فـ هنا لازم أستغل الوضع الـ صالحي واغتنم الفرصة
گلتها وراح ارجع اگولها
أول وتالي اني اتزوج عليچ يعني اتزوج لأن انتِ طلعتي من نفسي الاء وبعد ما طايق العيشة وياچ
لو عندچ ذرة كرامة اطلبي الأنفصال وروحي
ليش مُصرة تعاندين
وين تردين توصلين من عنادچ هذا تخرببني ويا أبـوچ مثلاً لو شنو بالضبط مگاعد افهمچ
وديري بالچ تگولين أحبك هالسوالف متوكل خبز
الاء متعرف تحب غير نفسها وبس
حاولت وياچ هواي بالخطوبة بس النفسيتة نگسة راح تظل نگسة مثل السم بالدم وشيفصلهم بعد
- ما اريد اتطلگ قابل الشغلة جبر
- لعد يابة اني اريد أرتاح بـ حياتي قابل الشغلة جبر !!
بس حچيتها صاحت بصوت عالي اعرفها مو مال حوار
- همااااااااام لتخبلني
ماكو صعدة وياها امشي الغرفتنا وخليها تولي يم بتول
- وخري من طريقي اريد أصعد دوختيني
- ما اوخر
- الاء احذرچ تتجنبيني داحاول ما اهينچ گدامهم بس انتِ گوة تشترين المهانة الـ روحچ
- گتلك متصعد يعني متصدگ
-انتِ اليوم من رجعتي شگلتي گدام أبوچ
مو تقبلتي الواقع
وعلى أساس راح تصيرين أدمية وتجوزين من المشاكل
ولو البشر بشرنا ونعرفة شلون مشعول الصفحة الحچي ميفيد المهم الفعل وانتِ والنعم كلچ أفعال
- هذا الحچي نگعة وأشرب ماية
مو الاء الـ تتقاسم رجلها ويا وحدة ثانية لذلك لتحاول
- راح تتقاسمي الاء واذا ما عاجبچ بيت أبوچ ينتظرچ
- همااااااااام
- لتصيحين بوجهي لا أفلش وجهچ وصلت حدها هاااا
الحجية.. يمة الاء أستهدي بالرحمن شوية
دتشوفي صاير عصبي
يعني إلا يضربچ يلا ترتاحين ترى عمر الصياح مـا حـل مشكلة وبالسان الحلو أكبر راس يلين
- شو داسكتي عني
بدل ما تثردين براسي نصائح شوفي أبنچ بالأول شنو ديسوي لو بس فالحة تدافعين عنة
بس حچتها سحبها همام من فچها حيل
- هاي عليمن دتتجاوزين
راد يضربها تحركت الحجيـة بالكرسي لزمتة مـن رجلة حيل برضاي عنك اتركها يمة الضرب مو حل
- خبلتني يمة حاچيني شلون اتصرف وياها
لا هي تحس
لا أبوها وعشيرتها والكائنات يحسوون
شلون يعني ابتليت على عمري وناسبتهم ساعة السودة
- والله ساعة السودة الي من تزوجتك واجيت البيتكم
- يمعودة دروحي
انطيچ الحاضر والغايب وفوگاها بيت بـ أسمچ
بس فارقينا بريحة طيبـة والتردي يجرالچ من شاربـي
- خوية صلِ على النبي شجاكم بالليل
وانتِ الاء
تعالي لهنا وعيـب تتجاوزين لسانك حصانك إن صنتـه صانك وأن هنتـه هانك فـ لتهينين نفسچ بنفسچ
YOU ARE READING
أبي لم يكن إنسانًا
פרוזהالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
البارت 24
Start from the beginning
