عشق تخطيّ عنان السماء (بريق العشق)

الفصل الخامس عشر

قال جملته واستدار لينصرف مسكت بكف يده قائلة برجاء  :-
- الله يخليك عاوزه أروح دلوق قلبي وكلني قوي علي أبوي حاسه فيه حاجه

زفر بنفاذ صبر ثم هتف بحزم قائلاً  :-
- خلصنا قولتلك الصبح

أكملت كلامها بنفس النبره وكأنها لن تستمع إلي أخر حديث له قائلة  :-
  - معوزكاش توديني هروح لحالي

ألقي نظره علي أهلة الجالسين ثم عاد النظر إليها  قائلاً  بنبره أخافتها  :-
- أني مفضيش لحديتك الماسخ ده دوق ما أفتكرتي أبوكي  روحي أقعدي في مطرحك ومتدوشنيش معاكي

هتفت من بين دموعها التي خانتها رغم عنها قائلة :-
- أنت أتغيرت قوي معاي مكتش بالقساوه دي

أبتسم ساخراً علي حديثها ثم أجابها  :-
  - كت بتعامل معاكي بما يرضي الله لما كت مفكرك خايفة عليه وعملالي قيمه وسط حياتي اللي مفيهاش حاجه عدله

أجابتة قائلة  :-
- غلطت وأعترفت بكده ومدتلك يدي تقف جاري وتصلح المعوج وكل اللي مش رايدة لكن زي ما تكون لاقيتها حجه؛ أني هقولك كلمتين بقالي كام يوم رايدة أقولهملك لو عايز تسبني مش هرضي انت أتجوزتني بأرتدك محدش جبرك أني اللي أتجبرت واللي اللي بقولك هكمل برضة حتي لو الدنيا أتهدت أني لقيت سندي وأماني وممبعداش عنه أبداً حتي لو هو رايد أكدية وبيسعي ليه هسعي أني كمان أرجعه أني شوفت ياما وقولتلك قبل سابق احنا ملناش سلطان علي قلوبنا عشان نأمرها تحب مين وتكره مين لكن بأيدنا نغير حياتنا مع اللي نرتاحله وقلبنا ده يطمن معاه

كان يستمع لحديثها بصمت تام وأهتمام وفرحة غامره من داخله فقد سعده حديثها أطلق تنهيدة حاره وهو يراها تختفي من أمامه ثم عاد ليجلس مع عائلتة

                     ★★★★★★     

خرجت إيناس من المنزل إلي الحديقة وجدت عمها جالساً علي المقعد الخشبي يرتشف من كوب الشاي.. ألقت عليه تحية السلام ثم جلست علي المقعد الأخر قائلة :-
- كيفك ياعمي بقالك كام يوم ما مبينش قلقتني عليك

أجابها بهدوء وهو يضع كوب الشاي علي الطاوله الخشبية قائلاً :-
- بخير ياحبيبة عمك كيفك أنتي وكيفه ولدك

أطلقت تنهيدة حاره قائلة  :-
- ولدي بخير و أني كيف مانت شايف وزين أنك جيت ياعمي كت عاوزاك في موضوع

- موضوع ايه يابتي أتكلمي

- عبدالله ياعمي مبقيتش عاوزاه ولا باقية علية رايده أطلق

ندبت والدتها التي أتت إليهم قائلة بنواح :-
- ياميله بختك يادي البت طلاق ايه اللي بتتحدتي عنه ما تتحدت يأبو علي

هتف عمها بهدوء قائلاً  :-
- استني بس يأم إيناس البت حقها تختار اللي يريحها والواد من يوم ما جات ما طلش في وشها مقعدها شبه البيت الوقف لا منها قاعده في داره ولا منه مرسيها علي بر