_ و عدنالكم تاني أعزائي المشاهدين و مفأجاة الليلة و معانا المذيعة الجميلة صاروخ مصر الاولي قنبلة الشاشة العربيه " ماهيتاب " ....اهلا بيكي ي ماهيتاب منورنا اي الحلاوة و الجمال دا ي ماهي ....
_ اهلا بيك ي مجدي الاستوديو هو اللي منور بوجود صاحبه....
_ مهيتاب عايز اسألك ليه الحوادث الكتيرة اللي بتحصل اليومين دول بسبب برنامجك
" نصائح زوجية" و ليه الستات بتفهمها غلط ....
_ و دي حاجة وحشة ي مجدي ادينا بنعمل خدمة للحكومة و للبلد ....
_ خدمة للحكومة و البلد ازاي ي ماهيتاب فاهمني واحدة واحدة كدا و براحة ...
_ انا اقولك ي مجدي ...
_ اتفضلي ...
_ بص ي مجدي لما جريمة قتل بتحصل مش بكدا بنقلل من عدد الكثافة السكانية و بنخف البلد من الزحمة اللي الواحد مش عارف يمشي فيها دي الشوارع ي مجدي بقت زفت و زحمة اوووي و خانقة و الحكومة زهقت و مش لايقة فلوس تصرف عليهم اهو احنا بنقدم خدمة للمجتمع و الحكومة و بنقلل الكثافة ....
_ و هو ي ماهيتاب عشان نقلل الكثافة لازم كل المقتولين ي عيني يكونوا رجالة مفيش حريم خالص كدا .....
_يووه ي مجدي انت هتقر ي خوياا ع الحريم هو حظهم كدا و بعدين دا قضاء و قدر هتعترض ع حكمة ربنا ولا اي ي مجدي دا انت راجل مؤمن....
_ لا لا مش هعترض ع حكمة ربنا ابدا ي ماهيتاب عندك حق و بردو نظرية ....
_ طيب كلميني ي ماهي عن المرأة و ازاي الراجل يتقي شرها و يتعامل معاها ازاي علشان احنا زهقنا بجد و مش عارفين نتعامل معاكوا ازاي ي ستات مصر
_ انت ي مجدي عايزني اتكلم عن المرأة كدا بالساهل
لا ي حبيبي دا انت محتاج كتب و مراجع و دنياا عشان تعرف تتعامل معاها هي بتفكر ازاي والصراحة بردو محدش بيتوقعها ابداا....
_ ليه يعني محدش بيتوقعها ابدا ليه هي جاكي شان ي ستي ....
_ اهو احنا جاكي شان موتوا بغيظكم ي مجدي ...
_ طب مدام الست محدش يتوقعها الرجل يبقي اي ي مهيتاب....
_ هههههههههه الراجل دا بيبقي عبارة عن صفحة ف كراسة عيل صغير بيتعلم الكتابة تقدر تقرأها بسهولة و هو الراجل عايز اي غير كلمة حلوة واكلة حلوة وشوية دلع وحنان ي مجدييييي......
_ طب لو الراجل عمل كدا للست هيقدر يفهمها و يتقي شرها و نخلص كلنا ي ماهيتاب....
_ لا لا لا اوعي ي نهار ابيض انت اتجننت ولا اي انت عارف ي مجدي لو الراجل عمل كدا لمراته اي اللي هيحصل اوعوا ي رجالة تعملوا كدا دا عايز يوديكوا ورا الشمس ...
_ اي اللي هيحصل ي ماهي؟؟
_ هتفكر انه بيخونها.....و بتالي هتسود عيشة اللي جابوا....
