضهري وصعدتهه بسياره وهيه تدردم نززلني نززلني صعدهه وقفلت السياره وصعدت لزمتهه حتى متنزل وحركت السياره
رنين . اجه عليه وشالني صعدني بسياره وقفل الباب وصعد لزمني من ايدي حتى ماانزل وشغل سياره وتحرك
