اميره جالسه على السرير تبكي ماتوقعت زياد يقول الكلام هذا لريم وهو يقول متزوجها عشان تجيب له ولد ويطلقها
دخل زياد وعوره قلبه على اميره
جلس جمبها وقال بحنان:اميرتي تبكي
اميره حطت يدينها على وجها وصارت تبيكي بصوت مسموع
زياد ضمها لصدره وقال بحب:معقوله تصدقين وحده مثل هذي
اميره تبعد عنه:يعني معقوله تتبلى عليك وانت موجود
زياد يمسح دمعها بيده:اتوقعي أي شي منها لانها مقهوره اني مااحبها
اميره:قول والله ماتحبها
زياد باسها على خدها وقال:والله مااحبها
اميره ببتسامه:احبك
زياد يرد لها الابتسامه:وانا اموت فيك
**
ريم ماانزلت منها دمعه وحده لانها تحس انها بردت على قلبها
وبعد تأخر الوقت رد الكل ينام
فهد يكلم عبير عند مدخل المطبخ:عبور الله يخليك جوعان ابي شي اكله
عبيربزعل:لا يعني لا انت نسيت وش سويت بهنادي
فهد يتمسكن:يهون عليك اخوك
عبير:أي يهون زي ماهانت عليه هنادي
فهدبعصبيه:تراك غثيتيني بهنادي من تكون هالهنادي
هنادي كانت جايه تشوف عبير ليه اتأخرت وسمعت فهد و انصدمت من كلامه ليش يعاملها كذا هي وش سوت له فحبت ترد عليه
هنادي من ورى الباب بكل شموخ قالت:هنادي تكون بنت طلال الي انت وعشره من اشكالك ماتوصلون لها
فهد وعبير انصدمو من وجودها
فقال فهد بتهديد:قد كلامك يابنت طلال
هنادي بتحدي:أي قده
فهد بتوعد:بنشوف نطولك والا لا
عبير خافت:وش فيكم تعوذو من ابليس
فهد تركهن وراح وهو يتوعد هنادي ومصر على شي في راسه
عبير لهنادي:انتي وش فيك
هنادي ودموعها على خدها:قهرني والله قهرني
عبير تضمها وقالت بحنان:لا تخافين فهد اخوي وعرفه يعصب شوي بعدين ينساء
هنادي بحزن:والله انه مايستاهل حبي له
مع صلات الفجر قام الكل وصلى ورد ينام الا ريم الي طول اليوم نايمه حست راسها اوجعها من كثر النوم لكنها قررت ماتنزل تخاف يصير لها مثل ما صار امس لكن الجوع اجبرها على النزول
نزلت ريم ودخلت المطبخ واخذت لها عصير وخبزه مع جبن وردت فوق
صحى الكل على الساعه عشر وهذا وقت ردتهم للرياض
وبعد الفطور
تجهز الكل وركبو سياراتهم نفس ترتيب جيتهم
الا اميره قررت تروح مع زياد
وريم محد ذكرها لانهم توهم ماتعودو عليها بينهم
طلعو بالسيارات من المزرعه متوجهين للرياض
ريم استغربت الهدوء لانها بالعاده تسمع اصواتهم الا اليوم فقررت تنزل
نزلت ريم وانصدمت ان مافيه احد والبيبان مقفله كلها
ريم تضرب الباب وتصيح :افتحووووووو افتحوووووو
لكن بدون جدوى جلست ريم تبكي وحالها يعور القلب
بعد حوالي ساعه وصلو الرياض
نزل كل واحد في بيته
ابوزياد تذكر ريم بس توقعها مع زياد
وعلى الغداء
ابوزياد:ليه ماجبت ريم معناء هناء
زياد تذكر ان ريم في المزرعه فحاول مايحسس ابوه وقال برتباك:هاه أي تبي ترتاح
قام زياد قبل يكمل اكله
ام زياد:وين رايح كمل اكلك
زيادوهو طالع:عندي شغل ضروري
اميره ابتسمت لانها كانت عارفه ان ريم في المزرعه وحاولت طول الطريق ان زياد مايتذكرها
هنادي بصوت واطي:ليه تبتسمين
اميره وهي مازالت تبتسم:تذكرت شي فبتسمت
طلع زياد بسرعه وتوجه للمزرعه وهو خايف على ريم بس يدعي من ربه انها تكون نايمه
وبعد نص ساعه وصل زياد لانه كان يسوق بسرعه جنونيه
دخل بسرعه المزرعه وقف السياره وتوجه للفله فتح الباب وسمع صوت ريم تبكي
دورها بنظره شافها متكوره على عمرها في الارض
زياد توجه لها بسرعه ريم حست بخطوات ناحيتها رفعت نظرها وشافت زياد فقامت بسرعه وضمته بكل قوتها كأنها تحتمي فيه
زياد يمسح على شعرها:ريم لا تخافين انا معك
ريم من بين شهقاتها:ليه خليتوني
زياد يبرر:كنت اتوقع انك مع ابوي وابوي يحسبك معي
ريم بعد ماحست بالامان بعدت عن زياد وقالت وصوتها رايح من البكي:لا انت تبي تتخلص مني تبيني اموت
زياد ابتسم وقال:صح انا مااحبك بس هذا مايعني اني ابيك تموتين وقال بمزح واذا انتي متي من راح يجيب لي عيال
ريم تمسح دموعها بصابعها وقالت بعصبيه:يعني اذا جبت لك عيال ممكن تذبحني
زياد"ياربي وش هالبزر"
زياد بنرفزه:اقول خلي عنك الكلام ويالله جيبي اغراضك بنمشي
ريم بقهر:طيب ليه تتكلم كذا
زياد يحاول يمسك اعصابه: خلاص حقك علي ممكن تروحين تجيبين اغراضك
ريم طالعت فيه بعدين قالت:تعال معي اخاف
زياد طلع معها لجناحها وجلس في الصاله
ريم ادخلت الغرفه ورتبت اغراضها في شنطتها وبدلت ملابسها تحس انها كلها دموع لبست قميص طويل واسع شوي على جسمها لكنه ضيق على بعض المناطق وكان لونه وردي كمامه كت واخذت عباتها في يدها
ريم وهي طالعه:يالله خلصت
زياد طالع فيها وقام لها
ريم خافت من شكله وقالت بخوف:وش فيك
زياد:.........
ريم وطت الشنطه ورجعت على ورى
زياد قرب منها حتى ريم لزقت في الجدار وحط راسه على راسها وقال بهمس:ليه بدلتي ملابسك
ريم تطالع في عيونه قالت بخوف:لان ملابسي كلها دموع
زياد ببتسامة سخريه:والله
ريم جت ابتتكلم لكن زياد شالها قبل تتكلم ودخلها الغرفه
***
فهد:يبه انا قررت اتزوج
ابوفهد بفرح:زين مابغيت ومن تبيني اخطب لك
فهد:هنادي بنت عمي
ابوفهد:يازين مخترت وانا ابوك خلاص انا اكلم عمك العصر
فهد بصرار:ابي الزواج خلال شهر يعني العطله باقي عليها شهر وانا ابيه اول العطله
ابوفهد ببتسامه:انت خل يوافقون بعدين حدد الزواج
فهد بجد:يبه انا مابي غير هنادي يعني اذا ماوافقو ماراح اتزوج
ابوفهد :يصير خير وانا ابوك
عبير اسمعت كلامه مع ابوها وراحت تكلم هنادي
هنادي بفرح وخوف:صدق والله
عبيرتضحك:أي شفتي ان فهد يحبك وان كلامه معك كله حركات
هنادي بتردد:اخاف بس عشان كلامي معه في المزرعه
عبير:لا لانه قال اذا هنادي ماوافقت ماراح اتزوج
هنادي قلبها ماهو مرتاح بس خبر انه بيخطبها فرحها يكفي هي تحبه لو هو مايحبها بتخليه يحبها
اميره تكلم امها
ام اميره:وينك يالقاطعه ماتقولين عندي ام اسأل عنها
امير تضحك:والله غصب علي انشغلت الا وش اخبار ابوي و نواف وش اخباره
ام اميره:كلهم بخير ويسألون عنك ونواف جاله ولد
اميره بفرح:وناسه انا صرت عمه
ام اميره:الا وش اخبار زياد
اميره بحزن:بخير
ام اميره حست ان صوت اميره تغير فقالت:خير يمه وش فيك
اميره بصوت باكي:زياد تزوج
ام اميره:وشو
اميره :زياد تزوج
ام اميره بعصبيه:وانتي كيف وافقتي
اميره بألم:غصب علي لان خالي يبي احفاد
ام اميره بأمر:انتي تجين عندي من بكره وانا اعرف اتصرف
اميره:لايمه مقدر اخلي زوجي
ام اميره:اشوف هو خلاك وتزوج
اميره:هو ماخلاني
ام اميره:وزواجه وش يعني
اميره :زواجه مايعني انيه تخلا عني
ام اميره بقهر:الحين هو فكر في نفسه وانتي لا حتى انتي تبين عيال
اميره بتنهي الحديث مع امها:خلاص يمه اكلمك بعدين عندي خط ثاني
ام اميره عرفت انها تصرفها
سكرت اميره من امها وصارت تبكي بمراره على حالها هي تحب زياد ومستحيل تتخلى عنه
زياد جالس في الصاله يقلب في قنوات التلفزون ينتظر ريم
ريم طلعت وهي لابسه عباتها ونقابها ومغطيه عيونها ماتبيه يشوف دموعها
زياد بسخريه:يعني اشوفك الحين طالعه بالعباه وقبل طالعه بقميص والا خلاص اخذتي الي تبين
ريم تعودت على كلامه فقررت تلتزم الصمت
قام زياد واخذ الشنطه ونزل وتبعته ريم
كلم ابوفهد ابوزياد وخطب منه وقاله ابوزياد عطوني فرصه اشاور البنت
زياد وهو داخل قال:السلام عليكم
الكل:وعليك السلام
ابوزياد:الا انت وين رحت
زياد وهويجلس قال:ابد كان عندي شغل خلصته وجيت
ام زياد بحيره:والي عنده شغل يبدل ملابسه
زياد ببتسامه قال:كله من ولدك خالد جيته المستشفى وكب علي عصير
ام زياد ببتسامه:مايخلي حركاته هالخالد
ابوزياد:خلو عنكم هالموضوع عندي موضوع باخذ رايكم فيه
زياد بستماع:امر يبه
ابو زياد:عمك محمد خطب هنادي لفهد
زياد ببتسامه:والله فهد رجال ينشرى ولد عمها ومافيه عيب
ام زياد:وانا معك يازياد كان قلتلهم انا موافقين
ابوزياد:لا اول نشاور البنت بعدين نرد عليهم
ام زياد:قوم يازياد انت شاورها لانها ماترتاح الا لك يعني بتقول رايها لك بصراحه
قام زياد وطلع لغرفة هنادي طق الباب هنادي من ورى الباب:ادخل
زياد يفتح الباب وببتسامه قال:السلام على الحلوين
هنادي تعتدل في جلستها:وعليكم السلام
زياد اخذ كرسي وجلس عليه وقال بمزح:والله وكبرتي ياهنادي صار يجيك ناس من جميع اقطار المملكه يخطبونك
هنادي ضحكة من قلب على كلامه
زياد يطالع فيها وقال:خبري البنات لقالو لهم جاء ناس يخطبونك تنزل راسها من الحياء وانتي تضحكين
هنادي تحاول توقف ضحك قالت:غصب علي انت ضحكتني والا انا تراني استحي
زياد يقلد صوتها:تراني استحي
هنادي بعد ماوقفت ضحك قالت:الحين انت جايني في غرفتي عشان تتطنز علي
زياد بجد:لا انا جيت اقولك فهد اخطبك وش رايك
هنادي قلبها يرقص من الفرح بس حاولت ما تبين ونزلت راسها لانها من جد استحت من زياد
زياد ببتسامه:لا الحمدلله اختي فيها حياء
هنادي ارفعت راسها وقالت بقهر:ليه يعني انا مستحي
زياد :ههههههههههههه لا واضح انك تستحين
هنادي تضربه بعلبت المنديل وقالت:اطلع من غرفتي
زياد يمسك العلبه قبل تضربه وقال:شوفي بعطيك فرصه تفكرين يعني عشر دقايق وبرجع اخذ رايك
هنادي:..............ز
زياد اول ما وصل الباب قال:يالله قولي وش رايك خلصت العشر دقايق
هنادي اضحكة بعدين قالت:زياد
زياد:هاه
هنادي ببتسامه:اطلع
طلع زياد وترك هنادي اتفكر في الموضوع صح هي تحب فهد بس خايفه انه مايحبها وكل الي يسويه عشان يجيب راسها فقررت تصلي صلاة الاستخاره
ريم رتبت اغراضها ونظفت البيت واخذت شور ولبست بنطلون جينز مع بدي بني وجففت شعرها ومستك فوق بشكل حلو وحطت كحل بني في عيونها وحطت قلوس وتعطرت ونزلت تحت تتفرج على التلفزون
***
اميره ببتسامه:والله وانخطبت هنادي
هنادي تضربها بالمخده:خير شايفتني عجوز عشان محد يخطبني
اميره تضحك:لا منتي عجوز بس شينه
هنادي بمزح:انا شينه اجل انتي قرده
اميره:ههههههههههههه ماقرده غيرك
هنادي وتقوم تطالع وجها في المرايه:شوفي الجمال ماهو جمالك
اميره ببتسامه:ماراح ارد عليك لانك تشبهين زياد
هنادي تصد عليهاوقالت:اصلن انا احلى من زياد
اميره:كله ولا زياد
في المقهى
زيادببتسامه:اخيرا قررت تتزوج
فهديرد له الابتسامه وقال:خل اختك توافق والا ترى بترجع لي عقدتي على قول خالد
زياد بجد:الا وش غير رايك تخطب
فهد يحاول مايعرف زياد الي في راسه:غرت من خالد اصغر مني ويتزوج وانا لا
زياد بشك:بس
فهد ببتسامه:بس
فهد يغير الموضوع:الا وش اخبارك مع العروسه الجديده
زياد بقهر:وش جاب سيرتها الحين
فهد ببتسامه:كل هالقهر من سيرتها اجل شوفها كيف
زياد وهو يطالع لقدام:تصدق شعوري من ناحيتها ماني عارف احدده
فهدببتسامه:لا شكلها وقعتك في حبها
زياد:تخسي الا هي احبها
فهد ببتسامه ماكره:اجل تكرها
زياد حط راسه على الكرسي:مدري
فهد:صدقني انك تحبها
زياد بعصبيه:لاتقول احبها انا مااحب غير اميره
فهد:خلاص ماتحبها بس لا تعصب
زياد يطالع ساعته وقال:اوووووف انا تأخرت على البيت بكره ورانا قومه من الصبح
فهد يضحك:واي بيت تتروحله
زياد بقرف:اكيد بيتي الثاني لانها بالحالها وبكره بروح اجيب لها شغاله مع سايق وارتاح
فهد يهز راسه ثم قال:حرام عليك ارحمها حسسها انها زوجتك
زياد بعصبيه:ياخي ماحبها تعرف ماحبها
فهد يطالع في الناس الي من صوت زياد طالعو فيهم:قصر صوتك فضحتنا
زياد ياخذ مفاتيحه وجواله:خلني اروح اتغثث احسن
فهد ضحك وتبعه يعرف زياد لعصب مايهمه احد بس قلبه طيب
***
وصل زياد للبيت ونزل من السياره
دخل زياد وشاف ريم منسجمه مع فلم في التلفزون وفي يدها كاس عصير
زيادببرود:السلام عليكم
ريم بدهشه:وعليكم السلام
زياد شاف الاستغراب في عيونها وقال:وش فيك تطالعيني كذا
ريم ببرود:لا مافيه شي بس توقعتك تنام عند اميره
زياد وهو طالع فوق:اقول خلي عنك الكلام وتعالي بنام
ريم وهي مازالت جالسه:نام وانا وش دخلني
زياد يصد عليها وقال بتهديد:ادخل الغرفه وانتي منتي وراي لاتلومين الا نفسك
ريم قالت في نفسها فرصه اكلمه في موضوع دراستي
دخل زياد الغرفه واخذ له بدله ودخل الحمام ياخذ شور
دخلت ريم وسمعت صوت المويه في الحمام فعرفت ان زياد ياخذ شور جلست على طرف السرير تنتظره
طلع زياد وهو ينشف شعره بالفوطه
ريم:نعيما
زياد نزل الفوطه وقال:الله ينعم عليك
تمدد زياد على السرير وحط المخده تخت ظهره وقال:اشوف في عيونك كلام قوليه
ريم بترجي:بكمل دراستي
زياد:انتي في أي مرحله
ريم ببتسامه:ثالث ثانوي
زياد اخذ وقت يفكر بعدين قال:خلاص بس بنقلك لمدرسه في حينا
ريم بعتراض:مابي ابي مدرستي
زياد يرفع حاجبه:وش معنى
ريم تشرح له:لاني اعرف البنات والمدرسات وغير كذا هذي اخر سنه لي ومااحب اغير مدرستي وتعب وانا اتأقلم عليها
زياد:على راحتك بكره اجيب لك سواق وشغاله يودونك ويجبونك
ريم اببتسامة شكر قالت:مشكوووووووووووور
زياد ببرود:واجبي
ريم انقهرت منه فقالت:يوم انك منت طايقني ليه تجي عندي طيب
زياد طالع فيها بعدين قال:اقول انا تعبان وبنام
ريم بقهر:نام
زياد يتغطى :طفي النور وتعالي نامي
ريم طفت النور وجلست على السرير وحاولت تنام بالبنطلون لكنها ماهي متعوده عليه وحست انه ضيق عليها وبعد ساعه وهي تتقلب قامت ودخلت غرفة الملابس وجلست تدور لها شي تلبسه مالقت شي مريح فقررت تلبس قميص قصير للركبه وصدره فاتحه بشكل مثلث من قدام ولونه اسود ولانها بيضاء طلع عليها روعه
ريم تطالع نفسها في المرايه وقالت:والله لو يشوفني زياد ليذبحني بس خله يولي انا بنام فيه على الكنبه وقبل صلاة الفجر ببدله بس عشان انام براحه
اميره انقهرت من زياد لانه طنشها وراح لريم
فقررت تدق عشان تنكد على ريم
زياد صحى على صوت جواله فأخذ الجوال وشاف من يدق شاف اسم اميرتي يتصل بك
زياد وصوته ثقيل من النوم:الو
اميره عرفت من صوته انه نايم:صحيتك حبيبي
زياد ببتسامه:انتي تدقين أي وقت
اميره فرحت انه يتغزل فيها يعني حتى وهو نايم عند ريم يدلعني وقلبه معي
اميره بسعاده:حبيت اسمع صوتك حبيبي قبل ماانام لانك واحشني
زياد بشوق:والله انتي بعد واحشتني بس وش اوسوي
اميره:خلاص حبيبي كمل نومك
زيادبحب:مع السلامه
سكر زياد من اميره وولاحظ ان مافيه احد معه في السرير قام من السرير وفتح اللمبه ماشاف احد فتح الغرفه وطلع لقى ريم نايمه على الكنبه في الصاله الصغيره الي جنب الغرفه
زيادقرب منها وحرك الغطاء عنها قامت ريم مفزوعه
زياد قام يطالع فيها وكأنه بياكلها بعيونه
ريم برتباك:وش صحاك
زياد بغضب:ليه نايمه هناء
ريم بخوف:كذا
زياد بنفس صوته:ليه مبدله ملابسك
ريم احتارت وش تقول "ياربي وش الورطه هذي"
زياد بعصبيه:ردي
ريم قامت من الخوف وقالت وصوتها خانقته العبره:مااعرف انام في البنطلون يضايقني
زياد مسكها مع يدها بقوه وقال وزياد مسكها مع يدها بقوه وقال وهو شاد على اسنانه:ومالقيتي غير هذا تلبسينه
ريم بخوف:كل ملابسي المريحه كذا الا الي امس وانا رميته لاني كرهته
زياد سحبها معه للغرفه ودخلها غرفت الملابس وفتح دولابها وجلس يرمي ملابسها على الارض لكنه ماحصل أي شي يكون مريح في النوم الا نفس الي عليها ولا يمكن تكون اكثر عري منه والا فساتين قصيره
زياد فك يدها وقال:ثاني مره لا تنامين برى الغرفه وبنرفزه قال فاهمه
ريم ودموعها على خدها قالت:فاهمه
طلع زياد وتركها في غرفت الملابس جلست ريم ترتب ملابسها وهي تبكي
زياد جالس على السرير يفكر"انا ليه سويت كذا بس هي الي جابته لنفسها لو انها يوم بدلت نامت معي كان ماسويت شي بس هي نايمه برى غصب علي لعب الشيطان في راسي"
طلعت ريم من الغرفه ودموعها على خدها
زياد رفع عيونه فيها وقال ببتسامه:تدرين شكل عيونك حلو بالدموع
ريم انقهرت منه بس فضلت انها تسكت
زياد قام لها ووقف قدامها ريم لزقت في الجدار من الخوف
زياد بذوبان قال:حاولت اقاومك بس ماقدرت
ريم:...................ز
زياد قرب منها وطبع بوسه على شفايفها
ريم استسلمت له وكأنها مخدره
