ملكة الزين

البارت العاشر

بقلم:نانسي محمد📝📝
مي:اي ده
سامر:دا يبقي اخر مفاجأة
مي:مش فاهمه
سامر وقد نزل علي قدماه للأرض وفتح علبة الذهب واتكلم:مي تقبلي تكوني شريكة حياتي وتشاركيني حزنك قبل فرحك
مي وقد دمعت عيناها:موافقه
سامر:هاتي ايدك ولبسها الخاتم في ايديها وقعدوا قصاد المأذون وخالها كمان قعد قصاده
المأذون:بارك الله لكما وبارك عليكما وجمع بينكما في خير
نطقها المأذون وفجأة وقف سامر وشال مي حضنها ولف بيها
سامر بفرحة:مبروك يا قلب سامر
مي:الله يبارك فيك يا حبيبي
سامر:اي انت قولتي اي
مي:بحبك يا سامر بحبك قووووي
سامر شالها ولف بيها تاني من الفرحة و اتكلم :اخيرا نطقتيها انا بعشقك يا قلب سامر
مريم واحمد وتمارا واقفين ومريم عيونها مدمعه
احمد:عقبالك وانا اللي هشيلك الفستان بأيدي
مريم بحزن:لما الشخص اللي بحبه يكون ملكي وليا انا
احمد:يا بنتي انت لسه صغيره علي الهبل ده بس طالما بتحبيه ربنا هيقرب البعيد ويكون ليكي ان شاء الله
مريم:احمد انا مش صغيرة انا مش مريم اللي انت كنت بتشلها علي ايدك وهي صغيرة انا عندي 19 سنه
احمد:هو انا اهبل ما انا عارف انسي الموضوع هي طنط وعمو مش هيجوا
مريم بحزن:لا ماما بس اللي جت لما دخلت الكلية ومشيت بعديها بيومين ومش هيجوا دلوقتي لان عندهم شغل كتير
احمد:انا اخوكي يا مريم وجمبك دايما
مريم:عارف يا احمد ان اخويا بقالي 5 سنين مكلمتهوش ولا سمعت صوته حتي
احمد بزعل مصطنع:اخص عليكي يا مريومتي يعني انا مش كفايه عليكي
مريم :شكرا بجد شكرا علي اللي انت بتعمله معايا
احمد:بس يا بت بقولك اختي يعني انت وتمارا ومي واحد
مريم بدموع حاولت ان تخفيها:اكيد
زين:اي ده مش دي تمارا
ياسين:بتقول حاجه يا زين
زين:لا يا حبيبي مفيش حاجه
تمارا لاحمد:انا هخرج بره وجايه علي طول
احمد:تمام بس متتأخريش
تمارا:حاضر
خرجت تمارا بره وزين شافها وخرج وراها
خرجت تمارا وقعدت علي مقعد في الشارع
جه زين قعد جمبها:زين ازيك
تمارا:اهلا وسهلا نعم
زين:نعم الله عليكي كنت مخنوق وخارج اشم شوية هواء ولقيتك ممكن اقعد معاكي
تمارا:انت قاعد اصلا
زين:شكرا بقولك اي يا تمارا
تمارا:ها
زين:اي رأيك في الجو ده
تمارا بهيام:الجو جميل جدا شكل النجوم حلوه قوووي
زين:اكيد مش احلي منك
تمارا بارتباك :ا ا انا انا لازم امشي سلام مستنتش إجابه من زين وطلعت جري علي الحفله
وزين ابتسم علي طفولتها و دخل هو كمان
عدي اليوم وكلهم فرحانين ما عدا مريم اللي فرحانه لصاحبتها وزعلانه علي حب عمرها اللي مش عارفه هو بيحبها ولا لا ونامت وهي بتعيط
عدي 4 ايام واليوم الخامس بالليل عند مريم التليفون رن
مريم:السلام عليكم
احمد:وعليكم السلام عامل اي يا بطل
مريم:الحمد لله خلصت المنهج من التلخيص بتاعك وهروح انام اهه
احمد:ربنا معاكي يارب انا عايز اقولك حاجه يا مريم
مريم:نعم 
احمد:انا واثق ان مريم اختي هتجيب امتياز لانها مجتهده
مريم بدموع:ان شاء الله مريم اختك هتكون عند حسن ظنك سلام
احمد:مع السلامه
قفل احمد معاها واتكلم:انا بعشقك يا مريم بس مستني السنه دي تخلص وتكوني ليا لاحمد وبس ونام
مي فتحت الواتس وكلمت البنات علي الجروب (اي هري وخلاص 😂😂) وقفلوا ولسه مي هتنام سامر كلمها
مي:الو
سامر:احلي الو سمعتها في حياتي
مي:ما تبطل كذب بقي
سامر:والله بحبك يا بومبه
مي:شكرا يا رجوله
سامر:في واحده تقول لجوزها يا رجوله اشكوا إليك يارب كلها 6 شهور وتبقي في بيتي وهعرفك مين رجوله
مي:غور ياض
سامر:ماشي يا بومبه بحبك
مي:انا اكتر
وقفلوا مع بعض وكله نام
صباح يوم جديد علي جميع ابطالنا لحد
صحيوا البنات وكل واحد ادي فرضه وكل واحده ركبت عربيتها واتوجهوا للجامعه
تمارا:صباح الزفت يارجاله
مي ومريم:فوق رأسك يا قلب الرجاله
تمارا:اي الاخبار الامتحان الساعه كام
مريم: 9 كده فاضل نص ساعه
تمارا:طيب يلا نشرب قهوة علشان  صاحبك خرمان علي الاخر
مي:ومين سمعك يلا بينا
قاموا البنات وشربوا القهوة والساعه جات 9 ودخلوا يمتحنوا
تمارا:اي ده😳😳
نرجع للشباب
زين ادي فرضه واخد ياسين وصله المدرسه وراح علي شغله
سامر ادي فرضه وركب عربيته ووصل الكلية لان الامتحان النهارده بتاعه هو
تمارا:اي ده😳😳
ده نفس الاسئله اللي ذاكرتها من ملزمت احمد وهقفل هيصا
سامر برسميه:دكتورة تمارا الصوت لو سمحتي
تمارا:سوري يا دكتور
خلصوا البنات الامتحان وروحوا البيت وهما فرحانين علشان يذاكروا لباقي المواد
في مكان أخر امام مستشفي مشهور في ألمانيا تجلس حياة والحزن مخيم علي وجهها
فهد مالك يا حياة
حياة:مفيش يا دكتور انا تمام
فهد:هو انا مش قولت بلاش دكتور اسمي فهد زي ما بقولك يا حياة كده علي طول بدون رسميات