خل احجيلكم عن قصتي .هي قصه تسمعوها فقط ب الحكايات وتشوفونها فقط ب مسلسلات ولا وحده تخيلت تعيش هل تجربه
خلي اعرفكم عن نفسي !
انه مريم عمري ١٩سنه مضى على هاي القصه ٣سنوات الان عمري ٢١سنه
لمهم نرجع القصه مالتنه
يعني رجع للزمن لقبل ٣سنوات
جنت بنيه عاديه موكلش طويله ناعمه شعري اسود عيوني شهل هنه احله شي بوجهي عيوني بيضه
عائلتي متكونه من ٤ولد واخت وحده وبابا وماما
بابه مفوض بشرطه ومامه ربت بيت اخوي طالب سادس لمفووض كليه بس تعرفون لولد موكلش يحبون الدراسه لمهم انه الثانيه والبقيه كلهم ب المدارس
لاحداث بدت من اول مانجحت من الخامس للسادس
بابه رفض يدخلني دورات لان جانت غاليه ويكول اخوج مجاب درجه يعني دورات ماكو رغم انه زينه بمدرسه جنت مخططه اطلع من سادس بمعدل عالي بس ممخليه بالي كليه
تفكيري فقط اطلع من السادس واجيب معدل عالي يفتخر بيه بابه
*بابه خل ادخل دوات فدوه مالي شغل باخوي ليش هيج تحكم مصيري بسببه
بابا :انجبي ماكو اخوج اطيته فلوس ودخلته ماكو مجاب نتيجه انتم كلكم فاشلين مابيك خير
رحت لامي بمطبخ وابجي والحسره بكلبي احس نتهيت
مامه فدوه اروحلج حاجي بابه مدام بل بدايه اريد ادخل دورات واقره
ماما :شسويله يعني قافل كلش بس هم احاجيه
راحت امي للغرفه تحجي وياه
بابا :اسكتي انتي انه الفلوس ماجايبه بسهوله بتعب وسهر
همه مابيهم خير كلهم
اني من سمعت احس نهد حيلي
شايفين من تشوفون حلمكم يتلاشه كبالكم وانتم متكدرون
تمنيت بوقتها لله خالقني ولد ع اقل اطلع اشتغل اشوف شغله اجمع ولا هيج ابو تطلب منه ميطيك
بس ماكو مافيده خلص كلشي حسره بكلبي ودمعه بطرف عيني
اطلع بليل اشوف السما والقمر واضل اعاتب ربي ليش هيج
جنت ه فطرتي اتمنى معجزه تصير
لمهم راح يبدي العام الدراسي
بابا:مريم وينج اكلج اصدقائي كتلهم بتي بسادس اعدادي ومادخلتها دورات كالو مدرسه اهليه زينه اسمها .....
اني :ي بابه سمعت صديقتي راح تدخلت بيها
لاب :ي انه راح ادخلج اقساطها مليونين وميه
