هلو چايز مو لازم مقدمات نبدأ على طول
وأخيرا وصلنا..!!
شهد تهمس لـ لمار : لـمـور جوعانه!!
لمار تصور أظافرها وتحطهن ستوري بـ سناب وبدون ما تناظرها : وش أسوي؟ انتظري شوي لين ما نوصل
شهد : ما اروم والله جوعانه ما تريقت
لمار بملل منها لان صار لها ساعة تحن عـ رأسها وصرخت : خلود!!
خالد : اسمي خالد لو سمحتي
لمار تتأفف : هففف انزين خالد خالد
خالد يضحك : هيه تسنعي خير وش تبي؟
لمار : شهود جوعانه متى بنوصل
خالد يناظرهم من المرايه اللي فوق : انتظرن بعدنا مطولين
لمار تأشر عـ شهد : والله عاد تفاهم معها تقول جوعانه ما تريقت
لؤي يضحك : ما ألومها من الحماس من صباح الله خير تناقزن إنتي وإياها
لمار : وش دخلني الحين المهم خويلد اقصد خالد حبيبي نزلنا البقالة ولفت ع البنات بنات بتنزلن؟
أثير : أنا عن نفسي مع شهود بطني يطلع اصوات من الجوع
نور بضحك : عاد اثير كل دقيقتين تجوع
لؤي بـ فضول رفع رأسه يناظرها بس ميره جالسه قدامها ومغطية عليها
خالد يضحك وبهمس : بس فضحتنا تراك
لؤي يحرك رأسه عشان يشوفها بس ماشي فايده : اسكت عني
خالد يضحك : بسويلك خدمة تشكرني عليها
لؤي بسرعه : وش؟
خالد يضحك : ههههه شوي شوي ووقف قريب من البقالة يلا اللي بينزل لا تتأخرن ولا أقول لؤي وش رايك ننزل نحن بعد وغمز له
لؤي بسرعه : خلا بننزل لا يحسبوهن ارهابيات وش كثرهن
لمار : افتح الباب اقول بس
لؤي : حاظر عمتي
فتحوا لهن الباب ونزلن
أما فـ باص الشباب
اسامة : شباب تراهم وقفوا عند البقالة بتنزلوا؟
فهد وناصر اللي منسدحين من تعب الرقص جلسوا بسرعه ومع بعض : هيه بننزل
أنت تقرأ
أيهم أختار
Romanceروايتي الأولى عُمانية عن بنت يتيمة خسرت أهلها في حادث وتعيش في دار الأيتام إلى أن يجدها عمها ويأخذها معه فيقع أولاده التوأم في حبها فمن منهم سوف تختار؟؟؟.. # للكاتبه : ﻏﻧﯾھ ﺑﻧﻓ๛ـي ،،