هلللو رمضان كريم
اشتقتولي
يله لتسكوووونجمه و تعليق بين الفقرات حتى انشر اسرع
سويت ريوك و صعدت حتى انطيه فتحت الباب
و توقفت لثانيه وتجمدت من سمعته يحجي بالتلفون و يكول"ههههههههههههه اصلاً راح اطلكها ولا شي بالنسبه الي"
———————————————————————————-
من سمعت هاي الجمله سديت الباب و خليت الاكل بالمطبخ و رحت لغرفه فرح
ذبيت روحي على الجربايه بقيت ابجي
اوكي خلينا نتفق اني اريد اطلك واني فرحانه لان راح ارجع اداوم بالجامعه و ارجع لطبيعتي
يعني لو كايلي اطلق راح اقبل وما اتردد لثانيه
بس هيج يكولها و اني ولا شي بالنسبه اله لا وفوكاها فرحان
صح بديت انعجب بيه بس الي سمعته زاد كرهي وانمحه اعجابيجبل:صارلي ساعه اصيحلج وانتي نايمه هنا
فاتنة ما ردت ولا دارت وجها اله
جبل:مو جاي احجي وياج دوري وجهج ،بعصبيه
فاتنة:شتريد هسه تحاسبني لان نايمه؟
جبل:شكو ليش ما كلتي الريوك بالغرفه ومن اصيحلج ما تجاوبين خيرر ؟
فاتنة: معليك
جبل:معليه شنننو شنوو ؟
فاتنة:اي انته مو كلما اسئلك تكول معليج اني هم اكول معليك لا تدخل بعد بحياتي
جبل:شنو تخبلتي لو شنو الموضوع
فاتنة:شوو وخر
،لفت حجابها عدل وتريد تطلع من الغرفه و لزمها
جبل:شنو هذا الاسلوب هااااا
فاتنة:كككااافي خلللص لا تدخخل بيه
جبل:نصي صوتج لا اكسرج
فاتنة:كافي يا اخي جزعت جزعت تعرف شنو يعني خلاص عوفني روحي جيبلك وحده تكدر تستحملك انيي ما اكدر اعلنت استسلامي
من سمعتها هيج تحجي و اسلوبها المستفز لزمت ايدها و لويتها حيل بكل قوتي اريد اسمع صوت المها
فاتنة:يعني هسه تريدني اصيح من هيج لاوي ايدي ؟لا تنسه اني اكدر ادافع على روحي لان تعلمت اذا رجال اعترضلي ادافع عن روحي
بس ما اشوف اكو رجال ف راح اسكتجبل:منو الي ماكو رجال شو طالعه عينج و لسانج طويل شكووووو خيررررر شبيييج هاااا؟ بصياح
الحجيه:بسمالله خير شكو شبيكم صوتكم وصل للجوارين
جبل:شوفيها حجيه لسانها صاير شطوله يرادلها تربيه خربتيها من الدلال
الحجيه:شكو شبيج يمه احجيلي احجيلي
فاتنة:ماكو شي الصبح سويت ريوك و خليته بالمطبخ و ما صحتله رحت للغرفه و غفيت ما حسيت بروحي واجه هو يهجم عليه
![](https://img.wattpad.com/cover/259319062-288-k657419.jpg)
YOU ARE READING
الدكتوره زوجة الشيخ!
Romanceهي في الجامعة مُلفته الأنظار بجمالها وذكائها و اخلاقها و قوة شخصيتها ماذا يحدث بين ليلة و ضحاها تُجبر على الزواج من رجل لا بل شيخ الشيوخ حياتُها و احلامها و زمانها مختلف جذرياً عن عالمهم وعن حياتهم ___________________________________________ الرو...