خطايا الماضي

البارت السادس

# البارت السادس
 #خطايا الماضي
#فينوز
❦ ═════════ •⊰❂⊱• ════════ ❦

دزيته بزر واحد بس احظره قربت اصبعي احظره بس مكدرت جاوب ؛يا احمد هذا

اوووف هسه اني ليش ما احظره واخلص رديت اله _و انت شعليك مو على اساس تعرف كلشي عني

شي غريب معلقني بيه شي مجهول يجبرني ارد على رسائله

هذا منو احمد الثاني بس لا هذا الساعدهم بالنقل دباع شترد انت شعليك وين الادب بشارع مبينه مؤدبه وفقيره

هنا السانه يوصل اذانه حرت شرد كتبت: شنو شعليه؟ وهذا منو احمد لالا ليش اكتب شنو خل امسحه مسحته دزيت الرساله صفنت مكتبت شي وهي قرته !

بينتله هي تعنيلي بلكت تصدك شويه عاد مو شلعته لكلبي اول بنيه تشلعه لكلبي لاهي الحاظرتني ولاهي المحاجيتني

من كلامه يتدخل بحياتي ويريد يصقل روحه كوه بحياتي وفوكاه يجذب

فار دمي عليه اني من يفور دمي احجي شاطي باطي وما اهتم للأحجيه عادي احجي واطول السان بس

بالواقع  وجها لوجه لا ابقه ساكته بس بمحادثه محد يكدرلي

؛يااا جذاب وتجذب وتكول منو احمد لك جوزز من هالسوالف ميسويه غير ابن شارع وعيب عليك انت ابن عائله

شنو تقصد فاتحلي حساب جذبي وحاطلي صورة بنيه طفله ومسمي روحك محمد من تكريت من عمت عين
الجذب اي والله كملته رجعت اراجع الكتبته

؛تكتبين جريد ؟
كملتي هالجريد
ممكمله قرايته دزيته وايدي ترجف اكل بشفايفي دقيقه مرت وبعد مرد رد

اسمع شتكول ابن شارع رديت خلي اخوفه شويه
؛منو ابن شارررع؟؟
؛احممممد لا تغبي روحك

؛يابه والعباس مو احمددد ومنو ابن شارع
؛وبعده يجذب
؛والحسين والحسن مو احمد ، جاوبي عليمن ابن شاررررع هااا؟؟!

شفت رسالته تلبكت والخوف تملكني، هذا خاف صدك مو احمد ونوب اتورط طلعت من الماسنجر رحت على الواتساب اتصلت على مروه

اتاكد اذا هاي صفحته او لا وطلعت لا اجاك الموت يا تارك الصلاة هسه هذا منو لعد اساسا معندي وياه صديق مشترك

واصدقائي بس الاعرفهم حرت وبديت اطلع احتمالاً لأعرف منو هذا صار راسي هالكبره دخت يربي هذا منو
ونوب شكله معصب هسه عفت كلشي ولزكت ع ابن شارع اني بنت شارع بس اسكت

احسن شي اسويه امسح الماسنجر من الاساس هيج ارتاح على كولتهم الباب اليجيك منه ريح سده واستريح

مسحت الماسنجر وطفيت النت لفيت راسي ونمت كعدت ثاني يوم من الصبح كعدتني امي غسلت وجهي
تريكت سرحت شعري سوية ذيل حصان ورحنه اني