لتخوط زايد بالحلول مرات هم ما ينجرع'''
اعرفكم ع اطباعي خجولة حنونة طيبة هادئه عندي نوع من العصبية تافه ما اهتم الي يحجي بضهري عنيده قويه متهوره محبوبه غامضة عقلي أكبر من عمري مرات اكو أمور تصير تخليك تكبر بعمر صغير كل تفكيرك يصير بالمستقبل شنو ح يصير وليش هيج صار صارت هواااي معاكسات بحياتي من جنت طفله جنه عايشين ويه بيبيتي أم أبويه وجدي جان عايش وعمامي كلهم ويانه أكبر واحد بعمامي جان أكثر شخص مكروه بحيث حتى جهاله يكرهو بسبب طبعه وتصرفاته جان دوم يضربنه كدام اهلنه واهلنه ميحجون شي أبد وحتى من اهلنه مموجودين هو يضربنه مره جانت الدنيا ضهر الساعه 3ضبط نزلت اشتري (ملاحضه اهل ميقات عازلين بس الأكل وحدهم وكاعدين بطابق الثاني الي بناه أبو ميقات الطابق الثاني 200متر) ف نزلت من الدرج وصلت آخر درجه ما أحس اله واحد خنكني قوي أريد أتنفس ماكدر اني جنت ناعمه كلش ف هو ضربني راجدي وكلي شعندج طالعه الضهر هو أبد ميخلينه نطلع أو ننزل ليجوه حتى لعب منلعب اذا هو موجود ف كتله هسه اصعد صعدت ابجي ك العاده أهلي مسوو أي شي هو جان ضالم وميعرف يحجي وبس يزمخ وحتى عمامي الباقين ممخلصين منه مره من المرات جنت بالدكان (سوبر ماركت) اشتريت ورجعت هو جان بالشارع اجى يركض ورايه اني صعدت ع الدرجه هو سحبني من شعري جان واصل لخصري طويل وثخين وكعت ع وجهي واتكسرن أسناني انعوجن و اخذوني للطبيب برد اسناني يلا رجعن مثل قبل جدي جان ميقبل علينه ويحبنه كلش الله يرحمه وعمي الثاني ما عليه بواحد بس هو مجان عنده جهال وجان عازل وحده وهو نفسيه كلش ميتقرب من أحد بس جان يحبنه وعمي ثالث واحد كلش حباب ويانه جانت عنده كيعان (ملاحضه ميقات أصلها ريفي بس انولدت وعاشت بالمدينه وعدهم كيعان وبيوت بس كلهن باعوهن) ويزرع بيهن باميه وماش وجت وطماطه وخيار وخضره وهواي شغلات ف جان يجيب الماش نسوي وياه ننخله اله ونطلع النضيف وهيج ويبيعه وينطينه فلوس تعبنه والباميه هم نصفيها وياه وينطينه كل واحد1000دينار وجانت عنده ستوته ننطي كل واحد ربع ويفرنه بالمنطقه كلها ويرجعنه بحيث نتونس وعمي آخر واحد الله يرحمه(اذا تتذكرون بهذاك البارت كلت انو عم ميقات مستشهد) جان صديقنه نحبه ويحبنه ودوم يشتريلنه وشاقينه ويطلعنه استشهد سنه 2017يوم 6رمضان هفف مجنت متوقته أبد عنده 3جهال وقبل ليروح بشهر توفه جدي هو استشهد وره شهر جان متعارك وياهم إطلع أجر بغير بيت واجه لأمه قبل ميلتحق بأس أيده ضربته وطردته من راح كال لمرته اريدج تثوبين لابوي مو تنسين راح وره 4ايام استشهد وهو توه دخل 30سنه بعده شاب
ببيع تعبت هههههه أسفه طفرت بالبارتات بس هاي اول قصه الي أتمنى تدعوني.
