يهزن بريشهن رجعت السوده نگرتني بديه وهم طلع دم واني ابجي بصوت عالي واصيح زيييييينب
خاللللللدد
خاااااااااااله لحگولي ابجي بهستريا واگمز منظرهم يخوف عبالك مودجاج متوحشات حته ماسويت الهم شي بس دفعتها بسرعه اجه خالد وگال
خالد، ول يابه هاي حته الدجاجات تحارشتي بيهن شنو انت هنه فقيرات بس شوف سويتيلهن
ماسة، يحجي وهو يفتح بالقفص واني ابجي ولازمه اديه والدم يجري منها وتحرگني سحبني من ايدي اجتي عينه عله مكان الجرح عقد حاجبه وگال
خالد، هاي ليش هيج مسويات بيج شسويتي ماسة ميأذن هيج هنه
ماسة، ي اخذت رجلها وكتلتني اشو تقدمن عليه وهاي الحمره تقربت مني تنگر بصابعي بس دفرتها لان ماراحت مني هجمت السوده عليه ونگرتني مرتين بديه
جنت منهاره وخايفه منهن حيل جنت اسمع صوت الدجاج بس ماعبالي عدهم وره البيت
خالد، هههههههه هذا الديج الاسود شرس يابه غير دفعتي مرته اجه هد عليج لعد تردين يعوفج غير ياخذ حگ مرته منج هههههههه
وبعدين مو جنتي تعيب عله غرفتج وتردين مثل غرفه سندريلا هاي الغرفه حلوه گلت اجيبج بيها لان تستحقيها
ماسة، اول مره اشوفه يضحك واني صافنه بوجهه وهو لازم اديه گتله
والله الديج احسن من رجلي اشو يدافع المرته واني ذابني بنص الحيوانات دموعي تنزل واحجي ومتوجعه من اديه بسرعه اختفت ضحكته وگال
خالد، امشي جوه نظفها الج ونعقمها لتتلوث يله
ماسه، يمشي وامشي وراه اول ما دخلت شافتني خاله شهگت گالت
ام خالد، يمه اسم الله الرحمان بنيتي شبيها ايدج وين جنتي
خالد، وگعت بره جانت تريد تغسل الطرمه شفتها وجبتها اضمد اديها
ماسه، بسرعه رفعت وجهي متفاجئه من كلامه بس خزرني بلعت ريگي وسكتت شريد
احجي جاب ديتول احمر مسح ايدي بيها اباوع للجرح شخوط اثنين بالطول بس عميق شويه عبالك بالسكين مشخوطه
طلع لزگات اثنين وخلاهن شفته صعد شويه ونزل كاشخ باللون الاسود ورافع شعره وعطر السابقه احس روحي تنتعش من اشم عطره كلش طيب ونازك مويدوخ بس احسه مميز بيده التلفون والسويج والجگاير اجه باس راس امه وگال
خالد، يمه كلشي لطبخون وصيت من بره راح يوصل الأكل بالدعش حته الخضره والزلاطه لتسوون شي
ام خالد، خوش يمه الله يرزقك ويفتحها بوجهك ان شاء الله
ماسه، باوع بوجهي وخزرني وراح ولاجنه مساعه يضحك والله ياالله صعدت فوگ اگعد البنات تعلمت عليهن اضوج اذا مو هنه يمي
YOU ARE READING
بريئة بين أنياب كافلي
ChickLitرواية جميله ومختلفة تتحدث عن القدر الذي جمع بين ابطال الرواية من محافظتين مختلفتين تحمل الكثير من المعاناة هل ياترئ القدر ينصف المظلوم ام الحظ يبقى للظالم تابعوا معي الأحداث
pert7
Start from the beginning
