ليلي -: ﺷﻮﻑ ﺍﻟﻜﻌﺒﺔ ﺍﻟﻲ ﻣﻌﺎﻩ ، ﺑﻴﺮﻡ ﻃﺎﺡ ﻣﻦ ﻋﻴﻨﻲ ﺷﻮ ﺻﺎﺣﺒﺘﻮ ﺷﻼﺑﺴﺔ ﺭﺑﻊ ﻣﻴﺘﺮﻭ ، ﻛﺎﻥ ﻟﺒﺴﺘﻮ ﺍﻧﺎ ﺭﺍﻱ ﻗﺎﻣﺖ ﺍﻟﻘﻴﺎﻣﺔ
ﻣﺮﻳﻢ -: ﻳﺎ ﺧﺴﺎﺭﺓ ﺍﻟﻜﻴﺮﺍﺗﻴﻦ ﺍﻟﻲ ﻋﻤﻠﺘﻮ ﻓﻲ ﺷﻌﺮﻫﺎ ، ﻳﺎ ﻭﺭﺍﻧﻲ ﻛﻴﻔﺎﻩ ﻓﻲ ﺍﻟﺤﻘﻴﻘﺔ
ﻟﻴﻠﻰ -: ﺯﻋﻤﺔ ﻋﻴﻨﻴﻬﺎ ﺑﻠﺤﻖ ﻭﺍﻻ ﻣﺮﻛﺒﺔ ﻟﻮﻧﺘﻲ ؟
ﺍﺳﻜﻨﺪﺭ -: ﻻ ﻧﻀﻨﻬﺎ ﺑﻠﺤﻖ ﺍﻧﺎ ﺑﻴﺮﻡ ﻣﻴﺼﻮﺣﺒﺶ ﺍﻟﻲ ﻳﺠﻲ
ﻟﻴﻠﻰ -: ﻫﻬﻬﻪ ﺍﻱ ﺍﻱ ، ﺗﻲ ﻛﺎﻥ ﺷﻔﺘﻮﻫﺎ ﺑﻜﺮﻱ ﻛﻴﻔﺎﻩ ﺗﺘﻔﻴﻨﺲ ﺍﻗﺴﻢ ﺑﺎﻟﻠﻪ ﻗﻮﻝ ﻋﻠﻴﺎ ﺣﻤﺔ ﺷﺮﺍﺏ ﻗﺪﺍﻣﻬﺎ
ﻣﺮﻳﻢ -: ﺍﺳﻤﻌﻮﻧﻲ ﺷﻘﻮﻟﻜﻢ ﻧﻔﺪﻟﻜﻮ ﻣﻌﺎﻫﺎ ﺷﻮﻱ ) ﻭﺗﺒﺴﻤﺖ ﺍﻙ ﺗﺒﺴﻴﻤﺔ ﺍﻟﺸﺮ ..ﻣﺴﻜﻴﻨﺔ ﺍﻟﻄﻔﻠﺔ ( ﻭ ﺍﺣﻨﺎ ﻃﻮﻝ ﻓﻬﻤﻨﺎﻫﺎ ﻭ ﺑﺪﻳﻨﺎ ﻧﺨﻄﻄﻮ ،، ﻗﻤﺖ ﺷﻨﻤﺸﻲ ﻧﺠﻴﺒﻠﻬﺎ ﻛﺎﺱ jus ،، ﻫﺰﺗﻮ ﺳﻴﺮﻳﻦ ﻭ ﺑﺪﺍﺕ ﺗﺸﺮﺏ ﻭ ﻧﺮﺍﻭ ﻓﺎﻫﺎ ﻛﻴﻔﺎﻩ ﻭﺟﻬﺎ ﺣﻤﺎﺭ ﻭ ﺧﻀﺎﺭ ﻭ ﺯﺭﺍﻕ ﻭ ﻫﻲ ﺗﺒﻠﻊ ﻭ ﺗﻐﺺ ، ﺣﻄﺖ ﺍﻟﻜﺎﺱ ﻓﻮﻕ ﺍﻟﻄﺎﻭﻟﺔ،، ﺍﺣﻢ ﻣﺎﻭ ﺍﺣﻨﺎ ﻋﺎﻗﻠﻴﻦ ﻋﺎﺩ ﺣﺒﻴﻨﺎ ﻧﻔﺮﺣﻮ ﺑﺎﻫﺎ ﻭ ﺣﻄﻴﻨﺎﻟﻬﺎ ﺷﻮﻳﺔ ﺍﻓﺎﺣﺎﺕ ﻓﻲ ﺍﻝjus ﻣﻦ ﻓﻠﻔﻞ ﺍﻛﺤﻞ ﻟﻼﺣﻤﺮ ﻟﻠﻜﺮﻭﻳﺔ ﻟﻠﺘﺎﺑﻞ ﺷﻴﺨﻨﺎﻩ ﺍﻟﺤﺎﺻﻴﻠﻮ ، ﺍﻟﺠﻤﺎﻋﺔ ﺍﻟﻜﻞ ﻻﺣﻈﻮ ﻋﻼﻫﺎ ، ﻭ ﺍﻧﺎ ﻭ ﺍﺳﻜﻨﺪﺭ ﻭ ﻣﺮﻳﻢ ﻧﻀﺤﻜﻮ ﺗﺤﺖ ﺣﺲ ﻣﺲ،، ﻭ ﻋﻤﻲ ﻭ ﻣﺮﺗﻮ ﻭ ﺩﻳﺪﻱ ﻗﺎﻋﺪﻳﻦ ﻳﻐﺰﺭﻭﻟﻬﺎ ، ﺍﻣﺎ ﺑﻴﺮﻡ ﺷﻠﻖ ﺑﺎﻟﻔﺎﺯﺓ ﺗﻠﻔﺘﻠﻨﺎ ﻳڨﺤﺮ ﻭ ﻫﻮ ﻳﺘﺤﻠﻒ ﻭ ﻳﺘﻜﺘﻒ ، ﺍﻧﺎ ﺟﻤﺪﺕ ﻓﻲ ﺑﻼﺻﺘﻲ ، ﻭ ﻣﺮﻳﻢ ﻣﺴﻜﻴﻨﺔ ﻗﺮﻳﺐ ﺗﺒﻮﻝ ﻋﻠﻰ ﺭﻭﺣﻬﺎ ، ﺍﻣﺎ ﺍﺳﻜﻨﺪﺭ ﺳﻜﺖ ﺧﺎﻃﺮ ﻳﻌﺮﻑ ﺧﻮﻩ ، ﻭ ﺯﻳﺪ ﺍﻧﺎ ﺭﻗﻌﺔ ﻭ ﻣﻨﺤﺸﻤﺶ ﻛﻤﻠﺖ
ﻗﻠﺘﻠﻬﺎ - ﺷﺒﻴﻚ ﺳﻴﺮﻳﻦ ﻛﻤﻞ ﺍﺷﺮﺏ ﻛﺎﺳﻚ ﻣﺴﻜﻴﻨﺔ ﻣﺎ ﻟﻘﺎﺕ ﻗﺎﻣﺖ ﺗﻮﻛﻮﻙ ﻳﺨﻲ ﺑﻴﺮﻡ ﻗﺤﺮﻟﻲ ﻗﺤﺮﺓ ﻣﻮﺕ ﻭ
ﻗﻠﻲ : - ﺩﻳﺠﺎ ﺷﻨﺨﺮﺟﻮ ﻧﺘﻌﺸﺎﻭ ﺍﻟﺒﺮﺍ ، ) ﻭﺗﻠﻔﺘﻠﻬﺎ ( ﻫﻴﺎ ﺳﻴﺮﻳﻨﺘﻲ ﻣﻌﺎﺵ ﺑﻜﺮﻱ ، ﻗﺎﻣﺖ ﺗﺒﻊ ﻓﻴﻪ ﺳﻠﻤﺖ ﻋﻼﻫﻢ ، ﻫﻮﻣﺎ ﺧﺮﺟﻮ ﻣﻨﺎ ﻭ ﺍﺣﻨﺎ ﺍﻝ3 ﺗﻄﺮﺷﻘﻨﺎ ﺑﺎﻟﻀﺤﻚ ﻭ ﻫﻮﻣﺎ ﻓﻬﻤﻮ ﺍﻟﺤﻜﺎﻳﺔ ، ﺩﻳﺪﻱ ﺗﻠﻔﺘﻠﻲ - ﻳﺎ ﻣﻘﺼﻮﻓﺔ ﺍﻟﺮﻗﺒﺔ ﺷﻌﻤﻠﺖ ﻟﻠﻄﻔﻠﺔ ﻣﺴﻜﻴﻨﺔ ﻣﺎﺯﻟﺖ ﻧﻀﺤﻚ ﻭ ﻧﺠﺎﻭﺏ ﻓﺎﻫﺎ - ﻭﺍﻟﻠﻪ ﻳﺎ ﺩﻳﺪﻱ ﻓﺮﺣﻨﺎ ﺑﺎﻫﺎ ﺍﻛﻬﻮ ﻣﻌﻤﻠﻨﺎﺍﻫﺎ ﺷﻲ ﻗﺎﻣﻮ ﻳﻀﺤﻜﻮ ﻭ ﺍﺣﻨﺎ ﻫﺰﻳﻨﺎ ﺭﻭﺍﺣﻨﺎ ﻭ ﻓﺼﻌﻨﺎ ﺍﺵ ﺑﺎﺵ ﻳﻌﺪﻳﻠﻨﺎ ﺍﻟﻠﻴﻠﺔ ﻣﻊ ﺑﻴﺮﻡ ، ﺍﻟﺤﺎﺻﻴﻠﻮ ﺍﻟﻠﻴﻠﺔ ﻟﻴﻠﺘﻨﺎ ﻣﻌﺎﻩ ، ﺍﺳﻜﻨﺪﺭ ﻗﺎﻝ ﺷﻴﺒﺎﺕ ﻓﻲ ﺩﺍﺭ ﺻﺎﺣﺒﻮ ﻭ ﻣﺮﻳﻢ ﻓﺼﻌﺖ ﻟﺪﺍﺭﻫﻢ ﻭ ﺍﻧﺎ ﺷﺎﻭﺭﺕ ﺩﻳﺪﻱ ﻭ ﻣﺸﻴﺖ ﻣﻌﺎﻫﺎ ، ﺑﻴﺮﻡ ﻛﻲ ﻳﺘﺤﻮﻝ ﻣﻌﺎﺵ ﻳﻔﻬﻢ ﺷﻲ ،، ﺗﻌﺪﺍﺗﻠﻨﺎ ﻟﻴﻠﺘﻬﺎ ﺳﻼﻣﺎﺕ ، ﻣﻦ ﻏﺪﻭﺓ ﻣﺸﻴﻨﺎ ﻧﻘﺮﺍﻭ ﻭ ﺭﻭﺡ ﺑﻴﻨﺎ ﺍﺳﻜﻨﺪﺭ ﻟﺪﺍﺭ ﺩﻳﺪﻱ ﻭ ﻏﺎﺩﻱ ﻟﻘﻴﻨﺎ ﺳﻲ ﺑﻴﺮﻡ ﻳﺴﺘﻨﻰ ﻓﻴﻨﺎ
