تعلمت من خلال حبي لك ان من لايقدر حب شخص له لايعاتبه بل يعاتب نفسه .
من كتاباتي.....
ماتنسااوش النجمة لي لفوووق وكومنتيولي باه نتشجع بلييز
بسم الله .
نروحوا لخوها تاع دنيا (عاصم) عاصم او خارج البلاد عندوا اشغال هادي الفترة مانهدروش عليه حتى ممبعد فالعرس .
كان كل يوم نفس الروتين دنيا كل يوم تخرج هي ولينة يقضييو للعرس ووائل ولا مرة هز تيليفون وعيطلها وهي موووش مهتمت .
قبل العرس ب3 ايام .
راحت سندس عند وائل قالتلوا= خووووويااا عمرييي نحببك نمووت عليك علابالك .
وئل= اممم واش تحتاجي من اللخر .
سندس =يووه على هادي نحبك بارسكوا تفهمني .حابة نخرج انا والمدام تاعك نشريو شوية قش مناه ماما قالتلك عيطلها وقولها لازم نمدولها باه تشري للشورة .
واائل( خمم خمم ماعندووش النيميروا ) قاال= مي ماعنديش النيميروا .
سندس ولات تضحك=يووووه كيفاه تتحمل بلا ماتسمع صوتها خسارة عليك .عندي النيميروا درك نمدهولك .
وائل= اييه مرسي والفوطوات بعتيهملي اني شتك من لي دخلت وانت تصوري تقول صحفية .
سندس= وي ههههههههه درك يوصلوك بيهم بالنيميروا .
وائل استنا شوية وصلوا ميساج . النيميروا تاعها والفوطوووات وقعد يتبسم وحدوا كي البهلول كي شافها مناه هاداوين توله للزين تاعها وممبعد ستوعب وطلع راح يعيطلها .
عند دنيا كانت رااقدة تسمع في التيليفون يصووني .
دنيا كوبات 3 خطرات وهو مازال يعاود وهزت .
دنيا = الوووو .
وائل =......... (ساكت صوتها خلاه يغيس فيه حنانة وانوثة وباينة راقدة ) وفجأة توقف الصوت تاع الانوثة وجا تاع الحمار ههههههههه ...
دنيا= مي انت ماتحشمش ساعة وانت تعيط وانا نكوبي ماتخليوش العبد يرقد ااو .
وائل= اللواا اني وائل.
دنيا= شكون وائل تاني .
وائل= وائل------- خطيبك يالبغلة .
دنيا= اا وي واش تحتااج .
وائل =وجدي روحك ممبعد نفوت عندك انا وسندس باه نديكم تقضييو
دنيا= علاه ماعيطتش هيا..(طيييط طيييط كوبا في وججها الجنون داروا بيها)
وائل= اففف تهدر ماتسكتش بالعة كاسيطة ياربي صبرني .
دنيا =الكلب كوبا درك يشووف .
YOU ARE READING
زواج بالغصب
Romanceكاين في هادي القصة حب وبكاء واشتياق والم وظلم وخيااانة باللهجة الجزائرية عايلة مثقفة وغنية ولكن بسبب تهديد ذهبت ضحيتها فتاة في عمر الزهووور وشاب في عمر الزهور لكن سوف تنقلب الموازين ويصبح هنالك حب بعد حوادث اكشن ."القصة قصيرة نتمنى تعجبكم "