" နေပါစေရှင့်၊ ညို ဆရာ့ဆီက သတင်းစာတိုက်အတွက်လိုတဲ့ စာရွက်စာတမ်းတွေလာယူတာပါ။ ပြီးရင် တန်းပြန်တော့မှာပါ" ဟော၊အသံကြားသနားပါစေဆုက သူ့ဆီမှာပြည့်ထားပြန်ပြီထင်သည်။
" ညီမက ကိုကိုကြီး အသစ်ခန့်လိုက်တဲ့ စာရေးမလေးဖြစ်မယ်ထင်တယ်" နေရီကပြောရင်း မျက်နှာချင်းဆိုင် ထိုင်ခုံမှာဝင်ထိုင်လိုက်သည်။
"ဟုတ်ကဲ့ ညို မနေ့ကမှ အလုပ်စဝင်တာပါ"
"အော် ၊ ဒါနဲ့ ညီမ နာမည်ကညိုတဲ့လား"
" အပြည့်အစုံက ဒေစီညိုပါ"
"ဟော ၊ ညို ညာတယ် ၊ ဒေစီဆိုတာ အဖြူဘဲရှိတာမဟုတ်ဘူးလား ၊ အညိုရောင် ဒေစီပန်းကိုမြင်ဖူးလို့လား ၊ ညိုမြင်ဖူးရင် တို့ကိုပြပါလား။ " နေရီရီက ခပ်ပြုံးပြုံးပြောတဲ့ အမေးစကားကိုကြားတော့ ဒေစီညို ရုတ်တရက် ဘာပြန်ဖြေရမလဲမသိ။
"ဟို ..ညို့ကိုမေမေက ဒီလိုဘဲ ပေးထားတာ.."
" ဟားဟားး ငါ့ညီမကတော့ သွားစနေပြန်ပြီ။ ဒီလိုဘဲ ညိုရေ၊ ကိုယ့်ညီမက အတော်လေးအစသန်တာရယ်" လက်ထဲမှာ ဖိုင်တစ်ထပ်နဲ့ အိမ်အပေါ်တက်မှ ပြန်ဆင်းလာတဲ့ကိုကိုကြီးရဲ့ ရယ်သံကိုကြားရတော့မှ ညိုလည်းသဘောပေါက်သွားသည်။ သူ့ရှေ့က အမျိုးသမီးကတော့ သူ့ရဲ့ အူကြောင်ကြောင်ဖြစ်သွားတဲ့ပုံစံကလေးကိုကြည့်ပြီး ဘာတွေသဘောကျနေမှန်းမသိ ။ ရယ်ချင်စိတ်ကိုအတော်ဖုံးဖိထားရတဲ့ပုံနဲ့ ပြုံးစစကလေးဖြစ်နေသည်။
" ရော့ ညို ၊ ကိုတင်မောင်တို့ သတင်းစာတိုက်ကို လာတောင်းတဲ့အခါ ပေးလိုက်ပါ" ကိုကိုကြီးက သူ့လက်ထဲက ဖိုင်တွေကို ညို့လက်ထဲလွှဲပေးသည်။
" ဟုတ်ကဲ့ ဆရာ၊ ညို ပေးလိုက်ပါ့မယ်" ပြန်ဖို့ပြင်နေတဲ့ညို့လက်ထဲက ဖိုင်တစ်ဝက်ကို နေရီရီက ကူသယ်လိုက်သည်။
"ပေးပေး တို့ကူသယ်ပေးမယ်၊ ကိုကိုကြီး ညီမလေး ညို့ကိုခြံရှေ့အထိပြန်ပို့ပေးလိုက်ဦးမယ်နော်"
"အေးအေး"
အိမ်မကြီးကနေ ခြံရှေ့အထိ လျှောက်လာတဲ့ တောက်လျှောက် ညိုကနေရီ့ဘေးနားမှ စကားတခွန်းမှမပြောဘဲ ဆိတ်ဆိတ်ပင်လိုက်လာသည်။ နေရီကတော့ တွေးမိသည်။ သူစလိုက်တာများ ရှက်သွားသလားလို့ပေါ့။
YOU ARE READING
နေညိုအမီ ဒေစီတစ်ပွင့်ပျိုးခဲ့သည်(ေနညိုအမီ ေဒစီတစ္ပြင့္ပ်ိဳးခဲ့သည္)🌼
RomanceCompleted Myanmar GL Story🌼 ကျွန်မဟာ သံသရာတကွေ့မှာ ညို့မျက်ဝန်းနက်နက်တွေထဲခြေချော်ကျခဲ့ဖူးပါသည်။ -နေရီရီ(၁၉၆၂) Completed Myanmar GL Story🌼 ကြၽန္မဟာ သံသရာတေကြ႕မွာ ညို႔မ်က္ဝန္းနက္နက္ေတြထဲေျခေခ်ာ္က်ခဲ့ဖူးပါသည္။ ...
နိဒါန်း(U+Z)
Start from the beginning