لم أعد أرغب بالتمسك
أصبحت أفلت ألأشياء من يدي وأنا أريدها
.
.
ملك ،،، اني ابدا مشكيت بااحمد حتئ بعد مشفت
الاثر علئ جسده لانو اني متاكدة احمد تعرض
للاعتداء ماعتدئ كوني امتلك خبرة واسعه بهل
مجال سهل جدا اعرف واتخيل الي صار من خلال
هل دليل الي علئ ضهر احمد انو هوة الضحية
لكن اني نقهرة عليه رجل شاب مثل
احمد بعز شبابه حلو وغني كان عندة الزمان
والمكان المناسب للخيانه مكنت راح اعرف لو هوة
محاول يخفي الموضوع كانت الخيانه تصيح الو
وهوة يهرب منها اذا كنت احبه اليوم زاد حبه اضعاف
وعذرته وتفهمت كل شيئ صار. ذاك اليوم
فدوة العمرة حبيبي كنت واقفه بالمطبخ. ودخلت
ندئ تبجي. شفتها نصدمت اعرف اكو مشاكل
بينها وبين علي بس متوصل لهل مرحله
ملك ،،، ها ها خير شكو رجعو توم وجيري
ندئ. ،،، اوف شيخه والله مليت وين انطي وجهي
ملك ،،، شششش اسكتي شيخ جوة. شبيكم تخبلتو
ندئ. ،،، ملك تعبت والله تعبت شنو اسوي
ميعجبه ابد متفاهمنا علئ شغله فد يوم اذا
اني اكول غرب هوة يكول شرق اني جيت اريد
منج الحل احجي ويه اخوج والله تعبت اروح
لاهلي. يكلون هاذا رجلج تحملي ارجع لبيتي مناكر
من يدخل لحد ميطلع بس فهميني شسوي.
ملك ،،، راح اسئلك كم سؤال واريد منك جواب
ندئ. ،،، ماشي.
ملك ،،، انتي عندج نيه تنفصلين عن علي لانو اذا
حابه تتركيه مايفيد الحجي وياج
ندئ. ،،، لا ابدا وحتئ لو اريد مستحيل اهلي يقبلون
ملك ،،، حلو. زين انتي تردين ترضين علي
وتستقر حياتكم.
ندئ. ،،، اي لعد شريد ياعيني
ملك ،،، طيب علي مقصر وياج بشيئ
ندئ. ،،، لا والله بس مانتفهم ومن اريد شيئ
يعاندني.
ملك ،،، ماشي. اسمعي هل قصه وبعدها. ترجعين
لبيتج وعلي خلي عليه.
ندئ. ،،، ماشي.
ملك ،،، يوم من الايام اكو مراة كلش تحب بيتها
