معلومات مهمة
الاولى....... هية لا تتأثر بالكلام الحلوو دوم نسمع عن الحب والرومانسية دوم نسمع الكلام بالحب وحلاوة الكلام احبك وتحبني وبعد فترة النتيجة تلكون البنت كاعدة تبجي والولد راح يضحك علة بنت ثانية او البنت تزوجت من ابن عمها والولد دخل حالة صدمة والسبب التعلق الزائد والتعويد ع الكلام الحلو اما المواقف محد يذكرها لان اكثر قصص الحب الفاشلة مبنية علة كلام حلو فقط وماكو اي موقف يذكر
ومثال علة ذلك السكر وهوة مادة حلوة دوم نستخدمها للحلويات واكثر الناس تحب الحلويات زين فكر شوية لو انته اكثرت من تناول هاي الحلويات بعد فترة رح تنحرم منها والسبب اصابتك بداء السكري وهذا الشي رح يخليك تبتعد عن الشي الي تحبة وهية الحلويات كذالك بعض العلاقات لازم ما تنجرف ورة الحلووو لان رح يجي اليوم الي تندم علة كل كلمة حلوة صدقتها خذو العلاقات من افواه المواقف لا بالكلام الحلوو
ثاني معلومة او نصيحة.......
النصيحة الجارحة انته من ترتكب خطأ والخطا ما ينغفر يمكن تخون ثقة شخص او تخذل شخص الخ.....
رح يجي شخص وينصحك بطريقة تجرحك وتأذيك تخليك تكره هذا الشخص وتحسه يكرهك بس بالحقيقة هوة نصحك ومن وجهة نظره هاي الطريقة المناسبة للكلام وياك
مثال على ذلك الملح الكل ما يحب ياكل الملح وحده لان طعمة مو حلوو لكن بالحقيقة هوة ما يكدر يستغني عنه طول اليوم يستخدمة اثناء الافطار والغداء والعشاء واذا ما تناولت طعام يحتوي علة الملح اكيد رح يصير عندك هبوك بالضغط
وهنا العبرة يعني مرات يكون كلام الناس جارح بس انته ما تكدر تستغني عنه لان هوة الي رح يضيف لشخصيتك التكامل اسمع النصيحة واترك كلام الناس الي يحبك ينصك حتة ما تكع بالغلط
