الساعة 8:00 مساءاً
نار
نزلت عالعشاء بعد ما صاحوني الصور دزيتهم السيادة النقيب ونجحت بهاي المهمة الحمد الله
انتبهت على نظرات الحقد بعيون رغد باوعتلها بلا مبالاة ودرت وجهي وگعدت بهدوء عالميز فجأة انسحبت الكرسي اللي يمي رفعت راسي شفت غيث
نار بابتسامة : غيث اشو گعدت هنا
غيث : حبيت اگعد هنا شنو ما ترديني
نار : لا العفو البيت مثل بيتك
صوت ضحكتة خلى الموجودين ينتبهون علي ابتسمت باحراج
الفهد : دير بالك لا تختنگ بالاكل مو زين الضحك انت ودتاكل
اختفت ابتسامتة ودار وجهة عنه حتى ما رد علي ،
الفهد : اي يالبغدادية التالي حصلتي عالتردي
نار : لا بعد ما حصلت كل الاريده
رفع حاجبة وحچى باستفزاز: هاي صارلچ كم يوم شگد بطيئة انتي لعد
ابتسمت بهدوء : مضل شي مسألة وقت واخلص
التقت عيوننا سوا الكره مبين من نظراتنا واحد ديتحدى اللاخ راح نشوف منو اللي راح يفوز بهالمعركة يالفهد ...
بعد ما خلص العشى گمت عاونتهم شوية طلعت من المطبخ طالعة الغرفتي بس وگفني غيث
غيث : لا تگوليلي شغل امشي عازمچ
كتفت ايدية الصدري واني اضحك : على شنو عازمني بالله
حط ايديه بجيوبة و حچى بنبرة غرور : اللي تردي راح اصير كريم اليوم واصرف استغلي الفرصة
نار : اهاا كشفتك لازم حضرة الدكتور بخيل مو خوش سالفة هاي
غيث : لچ ترا ما اسمحلچ اني اصل الجود والكرم
نار : ايي كلش مبين
باوعلي بابتسامة
نار : شنو ليش هيچ دتباوعلي
غيث : مشتهي گهوة
نار : هاي شنو دتقشمرني مو على اساس راح تصرف وصارلك ساعة نافخ نفسك عليه هاي تاليتها گهوة واكيد اني اللي راح اسويها مو
غيث : لچ لا تصيرين كسولة سوي گهوة واني اروح اشتري نساتل شرأيچ
نار : للاسف اجيت على نقطة ضعفي ماشي بس اشتري شي طيب اذا مو طيبة اشيل الگهوة واگلبها عليك ترا
غيث : يمة مو مرة زلمة شني هاي
نار : ترا سمعتك دكتور
ضحك وهو يطلع من البيت ابتسمت غيث هو اللي مخليني اتحمل العيشة هنا مثل نسمة الهوا الباردة بنص صحراء قاحلة ..
دخلت للمطبخ وسألت الخدامة اللي تشتغل عدهم على مكان الگهوة ودلتني وگفت اسويها
الفهد : ماخذة راحتچ هواي
جفلت من سمعت صوتة ما اتوقعت وجوده بلعت ريگي ودرت باتجاهة الخدامة مو موجودة مبين طالعة واني مو حاسة بيها
نار : وانت ليش مزعوج من هالشي
توترت بعد ما تقدم بخطوات بطيئة باتجاهي
الفهد : وين شايفچ اني
نار : مو بمكان اني بديرة وانت بديرة وين راح تشوفني يعني
رفع ايدة قربها من وجهي رجعت راسي لي ورا
عدل حجابي چان مخربط حسيت گلبي وگف من تصرفة دفعتة وابتعدت عنه
نار : انت شدتسوي
الفهد : غيث شعندچ ويا
نار : شجاب غيث هسة اني سألتك اول شدتسوي شنو اللي تريدة مني
الفهد : تگعدين راحة ما اريد تصرفات زايدة ناقصة
نار : اني ممسوية شي انت اللي مو عاجبك شي
الفهد : غيث مريض ابتعدي عنه
نار : هاي شبيكم كلمن يشوفني يگولي ابتعدي عن غيث قابل شمسوية هي سوالف عادية وبعدين عيب عليك تگول هيچ هذا ابن عمك اذا ناسي
الفهد : مو انتي اللي راح اتذكرين الفهد
نار : دامك تعرف ومو ناسي ليش هيچ هاملي ومحد يختلط ويا تعرف شغلة انتو اللي مرضى مو هو
مشيت من يمة رايحة للطباخ لزم ايدي بقوة ودارني علي
الفهد : لا تتجاوزين لان اذا وگعتي بين ادية ما ارحمچ
سحبت ايدي منه بقوة
نار : مو منتظرة الرحمة منك جهاد
باوع بعيوني للحظة حسيت انه غير انسان تهت بغابات عيونة يا الله معقولة اكو هيچ جمال
اتقرب من اذني وهو يهمس : ادري حلو بس ثبتي على واحد يالنار
فتحت عيوني بصدمة من كلامة ابتعد عني وطلع من المطبخ بقيت واگفة بمكاني شقصدة ليش ماخذ عني هالنظرة معقولة مبين اعجابي بي الهلدرجة لحظة ليش اني معجبة بي شهالحچي الماصخ هذا
غيث : نار
شهگت من سمعت صوتة
غيث وهو يركض يجيبلي گلاص الماي : هاي شبيچ اعتذر مو قصدي اخوفچ
نار : لا عادي اتذكرت الگهوة ركضت عليها الحمد الله ما احترگت صبيتها بالفناجين وحطيتهم بالصينية
غيث : شبيچ نار اشو مو على بعضچ ما عفتچ هيچ
نار بابتسامة : ماكو شي اشتريت الحلويات
غيث وهو يرفع علاگة الحلويات : طبعا
ضحكت واني امشي طالعة للحديقة الخلفية من باب المطبخ : كلش زين
گعدنا نشرب بهدوء اثنينا ما حچينا تعبانين من الحچي العواصف اللي بداخلنا اتخلينا محتاجين الهدوء حتى نگدر نتحملها
غيث : اني ابتعدت عنهم الفترة طويلة
قطع الهدوء غيث وكمل كلامة
غيث: من البداية ما چنت مرتاح بالعيشة وياهم ولهذا دورت هواي طرق حتى اسافر ولمن قدمت عالمنحة بتركيا الكل اعترض واولهم جدي شنو يعني اطلع وحدي وابتعد عن عائلتي اللي اني اصلا مو معترف بيهم ابتسم باستهزاء
نار : وبعدين
باوعلي : ما استسلمت اتعاركت وياهم وحبست نفسي بالغرفة لا اطلع ولا اكل وياهم امي تحاول وياي خواتي حتى عمار وجهاد گالولي اطلع الفكرة من راسي لان الشيخ مستحيل يرضى انو واحد من ولده يطلع يدرس بعيد عنه
نار باستغراب : شنو السبب
غيث : بالبداية اني هم استغربت مثلچ بعدين اللي عرفته خلاني اعرف السبب جدي خاف ينعاد اللي صار بابنه الچبير لمن خلاه يروح يدرس بغير ديرة يگولون فقد السيطرة علي وانتي ما تعرفين جدي مريض بالسيطرة على كل الحوالي
اتذكرت كلام سمر واللي حچتة عن تمرد ابنه جمال ابو الفهد
غيث : المهم گتلچ ما فاد الحچي وياي وبعد مدة طويلة من العراك وياهم وافق جدي بس بوگتها صاحني للديوان وگعدنا وحدنا اني ويا
BINABASA MO ANG
نيران غياهب الانتقام
Actionانا تلك هي... انا تلك المحاربة التي مهما واجهت ستستمر لن تتوقف ولن تستسلم لن تحني رأسها ، انا تلك هي الأنثى التي تخشى الحب وتبحث عنه انا تلك التي تبحث عن سفينة النجاة في منتصف بحر أحلامها العميق والواسع وتؤمن أنها ستجد تلك السفينة مهما طال الزمن...
الجزء العاشر
Magsimula sa umpisa
